جسد بلا روح - الكاتبة فاطمه هشام

الفصل السابع عشر

  *لما ملك قالت الكلام ده كله لعلى كان واقف وبيسمعها ف زهول ومش عارف جابت الكلام ده منين وفضل ساكت وبيسمعها لحد ما خلصت كلامها*
ملك*بعصبية*:لوسمحت بقى ملكش دعوه بيا ومتكلمنيش خـــالص*ولسه هتمشى*
على*اضايق اوى ولقه نفسه بيمسك دراعها عشان يعرف يوقفها ويخليها تبص ناحيته ووقفوا قصاد بعض هما الاتنين وبعديها ساب دراعها بسرعة*:انا مش فاهم ايه البتقوليه ده وعمتا انا سيبتك تقولى كل الجواكى ممكن تسمعينى بقى
ملك*رفعت حاجبها*:ها هتقول ايه هتكدب وتألف عليا بأيه اتفضل, سمعاك
على*بصلها وهو مضايق*:انا ولا هكدب ولا هألف بس احب اقولك ان انتى فاهمة الموضوع بطريقة غلط تماما
ملك:والله وايه الصح بقى
على*خد نفس عميق*:الصح ان انا اليوم ده فعلا كنت بكلم واحدة بس دى كانت عاملة عندنا ف المكتب والكاميرات المراقبة صورتها وهى بتسرق ورق مهم وانا شوفت الفيديو ده وكانت وقتها بتتحايل عليا عشان خاطر ماوريش الفيديو للمدير ,وقالتلى ان حد م شركة تانية طلب منها ده فا كنت ساعتها بهددها وبقولها الكلام ده عشان اخليها تخاف ومتكررش العاملته ده تانى
ملك*كانت بصالوا ومش مصدقة ولا كلمة*
على*طلع موبايله*:والفيديو اهوه اتفضلى شوفى كنت حاطه دليل ع موبايلى
ملك*بصتله وبعد كدا خدت م ايديه الموب وبدأت تتفرج ع الفيديو وفعلا شافت واحدة دخلت مكتب وكانت بتنضف وبعد كدا بدأت تدور ف الادراج عشان توصل لملفات ,اول ما شافت كدا ماكنتش قادرة تصدق وحست انها برده شاكة وبصتله وكانت مترددة تصدقوا ولا لا*
على:وعشان النظرة ال ف عنيكى دى انا كنت مسجل المكالمة ,سبحان الله ,قولت يمكن احتاجها ف يوم م الايام اتفضلى اسمعى *وياخده منها ويجيب المكالمة وبعد كدا يديهولها تانى وتسمع المكالمة*
على:الو مين
فتحية:الو يا استاذ على
على:مين معايا
فتحية:أنا فتحية
على*بضيق*:عايزة ايه!
فتحية:سامحنى يا استاذ على
على:انتى عارفة الملفات دى لو كانت خرجت م الشركة كان ايه الممكن يحصل كنا هندمر كلنا
فتحية:ونبى يا استاذ على ما تخرب بيتى انا ماكنتش عايزة اعمل كدا
على*بنرفزة*:والله انا مش ضربتك ع ايديكى كل الحصل ده كان بمزاجك ,وانا مليش ذنب اتصرفى انتى بقى
فتحية:هما القالولى اعمل كدا ,لوسمحت ماتودنيش ف داهية
على:ياسلام وانتى اى حد يقولك كلمتين تصدقيهم ,وكمان انا اعرف منين انك معاملتيش كدا قبل كدا
فتحية:كانت اول واخر مرة والله
على:بصى متكلميش هنا تانى انا بقولك اهوه ف الاول كنت بكلمك بالحُسنة دلوقتى خلاص بقى اتحملى الهيحصلك *وبعد ما ملك سمعت التسجيل ده حست انها مصدومة جدا ,وبصتله بزهول*
ملك:انــا ,يعنى ,ازااى ده ,لا اكيد ف حاجة غلط
على*بصلها*:تحبى تاخدى رقمها وتتصلى بيها وتتأكدى بنفسك
ملك*حركت راسها بالنفى*:بس انا سمعت كلام بودانى ,يعنى ايه ده!
