الهام .... سويلي ريوك وجيبي للغرفه
الماس,..... صفنت كتلها هسه وراحت مشيتها لان عروس جديده وماريد مشاكل من أبوية خاف من وراها يرفض ارجع للمدرسه كملت ريوك ودكيت باب ونطيتها أيا ورجعت انضف واكمل ورحت لكيت كراج هوسه كله طين ووسخ لان جانت هل فتره فتره شتا ودنيا ماطره كمت لبست تراك برموده ولزمت صونده شطفته ورتبته ورحت ارش بلحديقه لان اني كلش احبها واني زرعت كل نباتات الي بيها كملت شفت خواتي نغم وندى كالولي انريد ريوك كمت سويت الهن ريوك وطلعت يصادف غرفه الهام يم درج وغرفنا فوك اطلع اكعد خواتي جان باب شوية مفتوح وهي جانت تخابر مدري منو
الهام.... ولك والله مشتاقتلك بشكل
محمد .. . اني هم حياتي
الهام . .. اسفه زوجت بس انت تعرف ليش
محمد .... اعرف يروحي شلونهم وياج
الهام .... ولك بناتهم يموتن حلوات حيل وبيت شكبره وعدهم فلوس وراح اسوي هاشم طرطور بيدي اخذ منه كلشي واذبه ونزوج يروحي
محمد .... إن شاء الله حياتي أن شاء الله
خل نعرفكم ب محمد
اسمي محمد عمري 35 سنه شكلي عادي كلش اشتغل عماله اني جيران الهام واحبها من زمان كل ما اتقدملهم يرفضوني لان عامل و مزوج ومطلك هذا جان سبب بيوم اجتني الهام كالت على هاشم وحجتلي كلشي رحت فكرت وسالت عليه طلع زنكيل وطاك للستار اتفقت وياها تزوجه وتسحب منه كلشي كلشي يسجله باسمها ونعوفه ونطفر بره بلد و نزوج ونفضها
الماس
سمعت هل شي كلت عادي يمكن اخوها اني شعليا ما يهمني طلعت ع خواتي وكعدتهم وكعدت تريكنا وراحت عمه نهله لبيتها وصار ليل واجى بابا كعد كال اكل رحت ركض جبتله اكل وكملت وخلصت وصبيتله جاي وكعدت يمه
الماس: يأبه
هاشم ... ها
الماس ... شكلت ع موضوعي
هاشم .... باعي اني موافق بس وربي اذا سمعت حجايه عليج وربي خطوبة ماكو واشغلج هنا خدامه ومدرسه ماكو
الماس... صار يأبه تدلل
من فرحه كمت حضنته وبسته ابتسم اول مره اسوي هيج مممم ومرت ايام وحده اخت آخره وماكو خبر عن ادم جان يوم جمعه وابوية كال اني راح اسافر اني ومرتي شهر لكردستان نتونس بي وارجعلكم ما عترضنا راح أبوية بليل وكاعدين جان يدك عليا رقم غريب ما رديت رجع دز مسج اني ادم ردي فرحت وخفت وتوترت شعور مختلف وممزوج بكومه احاسيس المهم رجع دك
ادم ... الو
الماس... اهلا ادم شلونك
ادم ... الحمدلله وانتي
الماس...بخير الحمدلله
ادم... شو مسألتي عليا
الماس.... منين اسال واني رقمك ماعندي
ادم .... جان اخذتي من امي لو من ناصر
الماس.... مممممم عيب هل حركه شيكولون عليه
ادم ..... صوتج يذكرني بشخص تشبهينه بكلشي
الماس.... منو هل شخص
ادم ...بعدين راح تعرفين كلشي ابوج وين
الماس... بابا سافر
ادم زين انطيني امج
الماس.... ثواني نزلت ركض كلت لامي يريدج ادم ونطيتها تلفون
نرجس .... الو هلو يمه
ادم ... هلا عمه شلونج
نرجس.... الحمدلله
ادم .... عمه امي نطتني رقم الماس وعلمود ابلغكم باجر غداكم يمنا وكلكم لازم تجون
نرجس.... خل ناخذ شور ابو الماس ونكلك
ادم .... ماشي من رخصتج
نرجس .... الله وياك ابني
وسد الخط واني حيل فرحت من اتصاله
نرجع لادم
امي جبرتني اخابر الماس علمود اكولهم باجر غداكم يمنا ومن خابرتها سمعت صوت عذب حيل يشبه صوت الأطفال وتحجي بخجل ذكرني صوتها ب تقى بس هي صوتها احلى وبي نبره الخجل الي اني احبها اوووف حجيت ويا امها وسديت خط وضليت افكر افكر هسه شيصير لو انطي نفسي فرصه ثانيه احب لكن ..... مستحيل اني وعدت تقى وميصير اخلف وياها 😔😔 نمت واني اذكر تقى
الماس
كعدت صبح بل5 فزيت من حلم جان مرعب بالنسبه الي وطلعت للحديقه سويت كلاص حليب وكعدت للحديقه واسمع اغاني شفت حركه بعيده شنو هاي تقربت لكيت ناصر و نورا واكفين ابتعدت وتركتهم نخطبو عاد اني شدخلني هسه هي مرتو بلشرع
رجعت وكعدت بمكاني وافكر بكلام ادم شلون صوته دافي وحلو اوف 😢 رجعت دخلت البيت ورة ساعه صارت ساعه سته طبيت سبحت وتوضيت وكعدت اصلي وضليت ادعي انو رب العالمين يوفقني بحياتي جديده لان هو أعلم ما بداخلي ويقويني ويصبرني بحياتي يارب 😔😔
كعدت ماما كالت بنات حضرو روحكم نروح لبيت ابو ناصر فرحنا حيل حيل كملنا شغلنا اتصلت نورا بناصر اجو بسيارتين كلمن وسيارته ادم و ناصر امي و خواتي ع قصد راحو وية ناصر😂😂😂😂فديتها ماما تعرف نورا وكحه واني وادم كعدنا وحدنا سلم عليا وسألني عن حالي وسكت باوعت عليه رجعت اباوع من جامه و وصلنا ......
يتبع
أنت تقرأ
ياريت لو ..
Espiritualالاستفاده من القصه هي. .. مو معنا فقير يعني يتمرد ع حكم رب العالمين لازم يرضى بي ويشكره حتى يزيده موكل بشر مرتاح بحياته اله اكو أوقات صعبه تمر عليه بس مادام هو محافظ ع نفسه وع شرفه اكيد راح رب العالمين يجازيه اقروها واتعرفون معناها missroro17
