#بنت_شيوخ_مو_بت_شوراع
الجزء ❤️الاول
#قصص_ود
للكاتبه ملاك علي
هلوو قصه جميله اتمنئ تعجبكم قصه اليوم بنت شيوخ مو بنت شارع
نظرة الناس لبنت شارع واستغلاله بأبشع 👇🏻👇🏻👇🏻👇🏻👇🏻👇🏻نبدي القصه
رحله الحياه قصيره جميله ومرت بمواقفها سامح من يطلب السماح ولو ثقل ذنبه تجدها بميزان حسناتك يوم لك ويوم عليك المواقف تصنع القوه وليش الادعاء بها -- مرات الواحد يمر باوقات عصيبه من الحاجه وميكدر يطلبها من احد تعففا ويلجا لطرق صعبه بمجتمعنا التعبان الناس تشوفها مخزيه بس احسن ميطلب من العالم ويروح مي وجهه اليوم رزان واركان جيسولفولنا شصار بيهم وشون تعرفوا على بعضهم نترك الصفحه الهم
متابعه ممتعه
،،،،،،،،،،،،
رزان محد خلف المدامغه من سكنه المنصور شارع مستشفى الهلال الاحمر عدي خوات 2اصغر مني واخوي الاكبر مني مات قبل سنه بالانفجار
وعيت عالدنبا واحنا وحدنا عائلتنا مترابطه كلش لازعدنا اقارب لا عمام لاخوال ومن اسال امي او ابويه يكولولي ماعدنا بس الله علاقتنا بجوارينه طيبه كلش والدي خريج اقتصاد مفتح مكتبه عالشارع اجار ويعيش منها من توفى اخويه حيل تاذينا ماريد افتح الجروح بس على اثر وفاته بابا صار عده قلب من الصدمه ذبحه وبقه ضعيف اي موقف اي تعب يوكع اني صف خامس علمي شاطره كلش ماعدنا طبه وطلعه مجرد من البيت للمدرسه ومن نضوج نروح للزوراء بالشهرين مره وره سنه من وفاة اخويه بابا كام يمشي وعلى غفله يوكع امكانيتنه صارت ضعيفه الشي الملك الوحيد عدنا هو بيتنا 70متر بالمنصور اخذه والدي بايام جان شغله زين والدي تخربط بالشارع واخذو للمستشفى الجوارين طلع عده الصمام التاجي يرادله تبديل وقسطره عمليته خطره نسبه النجاح 50بالميه متنا خوف عليه يباوع على امي بحب وحنان لان هم متزوجين على حب دام 5سنين امي حسيتها ايست نضرتها خوفتني اكثر وره اسبوعين سوه بابا العمليه ولللاسف منجحت وفارق الحياه وهنا بدت حياه ثانيه اختي الاصغر مني صف ثالث متوسط والاصغر بالاول متوسط واني وامي امي بدت تشتغل ماريد احجي المعاناه والالم الشفناه من فقدنا والدي راح اعدي هالمرحله وره شهر من وفاته الجوارين حارو بينا خطيه مقصرو مثل مابابا جان منقصر وياهم بس شهر كلش كافي همه هم عدهم عوائل وهالوكت كلمن حاير بروحه وكوه مطلع عيشته اني كل هذا واشطر طالبه بالصف معفت دراستي بيوم وهدفي اوصل للاريده هندسه مدني والدتي كامت تشتغل خطيه تسوي كبب وكليجه وتحف وتخيط بس بدت تتمرض صدمه علي اخويه وصدمه ابويه مخلوها توكف على رجلها سنه كامله ونجحت من الخامس بتفوق رجعت لكيت ماما نايمه وخواتي يمها يبجون
ماما شبيج
مابيه ماما شويه دخت
ماما الله يخليج مبقالنا غيرج
ماما لتخافين مبيه شي شو نتيجتج ماشاء الله ياعمري شاطره
رزان- من لحضه وكعت ماما عرفت اني لازم اشيل مسووليه البيت وجانت عطله باديه رحت لجوارينه تشتغل ممرضه بالهلال الاحمر