على*رغم انه كان مضايق منها بس لقه نفسه بيبتسم وهو شايفها مصدومة ومش مصدقة وشكلها كان طفولى اوى بالنسبة لي*:عرفتى بقى انك ظلمانى
ملك*بصتله وحست انها محروجة اوى ومشيت المرة دى بسرعة عشان ميلحقش يوقفها ,وطلعت بسرعة كانت نهى ورحمة قاعديين*
نهى:اخيرا طلعتى بقالك سنة تحت
ملك*كانت عمالة تفكر ف السمعته وحست انها مش مصدقة ومش عايزة تصدق*
رحمة:انتى يابنتى روحتى فين
ملك:انا معاكوا
رحمة:لا مش معانا ف حاجة حصلت ولا ايه!
ملك*بتحرك راسها بالنفى*:لا مفيش حاجة
نهى*كانت مطلعة البوم الصور*:شوفتى على وهو صغنن كان شبه البنات ازاى
ملك*بصت ع الصورة ولقت نفسها ابتسمت ع شكله*
نهى:مرة مسك الروج بتاع ماما وكان عايز يحطه
ملك*ضحكت اوى*:معقولة بجد
نهى:اة اصل الدكتور قال لماما لما كانت حامل فيه انها بنت فماما فضلت شهور الحمل كلها مقتنعة بده واول ما جه ولد ماقدرتش تستحمل الصدمة وفضلت تعاملوا مده انه بنت لحد بقى ما انا جيت وبقى هو الولد وانا البنت
رحمة:طب كويس والله انك جيتى كان زمانه بقى اختنا علا بدل على
*قاعدوا يضحكوا اوى ,وملك مسكت البوم الصور وقعدت تتفرج عليه ,وم الوقت لتانى بتفكر ف الحصل ده وانه طلع سوء تفاهم وقالت لنفسها:حتى لو طلع مظلوم ف الموضوع ده معاملته مع نسمة مش مطمنانى اى نعم انا ماشوفتوش بيعمل حاجة بس برده حركاته دى مش مطمنانى ونظرته ليا المخوفانى دى ,يوووووووه بقى ,ولقت نفسها بتمسك دماغها*
رحمة:مالك ياملك انتى تعبانة
ملك:اة حاسة انى مصدعة هدخل الاوضة اخد برشامة وانام شوية
نهى:طب والغداء
ملك:ابقوا صحونى *ودخلت ملك الاوضة*
رحمة*بصت لنهى*:انتى فاهمة حاجة!
نهى:والله انا مابقيت افهملها حاجة شوية مبسوطة وبتضحك وشوية زعلانة وبتعيط شوية سرحانة شوية مركزة ,بنت عمتك بتتشكل كل شوية
رحمة*بتنهيدة*:اهم حاجة عايزين نبقى عنينا عليها عشان مايحصلش زى موضوع ماهر ده وتحب تانى وتاخد ع دماغها
نهى:لا م الناحية دى اطمنى ملك بقت ف الجامعة قاعدة ف حالها خالص ولا حتى بتكلم حد ده لولا اننا اصحاب اوى ماكنتش هتكلمنى
رحمة:ده احسن ليها احنا مش ناقصيين وجع دماغ
نهى:بس ماينفعش هتفضل طول عمرها كدا
رحمة:لا ان شاء الله الحال هيتغير بس ع الاقل تكون فاقت م التجربة دى والمرة جاية تختار البنى ادم الصح
نهى:ربنا يوعدها بأبن الحلال *وبصتلها*:ويوعدك انتى كمان
رحمة:خدى البوم الصور ده وامشى م هنا
نهى*ضحكت*:طب خلاص خلاص ,انا غلطانة
رحمة:ايون صح كدا غلطانة
*ملك كانت ف الاوضة وعمالة تفكر ف الحصل بس برده قررت ان تعاملها معاه مش هيتغير وهتفضل زى ما هى وتعــدى ايـــــام ويكونوا قاعديين عشان يتفقوا ع جواز نهى ومحمد*
رؤوف:ها ايه رأيك ياعلى
على:والله الــ تشوفوا ياعمو
محمد:احنا خلاص الشقة اتشطبت ومعظم الاجهزة هى جابتها وانا هبدأ اجيب ف الحاجات الناقصة وع نص السنة نكون خلصنا ونعمل الفرح ,ها ايه رأيكوا
رؤوف:خلاص ع خير ان شاء الله
*رحمة كانت واقفة وبتسمع الكلام وف الوقت ده دخلت بسرعة كانت نهى قاعدة مع ملك*
ملك:مالك قلقانة كدا ليه!
