جسد بلا روح - الكاتبة فاطمه هشام

الفصل الثانى و العشرون

  *طبعا ملك سافرت عشان كانت فرحانة وعايزة تمهد لباباها انها قريب هتتخطب لعلى وهيتجوزه وتروح وتشوف كلام صفاء الـ كانت كتباه ف الشات وتضايق وتنفعل معاها وهددتها انها مش هتعيش ف البيت ده ولا ثانية تانى*
ملك*دخلت اوضتها وكانت مضايقة اووى وحست انها مش قادرة تستنى لما باباها ييجى ومسكت الموبايل واتصلت به*:الو يابابا
سليمان:الو ياملك ده انا سليمان صاحب باباكى ف الشغل
ملك*بستغراب*:معلش ياعمو هو بابا فين
سليمان:ف حادثة حصلتله بالعربية ده احنا لسه كنا هنكلمك انتى او المدام
ملك*بخضة*:بابا كويس حصله حاجة
سليمان:اهدى يابنتى
ملك:بابا ف مستشفى ايه! *وتعرف منه اسم المستشفى وتجرى بسرعة وتكون صفاء سمعت الكلام ده وتروح وراها ,واول ما توصل تدور عليه وتدخل تلاقيه ايديه متجبسة تقرب منه وتعيط*:بابا
مجدى*بتعب*:حبيبتى متقلقيش انا كويس
ملك:ازاى حصل ده
مجدى:وانا خارج م مبنى الشغل كان فيه عربية ماشية عكس وجت بسرعة فخبطت ف عربيتى وما حسيتش بنفسى غير وانا ف المستشفى الكل بيقولى ده العربية ادمرت بس انت مكتوبلك عمر جديد
ملك*الدموع ف عنيها*:مش مهم العربية المهم انت يابابا
مجدى*ابتسم*:انا كويس ياحبيبتى
صفاء*جت وراها*:حبيبى انت كويس حصلك حاجة
مجدى:متقلقيش ياصفاء دى حادثة بسيطة
صفاء*بدموع مزيفة*:انا قلقت عليك اوى يا مجدى *واول ما مسكت دراعه*
ملك*بعدت ايديها عنه وبصتلها جامد وبعد كدا بصتله*:اهم حاجة انى اطمنت عليك ,بابا انا كنت عايزة اقولك ع حاجة *ولسه هتكلم*
الدكتور:معلش ياجماعة تسمحوا شوية بس هطمن ع الحالة
ملك*بضيق*:ماشى *وخرجت هى وصفاء*
صفاء*قربت منها*:ملك انتى هتقوليلوا
ملك:مش قادرة استنى بصراحة
صفاء:باباكى ف حالة صعبة ازاى هتقوليلى حاجة زى كدا هيهون عليكى تتعبيه اكتر
ملك*بتسمع الكلام وساكتة وفعلا كانت خايفة عليه*
صفاء*بدموع التماسيح*:ملك ونبى ما تقوليلوا حاجة اوعدك ان ده مش هيتكرر ولا هعرف الشلة دى تانى
ملك:مش قادرة اصدقك
صفاء:صدقينى انا عرفت غلطتى وكمان عرفت قيمته لما حسيت انه ممكن يروح منى ,ووالله ياملك كانت ساعة شيطان وراحت لحالها *وقربت من ايديها عشان تبوسها*:ابوس ايديكى يا ملك ,والله ياملك ما حصل حاجة بينا ده كان كلام بس وحياه خالد عندى كان مجرد كلام بس مش هعمل ده تانى
ملك*بعدت ايديها عنها واضايقت م الحركة دى*:مينفعش البتعمليه ده وكمان ف ناس حوالينا
صفاء:صدقينى ياملك مش هعمل ده تانى بس ماتخربيش بيتى ولو عايزانى ابوس رجلك اعملها والله بس متقوليش حاجة لمجدى
ملك*لقت نفسها مترددة اوى وماكنتش عارفة تعمل ايه خصوصا ان حالة صفاء قصادها كان باين عليها الندم اوى ,وبصتلها*:ماشى انا هديكى فرصة واحدة بس واخيرة ,والله العظيم لو لقيتك بتتصرفى كدا ولا كدا مش هيحصل طيب ,انا هفضل عينى عليكى مش عايزة اشوف شلتك دى وخروجك م الشقة براحتك ده كان زمان مفهوم
صفاء*بتمسح دموعها ورغم ان جوها غل م ناحيتها قالت تريحها وتسمع كلامها*:حاضر ياملك حاضر
ملك*لقت الدكتور خلص دخلت لباباها وفضلت جمبه وشوية وموبايلها رن وكان على خرجت برة عشان ترد عليه*
على*بحنية*:وحشتينى
ملك:وانت كمان
على:مالك
ملك:بابا عمل حادثة وهو دلوقتى ف المستشفى
على:بجد هو عامل ايه دلوقتى!
