جسد بلا روح - الكاتبة فاطمه هشام

الفصل العاشر

*وتروح ملك وهى مبسوطة اوى وكانت لاول مرة تحس بالحب اتجاه شخص وتلاقيه منه اهتمام وحب بجد واول ما وصلوا البيت كانت نسمة ماشية وعلى ماسك ايديها اول ما شافت كدا اضايقت*
ملك:هو انتوا رايحين فين
على*بصلها بستغراب*:اول مرة تسألينى يعنى
ملك*سكتت ومردتش عليه*
نهى:صحيح انت واخد نسمة ورايح فين
على:اصل نسمة كانت عايزة تشترى لعبة فقولت اخدها اشتريهالها *وبص لملك بغيظ*:فيها حاجة دى كمان
ملك*بصتله بتحدى*:طيب انا كمان هروح معاكوا
نسمة*بأبتسامة*:بجد
ملك:اة ياحبيبتى *وبصت ع على بنظرة اشمئزاز*:انا مش هسيبك لوحدك ابدا
على*بصلها جامد*:ليه هو انا باكل العيال الصغيرة
ملك:مش عارفة بقى
نهى:بقولكوا ايه روحوا ف اى مكان انا مش قادرة هطلع انا واشوف رحمة جت ولا لسه وهستناكوا *وطلعت وخبطت عالباب محمد فتح*:اهلا ازيك يامحمد
محمد*بصلها وابتسم*:كويس الحمد لله
نهى:هى رحمة جت ولا لسه
محمد:لا لسه ماجتش لما تيجى اقولها تبقى تجيلك
نهى:لا خلاص انا هبقى اجيلكوا بقى
محمد:طب هتمشى ع طول كدا ,قوليلى عاملة ايه الاول
نهى:الحمد لله كويسة ,انت عامل ايه
محمد*بنظرة حب*:اهيه ماشية ,بس بقالى كتير ماشوفتكيش
نهى:انت المشغول ,,انت وعلى ع طول ,لكن انا لجأه عندكوا اصلا
محمد*ابتسم*:وان شاء الله لجؤك هيبقى ع طول
نهى*بعدم فهم*:يعنى ايه!
محمد:لا مفيش يلا ادخلى انتى عشان مش هينفع نرغى كتير ع الباب كدا
نهى:ماشى يامحمد *ودخلت نهى وكانت ساعات كتير بتستغرب كلام محمد معاها هى كانت بتحس بأسلوب غريب معاه وف كلاموا لكن كان بالنسبة ليها مش واضح*
نسمة*مسكت ايد ملك وعلى وراحوا محل اللعاب*:الله انا مبسوطة اووى
ملك:اختارى ال انتى عيزاه وانا الهدفع
على:ع فكرة انا الجايبها هنا يبقى انا الهدفع
ملك*مهتمتش لكلاموا وبصت لنسمة*:روحى ياحبيبتى اختارى
على*بأنفعال مسك ايديها جامد ونظرة الغضب ف عنيه*:بصى انا سكتلك كتير بس انتى مش ملاحظة ان حركاتك دى زادت اوى
ملك*بصتله واتصدمت*:سيب ايدى !,انت اتجننت
على:ما انا مش فاهم انتى بتعاملينى كدا ليه وكل ما احاول اقرب منك تبعدينى ف ايه
ملك*بصت لقت ناس بتبص عليهم*
على*بص لناس وقال بصوت عالى*:ايه انا والمدام بنتكلم فيها حاجة دى
ملك*اول ما سمعت الكلمة دى منه اضايقت اوى وبعدت ايديها بقوه*:انت اكيد مجنون فعلا
نسمة*اول ما شافت كدا خافت وابتدت تعيط*:انتوا تتخانقوا ليه
ملك*قربت ناحيتها ومسحت دموعها وخدتها ف حضنتها*:لا ياحبيبتى ما بنتخانقش ده احنا كنا بنتكلم انا وهو بس ,تعالى معايا نختار لعبة *وبصت لعلى بأرف ومشيت*
على *فضل واقف ومضايق اوى انه مش عارف يقرب منها وانها ع طول بتصده وماكنش فاهم السبب*
نسمة*فضلت تلف ولحد ما لقت دباديب اختارت دبدوب الباندا*:الله ده حلو عكبنى
ملك*اول ما شافته بصتلها وقالت بصوت مسموع*:هو انتى ليه مصممة تعيشى الـ انا عيشته
على*كان واقف وراها*:وانتى عيشتك كانت ايه يعنى؟
ملك*بصتله وكانت مخنوقة منه كانت كل ماتشوفوا تفتكر خالد وتصرفاته كلها كانت بتحسها انه شبه وحاولت تمنع الدموع م عنيها,ومسكت الباندا وحطيتها تانى مكانها*:لا يانسمة ده مش حلو وعمره ما هيكون حلو انا هجبلك عروسة جميلة زيك وشبهك كدا تلعبى معاها وتحفظى عليها وتخلى بالك منها ومتخليش اى حد غيرك يقرب منها ,فهمانى يانسمة
نسمة*ماكنتش فاهمة قصدها بس حركت راسها بنعم وسكتت*وفضلوا يلفوا لحد ما اختارت لعبة مناسبة ليها واصرعلى هو اليدفع ومارضيتش ملك تخش ف جدال معاه تانى ودفع هو وطول الطريق ماسكة ايد نسمة ومش باصه عليه خالص*
ملك*اول ما وصلت خدت نسمة وطلعوا البيت*
نسمة*اول ما شافت ماماتها*:شوفت ياماما على وملك جابولى ايه!