نهى:محمد بيتكلم ف حوار جوازنا ومش عارفة ايه الهيحصل
ملك:يابنتى متقلقيش كل حاجة هتعدى ,بس انتوا مستعجلين ليه
نهى:ولا استعجال ولا حاجة ,كدا كدا احنا ناقصلنا سنة ونخلص واحنا هنتجوز ع نص السنة يعنى هيبقى ناقصلى 3 شهور وهخلص خالص
ملك*ابتسمت*:ربنا يكملكوا ع خير ياحبى
رحمة*داخلة بسرعة الاوضة*:مبرووك اعرورة ,خلاص اتفقوا ع كل حاجة والفرح ف اجازة نص السنة الجاية
نهى*بفرحة*:بجد
رحمة:اة ياختى خلاص وهنبدأ نتمرمط معاكى ف أننا نشترى حاجات لبيتك
ملك*حضنتها*:مبروك يا نون ,اخيـــرا بقى هنشوفك عروسة
نهى:عقبالك ياملك
ملك*اول ما قالتلها كدا*:لا انا مش بفكر ف الموضوع ده ومش هفكر فيه خالص
نهى*بصت لهم هما الاتنين*:ماشاء الله انتوا الاتنين بقيتوا معقديين
رحمة:سيبنالك انتى العقل ياختى *وبصت لملك*:انتى بجد مش بتفكرى ف الموضوع ده خالص
ملك:اة انا هركز ف دراستى وبس ولما اخلص هشتغل بقى هعمل اى حاجة غير انى ارمى حياتى لبنى ادم مش هيقدر يحافظ عليها
نهى:الله الله ,ده كلام كبير اوى
رحمة:هو انا اى نعم ماكنتش عيزاكى تهتمى بالحوارات دى بس مش معنى كدا انك ترفضى الموضوع رفض نهائى
نهى:ملك مش معنى انك عيشتى تجربة صعبة يبقى تحكمى ع كل حاجة ف حياتك بالموضوع القديم ده
ملك*اول ما افتكرت الموضوع الحصلها ف تجربيتها حاولت تدارى دموعها*:بقولكوا ايه سيبكوا منى انا ,خلينا ف فرحة نهى
رحمة:اة صحيح يانهى اخرجى عشان بابا كان عايزك
*وخرجوا هما التلاتة واول ما ماملك شافت على حاولت تتجنب انها تبصلوا*
رؤوف:ها يا نهى ايه رأيك
نهى:الــ تشوفوا ياعمو
رؤوف*ابتسم*:يبقى تمام ع اتفقنا
منى*زغرطت*:مبروووك ياولاد
ملك*حضنتها وباركتلها وبعد كدا سلمت ع محمد ولقت على بيبتسم وبيمد ايديه بصت عليه ومرضيتش تسلم*:مبروك
على*فضل باصصلها ومستغرب اوى انها لسه بتعاملوا المعاملة دى*
*وتعدى فتـــرة ويكونوا كل يوم بينزلوا يجيبوا حاجات للشقة بتاعت نهى ومحمد وملك كانت نادرا لما تقابل على وحتى لما كانت بتقابلوا ماكنتش بتحاول تتكلم معاه وتبدأ دراستهم وتكون معظم الوقت مع نهى ,وتتجنب الكلام معاه نهائى لحد ما ف يوم*
نسمة*كانت بتخبط ع الباب وملك تفتحلها*:ملك ازيك
ملك*ابتسمتلها*:انا كويسة ياحبيبتى انتى عاملة ايه
نسمة:انا كويسة ,ماما بتقول لطنط منى لبست ولا لسه
منى:انا قايمة اللبس اهوه *وبصت لملك*:معلش ياملك هننزل نشترى حاجة تكون البت رحمة جت وتقعد معاكى
ملك:ماشى ياطنط مافيش مشكلة *ودخلت منى الاوضة ,وبعديها ملك بصت لنسمة*:,ها اعملك ايه يانسمة
نسمة:عندكوا عصير منجا ,اصل نفسى ف عصير منجا فريش
ملك*بتضحك*:بس كدا ,ده انا اقوم اعملهولك مخصوص *وفتحتلها التى فى*:اقعدى اتفرجى ع الكارتون لحد ما اخلص *ودخلت ملك المطبخ وشوية وسمعت الجرس وندت ع نسمة*:نسمة افتحى الباب عشان ايدى مش فاضية *وفضلت ملك تجهزلها ف العصير واول ما خرجت لقت نسمة قاعدة جمب على*