ملك:هو الحمد لله كويس الحادثة عدت ع خير بس قلقت عليه اوى
على:سلمته ياحبيبتى الف سلامة ,ده انا كلمت عمو رؤوف وقولتله ان احنا هنجيلكوا قريب عشان اتقدملك
ملك*ابتسمت*:يامجنون انت ازاى تعمل ده م ورايا
على:ملك انا بحبك وبصراحة مش قادر احس انك بعيدة عنى كدا ,وعايز نخلص بسرعة عشان تفضلى جمبى ومتحرمش منك خالص ,عارفة انا واقف دلوقتى ف البلكونة وعمال ابص عليكى كل شوية اقول هتخرج وهشوفها ,وحشتينى اوى بجد
ملك*كانت مبسوطة بكلاموا واول مرة تحس الاحساس بالحب الصادق ده حتى لقت نفسها ماكنتش بتحسه مع ماهر ,احساسها مع على مختلف خالص*
على:ملك انتى سمعانى!
ملك:ربنا يخليك ليا ومتحرمش منك ,انا مش بس بحبك انا بعشقك
على:الله الله ع الكلام الحلو قولى لباباكى انى جى بكرة اكتب الكتاب
ملك*ابتسمت*:عرفاك تعملها ,ان شاء الله ياحبيبى هنبقى ف بيت واحد قريب ,بس بابا حالته تتحسن شوية
على:ان شاء الله ياحبيبتى ,انا هقفل بقى عشان جاى م الشغل تعبان ولما اصحى اكلمك
ملك:ماشى
على:ملك
ملك:نعم
على:خلى بالك ع نفسك ,بحبك اوى
*ملك كانت بتسمع كلاموا ومبسوطة اووى وحست قد ايه انها بدأت ترتاح بالكلام معاه ده وحبها ليه كان كبير اوى مالوش حدود ,ويخرج مجدى م المستشفى ويروحوا*
خالد*استغرب اوى بوجود ملك*:ايه ده جيتى امتى؟
صفاء:النهاردة الصبح
ملك*بضيق*:هتفضل واقف قصانا كدا انت مش شايف بابا تعبان ولا ايه!
خالد:ايه ده ايه الحصل
مجدى:دى حادثة بسيطة كدا بس انا الحمد لله كويس
خالد:الف سلامة عليك ياعمو
ملك*عدت م جمب خالد وبصتله بأرف وبعديها دخلت مع مجدى توصله الاوضة*:ها يابابا محتاج حاجة
مجدى:لا ياحبيبتى انا هستريح شوية
ملك*ابتسمت*:لو احتاجت حاجة اندهلى
صفاء:متقلقيش انا هبقى جمبه ومش هسيبوا لحظة
ملك*بصتلها وسكتت وخرجت وقفلت الباب ولسه هتدخل الاوضة لقت خالد واقف جمب اوضتها*
خالد*بخبث*:بقالى كتير ماشوفتش المنظر ده
ملك:وانا كنت اتمنى مش اشوفك تانى
خالد*بيقرب منها*:ليه بس كدا ,ملك انا مش عايز اأذيكى
ملك*ابتسمت بسخرية*:بجد اومال بتسمى الكنت بتعملوا زمان والعايز تعملوا دلوقتى ايه ,لعـــــــبة
خالد*بصلها وضحك*:طب والله حلوه ما تيجى نسميها لعبة ,هتاخد وقتها وخلاص
ملك*بصتله بأرف*:يا اخى بطل قذارة بقى ,ده انت كنت شايفنى م صغرى ده انا يعتبر كبرت قصاد عينك ,واحد غيرك كان افتكرنى اخت لى بجد وحاول يحمينى م الناس الـ برة مش هو نفسه العايز يأذينى
خالد:وليه مسمياها اذية مش يمكن ده حب!!
ملك:حب!! هو انت بتعرف تحب اصلا!
