ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ

البارت الخامس والعشرون

ماعرف اشلون غفت عيوني ونمت من الصياح والعياط والبجي وحوگان الدم ماگعدت الا علئ صوت رفل الصبح اتگعدني للدوام بالگوه گمت
علئ حيلي ولبست وطلعت من الغرفه لاگاني
رواد بالباب  گال اني اعلمج ياصلفه تحجين علئ حبيبتي تقارنين نفسج بيه اني اعلمج گتله بعد متنفع
تهديداتك اعلئ مابخيلك اركبه كفخني علئ راسي بكل قوته عفته ومشيت طلعت من البيت ادموعي نزلن گتلهن عادي نزلن وحرگن خدي تعلمنه كل يوم الصبح علئ الضرب والاهانات گمت امشي وابجي وصلت يم المدرسه وكالعاده بعد وكت اني كل يوم اروح من وكت گعدت علمصطبه وخليت ايدي علئ وجهي وگمت ابجي بخنگه اتمنئ اصرخ واطلع الحسرات الي بصدري ورتاح الئ متئ ابقئ خانگتهن حسيت سياره وگفت گدامي مسحت دموعي ورفعت راسي شفت محمد فاتح باب السياره وگاعد بيها  وحاط رجل بالگاع ويدخن وصافن عليه صارت عيني بعينه انهاريت بالبجي گمت اشهگ گال اصعدي ردت احجي گال اصعدي وبدون كلام خفت منه لان مبين بالگوه لازم اعصابه واذا رفضت معناها جرمت صعدت وياه ليگدام ماحجه شي واني هم بس اشهگ وابجي ضل يمشي بسرعه ويدخن يباوع الي ولطريق شفت هواي ابتعدنه عن المدرسه گتله وين رايح محمد شبيك خفف ساكت وبس يدخن گتله فدوه محمد اوگف والله گمت اخاف رجعني وهم ساكت گمت ابجي واتوسل بيه ضرب ابريك السياره افترت من القوه اني ضميت وجهي گال اشلون يعني اشلون ولج تعبت بتول تعبت بصوت عالي وعياط والعصبيه متت من خوفي منه صح احبه وامووت عليه بس عصبيته تسبق كلشي    گتله هاهيه محمد خل ننهي كلشي انت روح لبيتك واهلك ودوامك واني ازوج ابن خالي وخلص نكتم حبنه بگلبه ونشوف الله شلون يحلها ويانه كافي انفضحنه سيرتنه صارت علئ كل السان عيب محمد عيب اترجاك لتاذيني بعد انت مو تحبني عوفني  گال ..عجل يابه العشك مو عيب لليعرف حدود الحگ عجل يابه العشگ مو عيب لليعرف صدگ يعشگ الصلاة بحضره العشاگ مقلوبه جا عباس مو عاشگ عاشگ ناصر. اهل الدين انطه الجف وانطه العين وانه امشي اعلئ خطواته ماميل وانتي تساليني احبج يي احبج حد جنون الحب العشگ مثل عنتر بنفسه يعيل علت بگليبي من حبج بعت الاهل بعت الروح  حتئ الحيل راح الحيل گالوله تخبل بالعشگ شوفوله منهو يريدها گالولي مخطوبه ولك بطل انسئ لاتحن بطل ولك كافي حزن مخطوبه باجر تمتحن عگبك تره يزفونها حسيت غربه هلوطن
ضاگت عليه الوسعه. شگيت بنفسي گمت اجن الدمع بلل وجنتي وياج مامش رجعه ...سكتت والاذيه زادت عليه ماعرف شسوي وشحجي وياه وهيج قافل گال كافي كافي تبجين لخاطر محمد كافي تعبت دموعج تعبتني واخذت مني حيل يحجي ويضرب براسه علستيرن گتله محمد لتاذي روحك وتاذيني والله تعبانه شوف شنو الصاحي بيه اگوم بكتله وگعد بكتله كل ماطلع الصبح للدوام لازم اخذلي كفخه ورزاله واهانه ويحسبوني عار وغضب من الله عليهم ليش لان حبيتك هذا ذنبي حبيتك وماردت غيرك شوف عيني الي الاثر لسه عليها والا خشمي وحلگي الي كلهن جروح والا جسمي الي كله زراگ واثار ضرب كل هذا ماهمامني وماحاسه بي بس وجع گلبي الي ديأذيني ويعذبني مانام اذا مامخدتي تتبلل من دموعي مامرتاحه محمد مامرتاحه ....ليش اني المرتاح بتول اني ولج وينها الراحه يحجي بصوت عالي ويشمر بايده سمعي لغيري مصيرين لو انتي لو عزرائيل غيري يوصلج اذبحه جوه رجلج واحسب الله ماخالقه افتهمتي وهذا الكلب اخوج اني اله اذا ماشوفته اجداده بعيونه مراجله يطلعها عليه مو علئ بنيه امشي ارجعج لدوامج واني رايح لبوج وشوفي شراح اسوي اريد اشوف المن يرفضون شغل السياره ومشئ گتله محمد شراح اسوي ....الي لازم اسوي من زمان ...محمد واني حطني بين اعيونك. ....محد يوصلج والي يوصلج مارايد عمره. .. وصلنه يم المدرسه گال نزلي گتله قبل مسوي اي شي اذكرني اني الي اتاذه نزلت وسديت الباب هو شخط ومشه بسرعه ضليت خايفه وارجف اكيد راح يتعارك وياهم وراح تنگلب الدنيه علئ راسج يبتول يمعزايه باوعتت لدوام زين بعده مبادي اكو بنات ديطبن طبيت وياهن اتلگتني المديره ليش متاخره ... ست ضرف. لصفج بسرعه دخلت للصف زين طبيت بس الخوف جان سيد الموقف متملكني كلني  رحت لصفي وكملت الدوام ماعرف اشلون طلعنه وصلت گدام البيت شفت هوسه وسيارات ملتمه وناس واگفه لطمت خدي گلت هاهيه رحتي بيها بتول اووويلي محمد شسويت

🌿للحكايه بقيه🌿

شمس🌸 ايلول