على:مش قولنا بلاش الفساتين القصيرة دى يانسمة
نسمة*بأسلوب طفولى*:اة بس انا بحب الفستان ده اووى
على*بصلها وابتسم*:انا عارف ياحبيبتى بس قولنا بلاش الفساتين دى عشان لما بييجى هواه بيطير وده غلط ع فكرة ,وهاتى فستان نفس اللون ويكون طويل مادام بتحبيه ,البنت الشاطرة بتلبس حاجات طويلة
نسمة*بتحرك راسها بنعم*:حاضر ,هقول لماما وهى نازلة مع طنط منى تجيبلى فستان طويل وبكم كمان
على*ابتسم*:شطورة يانسمة
ملك*تسمع الحوار ده وتفضل واقفة ف مكانها ومبتتحركش*
منى*تخرج م الاوضة*:ايه مالك واقفة كدا
ملك*تبصلها وتسكت*
منى:ملك ف حاجة!
ملك*بتنهيدة*:لا مفيش ياطنط
منى:طب يلا
ملك*تخرج بكوباية العصير*:نسمة العصير الـ انتى عيزاه
منى:ايه ده على انت جيت امتى
على*بص ع ملك وبعديها بص ع منى*:لسه جى م شوية ونسمة فتحتلى *وشوية والباب خبط وكانت هاجر*
هاجر:ها يلا بينا
على:تحبوا اوصلكوا
منى:لا مفيش داعى
نسمة:ماما هاتيلى فستان زى ده طويل وبكم عشان على مش حابب انى اللبس الفستان ده
هاجر*بصتلها وابتسمت*:حاضر ,بتسمع كلامك
على:ايون ,ياريت تخلى بالك م لبساها يعنى اة يكون مناسب لسنها وف نفس الوقت يكون كويس عشان متتعودش ع كدا ولما تكبر تلبس اللبس ده ,والدنيا مبقاش فيها امان دلوقتى
هاجر:حاضر ياسى على ,ما انت ابوها الروحى بقى
على*ابتسم*:اة طبعا عمرى ما انسى لما اتولدت ع ايدى *بهزار*عارفة يانسمة انا لو جبت ولد هجوزهولك برده عشان تبقى مرات ابنى
نسمة:لا انا هتجوزك انت
منى:يلا بينا ما احنا مش هنخلص م غراميات نسمة لـــ على
على:انا هاجى اوصلكوا
منى:ماشى ياعلى يلا
على*قبل ما يمشى كان باصص ع ملك ,كانت وقتها واقفة وسرحانة ومتلغبطة كان بيستغرب م نظرة الزهول ال بتكون فيها دى ومش فاهمها وكان نفسه اوى يعرف ليه بتكون مزهولة لما بتسمع اى حاجة عنه*
ملك*حست انها لتانى مرة تكون ساءت الظن وان على مش زى ما هى فاكرة ولقت نفسها بتكلم مع نسمة وبتسألها اسألة بتحاول تفهم منها اسلوبه معاها وحكتلها كل حاجة وكانت كل حاجة عنه عادية وماشتكتش م اى حاجة تانية او اى حركة غريبة بيقولها او بيعملها ,وكانت واثقة وقتها ان نسمة بتقولها الحقيقة لانها كانت قربت منها جدا وفضلت وقت كبير تتكلم معاها ف الموضوع ده يعنى لو كان ف حاجة بيعملها كانت هتغلط وتقولها ,لكن كل الاجوبة كانت عادية ,وبالعكس حست م كلامها انه بيخاف عليها كتير وكان بينصحها ف حاجات كتير تعملها وكلها صح ,وفضلت ايام تفكر ف الموضوع ده وماكنتش عارفة تعمل ايه! وكانت مستغربة اومال ليه كانت بتحس عكس ده ونظراته ليها ليه كانت كدا ,وفضلت سرحانة معظم الوقت*
رحمة:انا ملاحظة انك بتسرحى كتير الايام دى ,ف ايه ياملك هو ف حد تانى ولا ايه!
