رجعنا الداخليه زي الساعه 6 لقينا المشرفه حقت الطابق حقنا مقومه الدنيا وتفتش في الغرفه الدور كان لسه بدري علينا 😂😂ولمن جا دور غرفتنا بقت تفتش تفتش ما لقت شي المره دايره ليها شكله باااااي طريقه وبقت تفتش فيها تهبش تهبش من ساسنا لراسنا لمن جا دوري قلت الليله كان إنتِ مره اهبشيني 😞قالت لي يابت احسن ليك 😒قلت قايله نفسك منو عشان تفتشي غرفنا وتفتشينا 😒الغرف دي قاعدين فيها بحقنا يعني ماقاعدين بحساب ابوك 😒قالت لي يابت لمي لسانك ده عليك 😒قلت ليها ما بلمو مالك بدافع عن حقي ماعملت شي غلط 😒قالت لي اصلهم البرلومات كده قليلات ادب ولميضات 😡قلت ليها اعملي حسابك انا مربيه احسن تربيه وعارفه نفسي بعمل فشنو وبرلومه في عينك يا مره يا بايره يا عجوزه 😛المره سكتت حمرت لي ومشت قلت ليها حمري وأنا بقلب 😂😂بنات الطابق قالو لي عرفتي ليها والله البايره دي مكرهانا العيش الله جابك لينا فرج من عندو 😍دخلنا الغرفه استحميت ونمت طوالي لانو كان اليوم ده ردحيت كتير 😂💔....
عدو باقي الأيام لحدي ما يوم الخميس المساء انا واقفه تحت منتظره عمي يجي يسوقني, في عربية وقفت قدامي نزل عامر سلمت عليه بطرف اصابعي وركبت ورا 😂😂اتحرنا شويه كده وقف في زول ركب وده منو مؤيد الزفت 😣😣قال لي يا عثل مشتاقين قلت ليه تشتاق ليك نار جهنم 😠قال لي براحه يا جميل ما تعصبي 😂عامر عاين صحبك القليل ادب ده 😡عامر ما رد علي شكلو هو زاتو معاه 😳عامر يا زفت يا حيوان انا ما بتكلم معاك 😠😡مؤيد قال لي ما تعبي نفسك ما حيرد عليك 😂😏عامر وقف العربيه ونزل ومؤيد نزل وجاني بورا وركب 😳قلت ليه داير شنو يا حقير يا واطي وبقيت بببكي وبصرخ عامر تعال زح من الذئب ده عامر تبيع بت عمك عشان واحد حقير عامر اتذكر انو عندك اخت عبير فيوم حايحصل ليها نفس الشي كما تدين تدان 😢😭😭😭عامر بس جا جرااه ونزلو وركب ساااااق العربيه باقصى سرعه وصلنا البيت قشيت دموعي دخلت سلمت ودخلت نمت طوالي 😪الجمعه نهائي ما مرقت من غرفتي ويوم السبت من الصباح قلت ليهم راجعه الداخليه لانو عندي امتحان بعد اصريت عمي فيصل وصلني, واول ما دخلت لقيت زينه قدامي قالت لي هلا غزالتي 😍بس حضنتها وبقيت ببكي 😭😭قالت لي مالك وبراءه ولجين جوني جاريات 😳بعد سكت 😢حكيت ليهم كل الحصل كلهن بقن فاتحات خشومهن مترين ومنططات عيونن 😱 زينه قالت لي زودها كتير ولد عمك ورفيؤو لازم تكلمي بيك عشان يتصرف قبل ما يسوي مصيبه ثانيه 😔براءه قالت لي المعفن الاسمو مؤيد ده خلي لينا انا بعرف اربيه 😠لجين قالت بكره نمشي ليه في قاعتو ونحسم الموضوع ده معاه 😡.
تاني يوم مشينا الجامعه وانا ساكته ساااااي 😔خلو معاي زينه ومشن الاتنين خلوهم يطلعو من قاعتهم ونزلو تحت يلا الردح بدا مؤيد كان قاعد مع اصحابو لجين جات ماشه بجنبو وشايله مويه وعامله نفسها اتعترت وكشحتا فيه 😂قال ليها ده شنو العملتيه 😠قالت ليه دي مويه بس المره الجاييه ميرندا حمرا 😂تستاهل اكتر من كده يا قليل ادب يا حقير يا واطي ابوك لابوك اهلك زاتو 😂قال ليها الزمي حدودك 😡قالت ليه لازمه حدودي ليه ما اتخطيتها لانو الصفات دي كلها فيك واسمع تاني لو قربت من غزلان دي حاطبق فيك نظريه عمرك ما حتنساها 😡😠براءه قالت لي عامر يا خايب يا ما عندك عشرة دم 😡,قلت لزينه ارح نشوفهن مشينا لقينا الدنيا دي كلها اتلمت هناك دخلت ليك براءه ولجين اردحن ساااااي قلت ليهم ارحكم يبقى انتو متخلفات لو اتكلمتو مع ناس زي ديل 😒زينه قالت ليهم مستوى وداير دوا 😏ومشينا عاااااد زينه ماقصرت تب بقت تردح شكلو البتين ديل علموها 😂😂😂.