خالد:لا ده حب امتلاك!! مش الحب التانى ده؟
ملك:عارف انا عجبانى فيك صراحتك وطريقة الوضوح ال انت بقيت فيها دى ,بس عموما ,انا لسه عند كلامى مش هتلمس شعرة م راسى ياخالد *ولسه هتدخل قفل الباب بأيده بسرعة وبصلها بخبث*
خالد:تفتكرى فعلا مش هيحصل ده
ملك*بصتله بتحدى*:حاول ,وشوف الهيحصلك
خالد*ابتسم*:بقيتى قوية اوى ياملك ,حتى نظرة عينك بقيت فيها قوه
ملك*وهى بتفتح باب اوضتها*:م الشوفته ع ايديك انت وامثالك *ودخلت اوضتها وقفلت الباب ف وشه ومستنتش حتى انه يكمل كلاموا ,واضايق خالد اوى وكان لسه جواه نفس الاصرار انه مش هيسيبها ف حالها*وفضلت ملك مع باباها تراعيه وتخلى بالها منه وتراقب تحركات صفاء واستغربت فعلا لما لقتها ما بقتش تخرج وع طول قاعدة جمب مجدى بتعملوا كل حاجة عايزها وبيطلبها ولقت انها الا حد ما مرتاحة م النتيجة دى وف يوم وهى قاعدة مع باباها*
مجدى*ابتسم*:رؤوف وعلى جايين يزورونا بكرة
ملك*بكسوف*:بجد ,جايين يشوفوك
مجدى:هما جايين يشوفونى وجايين عشان يطلبوا ايد حبيبتى
ملك*ابتسمت اوى واتكسفت م كلام باباها*
صفاء*بصت اول ما مجدى قال كدا*:هيطلبه ايد مين! قصدى يعنى ملك لمين!
مجدى:لعلى ,اكيد مش لمحمد ده متجوز خلاص
صفاء*اتصدمت واضايقت اوى م الخبر ده لان على كان عجبها اوى بس حاولت تباين عكس ده وابتسمت*:مبروك ياحبيبتى اخيرا هنشوفك عروسة
مجدى:ها ياعروسة هقولهم انك وافقتى
ملك*راحت وقعدت جمب باباها*:ال تشوفوا يابابا طبعا
مجدى:شكلك مش موافقة ,وكمان انتى مش كنتى بتقولى لا مش عايزة اتجوز خلاص بقى مش هنوافق
ملك*بصت لباباها بستغراب*
مجدى*ابتسم*:طب خلاص خلاص هقولهم موافقة
ملك*ابتسمت وحضنته*:ربنا يخليك ليا يابابا
مجدى*بتنهيدة*:ويخليكى ليا ,يـــــــاه كبرتى ياملك وهشوفك عروسة ده هيبقى احلى واسعد يوم ف حياتى
ملك:وان شاء الله هتشيل عيال عيالى
مجدى:يـــــــــارب ياحبيبتى
*وتكون ملك مبسوطة اوى وتستنى اليوم الــ على ييجى فيه ويكونوا جايين كلهم مش على ورؤوف بس*
ملك*سلمت عليهم*:بجد حلوه المفجأه دى مش مقولتوش انكوا جايين
رحمة:حبينا نعملهالك مفجأه
ملك*بصت لنهى*:ما كنش ينفع تيجى انتى لسه ف شهور الحمل الاولى
نهى:انتى تعرفى عنى كدا انا افوت لحظة زى دى برده دى فرحة اخويا وفرحتك لزما اجى ان شالله هكون ف شهور حاملى الاخيرة واولدلكوا هنا ف الصالة *ملك ضحكت اوى*
محمد*بص لعلى*:ايوه بقى ياعريس هتحصلنى ,هبقى اديك التعليمات وتمشى عليها
على:تعليمات ايه!
محمد:الجواز يا ابنى ده انت لسه ما شوفتش حاجة فيه مصاريف قد كدا هتدفعها ,اصبر اصبر
على:ياعم انا لسه بقول ياهادى
محمد:انا بفطمك م اولها
رؤوف:عامل ايه دراعك دلوقتى يامجدى
مجدى:الحمد لله بقى احسن ده انا حتى هروح شغلى الاسبوع الجى
ملك:بدرى كدا يابابا
مجدى:ياحبيبتى لزما انزل وكمان انا اتخنقت م قاعدة البيت
منى:وكمان كدا كدا هتنزل عشان تشوف شبكة بنتك *وبصت لصفاء*:واكيد انتى كمان يامدام صفاء
صفاء*كانت عمالة تبص لعلى واول ما سمعت اسمها تنتبه وتبتسم وتمثل الفرحة*:اكيد دى شبكة بنتى لزما انزل واختارها معاها بنفسى
رؤوف:طب نقرأ الفاتحة بقى كلنا *وبدأوا كلهم يقرأوا الفاتحة وكانوا ملك وعلى مبسوطيين اوى انهم اخيرا قربوا يكونوا البعض وبدأوا يتكلموا واتفقوا ع كل حاجة انهم ف خلال شهريين هتكون كل حاجة جاهزة*
خالد*دخل م باب الشقة لقه زحمة وناس قاعدة*
صفاء*قامت بسرعة وقربت ناحيته*:ينفع تأخيرك ده
خالد*بص ع ملك الكان شايفها قاعدة مبسوطة جمب على وقال لنفسه:ماكنتش قادر اجى اشوفها وهى بتروح لواحد تانى هياخدها منى انا*
صفاء:ما تنطق
خالد:ايه يعنى اتأخرت ع حاجة مهمة ,بقولك ايه اتفقوا ع ايه!
