جسد بلا روح - الكاتبة فاطمه هشام

الفصل السابع

*طبعا ملك تكون مبسوطة اوى انها اتكلمت مع خالها ورحمة وتفتكر احلى ذكريات ف عمرها وتدخل اوضتها وتبص لسما وتكلم ماماتها*
ملك:وحشتينى اوى ياماما وحشنى حضنك تعرفى ان بابا كمان مبقاش يخدنى ف حضنه زى زمان وحشنى الاحساس بالامان اوى ياماما ,كان نفسى تكونى عايشة دلوقتى اكيد ماكنش حصل فيا كدا ولا حد كان قدر يعمل معايا كدا *الدموع تنزل ع خدها*:ربنا يرحمك *ولسه كانت هتنام ع سريرها تلاقى الباب بيخبط ترد بخوف*:مين!!
مجدى:انا ياحبيبتى افتحى
ملك*قامت بسرعة وفتحت الباب*:بابا ف حاجة
مجدى*ابتسم*:لا مفيش بس وحشتينى قولت اجى اقعد معاكى شوية
ملك:تعالى يابابا طبعا ادخل *وقعدوا سوى*
مجدى:ملك انا عارف انك مش بتشوفينى كتير بس صدقينى انا بعمل ده عشان ابنيلك مستقبلك انا حطتلك فلوس ف البنك ان شاء الله هتعيشك كويس ولسه هضيف عليهم كمان
ملك:بابا انا كل اليهمنى انك تبقى كويس وبخير فلوس الدنيا دى مش فارقة معايا انت اهم حاجة عندى
مجدى*ابتسم*:ربنا يخليكى ليا ياحبيبتى وافرح بيكى واشوفك عروسة ,نفسى اوى ياملك اشوفك عروسة قبل ما.. *ولسه هيكمل*
ملك:لا يابابا بعد الشر عليك ان شاء الله هتعيش لحد ما تشوف عيال عيالى ,بس ادعيلى انت
مجدى:ربنا يكرمك يا بنتى ويجعل نصيبك ف واحد ابن حلال ومحترم يحافظ عليكى ويصونك العمر كله
ملك*ابتسمت*:عيزاه يبقى شبهك اوى يا بابا
مجدى:ايه ده انتى شيفانى حلو
ملك*بهزار*:طبعا ده انت قمر يابابا *وفضلوا يهزروا ويضحكوا*
مجدى:طيب اسيبك تنامى بقى *وقام ولسه هيمشى*
ملك*بتردد*:بابا ممكن تنام جمبى النهاردة
مجدى* وقف وبصلها بستغراب*:يـــــــاه ياملك انتى عمرك ما طلبتى منى الطلب ده حتى م وانتى صغيرة
ملك:بس انا حاسة انى محتاجة ده دلوقتى ,ممكن يابابا
مجدى*ابتسملها*:طبعا ياحبيبتى *وخدها ف حضنه وباس راسها*:يلا نامى ,تصبحى ع خير
ملك*ابتسمت حست انها لاول مرة هتنام مطمنة ف البيت ده وانها مش خايفة م اى حاجة ولا اى حد كانت واثقة ان باباها معاها وهيحميها م شــر خالد,واتبسطت اكتر انها كانت لسه بتكلم ماماتها ف ان وحشها حضنها حست وقتها انها كانت سمعها ,وراحت ف سابع نومة *وتصحى ملك الصبح تحس بحاجة غريبة ,افتكرت باباها وابتسمت*:صباخ الخير يابابا
خالد*وهو قاعد جمبها وبيلمس شعرها*:انا مش بابا *وبصلها بخبث*:انا خــالد
ملك*اول ما سمعت صوته اتخضت وبعدت عنه وخبت جسمها بالبطنية*:خــ ــ ــالد انت ازاى دخلت هنا؟
خالد*بستفزاز*:شوفت عم مجدى وهو خارج م اوضتك وقفلوا عادى مش بالمفتاح فقولت ان الباب مفتوح ف دخلت اشوفك*وقرب ناحيتها شوية*:ايه ياملك خايفة منى ده انتى زى اختى
ملك*كانت خايفة اوى وابتدى قلبها يدق جامد من الرعب ومش عارفة تتكلم*
خالد*موبايله يرن*:يوووه مش وقتك *وبص ل ملك*:انتــى اهـــم *وطلع م جيبه الكيكة البتحبها*:شوفتى كمان جبتلك ايه عشان تعرفى انك ديما ف بالى
ملك*اول ما شافت كدا اضايقت اوى ودموعها نازلة ع خدها زى المطر وخصوصا انها افتكرت حركاته واسلوبه معاها لما كانت صغيرة*
خالد*موبايله يرن تانى*:ده انتى زنانة *ويرد*:افندم ياخلود
خلود:خالد انت مبتردش عليا ليه!!