تمينا باقي المحاضرات لمن كنا طالعين الخبر بتاع الردح انتشر في المجمع كلو 😂😂😂😂💔غايتو اصلهم مابسكتو والشي المحيرني بزيدو حاجات ما انزل الله بها من سلطان 😂😂😂💔رجعنا الداخليه وبراءه قالت لي ياداب بطني بردت 😂قلت ليهم عاد انتو كعبين تب 😂اتونسنا ونمنا عده إسبوعين ماف جديد وده شكلو هدوء ما قبل العاصفه 😂الخميس جا والجمعه عرس بت عمتي وناس ابوي جو من الخرطوم ,الخميس كنت ما شغاله اتصلت لأيهم اخوي قلت ليه تعال سوقني, جهزت ونزلت تحت ومعاي البنات بقينا واقفين انتظرنا نص ساعه قلت زفت أيهم ده مالو اتاخر 😡زينه قالت لي أيهم يعني شنو 😂قلت ليه يعني الجنون 😂قالت ظريفه 😒قلت والله جد 😂قالت لي كيف يعني 😞 قلت ليها أيهم من اليهم واليهم يعني الجنون 😆قالت لي عرفتي كيف 😂قلت ليها القاموس العربي ده بسوي فشنو وقوقل دي قاعده ضيفة شرف يعني 😒قالت لي مشاء الله طلعتي مثقفه 😍,لجين صرخت واااااااااااي عاينو داااااااك 😳😳😳قبلت لقيتو أيهم قلت لو سمحتي يا أخت ده أخوي يعني ماتنبرشي فيه قدامي 😒قالت لي احيييي انا من اخوك غايتو ماشه معاك العرس 😭😢قلت ليها قبيل قلت ليكم ارح معاي برااااكم ابيتو 😏,أيهم جا ومعاه فيفان وهديان الصغيره عمرها8 هديان جاااات جاريه حضنتها وسلمت عليها وبستها 😍😚💖وسلمت على فيفان شديد وقالت لي اشتقنا ليك 😍أيهم قال ليها كما شهر واحد 😏قلت ليه كما انت مشتاق هي مشتاقه لي 😒سلمو على صحباتي ومشينا ركبنا والعربيه فيفان وهديان جابو لي الشمارات كلها والحاجات الحصلت بعد مشيت 😂😂😂💔وصلنا البيت لقيت آصف أخوي قاعد في الشارع مع ولد عمتي قدرو عمرو11 سنه بلعبو في الشارع سلمت عليه وسألتهم من أحمد وينو فيفان قالت لي طبعا في تلفونو 😒 هو تؤامها عشان كده ,دخلت الصالون سلمت على ابوي ومشيت بهناك سلمت على امي ودخلت الغرفه سلمت على احمد وقالو لينا امرقو عشان نمشي ناس عمتو نبيت عندهم.
وصلنا ناس عمتي البيت مليان ضيوف 😂غايتو من دخلنا اي مره تمسكنا سلم ساعه كامعه تبوس وتمطقنا 😂تبوسني ده 👈😚وتسلم علي دي 😍👉وتحضني دي 👈💖غايتو عانيت معاناة عشان وصلت دخلنا غرفه كده نمت صحيت صليت الفجر وشربت الشاي لبست فستان وعملت تسريحه لانو نسوان بس 😍فطرنا زي الضعر عقدو وتاني مشينا الصاله لبست عبايه ومشيت ,ابوي ناداني اسلم على اصحابو ورجال اهلو واحد يقول لي انا وابوك اولاد عم واحد يقول لي انا وابوك اتربينا سوا المهم معطوني وطلعو عيني أخدنا سيلفي 😍وقبلت اشوف ليك اولاد عماتي واعمامي متجمهرين وراي دايرين يتصورو 😂😂😂😂حسسوني كاني فنانه ولاممثله 😂غايتو ماحبيت احرجهم خليتهم اترصو كلهم وقفت جنب ابوي وأحمد أخوي وسالم ولد عمتي اخد السيلفي 😂😂😂يلا طوالي شتت منهم ,حسيت نفسي مخنوقه قلت اطلع اشم هوا في الحديقه وانا جنب الباب اطاقش ليك مع ولد وانا جيت خابته الواطه الولد قال لي معليش 😊.
يتبع......
