ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ

أّلَبِأّرتّ أّلَثّأّنِيِّ عٌشٍر

أّلَبِأّرتّ أّلَثّأّنِيِّ عٌشٍر
ضّأّبِطّ بِهِيِّبِتّهِ وِعٌشٍگلَهِ طّفِّلَهِ
بِقِلَمَيِّ شٍمََّس أّيِّلَوِلَ
.....................................................................
محمد- طلعت من البيت والعصبيه مسيطره عليه ركبت السيارة ودخنت جگاره وطلعت ليش ميقبلون بيه ليش مينطوها جاييهم بالحرام اني جاي من الباب مو من الشباك رايدها علئ سنة الله ورسوله ليش هيج ديسوون مرتين مشيت عليها ليش ياربي ليش گمت اضرب ع ستيرن وصيح الف علامه استفهام براسي شبيه اني ويرفضوني بس لا مو اني الاسحب نفسي ماتخله عنها لو الكل يوگف بوجهي ويعارض علئ زواجنه اخذها اخذها لو اعرف اخطفها من ابوها
دگيت علئ علي اخويه گتله اطلعلي جاييك بسرعه رحت لگيته ينتضرني يم الباب صعد وياي وطلعت
علي- هاي شبيك محمد ليش هلعصبيه خفف سرعه لنسوي حادث شبيك شصاير فهمني وين رايحين
محمد- علي شبيه اني ليش يرفضوني مرتين مشيت عليها ليش مينطوها ليش ليش بعياط
علي- حبيبي حمودي اهدئ العصبيه متجيب شي اصعب الامور اكثر اهدئ ولا مانلگي حل لهلموضوع
محمد - باجر اني وياك وعمامي انروح انمشي مره ثالثه مو اني الاستسلم افتمتوا مو اني وانت تعرف محمد اذا راد شي ياخذه حتئ لو بالغصب يله امشي اوصلك للبيت غير هلحجي ماعندي خابر عمامي وگللهم نزلته يم البيت وطلعت رحت اذكرت بيتهم قريب علئ بيت عمي ابو زهراء اذكر مكانه لمن وصلتهم من الفندق وگفت بالسيارةگدام بيتهم ودخن

.....# مگابل شبابيجك
✨ واغني هان العشگ يربات
حضني......&

وجر حسرات اريد افكر اشلون احصل عليها اشلون يقبلون بيه ياربي تفاصيل وجها متروح من بالي صورتها انطبعت بگلبي اذكر لمن انضربت بعكسي وصاحت اخخخ هسه الاخخخ گلبي ديصيحها ولمن كفختني بشعرها وعطرها سطرني لسه هلعطر اشتمه بكل نسمه هوه ولمن راحت  تركض وبعدين طلعت
لابسه العبايه ولافه الشال وگفت گبالي والخدود الحمر والخجل البيها والعيون الضيعتني بكبرها
وطولها الشبر ونص والا اذكر لمن صعدت بسارتي وگعدت ورايه وحتئ انفاسها اسمعها واحس بيها
والا اذكر خجلها الي ميخليها ترفع عينها وتباوع بوجهي والا اذكر الاعتذار مني وتوسلها علمود اسامحها والا العثره مالتها ولويه رجلها بيتنه لمن شافتني والا ارتباكها لمن اشوفني وحيرتها علمود مصير گبالي اوووف كل هلمواقف مطبوعه أبالي
مع انو ماصار لتعارفنه اقل من شهر تقريبا وهيج حبيتها وتعلقت بيها فززني من صفنتي وافكاري صوت الموبايل علي اخويه ايدگ عليه باوعت لساعه بالوحده ونص بالليل ررديت بصوت مخنوگ من الجگاير الشربتها هاا علاوي. معود وين صرت امي بالها عليك من الضهر طالع تعال ارجع للبيت بسرعه
راجع باي شغلت سياره جريت حسره وطلعت مشيت
وصلت للبيت طبيت
امي- يمه محمد وين صرت بالي عليك من الضهر
شنو هاي حالتك ليش عيونك حمر تعال تعشه يمه لسوي بنفسك شي يمه لتروح من ايدي يعني ماكفت روحت ابوك الكسرت ضهري هلنوب انت يايمه عوفها للبنيه ازوجك غيرها الف وحده تتمناك يايمه لتحرگ گلبي عليك حرام اسوي بنفسك هيج
محمد - هذني الالف بنيه ماريدهن اريد بتول فتهمتي لو يبقه يوم بعمري اخذها ولتخافين ماموت گاعد گدامج بس اذا مااخذت هاي البنيه اني والميت سوه واني باجر اخذ زلم وانروحلهم اني صاعد
انام تعبان
امي- اي يمه نام والصباح رباح انشالله اتصير. من نصيبك وتخلص من هلعذاب
محمد - شفت امي اشلون فتحت زيجها وگامت تدعيلي صعدت سبحت وتوضيت وصليت ركعتين ودعيت الله يجعلها من نصيبي ويروح الحاجز البينه
ويسهلي امري حسيت نفسي شويه ارتاحيت حطيت راسي  من التعب والقهر والتفكير نمت وين الله واشوفها بحلم بطيف

.....#حٌتّئ بِأّلَحٌلَمَ
.....#تَّّستّثّگلَ أّلَجِيِّهِ

بِتّوِلَ- اليوم اتغيرت جذريأ اشتغلت شغل البيت كله صعب وسهل حتئ،ماما ورفل استغربوا من الموضوع گالوا اشبيج اليوم گتلهن ضايجه عاجبني اشتغل وبدون صوت مع انو اني لمن اشتغل بالايام العاديه اشغل اغاني واگمز وارگص وهوس وسولف وشاقه بس هسه لا كلشي بيه غيرته حتئ،الحجي علگد السؤال والجواب اجة رواد وعلي گاموا يتشاقون ويحجون وياي اجاهلتهم ورحت الغرفتي نمت گعدت العصر سويت جاي لماما وبابا والولد طلعوا ورفل راحت لصديقتها رحت طلعت وصفات بيتزا وسويت وسويت عشه هم هذا كله واني ساكته بس تفكيري مشغول بمحمد يعني ليش اهلي يرفضوا اشبي هو
سبب رفضهم مو مقنع ابد وهو شصار بي لمن عرف رفضوا اهلي مره ثانيه داحس اكو شي بداخلي يوددني اله بس شنو هوه مامعقوله حبيته بس اشلون احبه واني دشوف اهلي اشلون ديرفضون صار الليل وجوي الكل صلينه وصبيت عشه وتعشينا نضفت لمطبخ وصعدت اقره ضليت اقره تعبت صارت 12 رحت وگفت بالشباك ورفل دتقره شباكنه يطل علشارع صارت عيني علئ سياره وبيها ضوه مال جگاره واگفه مقابيل بابنه عبالك هاي السياره مو غريبه عليه تقربت يم الشباك واشوف

شمس ايلول
للحكايه بقيه