ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ

البارت الثاني والثلاثون

محمد: كلش اختنگت وانقهرت من گالت ماريدك اعرف مو من گلبها وحجتها غصب عنها بس كلش انقهرت يعني فوگ كل الحب الي انطيته الها اتگولي

ماريدك گضيت اليوم كله گاعد وحدي بالسياره وادخن وحسره اجر حسره والفرج من الله حتئ نمت بالسياره بدون مادري بروحي.حسيت علئ صوت

الفون يدگ لگيت هواي مكالمات من علي اخويه ورقم غريب باوعت للساعه 6 المغرب دگ الرقم جاوبت طلعت بتول گتلها شرايده ومن هلحجي

بعدين گالت تعال اخذ حلالك مافهمت بالاول بس بعدين وصلتلي الفكره ماگدر اعبر عن فرحتي بهذيج اللحضه حسيت نفسي ملكت الدنيا والبيها طرت

من الفرح حتئ زعلي عليها اختفئ اوووف يابتول شليتي حالي انت راحتي بالحياة اوووف ياصوتها يزيد عمري عمر ضلينه نسولف ماحسينه علئ نفسنه

الا علئ اذان الفجر هيه نامت حسيت بيها من نامت اسمع صوت انفاسها ثقلت واني هم سديته منها وقتت الفون ونمت مابيه ارجع للبيت نمت بالسياره

.......تذكر ان مهما ضاقت بك الحياة
.......ستشرق شمسك بامل جديد
.......وستضحك لك الايام
.......فقط اصبر
.......وتذكر ان الله مع الصابرين

دگ المنبه گعدت ساعه 9 الصبح شغلت السياره ومشيت والفرحه مبينه من عيوني وصلت للبيت لگيتهم گاعدين بالمطبخ ...صباح الخير اشلونكم

امي .. يمه اللهم صلي علئ محمد وال محمد يمه شلونك يگلبي شبيك احسك فرحان فرحني وياك. يمه گتلها ...فرحي يمه فرحي بتول صارت الي

انطونياها يمه واخيرا وافقوا ولج يمه متصدگين فرحتي بهذا اليوم. يله يمه اتحضروا وره الضهر انروح نخطبها من جديد هلمره غير كل مره

هلمره اني بنفسي اروح واخطبها الي لان الموافقه واخذتها بست امي من راسها وطلعت رحت زينت شعري وخففت لحيتي لان صارت مال دواعش

من القهر بس انشالله ماكو قهر بعد دگيت علئ عمامي گتلهم اتحضروا ابن اخوكم يريد يزوج حيل فرحولي وولد عمي هم كلهم باركولي  اتحضرنه كلنا

وساعه 3 الضهر طلعنا سيارتينه وصلنه البيتهم واني لسه ممصدگ معقوله وافقوا عليه معقوله بتول راح اتصير من نصيبي يارب ماريد شي منك بس اتمم

فرحتنه وتجمعنه سوه وصلنا للبيت اتلگانه ابوها ومرتضئ وعلي خوانها. حيل فرحان ومبين علئ وجهي حقي راح احصل علئ حب حياتي الي شفت

الويل وسواد الليل من وراه سلمنه ودخلنا
والنسوان دخلوا من باب المطبخ بتول ... گعدت الساعه 11 كلني نشاط احس التعب راح اختفه جنت

لمن اگعد الصبح كل يوم تعبانه والعبره خانگتني بس لا هلمره غير اكو فرحه بوجهي معقوله بابا وافق علئ محمد وراح اصير اله واخيرا گاعده بفراشي وافكر

ومبتسمه دخلت رفل گالت اخترعت گالت اسم الله شبيج گتلها مابيه ليش گالت كل يوم الگيج ماخذه ركن بالغرفه والدموع شلال شنو الي تغير وهيج

انرسمت هاي الفرحه والبسمه بوجهج گمزت شبگتها وضليت ابوس بيها شكرا يااحلئ اخت بالدنيا وگفتج وياي مانساها الج لو ما انتي جان حال الضيم حالي

شكرا لان سويتي الي عجزت عنه ضلينه شابگات بعض بعدين گالت يله عروستنه اليوم الخطوبه مالتج لازم انجهزج يله انزلي اتريگي وسبحي علمود اكمل

الشغل واجهزج گتلها ضروري اسبح گالت اي علمود اتخلين محمد يشوف كفشتج ويطفر مو امشي بسرعه اسبحي وصعديلي ....نزلت اتريگت مرتضئ

اجه شبگني وباركلي وعلاوي هم گلت الماما صباح الخير ردتلي من وره خشمها شكلها ماعاجبها الوضع ميهمني يكفي الي شوفونياه من قهر وضلم اليوم

يوم فرحي ماريد شي يعكر مزاجي خلي افرح اشويه اجه بابا گال صباح الخير بنيتي شلونج شلون صرتي اليوم من فرحتي ماگدرت گمت شبگته وبسته وهو

بوسني وگال ميهون عليه اشوف بنتي مهمومه ومكسور خاطرها اني شعندي غيركم انتي وخوتج اهم شي راحتكم وهذا مصطفئ اتعذرنا منه وگناله

مالك نصيب يمنه وهذا الكلب ابن خالج طيحتلج حضه هلحيوان  گال المرتضئ روح جيبلها معلاگ
حتئ ترجعلها صحتها كلش ضعفانه والدكتور گال

بيها فقر دم يفيدها المعلاگ مرتضئ گال مو تدلل عروستنه وراح وجهي مبتسم صدگ فرحانه
حسيت روحي رجعت ثقت اهلي بيه ورجع دلالي

وحبهم الي رواد ماشفته ابد اجه مرتضئ تريگت وسبحت صعدت لگيت رفل تنتضرني ضلت اتگلب بالملابس واختارتلي فستان احمر طويل مخصر

وبي فصوص ذهبي ومفتوح كيبور من الضهر كلش حلو لبسته ولبست كعب عالي لان يادوب بهذا الكعب اوصل لكتفه لان هو طويل وضخم واني ناعمه

وگصيره ههه فديته وفديت طوله صدگ ماكو رجال حلئ بعيني مثله سرحت شعري وهو اصلا سرح مي مابي كسره ابد وثخين وكلش طويل يوصل لركب

رجلي هديته علئ طوله وجبته صفح ولبست اكسسوار خفيف كلش ومكياج بسيط طبعا ماقبلت اشوف نفسي بالمرايه الا لمن اتكمل انداريت

ونصدمت معقوله هاي اني طلعت كلش حلوه مو جمالي وامدح بس صدگ حلوه جنت حيل هامله نفسي وممعتنيه بروحي ضليت گاعده وانتضرهم

قرأءة ممتعه.   

شمس ايلول