صفاء:هيكتبوا الكتاب بعد شهر والشهر تانى هيعملوا الفرح
خالد:يـــــاه بالسرعة دى ف شهريين ,ده باين عليه مستعجل اووووى ,لى حق طبعا
صفاء:ايه البتقولوا ده ,ادخل يلا سلم ع الناس وبارك لملك
خالد*مشى وقال لنفسه:مش هخليك تدوقها قبلى ياعلى ,وقرب ناحيتهم واتصنع الابتسامة ولسه هيسلم ع ملك*:مـــبروك
على*بيمد ايده وبصله بشمئزاز*:معلش ملك مش هتسلم ع حد غريب بعد كدا ما حبش مراتى تلمس ايد حد غيرى
رحمة*بهزار*:سيدى ياسيدى ,اشجينة كمان ياعم علول
خالد*بصله بتحدى*:حقك طبعا ,معلش انا جاى م برة تعبان هدخل استريح شوية
ملك*بصتله بأرف وماهتمتش به كانت حاسة انها مش عايزة اى حاجة تضيع عليها فرحتها ,وبعد ساعات قاموا عشان يروحوا ودخلت ملك اوضتها لقت موبايلها بيرن*:وصلت ياحبيبى
على:اة خلاص انا ف اوضتى
ملك:على هو انا مش بحلم صح ,يعنى كل ده حقيقة وانت حقيقة صح
على:لا
ملك:ليه بتقول كدا
على:عشان انا واقع مش بس حقيقة ملك اوعدك طول ما انا عايش مش هزعلك ابدا وهخليكى ديما مبسوطة انا عارف انك عيشتى حياه صعبة قبل كدا ومش هسمح انى اعيشك حياه اصعب ولو يوم جيت فيه عليكى قوليلى انا عيزاك تكون معايا مش انت كمان تكون عليا ,صدقينى الكلمة دى ساعتها هتفوقنى وهتخلينى اعرف غلطى ,,فاهمة ياملك
ملك*ابتسمت*:فاهمة ياروح قلب ملك ,انا بحبك اوى ونفسى تكون معايا النهاردة قبل بكرة
على:خلاص شهريين هنستحملهم اهم حاجة تخلى بالك ع نفسك عشان مش مطمن للــ اسمه خالد ده
ملك:هيعمل ايه يعنى ,ياحبيبى ده كان زمان بعد ال انت علمتهولى ولا يفرق معايا خالد ولا غيره
على:ياخوفى بعد الجواز اضرب انــا
ملك*ضحكت اوى*:لا انت حببيبى مقدرش اعملك حاجة لكن لو ضايقتنى هــا
على:ياواد ياشرس انت *وقال بحنية*:انتى كل حاجة ليا مش هقدر اجى عليكى ابدا ,ويلا هسيبك تنامى بقى عشان الفترة الجاية مش هخليكى تدوقى طعم النوم عايز اخلص شقتنا بسرعة عشان نبقى ف بيتنا ف اقرب وقت
ملك:أن شاء الله ياحبيبى
*وقفلت ملك معاه وكانت مبسوطة اوى وفعلا كانت اوقات تنزل تشترى حاجات وساعات رحمة كانت تيجى تبات معاها وينزلوا سوى يشتروا حاجات للبيت وف يوم يكون فيه مجدى ف الشغل وصفاء مش ف البيت ورحمة تكون روحت اسكندرية ملك تكون قاعدة ف اوضتها وشوية وتسمع خبط ع الباب*
ملك:مين *ماحدش رد والباب خبط تانى *:ميـــــــــن *قامت وقالت تفتح الباب واول ما قتحت لقت خالد قصادها*
خالد:ها ايه رأيك ف المفجأه دى
ملك*بستغراب*:مفجأه ايه!!