ملك*بستغراب*:حد تانى زى ايه!
رحمة:قصة حب يعنى!
ملك:رحمة قولتلك مش بفكر ف الموضوع ده انا
رحمة:اومال مالك معظم الوقت سرحانة وخصوصا لما بنتكلم ع حاجة بخصوص على بنلاقيكى بلمتى كدا وسكتى ,وكمان معاملتك معاه مش طبيعية انتى بقالك هنا ييجى 3 سنين عمرى ما شوفتك بتكلمى معاه وتهزرى وتضحكى دايما واخدة جمب منه كدا
ملك:مفيش يعنى عشـــــــــــان *وسكتت*
رحمة:ف ايه!
ملك:يعنى بصراحة مش عارفة وكمان ما بيصدفش اى حاجة نتكلم فيها مع بعض *وعشان تتوه الموضوع*:بقولك ايه انا هنزل اشترى حاجة
رحمة:حاجة ايه!
ملك:اى حاجة *ونزلت ملك بسرعة ولقت نفسها بتلف شوية ومخنوقة انها مش قادرة تفهم هو ايه بالظبط ,ولسه هتطلع العمارة لمحت حد كأنها شافته قبل كدا وركزت شوية طلع وليد كان قاعد ف عربية وعمال يبص ع العمارة ,بس ما هتمتش وقررت تطلع وهى طالعة ع السلم لقيت على نازل اول ما شافها*
على:كنتى فين!
ملك*بصتله بستغراب*:نعم!!
على:مش قصدى يعنى بس اول مرة اشوفك نازلة لوحدك
ملك:براحتى يعنى
على:رغم كل القولتهولك ولسه بتعاملينى كدا ,هو ف حاجة انا مش عارفة
ملك:يوووووووه هو ف ايه كلكوا بقيتوا مركزيين معايا اوى كدا وكمان انت ليه مركز بعاملك ازاى ما تريح دماغك منى وماتتتعملش معايا خالص
على:انتى بتكلمى كدا ليه؟
ملك:انا اتكلم براحتى
على*بيعالى صوته*:لا مش براحتك خلى بالك م كلامك وكمان انا بس كنت مستغرب م المعاملة دى بس خلاص بقى فعلا انا زهقت *وسابها ومشى*
ملك*كانت طالعة السلم*:احســــــن *واول ما نزل ووصل الشارع لقت نفسها بتفتكر وليد والجملة القالها :والله ماهســــــــــــــيبك ياعــــــــــــــــلى *ولسه هتنزل سمعت صوت دوشة كأن حد خبطته عربية لقت نفسها نزلت بسرعة كان على واقع ع الارض جريت بسرعة وسألته بخضة*:علـــى انت كويس حصلك حاجة ,على رد عليا
واحد م الشارع:لا يامدام جوزك بخير ربنا سترها معاه لولا انى خدت بالى م ان العربية جاية ناحيته كان زمانه اتشال بيها وخبطته خابطة جامده اووى
*وبدأت الناس تطمن عليه وبعديها تمشى شوية بشوية وعلى قام وقف وبص لملك *
ملك*اتحرجت*:انت كويس
على:اة الحمد لله *بس م الوقعة حاسس ان رجلى وجعانى شوية
ملك*لقت نفسها بتمدلوا ايديها*:امسك ف ايدي اسند عليا
على*بصلها وحب يعمل زى ما هى بتعمل فيه*:لا شكرا *ومشى شوية راح يقعد ناحية البحر وكان ماشى برجل ورجل*
ملك*كانت لسه هتطلع حست انها مش قادرة وراحت وراه لحد ما قعد وقعدت جمبه*:ممكن اقعد
على*بصلها بستغراب*
ملك*سكتت شوية*:انا عارفة مين العمل كدا!
على:مين!
