بعد ما وصل ادم و الشيباني للحوش وتكلمو مع بوها طبعاً نكر بنته وقال معنديش بنت بالمواصفات هادي وبعد إلحاح شديد منهم عطاهم بطاقتها يلي من الثانويه ولا اوراق حاجات تانيه ، اما في باقي اوراقها كانت مكتوب عليها انها ((((( مميييتتته متوفيه من سنتين ))))
المهم بعدين ربي فرجها بالأوراق ودارت عرس يا محلاه ، بعد ما تزوجت جابت صغار وربي باركلها في باقي حياتها وصاحب القصه كانت تشكر في راجلها علبه علبه قالت معاملته خوفه من ربي فيا وحتي امه وبوه يلي تبنوها كانو ونعم الناس وايعاملو فيها زي بنتهم بالضبط ..
لاكن بعد فترة من زواجها وجابت بنت وولد اعتقد ولا توأم قررت صاحبت القصه انها تزور اهلها وهنا كانت الصدمة 😭😭😭😭😭😭😭😭😭😭😭
طبعاً قالت لراجلها انها تبي تزور اهلها ووافق طول وحددو يوم يمشو فيه ، بعد ما جا هاليوم وتت البنت صغارها وكانت فرحانه لين خلاص ووطلعو للسياره وأول ما وصلت ورنت علي الجرس فتحتلها امها وكانت تضبط وفرحانه وتبكي بشوفتها فرحت البنت بأمها والأم ببتنها لا توصف ابداً بعدين خشت لقت خوتها والبنات وفي صغار بحداهم والجميع مصدومين بشوفتها وكلهم ايضبطو وفرحانين لعند ما ركبت مش تشوف بوها ..
(((((( في هادي اللحظه انا بحد ذاتي وجعتني وقعدت نبكي منها 😭 )))
خشت صاحبت القصه علي بوها مش تلقاه مقعمز علي كرسي متع المعاقين 😭 قالو بعد ما رماها دار حادث قفد منه رجلية قعد مشلول ولما شافها قعد يبكي وايضيطو في بعضهم وهوا ايقوللها سامحيني يا بنيتي خفت من كلام الناس ومخفتش من ربي و يعتذر وايعاود وقالت البنت انها تضايقت من نفسها لانها دعت عليه مهما كان هوا بوها وقعدو يتباكو وسامحاته بعد كل شيء ...
بعدها بفتره في نفس اليوم جاها خطيبها الأول خالد في الحوش بعد طبعاً ما سمع بجيتها طول لبس ومشالها والسبب (((( يبيها تسامحه )))) ربي خدا بثارها من جميع يلي ظلموها ❤️❤️
وطبعاً خالد بعد ما سكر تليفونه عليها وقعد فتره وقرر انه يتجوز وايفوتها فبعد ما تجوز اكتشف انه عقيم ومرته معجبهاش الوضع فطلعت عينه بمعنه طلعت مسمومه و حياته انقلبت رأساً علي عقب في جرتها وفي هلبه حاجات صاروله وخلاه يكره روحه ومش قادر يوصللها وهيا بعد ما لقاته فعلاً تعلم الدرس سامحاته 💔⭐️
وهنا عاشت باقي حياتها سعيده بحدا بوها وامها وخواتها وراجلها وعمه وعم طيبين والقصه لو تعمقتي فيها تلقي حكمتها من عند ربي ❤️❤️❤️❤️ فمكانتش حتجيب صغار وهيا عشقها الاطفال وتجوزت دكتور بشعاده قد الدنيا وايخاف ربي وايفكر فيه قبل كل شيء
محلاها القصه عجبتني وحبيت انشاركها معاكم ❤️ وانشاءالله بعد كم يوم حننشر قصه جديده و الشخص المخطوف راجل ونعرفه معرفة شخصياً ❤️❤️💐💐🎊🎊🎉🎉
انشاء الله ربي يكفينا شر المتخاف ربي يارب ❤️❤️❤️❤️
أنت تقرأ
قصص خطف حقيقيه xox"
Mystery / Thrillerقصص حقيقيه باللهجه الليبيه عن الخطف و القتل و الإعتدائات وننصحكم بالقرائه لأنها فعلاً مشوقه جداً Publishing day :- 31-6-2018