خالد:ما قولتلك خلاص كل ال بينا انتهى ,بــــــــح اتبخر بقى ف الهواء
خلود:خالد انا بحبك ليه بتعمل كدا فيا ,ده انا كنت بعملك كل ال انت عايزه ده انت عمرك ما طلبت طلب وانا رفضتوا ,كانت بحاول ابسطك واريحك ع قد مقدر ,تقوم تعمل فيا كدا,ليـــــــــــــه
خالد*بص لقه ملك موجودة معاه حس انه مش هيعرف يتكلم وخرج م الاوضة واول ما خرج ملك قامت بسرعة وقفلت الباب وراه وقعدت تعيط وقالت لنفسها اكيد خلود دى ضحية م ضحياك,ربنا يخدلنا حقنا منك ,,ودخل اوضته وكمل كلاموا*:بصى ياخوخة احنا قضينا وقت لطيف مع بعض وخلاص خلص وقتك
خلود:انت بتكلمنى كدا ليه ياخالد ,انت ماكنتش كدا
خالد:بطلى الكلام ده بقى ,ياستى ان شاء الله هتلاقى واحد غيرى يهنيكى ويسعدك بس ادعى بقى انى ماكنش عارفوا عشان لو سألنى عليكى هقولوا ع كل حاجة كانت بينا ,يلا بــاى يـــا..خوخة *وقفل معاها وشغل اغانى وقعد يرقص ويحضر نفسه عشان خارج وماكنش فارق معاه*
ملك*بعد اللحظة دى قررت تخلى بالها اكتر وبقت تتأكد ان الباب مقفول وتطمن بكدا ,وف يوم تكون ملك رايحة الدرس ومجدى وصفاء يكونوا قاعديين مع بعض*
ملك*قربت م باباها وباسته*:بابا انا نازلة الدرس عايز حاجة
مجدى:لا ياحبيبتى ,بس خلى بالك ع نفسك
ملك*بصت لصفاء وقالت بتردد*:عايزة حاجة ياطـ ,ياماما
صفاء*بأبتسامة مزيفة*:لا ياملوكة بس خلى بالك ع نفسك احنا كل العايزينه انك تبقى بخير
ملك*كانت حاسة انها مش مصدقة كلامها بس ماهتمتش ومشيت ولسه هتخرج لقت مجدى جى وراها*
مجدى:استنى ياملك *وطلع فلوس*:خدى ياحبيبتى عشان لو عوزتى تشترى حاجة
ملك:ما انا معايا يابابا
مجدى:لا خدى برده يمكن يحصل ظرف ولا حاجة فتحتاجيهم *وبصلها وابتسم*:وانا مبسوط منك جدا انك بدأتى تقولى لصفاء ياماما وتعوضيها عن احساسها بالامومة عشان هى كانت مضايقة اوى انا فخور بيكى هى دى بنتى ملك
ملك*بصت لباباها وحاولت تدارى حزنها لسبب الخلاها تقولها الكلمة دى وقالت بتنهيدة*:ربنا يخليك ليا يابابا ,هنزل بقى عشان متأخرش سلام *ونزلت ملك ورجع مجدى قعد مع صفاء وبص ع اوضتها لقاها مقفولة بالمفتاح*
مجدى*بحيرة*:انا مش عارف ملك بقت تقفل الباب ليه ع طول كدا
صفاء:ايه المشكلة عادى يعنى!
