قصص خطف حقيقيه xox"

قصة البنت وعيلتها المتدينه

(((. ((((( علي لسان البنت وهيا تحكي )) )))
قالت :-
جا في يوم خطبني واحد وحبيته حب العمى و كنت انشوف فيه حاجه مش عاديه وطبعاً عيلتي كانت متحفظه ( متدينه ) هلبه هلبه فكان صعب اني نتعرف عليه يعني انهدرز معاه فترة الخطوبه لاكن بإصرار من جدتي وامي علي بابا وافق بويا مش انكلمه وفعلاً قعدنا فترة سنه مع بعض وزدت حبيته هلبه لين جا يوم يلي قالي ان امه بتجي الخميس مش ايحددو يوم العرس فرحت هلبه هلبه وانا نجري لماما وانقوللها وبدينا انرتبو لكل شيء ...
المهم جت امه وقلتلها اني نبي عرسي في نفس يوم عيد ميلاده كحاجه مميزه ومن كتر حبي ليه وطبعاً اكيد امه وافقت وحبة الفكره ...
قرب يوم عرسي وكان مزال عليه تلاته شهور وطبعاً  بتاتي ولأني منسوقش كان كل مره نمشي  مع حد من العيلة مش ناخد يلي نبيه وجا يوم طلعت مع عمي (( عمى راجل مش متزوج صغير في السن لاكن كبير "" اعتقد في نهاية العشرينات "")) المهم خداها عمها وجداها للسوق وخدو كل حاجتهم لاكن جدتهم تعبت من الدُوران فروح بيها عمي لحوشها وخاداني مش انكملو  ونحنا ماشيين في الطريق والدنيا ظلام لاحظ عمي سياره تلحق فينا فبدا يجري وايحاول ايبعدهم لعند فجأة من حيث لا نعلم طلعت قدامنا سياره حمراء عاليه وقفت قدامنا عمي وطول الطريق وهوا يذكر في ربي وايكبر ....
بعد ما طلعت السياره من قدامنا نزلو من قدامنا وورانا رجالا وطلعو عمي من السياره الكلمه الأخيره يلي قالها عمي ولعند هادي اللحظه نسمع فيها في ودني  ((( ربي يستر عليك يابنت خوي )))) وطلعوه وطاحو فيه ضرب وعمي ايقاوم لين خلاص معش قعد يتحرك ووقفو الرجاله وشبحولي وانا انعيط فتح راجل باب السياره وجبدني وشُفت شكله كيف يضحك بخبث مستحيلا ننساه وصورته عالقه في دماغي ويتلفت للراجل يلي بحداه وايقوله ((( اهو حصلنا لحمه حمراء ))) في هاديكا اللحظه عرفت روحي خلاااص ضعت بديت انعيط واندف فيهم بكل قوه نبي نهرب خلااص وانشوف عمي كيف غارق في دمه وانزيد انعيط لعند ما رماني في سيارتهم ويعطيني خبطه معش نندري منها وين انا  ...
يتبع .....