#حسنه
بسطت بالارض بعد ماالي حيل اوكف يمه عبود ياربي عيني ماالي غيره😭
لشوي وطلع الدكتور :
البقاء بحياتكم توفى عبد الله
الزلم تصيح انا لله وانا اليه راجعون
حسنه: يبووووي يبووووووي نهجم بيتي 🙆🏻♀️🙅🏻♀️ 😭
ولك عبود عفت اهلك علمودي
هسه تعوفني
عبووووود بعد بيتي اخذني وياك
مااريد دنيا بلياك 😭😭😭😭
#ابو مهند
عبد الله عمره مااذه احد المنا موته
فقدت حسنه عافت عباتها وحجابها وتدك على راسها وجهه ومعذور لان محد يضحي مثل عبد الله لجلها :
كومي خيه مو زين ذكري الله
حسنه: ماالي غير الله بعد عيني ليش كصيت روحي مني خويه اريد عبود ماالي عيشه بلياه
لشوي وطلعو بسديه مغطه واخوانه يدفعوه وكلها ذبت عكلها وتبجي
خويه عبد الله كسرت اظهورنا
ماطلعت منك الرديه
#محمد
اذانه حيل موت ابو نجمه بجينه عليه اكثر من اهلنه حبيناه انسان خايف الله تذكرت نجمه لازم تودعه
ركضت
#نجمه
قلبي انعصر دخيلك ياعلي اجيت اخابر على امي والباب اندك
منو ؟
محمد :فتحي نجمه
نجمه فتحت واباوع لمحمد عيونه حمر 😱كون ابوي صار علي شي :
ولك محمد احجي قلبي معصور
محمد: البقاء بحياتج نجمه كعدت بالارض :
بويه عبوووووود بويه لاتعوفني اريد اسولف وياك بويه
اجو اصحاب الفندق
محمد :نعتذر اسف خويه والدها مات وصعبه عليها
انقهرو عليها
نزلتها وفرحه وحسين :
روحي نجمه ودعي ابوج انا الزمهم
#نجمه
ماالي عين اودع ابوي
دخلت وامي حسنه بالكاع وخالي يذب عليها الحجاب
نجمه:خالي وين ابووووي
خالي واضرب على صدره
اشرلي ومااله عين يباوعلي
ركضت شبكت ابوي:
بويه عبود كوم تدري بيه بعدك انكسر وعفتني مارجيتها منك عبود
بووووويه بووووويه😭
شبكني عمي ابو حازم وطلعني
ابو حازم: مهو زين بويه اتاذين ابوج هجي
نجمه: اذي ابوي !
ابوي اذاني من عافني بلا سند ماكال من الها مو يكلي ماخليج بعازت احد
بويه اني هسه معتازتك
طلعوني يم امي
خالي اخذنه كملو اوراقه ودوه للمغيسل
عمامي رفضو نتكرب اني وامي
كفنوه واخذو الجنازه للنجف
#محمد
صوت نجمه مرد قلبي عمري مانزلتلي دمعه بجيت بحركه صدك البت عكب ابوها ذليله
بس ماعوفنجن يانجمه 😔
طلع خالهم واخذهم واخذ الجهال
احنه بعد ماالنه ظله
السيد: يالله يبه انروح للديره ورانه عزه
نجمه خالي لم غراضنه واجو مهند واحمد والبنات وام مهند بس اني مو بحالهم
دمعتي مانشفت
وحمل السياره ورحنه للديره لكينه العزه منصوب
نزلنه ماالي عين ادخل الدار المابيها
طولك بويه تلكونه نسوان الديره لطم وصريخ
نجمه: تلطمون على شني انتو الرايحلكم العزيز ولكم ابوي ابوي تعرفون شني ابوي
#ام مهند
نجمه فقدت وتدك على وجهها صدك حسيت بالذنب السويته بيها لاول مره احسها نكسرت
دخلت مرة السيد
حطوو بالنجف دلال .. طب راعي العزوبية ..
يبوووووووي
صدك راعي المروه حمل وشال
وصدك راعي المروه حمل وشال
يبووووي
ام مهند يجون يذبون كولات وحسنه ونجمه راح يموتون من اللطم نجمه وجهها ورم من اللطم
صحت البنات جريتها وكتلهم لاتعوفوها غسلولها ونامت
ام مهندوصحت: يالخيرات مو هجي حرام عليكم الميت اله الرحمه القرأن مو ماتو اهله كافي مصابهم
سكتو بس ماعجبهم كلامي
🤔😒😕😏😏
خيه منين هل المره
من المدينه ماتشوفيها 😏ماعاجبها
جا خيه هي الفاتحه بدون لطم شلزومها
#ابو مهند
خلصت الفاتحه بس ماعفت اختي وحتى ولدي ماقبلو يرجعون ظلينه يمها للاربعين نحاول نسيها هو صح العزيز ماينسي بس تلتهي شوي
البنات ويه نجمه خففو حزنهم
#نجمه
بنات خالي ماعافونه امي كلتلهم روحو ماعلينه شي
بس مارضو كالو للاربعين نزور ونرجع مناك
#مهند
نجمه كل ماالها تحلى بعيني
الي خلقها ابدع بجمالها بنت ريف وبسيطه وجميله بشكل
والاسود طالعه بيه مثل الليل والكمر وجهه ماينلام عمي عبود من سماج نجمه
#ام مهند
اشوف نظرات مهند واحمد اخاف بزايد ياربي شسوي مو لان مااعرف اصلها بس هم مااكدر اخذها لواحد منهم خاف يتذابحون هي حلوه وهسه مكسوره واني مااريد اظلمها خلي اتفض الاربعين
والزمهم واحاجيهم لازم اخلي حل
حسنه: يمه كعدي نجمه وكعدي البنات تحظرو باجر الفجر نطلع
نجمه :يمه راح اشوف ابوي
بس جوى التراب 😭😭
ام مهند: خيه حسنه اني اكول لاتاخذين نجمه تظل يم الجهال
مو زين عليها تدخل المكابر
حسنه: عذريني خيه بنتي لازم يسمع صوت ابوها وهسه ينتظرها
#ابو مهند
حظرت كوستر النا للزياره بس بيت السيد كالو انروح احنه لاتحسب احنه نجيب سياره ولاتحسبون لشي
وفعلآ الفجر وكفت السياره بالباب وماخذين الخبز والجاي والاكل اشكال
فعلا اهل الديره عدهم غيره ونخوه
صعدنه كلنا واجو السيد ومرته ومحمد طبعآ السيد عنده خير من الله ولد بس هل الولد ويانه دائمآ ماتركنه
كولو ياالله
يالله يانسوان فضوها 😡
#محمد
كعدت بالصدر اني( والدي علمود مانشاركهم كاعائله ياخذون راحتهم
صعدو واخر شي اجت نجمه كوى تمشي وجها اصفر وصلت يم السياره وطاحت
طفرت ونسيت اهلها
ركضو اهلها عليها
طاح حجابها وشعرها يخبل على الوجه والعيون ذابله
اويلي بويه روحي راحت كون هسه محد يلومني اشيلهت واركض بيها
💔💔
غسلولها اهله
فزت وصرت تجي ويانه
(موت الوالد ياناس يهد الحيل
ربي مايفجع احد بوالده وينطي الصبر للفقدو ابائهم )
البارت القادم البارت الاخير يارح يكون مصير نجمه بيه والقصه بيها عبره ان شاء الله الكل يستفاد وياريت منكم الي يقره يعلق ترى مخسران شي بالتوفيق للجميع😘