مجدى*بشك*:مش عارف حاسس انى مستغرب الموضوع ده ليه بتعمل كدا وكمان دى بتقفلوا وهى جوه او وهى برة مش بس وهى نايمة
صفاء*بتحاول تقنعوا*:عشان اى بنت ف سنها بتبقى كدا ,ايه يامجدى انت شايفها صغيرة ولا ايه لا خلاص هى دلوقتى ف السن ال بتبقى ليها خصوصيتها وحياتها الخاصة وحابة تعيشها بمزجها وع طريقتها اى بنت ف سنها بتعمل كدا واكتر م كدا كمان,ملك كبرت يامجدى وكلها سنتين وتدخل الجامعة وبعديها بكام سنة مش بعيد تتخطب وتجوز
مجدى*بفرحة*:يــــــــــاه نفسى اشوف اليوم ده اوى واوصلها بأيدى لعريسها
صفاء*تبصلوا بغيظ وتكون مضايقة بأن ملك ممكن تعيش حياه سعيدة وتجوز وتخلف*:مسيرك تشوفوا
*وقعدوا يتكلموا مع بعض وكانت ملك حياتها عبارة عن دروسها او قاعدة ف اوضتها وحاولت تتجنب وجود خالد وبقت حذرة اكتر بأنهم ميكونوش ف مكان واحد وان لو محدش ف البيت هى كمان متبقاش فيه ,وتعــــــدى فترة ويتخرج خالد ويكون قاعد مع اصحابوا*
هيثم:ايه رأيكوا نســافر؟
عادل:انت اتسطلت بجد بقى هنسافر فين
هيثم:يا ابنى اسمعنى هنا الحياة صعبة تعالوا نسافر برة ونشوف الدنيا ونشتغل ,ولا ايه رأيك يامعلم
خالد:بصراحة انا عمرى ما فكرت ف كدا
هيثم:يعنى بزمتكوا 3 شباب زينا خرجيين تجارة هنقعد نعمل ايه هه قولوا
عادل: طب ما ندور ع شغل هنا
هيثم:ده انت فاضى بقى ,بقولكوا ايه انا هخلى ابويا يبيع جزء م الارض بتاعته واخد الفلوس واسافر ع اى بلد تانية اشوف الدنيا فيها واعيش,انتوا بقى فكروا وقولولى
عادل:ها ايه رأيك ياعم خالد
خالد*لقه نفسه بيفكر ف الموضوع*:بس الفلوس دى بالنسبة ليا صعبة شوية!!
عادل:هو لو احنا اتفقنا يبقى اكيد هتخلى اختك تتصرفلك م جوزها انت مش قولت مقتدر ومعاه
خالد:مش عارف ياجماعة بس هتشاور كدا واقلبها ف دماغى ومع اختى وشوف هعمل ايه
*وروح خالد وكانت وقتها صفاء قاعدة بتتفرج ع التى فى*
صفاء:اخيرا جيت! ما لسه بدرى
خالد:ايه ده انتى قاعدة مستنيانى ,اول مرة يعنى؟
صفاء:لا مش جايلى نوم فقولت اقعد اتفرج ع اى فيلم
خالد:هى ملك فين
صفاء:مخمودة جوه ,ومجدى كمان جه م شوية ونام
خالد:طيب كويس ,بقولك ايه ف حوار كدا عايزك فيه *وحكالها خالد*:ها ايه رأيك
صفاء:والله مش عارفة مجدى هيقدر يديك الفلوس دى ولا لا
خالد*بأنفعال خصوصا انه شارب ومش مدرك اوى*:اة طبعا يدهوملى هو مش انا عايش معاكوا هنا لزما يصرف عليا اومال الفلوس دى كلها بيحوشها ليــه ان شاء الله ده ع قلبه قد كدا اكيد ومدكن
صفاء*بتبرقله*:وطى صوتك!! وكمان اة يصرف عليك بمزاجه لكن انت مش ابنه ولا حتى جوز بنته عشان يساعدك فهيديك المبلغ ده ليه ان شاء الله
خالد*اول ما قالت الفكرة دى*:طب ايه رأيك لو اتجوزت ملك
صفاء:ايــه!!
خالد:اة هبقى ساعتها جوز بنته وهيعملى ال انا عايزه
صفاء*بصتله جامد*:هو انت عينك م ملك ولا ايه!