هاجر:الله حلو اوى ياحبيبتى *وبصت لملك*:شكرا بجد
ملك:لا مفيش حاجة ,انا حبيت نسمة اوى واى حاجة هى عيزاها انا مستعدة اجيبهالها بس ع فكرة هو الدفع مش انا
هاجر:والله هى كمان بتحبك وع طول بقت تكلمنى عنك ,وبصراحة كتر خير على اول ما بيشوفها بيعملها كل حاجة هى عيزاها
ملك*لنفسها:ما طبعا عشان بياخد المقابل الهو عايزه*:بقولك ايه! ما بلاش تخليها قريبة منه اوى
هاجر*بعدم فهم*:ليه!
ملك:يعنى عشان هى صغيرة وممكن تتعلق به زيادة عن اللزوم وهو ممكن يسافر او يروح مكان فهى تضايق بقى وتتعب يعنى فهمانى مش مستحب ده
هاجر:بينى وبينك انا فعلا ساعات كتير بحس بكدا نسمة مش عندها سيرة غير عن على وبس *وبصتلها وابتسمت*:اصلها نسمة كمان بالنسبة لعلى حاجة تانية ,عشان اتولدت ع ايديه
ملك*بدون فهم*:اتولدت ع ايديه ازاى؟
هاجر*ابتدت تحكيلها*:انا ف يوم كنت تعبانة وطبعا جوزى زى ما انتى عارفة مسافر وانا الكنت قاعدة هنا لوحدى ووقتها كنت حامل وف الشهر الاخير وبدأ الوجع يزيد وبدأت اصرخ وسبحان الله ما عرفش ازاى سمعونى محمد وعلى وهما جايين م برة ,وطلعوا بسرعة وفضلوا معايا وركبت العربية كان محمد بيسوق وعلى قاعد جمبى ,ماكنتش قادرة م كتر التعب وشوية وحسيت انى خلاص مش هقدر استنى لحد ما وصل المستشفى واتولدت نسمة ومسكها على ,مش قادرة اقولك شكله كان عامل ازاى مزهول ومبسوط وخايف
ملك*كانت بتسمع كلامها وساكتة خالص*
رحمة*تيجى م برة*:ازيكوا واقفين كدا ليه
هاجر:كنت بحكى لملك ع شكل على اول ما نسمة اتولدت وشالها ع ايديه
رحمة*وهى بتضحك اة يابنتى ده قعد اسبوع بيترعش ياعينى وكمان ف الاول م كتر ما هو شايلها ع ايديه حتى لما الدكاترة خدوها منه فضل ضامم ايده شوية ماكنش قادر يستوعب ده كان مسخرة وكان مبسوط بيها اوى وم ساعتها اصلا معتبرها زى بنته واكتر كمان
ملك*طبعا اتفجأت م الكلام ما كنتش متوقعة ان نسمة قريبة لى اوى كدا بس استغربت اكتر ازاى رغم الحصل ده كله يعمل فيها كدا معقول عشان اتولدت ع ايديه اعتبرها ملكه وم حقه يعمل الهو عايزه*وابتدت ملك تفتكر كل ده وبصت لمهند*
ملك:رغم ال سمعته منهم خلانى استغرب فعلا ,لكن اول ما قالتلى دى زى بنته عرفت ع طول انه مش بيعتبرها كدا ,لان كان ديما بابا بيقول كدا ع مراته دى بتعتبرك زى بنتها واخوها بيعتبرك زى اخته ,لكن الحقيقة بقى انها عمرها ماشافتنى انى بنتها ولا هو عمره عاملنى كأخته ,وهو كمان ماكنش شايفها بنته انا كنت بشوف نظرته دى وعرفاها كويس وحاسة بيها كنت عايزة اعمل حاجة عشان انقذ البنت م ايديه
مهند:وعملتى كدا
ملك*بتنهيدة*:كنت بحاول فعلا اعمل كل القدر عليه عشان متشوفش ومتعيش الــ انا عيشته
مهند:طب وماهرعملتى معاه ايه