خالد*قفلت باب الشقة بالترباس وبالمفتاح ,واطمنت ان صفاء مش هتيجى دلوقتى وابوكى زى ما انتى عارفة مش جاى النهاردة وبنت خالك دى سافرت النهاردة الصبح ,يعنى مفيش غيرى انا وانتى وبس
ملك*بصتله*:اة ومعنى كلامك ده ايه!
خالد:ايه ده انتى مش خايفة بقى
ملك*بصتله بستحقار ولسه هتقفل الباب لقت خالد بيحط رجله وفتح الباب ومسكها وحدفها ع السرير بتاعها *
ملك*بمقاومة*:خالد ابعد عنى انت اتجننت
خالد:انا مصدقت انا مستنى اللحظة دى م بدرى
ملك*بتحاول تبعده عنها*:خـــــــــــــــــالد ابعـــــــــــــــد
خالد:مش هسيبك ياملك انتى بتاعتى انــا انتى فاهمة
ملك*مرة واحدة زقته برجليها خبط ف الحيطة قامت وحاولت تخرج م الاوضة وعايزة تفتح باب الشقة*
خالد*جرى وراها ووقف وطلع المفاتيح*:قولتلك المفاتيح معايا
ملك:خالد احسنلك تبعد عنى
خالد:ولو مابعدتش هتعملى ايه *ولسه هيقرب منها ملك ضربته برجليها ,فضل يقاوم وملك فضلت تعمل حركات الضرب الــ على علمهالها لحد ما خالد وقع ع الارض وقعدت ملك تضربوا ف وشه جامد حست انها وهى بتضربوا شايفه قصادها كل حاجة كان بيعملها فيها زمان والعملوا فيها ماهر والقسوه الكانت ف صفاء وكل حاجة وحشة حصلتلها نزلت ضرب ف وشه م غير وعى وفجأه اتصدمت وبصت لقت وشه دم قامت بسرعة وقفت وبصت ع ايديها الكانت محمرة اووى م كتر الضرب وفضلت تترعش وبصت عليه بقلق*
خالد*حس انه مش قادر يقاومها حركاتها وضربها لى كانت اقوى منه خصوصا انه كمان ماكنش عنده طاقة م كتر شرب المخدرات واستسلم للضرب وفضل نايم ع الارض*
ملك*الدموع نازلة ع خدها ومسحتها بأيديها*:سيبنى ف حـــالى بقى عايز منى ايه انت دمرت طفولتى ودلوقتى عايز تدمر حياتى ,عموما الحصل ده يعرفك انى مابقتش زى الاول ولوفكرت تعمل حاجة تانية والله المرة الجاية هتكون بموتك *وسابته ومشيت*
خالد*قام وقف ومسح الدم النازل م بوؤه وخد نفس عميق,وبص عليها وهى ماشية وحس انه لزما يستسلم بعد الحصل ده وان ملك مابقتش سهلة ولا زى زمان ودخل اوضته وقفل ع نفسه الباب*
ملك*دخلت اوضتها ورغم انها كانت مبسوطة انها قدرت تحافظ ع نفسها ومحصلهاش حاجة بس اضايقت اوى عشان ال خالد عاملوا ده فكرها بماهر وبأصعب لحظات شافتها ف حياتها ,ولقت نفسها بتمسك موبايلها وبتتصل بعلى*:علــــــى
على*بخضة*:حبيبتى فيكى ايه!
ملك:على انا تعبانة اوى عايزة امشى م هنا بقى
على:ليه ياملك ف حاجة حصلت
ملك:لا بس انا عايزة امشى م البيت ده مخنوقة اووى ياعلى اوووى
على:ياحبيبتى خلاص الاسبوع الجى كتب كتابنا وهنبدأ ننقل حاجتك ف الشقة واوعدك اول ما نكتب الكتاب هتيجى عند خالك ,انا مش هستحمل تبقى بعيدة عنى
ملك:ياريت ياعلى
على*ابتسم*:خلاص بقى مش عايز اسمعك بتعيطى كدا ,وكمان ده انتى مستعجلة اكتر منى ,ايه ده مدلوقة عليا اوى كدا
ملك*ابتسمت*:انا عايزة اكون جمبك بحس انى مطمنة ومرتاحة صدقنى مش عايزة غير كدا
على:انا عارف ياقلبى هتكون جمبى ومعايا وف قلبى كمان ومفيش حاجة هتبعدنا عن بعض ,بس قولى يارب
ملك*وهى بتبص لسما*:يــــــــــــــــــــــــارب
*وقفلت ملك معاه وحست انها بدأت تهدى شوية ,وتعـــدى ايام تكون ملك ف اوضتها تلاقى خالد بيفتح الباب عليها*
ملك*بصتله جامد*
خالد*كان معاه شنطة هدومه*:انا ماشى وسايبلك البلد كلها ومش هتشوفى وشى تانى عشان ترتاحى منى خالص *وبص بنظرة الم ويائس*:للاسف انتى الكسبتى *ويسيبها ويخرج صفاء تكون قاعدة ف الصالة*
صفاء:ايه ده انت رايح فين؟
خالد:مهاجر!
