ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ

البارت الثلاثون

احس نفسي اختنگت اريد اجر النفس مابيه اريد احجي ماگدر امسح برگبتي اريد هو ماكو علي
يغسل بوجهي وفل تصيح علئ ابويه واني رايحه

منتهيه احس ملك الموت ديقبض بروحي بس بهدوء قاتل اشوي اشوي.  علي طلعني للحديقه ويمسح علئ ضهري ويقره ايات ابويه وامي جوي يركضون

رفل واگفه وتبجي وتقره قرأن علئ راسي ارتاحيت اشويه وابويه يابه شبيج بنيتي شنو الي ديصير بيج حبيبتي گولي ليش هيج حالتج يابه علمود اعرف

شسويلج ماتحمل اشوفج هيج گولي يابه احس عيونج شايله حزن احسج مهمومه بنيتي گضيت عمري اداري بيكم واكبركم والي تردوا يجي يمكم

قبل متحجون گولي يابه شبيج گالتلة رفل وهيه مخنوگه بدموعها كافي يابه حسو بيها والله راح تروح من ادينه البنيه هيه ماجرمت علمود تتعاقب

علئ خطئها بهلطريقه ا امي گرصتها حتئ تسكت وخرت من يم امي وگالت لا يمه لا ماسكت بعد
محد جاي يحس بيها بس اني دشوفها تتعذب

وتدمر وماگدر احجي شي خوف من امي ورواد گال ابويه ليش شبيها اختج شصاير احجولي مادفهم شي
علي گاللها رفل اسكتي وكسري الشر گالت لا ماسكت

سكتت هواي ماتحمل بعد بابا دشوف هاي الي گاعده گدامك هاي مو بتول بنتك المدلله ام روح المرحه ام ضحكه الحلوه فرحه البيت لا يابه هاي كشكل بتول

بس داخلها راح انتهة بابا بتول جاي تدمر باليوم اتموت الف موته ادور علموت بيديها ورجليها بس مجاي تلگي ولو الموت ارحم من الجاي تعيشه

يابه مافكرت بتول ليش متغيره ليش متضحك تسولف تشاقه اطب تطلع ليش ضعفانه تلفانه
ذبلانه ملامح وجها متغيره مافكرت ليش گاضيه

وكتها بغرفتها ودوامها مافكرت ليش مستواها نازل مافكرت ليش امي اجرتلها خط تروح بي وترجع وهيه جانت تعشق المشي وسميها رياضه صباحيه

مافكرت ليش امي وراد هلگد مصرين يزوجوها لاحمد وبهلسرعه مافكرت ليش مصطفئ اجه يخطبها مافكرت ليش محمد ضرب طلق علئ بيتنه

وليش صوب رواد بيده. مافكرت ليش عينها مزوگه وليش متاذايه گالتلكم انضربت بالشباك وصدگتوا وماحاولتوا تستفسرون اكثر مافكرت ليش بتول

اتخربط وليش طلبت اتروح لكربلاء وگالتلك بس هناك راحتي وملاذي الوحيد مافكرت اتگوللها ليش

يابه مامرتاحه شنو الضايمج ليش تردين تشكين لبو فاضل بكل هذا مافكرت يابه وماحاولت تفكر ولو هيه امي مانطتك مجال اتفكر لان جانت تبعدك عنه

وعن مشاكلنه يابه بتول بيوم عرس زهراء شافها محمد وعجبته ورادها بالحلال ودگ بابها اكثر من مره وماقبلتوا تنطوا مره حتئ مانطيتوا مجال

لنفسكم حتئ تسالون عليه تشوفوا شنو ماشنو يابه محمد رادها بالحلال ومافكر يوم بالحرام يابه كل يوم اطلع الصبح لجامعتي الگي واگف گدام بابنه

وعيونه من السهر منتهيه ماخله ناس ماجابهم عليك في سبيل تقبل بي وتنطي بتول عايف اهله وناسه ولتزاماته ومگابل بابك حتئ اتحن عليه وبيوم من

الايام رواد شاف بتول تحجي وياه بالمبايل وكتها ماجنت موجود عينك لا شافت بابا بت گلبك اشصار بيها بذاك اليوم اكلت كتل يمكن لو جنت واگف تبجي

دم عليها وعلئ حالها وضربها بالمبايل بعينها وسگطها يابه بذاك الوكت ماجنت اشوف رواد جنت اشوف وحش عدو ولازم عدوه ويكتل بي جنت

اموت بداخلي وماگدر اساعدها وفوگ كل هذا امي ذبت كل شغل البيت عليها وهيه تسحل بروحها سحل وتشتغل جنت ابوس بيدين امي بس حتئ اساعدها

ماجانت تقبل جان رواد كل يوم الصبح يضربها ويهينها يله يخليها تطلع للدوام من غير الرزايل والتكفخ والسب وهيه جانت ساكته متگدر تحجي

لان اذا حجت يحجولك كلشي وجانت خايفه منك وتحملت كلشي والله شنو گالت الو بالفون بابا ذنب بتول حبت محمد وحبها ورادوا حبهم بالحلال

بس انت جنت قافل وترفض صارت بيها حاله نفسيه من الوضع الي هية بي بابا الله شاهد جانت متنام اذا متنشف دمعها جانت تموت من داخلها جانت تصرخ

وصرخاتها عاليه بس محد جان يسمعهن بابا رواد راد يزوجها لاحمد علمود مصلحته حتئ احمد يقبل يزوجه بت خاله واطرت تقبل بمصطفئ علمود

  متزوج احمد ومحمد من دره رواد يريد يزجها وشلون ضاربها گلب الدنيا وجا تعارك ويه رواد
ورواد استفزه بالكلام وگام يغلط عليه وعلئ

بتول بنص الشارع محمد ماتحمل وتصرف هيج
يابه جنت اتگول كلشي ولا الزواج جبر اشلون
ترضه بتول بنتك بت گلبك تنغصب علئ الزواج

من شخص متريده ومتطيقه يابه بتول تريد محمد وهو هم يريدها يابه لتوگف بوجهم وتكون سبب تعاستهم العمره مره وحده خليهم يعيشوها مثل

ميردون لان الاثنين تعبوا وعانوا بما فيه الكفايه
لتدمر حياتهم بيدك وبقرارات متسرعه عمرك طويل
انشالله انت اول وتالي تروح الدار حقك وتعوفنه

الولد كلمن يشيل حمله بس احنه البنات يابه منو يگول نرتاح ويه الاشخاص الي رواد يريد يناسبهم بس علمود مصلحته ويحصل ع الي يريده