ملك*سكتت شوية*:كنت اول واحد احس معاه بحب وراحة نفسية حبيته اووى وماكنتش قادرة اتمسك بمشاعرى وكنت بحس معاه بالامان وبراحة لكن رغم كدا ماكنتش قادرة اقولهالوا لانى كان ف جزء مكسور جوايا ف طفولتى مش قادرة اقومه وخايفه منه لكن هو حاول يعمل كل اليقدر عليه عشان يكسب قلبى
مهند:وكسبه
ملك*وهى بتحرك راسها بنعم*:اة كسبه *فــــــــلاش باك*
*وف يوم تروح ملك الكلية واول ما تدخل المدرج تلاقى معظم زمايلها بيبصوا عليها كانت مستغربة اوى ومش فاهمة ف ايه!*
نهى:ايه ده بصى كدا ع السبورة
ملك:اول ما بصت لقيت مكتوب بحبك ياملك *اتصدمت وماكنتش عارفة ايه ده وازاى حد ممكن يكتب كدا*اتحرجت اوى وخرجت م المدرج ونهى وراها*
نهى*بهزار*:تفتكرى مين الكتب كدا
ملك:وانا اعرف منين
نهى:يابت والله مش عارفة
ملك*لقت حد واقف قصادها بتبص لقيته ماهر*:انت ازاى عملت كدا؟
ماهر:اعمل ايه قولت اعمل اى حاجة عشان تتأكدى م مشاعرى دى
ملك*ابتسمت وكانت مبسوطة اوى وابتدت م اليوم ده تتكلم معاه وتقعد معاه بس كانت معظم الوقت نهى كانت معاها لانها كانت مابتحبش تقعد معاه لوحدها وكانوا كل يوم يتكلموا ف الموبايل ويقربوا م بعض اكتر واكتر*وف يوم تكون منى بتعملها شعرها سنبلة ومشغلة اغنية لام كلثوم*:يــــــــــــــاه ياطنط تعرفى انى م زمان ماعشتش اللحظة دى
منى:انا عارفة ياحبيبتى اكيد م اخر ما عليا الله يرحمها ما ماتت
ملك*الدموع ف عنيها*:فعلا كانت م احلى اللحظات العيشتها ف صغرى
رحمة:انا مش عارفة بتحبى التسريحة دى ليه انا مبحبش الضفيرة دى
منى:اة خليكى انتى كدا للكعبورة البتحطيها ف شعرك
رحمة*بهزار*:مالها الكعكة زى الفل وبتلم الشعر
ملك*موبايلها يرن وتلاقى ماهر,فقامت*:طيب عن اذنكوا *وخدت الموب ودخلت البلكونة*
ماهر:وحشتينى
ملك:وانت كمان وحشتنى اوى
ماهر:انا مش هشوفك بقى
ملك:خلاص هانت كلها شهرين والدراسة تبدأ
ماهر:كتير اوى عليا والله ,عارفة ياملك طول ما انتى معايا بكون مبسوط ومش عايز اى حاجة م الدنيا
ملك*بكسوف*:انت اول حب ف حياتى ياماهر عشان خاطرى عيزاك تبقى اخر حب
ماهر:انتى عندك شك ف كدا ,صدقينى ياملك انا عايز اعملك اى حاجة بتحبيها او نفسك فيها
ملك:انا عيزاك جمبى وبس
ماهر:وانا جمبك ع طول
ملك*لسه هتكلم ,لقت على خارج البكونة وف ايديه السيجارة واول ما شافته وهو شافها دخلت بسرعة*
ماهر:ايه ياحبيبتى روحتى فين
ملك:معاك ياحبيبى
رحمة:دخلت الاوضة*:بتكلمى مين
ملك:طب هكلمك وقت تانى *وبصت لرحمة*:ف حد يدخل ع حد كدا
رحمة:ما انا شيفاكى ع طول بتجيلك مكالمة وتدخلى الاوضة وساعات اسمعك بليل نازلة تحت البطنية وتكلمى ,ملك ده ماهر مش كدا
ملك*بتحرك راسها بنعم*
رحمة:برده ياملك
ملك:رحمة صدقينى ده كويس جدا وبيحبنى بجد ومش عايز منى اى حاجة غير انى اكون معاه واحبه نفس الحب البيحبهولى
رحمة:ياسلام واخرتها ايه بقى
ملك:اكيد هنتجوز
رحمة:يتجوزك ازاى ده انتوا لسه ف تانية