صفاء:مهاجر يعنى ايه! ,وكمان هتمشى ازاى وال ف وشك ده ,انت مش قولت اتخانقت مع واحد افرض عمل فيك حاجة تانية
خالد*بصلها بجدية*:انتى خايفة عليا اوى كدا
صفاء:ف ايه ياخالد مالك
خالد:صفاء انا مسافر ومش هتشوفى وشى تانى
صفاء*بصت بصدمة وهى شيفاه خرج م باب الشقة وفعلا م ساعتها مارجعش تانى وماشافتهوش*
ملك*لما سمعت ده حست انها مبسوطة ومرتاحة اووى وكأن كابوس انتهى م حياتها خالص ,ولما لقت صفاء تعاملها بدأ يبقى كويس حست ان كل حاجة بدأت ترجع طبيبعية وبعد كتب الكتاب بتاعها هى وعلى كان بيلبسها الدبلة*
على*بستغراب*:هى ايديكى مالها
ملك*بتوتر*:وقعت عليها
على*حس ان ف حاجة تانية*:وقعتى عليها ازاى يعنى!!
ملك:مش وقته ياعلى خلينا ف فرحتنا دلوقتى
على*بتنهيدة*:ماشى ياملك
مجدى:الف مبروك ياحبيبتى
ملك:الله يبارك فيك يابابا
على:معلش ياعمو بستأذنك ملك هتسافر معايا النهاردة عشان طبعا شقتنا محتاجة تتوضب
مجدى*بحزن*:انا حاسس ان مكتوب عليا تكونى بعيدة عنى
ملك*حضنته*:بابا ماتقولش كدا انا ع طول هبقى معاك وكمان انت اكيد هتيجى تزورنى اظن دلوقتى الشغل مش هيقدر يمنعك انك تشوف بنتك واكيد هبقى اجيلك
منى:دى سُنة الحياه يا استاذ مجدى *وبصت لصفاء*:عقبال اخوكى يا مدام صفاء
صفاء*بحزن*:خالد! منعرفش عنه حاجة بقالنا يومين
منى:يعنى ايه!
صفاء:هو قال انه مهاجر ومش هيرجع تانى هنا ومعرفش مشى و ماتكلمش م ساعتها
رؤوف:اكيد هيكلمكوا هو حد يقدر يستغنى عن اهله
ملك*كانت بتسمع الحوار ده ومضايقة ,وبعد اليوم ما خلص لمت هدومها وسلمت ع باباها ومشيت مع خالها ومراته وقرايبها واول ما وصلوا طلعت غيرت هدومها ودخلت ع البلكونة*
رحمة:اة مش هنخلص بقى
ملك:م حقى مش بقى جوزى ولا ايه!
رحمة*ابتسمت*:ايوه ياعم بس معلش انتى وجوز سيادتك تبقوا توطوا صوتكوا راعوا ان فيه بنى ادمه نايمة
ملك*ابتسمت*: حاضــــــر*ودخلت بسرعة لقيته قاعد وسرحان*:بتفكر ف مين
على*بصلها وابتسم*:هو ف غيرك شغلانى *وبص ع ايديها*:ايه حكاية ايديكى
ملك*هحكيلك *وبدأت تحكيلوا الخالد عملوا وعلى اضايق والدم جرى ف عروقوا*
على*بنرفزة*:انتى ازاى متقوليش حاجة زى كدا
ملك:على خلاص الموضوع انتهى
على:لا منتهاش ازاى يعنى ساكتة كل ده ازاى متقولليش ,لعلمك سكوتك ده هو الهيدمرك
ملك:كنت مشغول الفترة الفاتت وكمان ماكنتش عايزة اى حاجة تشغيلنا عن فرحتنا وانا كويسة والله
على*بيعالى صوته*:ملك انتى بتتحججى ,انا مصدوم بجد كنتى لزما تقوليلى الحصل ده
ملك*الدموع ف عنيها*:عـــــــــــلى
على:على ايه وزفت ايه ,يعنى ايه يعنى ما عرفش حاجة مهمة زى دى ف ايه ياملك وياترى خبيبتى عنى ايه تانى؟
ملك*بصتله بصدمة*:على انت بتقول ايه!