خالد*بتردد*:لا لا خالص انا بس كل ما فى الموضوع عايز فلوسها لكن انا لو عليا مش عايز اتجوز ما انتى عرفانى اشيل مسئولية ليه انا!
صفاء*سكتت شوية*:بس لو اتجوزتها وطلبت منه الفلوس هيفتكرك عامل كدا عشان فلوسها ,وكمان هى لسه صغيرة اكيد مش هتجوز دلوقتى دى لسه ف ثانوية عامة
خالد:يــيييييييييييييه فكريلى ف حل بقى انا عايز اسافر وخلاص
صفاء:ماشى يامغلبنى اما اشوف هتصرف ازاى
*وبعد ما خلصوا كلام دخلوا كل واحد ع اوضته وفضلت صفاء تفكر ف الموضوع ولقت انها هتقول لمجدى وتانى يوم كان بيلبس عشان يروح الشغل*
صفاء:حبيبى
مجدى:ايوه ياصفاء
صفاء:بص انا مش عارفة اقولك ايه بس انا مضطرة والله
مجدى:ف ايه ياصفاء اتكلمى
صفاء:بصراحة عايزة استلف منك فلوس
مجدى:تستلفى منى فلوس ليه؟
صفاء:اصل خالد واصحابه هيسافروا برة واحد صاحبهم جايبلهم شغل برة ,ولو عايز انى اكتبلك وصل امانة بالمبلغ انا موافقة*وبدموع مزيفة*:انت عارف انه اخويا الطلعت به وعايزة اعملوا ال هو عايزه ,ومالناش اب ولا ام
مجدى:ايه البتقوليه ده ياصفاء ,اكيد طبعا الفلوس الهو عايزها هدهالوا انا بعتبره ابنى زى ما ملك بنتى بس المشكلة دلوقتى ان حاطت كل الفلوس ف البنك بأسم ملك بس مفيش مشكلة هروح اسحبله مبلغ منها قوليلى عايز كام وانا اجبهوملوا
صفاء*ابتسمت*:ربنا يخليك ليا ياحبيبى هروح افرحوا بقى *ودخلت اوضته*:خلاص حليتلك الموضوع
خالد:بجد!
صفاء:اة بس ياحلو انت كل شئ بمقابل انا لزما تطلعلى نسبة م الفلوس دى
خالد*بصلها*:انا دلوقتى عرفت انتى اعترضتى انى اجوز ملك ليه عشان طبعا ساعتها كنت هبقى جوز بنته فهيدينى بنفسه المبلغ ال انا عايزه ,لكن دلوقتى انتى الجيبالى الفلوس ف هتطلعى بحاجة كويسة
صفاء*بتضحك جامد*:طبعا يا ابنى الدنيا دى مش عايزة غير الفلوس والمكاسب وبس ,لزما تبقى مفتح
خالد:ايوه بقى يامفتح انت ,خلاص هشوف انا عايز كام بالظبط ونقولوا وحطى النسبة ال انتى عيزاها *وفضلوا يتكلموا ويخططوا سوى وف الوقت ده ملك ف اوضتها بتذاكر عشان تجيب مجموع تروح به الجامعة ال هى عيزاها!,وف يوم تكون ملك خارجة م الاوضة تلاقيه ف وشها وتتخض اوى*:متتخضيش ده انا كنت جاى اقولك خلاص انا ماشى
ملك*بستغراب*:ماشى فين!
خالد:انا مسافر مش هتشوفينى تانى!!