ملك:ما هو قال ع تالتة هييجى يتقدملى حتى لو بشبكة بسيطة وبعد ما نخلص هيشتغل ونعمل شقتنا ع مهلنا
رحمة:مش عارفة بقى ياملك بس خلى بالك ع نفسك ومتديش حبك لاى حد حافظى عليه عشان ف ناس كتير ماتستحقش الحب ده
ملك:انا عارفة وفاهمة ده كويس اطمنى ,ماهر بيحبنى بجد ومش عايز حاجة غير اننا نكون مع بعض
نهى*تيجى*:ها يارغايين بترغوا ف ايه م غيرى
رحمة:ف عم ماهر صياد شاطر
ملك ونهى*ضحكوا اوى*
رحمة:بتضحكوا هتجننونى انتوا الاتنين
نهى:سلامتك م الجنان يابنتى متخافيش ع ملك وكمان ما انا لزقلهم هو انا بسبهم ,هيييح بقعد اسمع كلاموا وساكتة ,امتى بقى ييجى عريسى
رحمة:يابنتى بطلى استعجال
نهى:خليكى انتى يا امو, واش ياواش ,انا بتاعت الاستعجال
ملك*ابتسمت*:ان شاء الله يا نون هييجى قريب واوى ,وبعديها هتحصلنا استاذة رحمة
رحمة:لا انا مش دلوقتى خالص لسه بعد الدراسة
نهى:انا عارفة انتى هتعنسى اكيد
رحمة:اة ملكيش دعوه
*وف الوقت ده يكون محمد مع على*
محمد*يدخل البلكونة يلاقى على بيشرب سيجارته*:ايه يامعلم واقف كدا ليه
على:يعنى اعمل ايه!
محمد:بقولك ايه! انا بصراحة كنت عايز اكلمك ف حاجة ومتردد
على:واحنا امتى كان بينا حاجة زى كدا قول ع طول طبعا
محمد*خد نفس عميق*:بصراحة انا عايز اتقدم لنهى
على*اول ما سمع الجملة دى بصلوا وسكت*
محمد:بص انا مانكرش انى ف الاول كنت بعتبرها زى رحمة بالظبط بس بعد كدا حسيت انى ف مشاعر عندى تانية ناحيتها ووالله ياعلى ما اتكلمت معاها ولا فتحتها فأى حاجة غير لما اقولك الاول
على*ابتسم*:هتيجوا تشربوا عندنا الشاى امتى
محمد*فرح اوى*:اانت موافق
على:انت بتقول ايه ياض اكيد طبعا موافق ,هو انا هلاقى احسن منك ليها
محمد:طب وهى
على:هاخد رايها واقولك
محمد:حبيبى ياعلول *وحضنه*:انا هروح اتكلم مع بابا ف الموضوع بصراحة ماحبتش افتحه غير لما اعرف رأيك الاول
على:روح طبعا *واول ما محمد يمشى على يجيلوا رقم يبصله ويرد*
محمد*راح بسرعة واتكلم مع رؤوف*:ها قولت ايه يابابا
رؤوف:والله البنت مننا وعلينا وعرفنها وانا معنديش مانع
منى*زغرطت*
رحمة ونهى وملك*خرجوا م الاوضة بسرعة*:ايه ياماما ف ايه الحصل مين النجح
منى*وقربت م نهى*:مبروك يامرات ابنى المستقبلية
نهى*ماكنتش فاهمة حاجة وبصالهم بستغراب*
ملك*بدأت تفهم شوية*
منى:محمد اتقدم ل على عشان يطلب ايد نهى
نهى*اول ما سمعت كدا اتكسفت*:طب عن اذنكم *ومشيت بسرعة راحت ع الشقة بتاعتهم *وراحت لاخوها*
على:طب اقفلى دلوقتى هكلمك بعدين
نهى:على هو محمد طلب ايدى
على*ابتسم*:اة ياستى ها قولى ايه رأيك
نهى:مش عارفة انا اتفجأت انا عمرى ما تخيلت ان محمد يكون,,*واتحرجت م اخوها وسكتت*
على:هو طلع انه ..المهم انتى موافقة
نهى:بصراحة محمد محترم وطيب ودمه خفيف بس بجد انا مش مصدقة خالص
على:خلاص هقولوا مش موافقة