ملك:وليـــــد
على:مين وليد ده
ملك*لسه هتكلم*
على:ده زى ما هر ده كمان ,ايه انتى محارمتيش
ملك*اول ما قال كدا اضايقت اوى وقامت ووقفت ولسه هتمشى*
على:انا اسف ,بس يعنى انا مش عارف مين وليد ده
ملك:يبقى تسكت لحد ما اتكلم
على:عندك حق ,خلاص سكت ,قولى
ملك*قعدت جمبه*:وليد ده الخبط والدك
على*بفتكر الوقت ده*:اة صح فعلا اسمه وليد بس ,انتى عرفتيه منين وازاى
ملك*اضطرت انها تحكيلوا ع مرات باباها ان هو م الشلة بتاعتها*:وبس وانا شوفته م شوية بس ما جاش ف بالى انه هيعملك حاجة
على*بتنهيدة*:ماشى انا هتصرف
ملك:هتعمل ايه انت تعرف عنه حاجة
على:لا بس هتصرف *وسكتوا شوية*:بس هو انتى كنتى قلقانة عليا اوى كدا ليه!
ملك:انــ ــ ــا مقلقتش انا بس يعنى خوفت يحصلك حاجة واكون انا السبب لانى مش نبيهتك واشيل ذنبك
على*ابتسم*:ملك ممكن اسألك سؤال
ملك:اسأل
على:انتى بتعاملينى كدا ليه!
ملك*سكتت شوية*:بصراحة عشان انا دلوقتى شايفة كل الرجالة نوع واحد بس ,مش شايفة حاجة غير كدا ومش عارفة اشوف اى شخص تانى خارج كدا انت فاهمنى
على:فاهمك ,بس عايز اقولك ع حاجة ياملك ,ماينفعش ف الدنيا دى نشوف كل حاجة وحشة او كل حاجة حلوه ,زى ما فيه الحلو فيه الوحش والعكس ,بصى م الاخر كدا كل حاجة موجودة هى وعكسها الحزن الفرح الدموع الضحك ,يعنى مفيش حاجة واحدة ,وصدقينى جوه الحزن والدموع هتلاقى حاجة فيها مصدر فرح وسعادة بالنسبة ليكى وهتحصلك عشان تديكى قوه وتخليكى تنسى الحزن العشتيه او بتعشيه,حياه البنى ادم عمرها ما هتقف ع حزن بس او الفرح بس ,فكرى ف كلامى ,ولو اقتنعتى به هيشرفنى اننا نكون اصحاب ياستى مش اكتر م كدا
ملك*بصتله بتردد*
على*ابتسم*:انا عارف ان الخوف هيفضل جواكى ,بس جربى مش هتخسرى حاجة واظن انك اتعلمتى كتير وهتقدرى دلوقتى تميزى بين الصح والغلط ,والشخص الصح والشخص الغلط
ملك*حركت راسها بنعم*
على*بيمد ايديه وابتسم*:انا على عامر ,وانتى
ملك*لقت نفسها بتبسم ع الحركة دى واترددت كتير انها تسلم بس ف النهاية استسلمت وسلمت عليه*:وانا ملك مجدى
على*بهزار*:ايه الاسم الوحش ده
ملك*بترفع حاجبها*:والله
على:لا بهزر ,تعرفى ان انا المسمى نسمة اقولك ع سر بما اننا بقينا اصحاب
ملك:هو انا لسه هفكر ف الموضوع ده ,بس لوعايز تقول قول
على:ماشى ياستى فكرى براحتك ,ع فكرة كنت هسميها ف الاول ملك ,بس بصراحة استخسرته ,قولت هسميه لبنتى ,انا ناوى اسمى بنتى ملك لانى بحب الاسم ده اوى
ملك*ابتسمت*:ان شاء الله هتسمي بنتك ملك
على:مش لما الاقى ام ملك الاول
ملك*لسه هتكلم*
نهى ومحمد ورحمة*جم بسرعة*:انت كويس ياعلى ف حاجة حصلت
رحمة:عم ابراهيم قالنا ان كان ف حد هيخبطك بالعربية بس ربنا ستر
على*بصلهم*:ايه مالكوا قلقنين ليه , انا كويس
محمد:بجد ولا نروح المستشفى نتأكد
على:ولا مستشفى ولا حاجة ,انا خير هو بس كادمة بسيطة ف رجلى
نهى*الدموع ف عنيها*:قلقت عليك اوى ياعلى
على:يابت ما تخفيش اخوكى لسه ربنا مطول ف عمره
رحمة:ربنا يطول ف عمرك كمان وكمان يــــارب *وبصت بستغراب لما لقتها معاه*:بس ايه ده ملك معاك ,هى بقت الممرضة بتاعتك ولا ايه *وغمزتلها*
ملك:لو لسانك ده يتقطع الشعب المصرى كله هيرتاح
رحمة:ولا انت العايز ترتاح ياجميل
*وقعدوا كلهم يتكلموا ويهزروا ,وم اليوم ده حست ملك بتغيير م ناحية على ويمكن لما ظهرلها كذا حاجة عكس الكانت شايفها قالت تديلوا فرصة بس هتكون بحذر برده ومش هتعمل اى حركة جنان وكله هيبقى وسط عليتها لانها مش حمل اى صدمة! وف يوم تكون خارجة تبص ف البلكونة*
على*بصلها*:مش جايلك نوم زيى
ملك*بصتله وابتسمت*:بصراحة اة حاولت اى نعم نهى هعذبها ف الصحيان بدرى بس اعمل ايه بقى! مش عارفة انام
على:ولا انا
ملك*بصتله*:ليه بتفكر ف حاجة
على:ف حاجات كتير ياريتها حاجة ,بس انتى بتفكرى ف ايه
ملك:انا موافقة
على:ع ايه!