على:ال سمعتيه ياملك
ملك*الدموع ف عنيها*:على والله العظيم انا الــ فيا مكفينى وشوفت عذاب واليوم الـ افرح وارتاح فيه اسمع منك كدا ,انت مفروض تبقى معايا مش عليا مش ده كلامك
على*اول ما سمع كلامها ده حاول يهدى وخد نفس عميق وقرب ايده منها ومسكها وباسها*:حبيبتى كلامك ده قلقنى بجد ,وكنت عايز انا اتصرف معاه
ملك:يعنى كنت هتعمل ايه هتموته وتدخل السجن واساسا هو غار م حياتى خالص وللابد وكمان انا هبقى ع طول معاك وهنتجوز يعنى عمرى ما هشوفوا تانى ومش عايزة اشوفوا تانى اصلا
على*مسح دموعها وابتسم*:حبيبتى متزعليش منى ملك انتى عارفة انتى بالنسبالى ايه فالطبيعى انى اخاف عليكى ف حاجة زى كدا
ملك*بتحرك راسها بنعم*:عارفة بس عشان خاطرى ما تزعقش كدا تانى خوفتنى منك
على*بهزار*:انا اخوف برده ده انا واد حليوه
ملك*رغم الدموع ال فعنيها ابتسمت*:ربنا يخليك ليا
على:ويخليكى ليا ياحبيبة قلب على
*وفضلوا قاعديين يتكلموا ومجابوش سيرة الموضوع ده تانى وكانوا مبسوطيين اوى ,حست ملك ان حياتها هتبتدى م جديد وفعلا فضلت مشغولة ف ترتيبات البيت وفرحتها زادت اكتر لما عرفت نتيجتها وانها هى ونهى نجحوا وكانت ساعات نهى بتنزل تشترى معاها حاجات بس مش كتير عشان فترة حملها ,وفــ يوم تطلع ملك عشان تنده لــ هاجر تنزل تقعد معاهم وتشوف الحاجات الجابوها*
هاجر*تفتح الباب*:تعالى ياملك ادخلى
ملك:لقيتك منزلتيش تتفرجى قولت اطلعلك اندهلك انا
هاجر:مشغولة والله خصوصا ان اخويا عندى اليومين دول بس اكيد هنزل طبعا
ملك:خير ف حاجة
هاجر:لا مشاكل مع مراته بعيد عنك انتى وعلى طبعا
ملك*طب هى نسمة فين؟
هاجر:جوه ف اوضتها هروح اكمل الغداء وانتى ادخللها
ملك*ابتسمت*:ماشى وانا هدخل اخدها وانزلها معايا*ودخلت ملك اوضة نسمة ولقت خالها مقرب منها شافت ملك المنظر ده واتصدمت*
نسمة*قامت وقربت ناحيتها وحضنتها*:ملك وحشتينى
ملك*وهى بصاله نظرة كره*:انت بتعمل ايه؟
جمال*بتوتر*:كنت بلعبها
ملك:كـــــــداب
جمال*بتوتر*:كــ ــداب انتى مين اصلا وازاى تكلمينى كدا
ملك:انا شوفتك بعنيا
جمال:ف ايه هو وحش انى اللعب مع بنت اختى
ملك*قربت ناحيته وقالت بزعيق*:انت كــــــــداب ,ومش مصدقاك ,ليـــــــه كنت بتعمل كدا ليــــــــــــه
على*يكون ساعتها بيخبط ع الباب واول ما هاجر تفتحلوا يسمعوا صوت زعيق ملك فيجرى ع الاوضة*:ف ايه ياملك
ملك:الحق يا على *وحكتلوا الحصل*
هاجر*بصت لاخوها بصدمة*
على*بصلها*:ملك اكيد متهيائلك مفيش حاجة زى دى حصلت اكيد
ملك:لا مش متهايئلى
على*بأحراج*:ملك انتى كنتى ساعات بيتهايئلك حاجات زى دى فممكن تكونى فهمتى غلط
ملك*بصتله جامد*:على انا مش متهايئلى وانا واثقة ومتأكدا م الشوفته انا مش همشى اشوف كل الرجالة كدا انا متأكدا م ده , انا شايفة ده بعنيا الحركات دى انا عرفاها كويس ,صدقنى ياعلى انا مش مختلة عقليا
جمال*بزعيق وبيقرب منها وعايز يضرها بالقلم*:لا انتى ماعندكيش عقل اصلا ازاى انا اعمل كدا