نهى:ياعلى انا مقولتش كدا ,قصدى يعنى
على*خدها ف حضنه*:كبرتى ابت وبقيتى عروسة هنوزع شربات ع اسكندرية كلها
نهى*حست انها مبسوطة ,كانت اوقات فعلا بتحس بمشاعر غريبة م ناحية محمد لكن ماكنتش فهمها وكانت بتحاول تقنع نفسها انه وهم خصوصا انه عمره ماكلمها ف حاجة وكانت تلمحاته بسيطة اووى وقررت انهم يتخطبوا ويقربوا م بعض كحبايب وتشوف هيحصل ايه*
*كانت الفرحة ف البيتين كبيرة اووى وغير عادية حست ملك لاول مرة بفرح كدا رغم انها مش فرحتها بس كانت مبسوطة لنهى ومحمد ,وفضلت تقرب كل يوم م ماهر اكتر وتتخيل حياتها معاه واليوم الهيكونوا فيه لبعض ,وطبعا ابتدا الترم الاول م السنة التانية وكانوا مع الدراسة مشغولين ف الخطوبة وتجهزاتها*
ماهر:ايه ياحبيبتى عاملة ايه
ملك:الحمد لله بس طلع عنينا النهاردة لفينا كتير اوى عشان نجيب حاجات الخطوبة
ماهر:عقبالنا ياقلبى
ملك:يــــــــــــــارب
رحمة:انتى يابت يالى بترغى انا جعانة
ملك:ثوانى ياحبيبى ,*وبصت لرحمة*:ما انا كمان جعانة اعمل ايه يعنى
رحمة:مش عارفة شوفلنا حل
ملك:افتحلك محل اكل يعنى ولا اعمل ايه؟
ماهر:ف ايه
ملك:اصل احنا جعانين وماكلناش م الصبح غير وقت الغداء ودلوقتى كل البيت نايم وتعبانين مش قادريين نعمل حاجة *وفضلوا يتكلموا مع بعض وشوية ولقت ماهر بيقولها حاجة غريبة*
ماهر:يلا افتحى الباب
ملك:باب ايه!
ماهر:باب الشقة انا جبتلك بيتزا
ملك*بصدمة*:انت بتقول ايه ياماهر؟
ماهر:بجد انا واقف قصاد باب الشقة بتاع خالك *وبدأ يخبط ويضرب الجرس*:ايه يابنتى مش سامعة الجرس افتحى بسرعة قبل ما حد تانى يفتح
ملك:مفيش صوت جرس مش سامعة حاجة
ماهر*اول ما قال الجملة دى وملك ردت عليه لقه على فتحلوا*
على*بستغراب*:نعم!!
ماهر*بصلوا وتلغبط اوى*:حضرتك انا بتاع دليفرى وكان مطلوب اوردر وكان عنوانه البيت ده
على*بستغراب*:اوردر بيتزا؟
ملك*قامت بسرعة وفتحت باب الشقة ودارت الموبايل عشان على مايحسش بحاجة*:اة الاوردر هنا لوسمحت
ماهر*بصلها وحس انه متوتر شوية*:اتفضلى يافندم *وادلها الحاجة,ونزل بسرعة*
ملك*كانت مزهولة وبصه ع الحاجة وقامت بصت قصادها لقت على بصصلها فدخلت بسرعة وقفلت الباب ردت ع الموبايل*:انت مش طبيعى بجد
ماهر*ابتسم*:انا بحبك بجد
ملك:بس انت عرفت عنوانى ازاى
ماهر:بمصادرى الخاصة المهم انى مقدرش اشوفك جعانة ومش اجبلك حاجة تاكليها ,يلا هسيبك تاكلى وشوية وهكلمك ,بموت فيكى
ملك*دخلت الاوضة بسرعة*:رحمة قومى
رحمة:ايه ف ايه
ملك:قومى جبتلك اكل
رحمة*قامت بسرعة وبصت لقت البيتزا ,انتى نزلتى
ملك:والله هنزل الفجر اجيب اكل
رحمة:اومال جت منين
ملك*ابتسمت بحب*:ده ماهر جبهالى *واول ما فتحت العلبة لقت مكتوبلها بحبك*فرحت اوى وحست انها بتعيش احلى لحظات حب مرت بيها ف حياتها *وتانى يوم راحت الجامعة*:ع فكرة بجد انا مش مصدقة العاملته