ملك:ع اننا هنكون اصحاب بس
على*ابتسم*:تمام انتى م النهاردة هسميكى صاحبى الجدع
ملك*ابتسمت اوى ع الكلمة دى*:صاحبك!
على:اة مش هبصلك ع انك بنت حلوه وزى القمر ولا حاجة خالص
ملك:ابتدينا ف الكلام اليضايق
على:لا انا بقولك مش هبصلك ع انك كدا وعشان اثبتلك ياستى سيبك م الموضوع ده ها ايه رأيك ف البحر والهواء والوجة الحسن
ملك*اتحرجت اوى*:لا واضح انك بتثبتلى
على:لا متتكسفيش اوى كدا انا قصدى انـــــــــا الوجه الحسن!
ملك*لقت نفسها بتضحك*:ع فكرة انت غريب
على:ولا غريب ولا حاجة ,انتى بس الكنتى مستغربانى
ملك*بصت قصادها وخدت نفس عميق انها فعلا كانت ف الاول شايفاه حاجة ودلوقتى شايفاه حاجة تانية خالص ,وقالت تتوه الموضوع*:هو صحيح انا مابقتش اشوفك بتشرب سجاير خالص كنت ف الاول ادخل قالقيك ماسكها
على:اصل انا بطلتها
ملك:بجد!
على:انتى زعلانة ولا ايه!
ملك:لا بالعكس انا مبحبهاش حتى بصراحة كنت اوقات كتير بتخنق م الدخان واكوح
على:ما انا عشان كدا بطلتها
ملك*بستغراب*:ياسلام بطلتها عشانى
على:وعشان حاجة تانية!
ملك:حاجة ايه!
على:لا مش كل حاجة هتعرفيها بقى كفاية عرفتى السبب الاول السبب التانى هقلهولك بكرة
ملك:بكــرة! اشمعنى
على:يادى الاسألة الغريبة ,بكرة انا وانتى هنروح مشوار ,وقبل ما تتكلمى انا هستأذن م عمو رؤوف طبعا ولو عيزانى اتصل باباكى ماعنديش مانع
ملك*ابتسمت*:ليه كل ده!!
على:اصله مشوار مهم اوى بالنسبة لينا احنا الاتنين وليكى انتى اكتر
ملك*بعدم فهم*:على انت لغبطنى خالص
على:ايــــــون عشان بقى تفضلى تفكرى ف كل ده ودماغك توجعك وتزهقى وتنامى عشان محاضراتك ,يلا بقى عشان ماينفعش تسهرى اكتر م كدا
ملك*ابتسمت*:والله انت بجد غريب *وقالت بتنهيدة*:حاضر
*ودخلت ملك تنام وفعلا فضلت تفكر ف كلام على وماوصلتش لاى نتيجة وصحيت الصبح وراحت الجامعة مع نهى ورجعوا سوى وبعد الغداء استأذن على م رؤوف انه هياخد ملك وهيروح مشوار وفعلا قامت ولبست واول ما نزلوا م العمارة ووقفوا قصاد العربية وحصلت حاجة ايه هى هنعرف الحلقة الجــاية....