ملك*كانت حاسة انها بتحلم ونفسها الحلم ده يتحقق اوى ومبسوطة اوى وابتسمت*
خالد*بصلها جامد*:ياه ده انتى اول مرة تبتسميلى *وقرب ناحيتها ولمس شعرها وبعد كدا قرب ناحية ودانها*:بس هرجعلك تانى عشان وقت ما ارجع هتكونى جاهزة اكيد *وبصلها بخبث ونظرته ليها المتعودة عليها ومشى*
ملك*ماكنتش فاهمة قصده وكلاموا ومهتمتش بده كان كل الهمها انه اخيرا مش هيكون ف البيت حست كأنه كابوس واختفى م حياتها وكانت بتدعى م قلبها انه يختفى ومتشوفهوش تانى طول حياتها*وابتدت ملك تفتكر اللحظات دى وبصت لمهند*
ملك:كنت فرحانة اووى وحسيت انى اخيرا خلصت منه وم وجوده ف حياتى عارف كان لو بأيدى اوزع شربات ع الدنيا كلها ,حسيت بعديها بالامان بس رغم كدا برده وانه مش موجود لقيت نفسى بقفل الباب بالمفتاح يمكن تعود او يمكن رغم انى عارفة انه مش موجود بس خوفت م انه يرجع ف اى وقت ,بس ع الاقل كان فيه جوايا نسبة راحة ولو بسيطة وبدأت اذاكر طبعا انا كان نفسى ادخل طب جدا! بس بالظروف المريت بيها والضغوط مستوايا الدراسى مبقاش زى الاول خالص كان ف المتوسط طبعا كنت بخاف انقص خالص عشان متقصليش شعرى ,كانت اخته هى المشكلة الوحيدة ال ف حياتى بعده بس كنت بحاول استحملها شهور الامتحانات والاجازة عشان كان ف بالى حاجة عايزة اعملها وعملتها فعلا
مهند:سـافرتى لخــالك اسكندرية صح
ملك*بتحرك راسها بنعم*:اة سافرت كنت حاسة ان حاجات كتير هتتغير ف حياتى وان الدنيا هتختلف وكنت واثقة ف ده جدا ,وقولت لنفسى هنسى الفات واللحظات الصعبة العيشتها ف وجوده والقسوه العرفتها م اخته بس طبعا شخصيتى كانت زى ما هى
مهند:طب وباباكى وافق بسهولة انك تسافرى
ملك*افتكرت اليوم ده*:اكيد مش بسهولة والستغربتوا اكتر انها هى كمان ماكنتش عايزة ده بس كنت متأكدا انها كانت عايزانى موجودة عشان متتحرمش م لحظة التجريح فيا وخوفى منها *فـــــلاش بـــاك
مجدى:ايه بتقولى هتسافرى ف جامعة اسكندرية!
ملك:اة يابابا انا كتبت ده ف التنسيق وجاتلى
مجدى*بستغراب*:انتى بتقولى ايه ياملك
ملك:بابا مجموعى جاب الجامعة هناك وانا كمان بصراحة عايزة اسافر محتاجة ده جدا
صفاء*بغيظ*:يعنى ايه ,هو خالد يسافر وانتى دلوقتى هتسافرى انتوا مبقتوش عايزين تقعدوا معانا ولا ايه!
ملك*مهتمتش لكلامها وبصت لباباها*:بابا انا مش هبعد عنك ف اجازات انا هاجى فيها وممكن اوقات الدراسة هاجى برده وكمان اسكندرية مش بعيدة عن هنا كام ساعة بس *مسكت ايد باباها وتترجاه*:ارجووك يابابا وافق,صدقنى انا هكون مبسوطة هناك ومرتاحة جدا عشان خاطرى ,ده هما 4 سنين بــس ,ارجووك
مجدى*كان ساكت مش عارف يرد عليها ماكنش مصدق انها هتبعد وتسيبه بعد السنين دى كلها ومش متخيل عدم وجودها ف البيت ومعاه,وقال بتنهيدة*:ماشى ياملك روحى
ملك*بفرحة*:بجد! انت احلى اب ف الدنيا *وقامت حضنته*:بابا انا عمرى ما هبعد عنك صدقنى هجيلك ف اى وقت انت عايزنى فيه ,اوعدك