ماهر:انا ممكن اعمل اى حاجة بس عشان اشوفك مبسوطة وكمان مقدرتش الاقيكى نفسك ف حاجة ومعملهاش
ملك:شكرا جدا ياماهر ,بجد انا مبسوطة اوى معاك
ماهر*مسك ايديها*:وانا مبسوط اكتر انك معايا
ملك*بأحراج بعدت ايديها*
ماهر*حس بأنها مكسوفة وطلع شيكولاتة*:شوفتى جبتلك ايه كمان معايا؟
ملك:ايه دى؟
ماهر:بيقولوا ان فيها حاجة اسمها البخت قولت اجبهالك وتشوفى مكتوبلك ايه
ملك*مسكتها وبدأت تفتحها وشافت مكتوب &صدق قلبك ولا تصدق عقلك&
ماهر:شوفتى بقى
ملك*ابتسمت*:انا مصدقاك انت ياماهر
*وفضلوا قاعدين سوى يتكلموا ع احلامهم وحياتهم المستقبلية ,وف يوم الخطوبة كانوا هما التلاتة ف الاوضة*
نهى:أنا مبسوطة اوى يابنات
رحمة:حظك انك هتبقى مرات اخويا يعنى مش هقدر اقولك حاجة ,يامدلوقة ع الجواز انتى
ملك:ربنا يسعدك ياحبيبتى ونشوفك احلى عروسة
نهى:ان شاء الله هتحصلينى قريب انتى وماهر
ملك:يـــــــــــــــــــارب
رحمة:فايقين ورايقين ,سيبكوا بقى م الكلام ده خلينا ف المهم
نهى وملك:ايــه هــو
رحمة*قامت مشغلة اغنية يابنت السلطان *وقعدت تطبل*:يلا بينا نرقص بقى
*وقعدوا هما التلاتة يرقصوا ويغنوا ويشغلوا اغانى كتير ودخلت منى شافتهم كدا شدوها معاهم وقعدوا يرقصوا سوى ,وشوية والباب خبط*
ملك:خليكى انتى ياطنط هروح انا افتح *اول ما ملك فتحت لقت باباها ماكنتش مصدقة حضنته جامد*:بابا وحشتنى
مجدى:وانتى كمان ياحبيبتى وحشانى جدا ياملك
ملك:انا مش مصدقة انت هنا بجد ,بجد
مجدى:دخلينى بس الاول
ملك*دخلته وفضلت ماسكة فيه وخرجوا كلهم يسلموا عليه*
منى:رؤوف هيفرح اول ما يشوفك
مجدى:حبيت اعمل مفجأه لملك
ملك:دى احلى مفجأه والله يابابا كنت وحشنى اووى
مجدى:ما انتى ماجتيش الاجازة الفاتت خالص اظاهر انك نسيتينا ونسيتى البيت
ملك:ابدا والله يابابا بس انشغلت هنا شوية وكمان زى ما انت عارف محمد اتقدم لنهى فكنا مشغولين معاها وبنظبط حاجات ,بس اكيد قريب هاجى البيت
منى:اومال المدام ماجتش ليه
ملك*اول ما جت سيرتها اضايقت*
مجدى:تعبانة شوية فمقدرتش تيجى بس اكيد ف الفرح الكبير هتيجى
منى:تنور ف اى وقت
رحمة:طب ياعمو نستأذن احنا عشان نازلين بقى
مجدى:طبعا ياحبيبتى اتفضلوا *وبص لملك وابتسم*:خلى بالك ع نفسك ياحبيبتى
ملك:حاضر يابابا
*ونزلوا سوى وحست ملك ان فرحتها اكتملت كدا ومش عايزة اى حاجة تانية حبيبها معاها وباباها جه وف خطوبة اعز صاحبة ليها وابن خالها كانت مبسوطة اوى وحست انها بتعيش احلى لحظات حياتها وربنا عوضها عن التعب الشافته السنين الفاتت ,وراحوا الكوافير وبعد ساعات خلصوا وجه محمد وعلى وركبوا معاهم وكانت كل واحدة زى القمر ف فُستنها ويكون ماهر عايز يعمل مفجأه لملك وييجى الخطوبة وعلى يشوفوا ويقرب ناحيته وحصلت حاجة ايه هى هنعرف الحلقة الجـــاية ...