على*يمسك ايده جامد*:انت هتمد ايديك عليها ولا ايه ,عموما الهيقول الكلام ده صح ولا غلط هى نسمة *وبص لنسمة وسألها طبعا بطريقة مش مباشرة وفضلت نسمة تقول الكان بيحصل*
هاجر*كانت مصدومة ف اخوها ومش مصدقة ودموعها نازلة ع عنيها وهى بتسمع كلام بنتها*
نسمة*كانت مش مستوعبة حاجة وبتحكى ببرائة ومش فاهمة الحصل*
على*بص لهاجر*:اظن مش هنكدبها
هاجر*بصتله والدموع نازلة م عنيها*:ليه تعمل كدا يا اخى ليه ده انا مأمناك ع بيتى دى قد بنــــــاتك دى فعلا زى بنتك ,,دى محرمة عليك كمان
جمال*بص لاخته*:انتى هتصدقيها وهتكدبى اخوكى
هاجر:متقولش اخويا انا اخويا مــــــــات
على:ملك خدى نسمة وانزلوا
ملك*بصتلوا بستحقار وخدت نسمة وهاجر ونزلوا*
على*شده م قميصوا*:ماشوفش وشك هنا تانى انت فاهم لو فكرت تيجى هنا هنقطع رجلك *وطرده برة الشقة وقفل الباب ف وشه*
جمال*نزل بزعيق*:انتوا ناس مجــــــــانين انا معملتش حاجة انتوا بتتبلوا عليا
ملك*كانت سامعة كلاموا ودموعها نازلة ع خدها زى المطر*
منى ورحمة*سمعوا الموضوع ده وفضلوا يهدوا ف هاجر*:اهدى ياهاجر
رحمة:ازاى قدر يعمل ده ف بنت اخته!
ملك*كانت واخدة نسمة ف حضنها اووى حست انها شايفة نفسها فيها*
نسمة:هو انتوا ليه بتعيطوا ايه الحصل انا مش فاهمة حاجة
على*نزل وفهم هاجر الموقف والعاملوا وبدأ يهديها وقالها ان البنت مفروض تروح مركزللتأهيل النفسى عشان لما تكبر متتأثرش بالموضوع ده وبص ولاقة حالة ملك ف انهيار خدها م ايديها ونزلوا يقعدوا ع البحر*
ملك:هو انا ليه بيحصل معايا كدا ليــه كل ما احاول انسى الماضى الاقيه برده بيلف ويقولى انا اهوه ,انا طول الوقت كنت بحاول امنع نسمة عنك اتارينى مفروض كنت امنعها م اقرب حد ليها ,دى كانت املى الوحيد ,عارف انا كنت طول الوقت شايفة نفسى فيها ,وحمدت ربنا انك طلعت كويس معاها يطلع اقرب حد ليها يعمل كدا ,طبــ ليـــه
على*خدها ف حضنه*:ملــــــــــــك
ملك:ما تقولش حاجة انا عارفة ان ده هيفضل ع طول ف حياتى انا مش هخلص م العقدة دى هتفضل جوايا ومعايا عمرى كله
على:حبيبتى ماتقوليش كدا ,اول ما هنتجوز مش هسمحلك تفكرى ف اى حاجة تانية وهنسيكى كل الـ عيشتيه
ملك:تفتكرهقدر اهرب م ده
على*مسك ايديها جامد*:مش هتهربى هتنسيه خالص هيبقى ماضى وصفحة م حياتك هترميها وره ضهرك وهتشوفها عشان بس تتعلمى منها لكن مش هسمح انها تتكرر ليكى تانى ابدا
*وفضلت ملك فحضنه بتعيط لحد ما هديت خالص وكان نفسها فعلا تخلص م الجواها ده وماتشوفش اى حاجة تفكرها بالماضى الـ شافته خصوصا ان اهم كابوس ف حياتها انتهى خالص ,وكانت فكرة ان صفاء ربنا هداها وبعدت عن كل الــ ف دمغها ده ,وبعـــــــــــــــــــد فترة اخيـــــــــــــــــرا جه يوم الفرح ونسيت ملك كل لحظات الحزن العاشتها وكانت حاسة انها هتبتدى بداية سعيدة ف حياتها واول ما خلصت الكوافير فضلت تتصل ع على مابيردش قلقت اوى اتصلت عليه تانى فجأه لقت موبايله مقفول وشوية وحصلت حاجة ايه هى هنعرف الحلقة الجـــــاية