مجدى*بصلها وسكت واستسلم خصوصا انه لاقها مصممة ع ده وفعلا اتصل برؤوف وقالوا وجهزت ملك نفسها وودعت عالمها ,وكانت مبسوطة وواثقة انها خلاص كل ده هيبقى ف الماضى وهتقابل واقع وحياه تانية احلى بكتير م الحياه العاشيتها ف البيت والمكان ده وسلمت ع باباها وصفاء ,وركبت القطر وكان ف الوقت ده محمد مستنيها ف المحطة وقابلته*
محمد:حمد الله ع السلامة
ملك*ابتسمت*:الله يسلمك
محمد:كبرتى ياملك فاكرة لما كنتى بتيجى وتقوليلى عايزة الحاجة حوه تاعتى يامحمد
ملك*ضحكت*:اة كنت ساعتها مبسوطة بالحاجة الحوه البتجيبهالى
محمد:عموما ياستى طنطك منى عملالك احلى حلويات واحلى غداء هتاكلى صوابعك وراهم
ملك:انا كل العيزاه انى اشوفهم وحشونى اوى
محمد:خلاص قربنا وهتشوفيهم *ووصلوا وفتح الباب وكان رؤوف ومنى ورحمة ونهى مستنينها*
رؤوف*اول ما شافها عيونه دمعت وحضنها*:ياحبيبتى ياملك وحشانى
ملك:وانت كمان وحشتنى اوى ياخالو
رحمة:وسع كدا يابابا عايزة اسلم عليها وحشتنى البت دى
ملك*حضنتها جامد*:رحمة وحشتينى اووووى ,اخيــرا شوفتك
رحمة*بصتلها*:اخيرا انا ال شوفتك
ملك*ابتسمتلها*:اتغيرتى اوى يارحمة
رحمة:ع اساس انتى متغيرتيش انتى بقى فيكى شبه م عمتو اووى
منى*وهى بتسلم ع ملك وتحضنها*:حمد الله بالسلامة ياحبيبتى ,وفعلا فيكى شبه م عليا كبير
ملك:ربنا يرحمها
منى:يـــــــــــــارب
ملك*بصت ع نهى وماكنتش عارفة هى مين*:ازيك
نهى*ابتسمتلها*:الحمد لله وانتى
ملك:كويسة الحمد لله
رحمة:طبعا مش عرفاها دى نهى ياملك جارتنا وصاحبتى الانتيم م بعدك دلوقتى بقى بقيتوا انتوا الاتنين انتيماتى,ده احنا هنعمل شلة جامدا
ملك*ضحكت اوى ع كلامها*:ان شاء الله
رؤوف:يلا يارحمة دخليها الاوضة تلاقيها تعبانة!
ملك:لا خالص انا مش تعبانة انا عايزة اقعد معاكوا
نهى:ياستى هتقعدى معانا وهنهزر وهنرغى للصبح بس تستريحى وتغيرى هدومك الاول
ملك*ابتسمت ودخلت الاوضة*
رحمة:هى دى ياستى اوضتنا وده هيبقى سريرنا انا وانتى طبعا انا عارفة انك متعودة تنامى لوحدك بس كان زمان دلوقتى انا هطلعلك زى عيفريت العلبة ف كل حاجة
ملك*ابتسمت*:تعرفى انا كان بيجيلى اوقات نفسى اى حد ينام جمبى
رحمة:وانا جيتلك هنام جمبك واستحملى بقى مليش دعوه لو لقيتى نفسك نايمة تحت السرير انا بقولك اهوه م اولها
ملك*ضحكت اوى*
نهى:اة انا مجربة يابنتى كنت ساعات ببات معاها وياريتنى ماكنت بعمل الجريمة دى ,تعالى نامى عندنا احنا انا هادية ف نومى
رحمة:ياسلام ياختى وبالنسبة لعلى اخوكى ده ايه!
نهى:نجيبوا هنا ينام هو ومحمد واحنا التلاتة نبقى ف الشقة التانية ايه رأيكوا
رحمة:بــــــــرده مسيبتكوش ف حالكوا ووراكوا وراكوا
نهى:اة للاســف مكتوب علينا ننام تحت السرير
*وفضلوا يهزروا ويضحكوا كانت ملك اول مرة تحس انها بتضحك م قلبها بجد ومبسوطة اوى ونسيت كل الشافته وعاشيته الفترة العدت م عمرها ,وسابوها عشان تغير هدومها ,واول لما خرجوا فضلت ملك تتفرج ع الاوضة ولقت تفسها بتفتح البلكونة وبتشم الهواء النقى وريحة البحر الجميلة وخرجت فضلت باصة ع احلى منظر طبيعى وشوية وشمة ريحة شجاير بصت جمبها لقت على واقف وبيشرب السيجارة بتاعته وباصص عليها ومركز معاها جامد وحصلت حاجة ايه هى هنعرف الحلقة الجـــاية....