عفيه خاله اريد اشتغل اي شغله ماما مريضه مدتكدر توكف
خاله ششغلج تعاي باجر ويايه بلكن يقبلون يشغلوج وي العاملات
خوش الله يسهل
رحت ثاني يوم للمستشفى وياها مكلت لماما ومن سالت كتلها داروح اقره يم هدى صديقتي
مقبلو يشغلوني كلش طلعت مكسوره حايره بخواتي ولكمتهم ربي لتخليني بعازه احد من عبادك صارت عيني على وحده جاهله واكفه بالسيطره مال هلال دتبيع جانت لابسه بوشي تجرات اروح عليها اسالها
هلو ميخالف احاجيج
نعم
عفيه اني ابويه توفى واريد اشتغل
ماعدكم بيت
لازعدنا بس اريد اعيش خواتي وامي مريضه
زين شتريدين تكدين
لالا اريد اشتغل
ها لعد تعاي باجر جيبي شي تبيعي واوكفي هنا بيعي
خوش شكرا رجعت للبيت عدي ربطات ماريدها سوده وصايه ماما البس بوشي حتى محد يعرفني
رزان- ماما اني اشتغلت
ماما- ششتغلتي
رزان- ماما بالمستشفى منضفه وماريد اعتراض لحد متكمل العطله
ماما- خوش مكدرت اعترض وام عيسى المنرضه خوش مره تدير بالها عليها
رزان- رحت لام عيسى اتفقت وياها متحجي وكتلها على شغلي
ام عيسى- ماما رزان هذا شارع يخوف
رزان- خاله اني سبعه واذا احد تدكر بيه الم عليه العالم بس خليها سر الله عليج
ام عيسى- خوش
رزان- وصدك طلعت من الصبح ب8ورحت عالبنيه دلتني بالفروع مال منصور وره الهلال اكو ابو جمله اشتري اللي اريده وابيع بالسيطره
لبست البوشي من طلعت فرعنا والصبح ماكو احد وصلت للمحل مال جمله اخذت لوله كنينس كللي هاي بيها 15قطعه ب17و500يعني القطعه تباع على 1500 بيها ربح 500على كل قطعه عجبتني يعني اذا 20قطعه بعت احصل 10باليوم بلشت شغل والحمد لله مااحجي وي اي احد بس ابيع وساكته بس اكول السعر واشوف البنات البسيطره يتموعن لابو السياره الكشخه يلعبن النفس مادير بال عليه بروحي مر اول سبوع واني عدي 50الف جنت طايره بهالانجاز رجعت تسوكت ومكيفه بيها ومر الاسبوع الثاني والثالث واني محافضه على روحي ممبين مني غير عيني جنت اشوف هواي عرف من المنصور والحمد لله مطمئنه محد يعرفني لحد ما صاحني صاحب سياره فخمه كان وي اصدقاءه مبين الغرور ذابحه---
اركان- السلام عليكم وياكم اركان عمري 28سنه خريج علوم بايولوجي اشتغل معمل مال كنينس ملك لوالدي بيتنا بالمنصور واكضيها من ال8للخمسه بالمعمل والباقي من ارجع اطلع وي جماعتي اصدقائي نزيه واحمد وليث وحسن سيارتي كمارو وشايف الدنيا بتك عين جانت ساعه ب6العصر دنفتر اني وجماعتي وبيدي قوطيه ببسي بالسيطره مال هلال ،القندره ليث ديتشاقى واندارت عليه نص القوطيه
اركان- لالالا ليث خرب عشيرتك هم فتحت الجكمجه ادور كلينس ماكو
خرب ماكو كلينس
ليث- شنو باب النجار مخلع ههههه
اركان- دنجب لا ادير الببسي على راسك الجنه بسطال تعاي يبنيه طيني كلينس
صحت على وحده تبيع كلينس
رزان- صيحت بعصبيبيه طيني كلينس جريت جيس ونطيته
اركان- هاج طلعت الف ونطيتهيا ومسحت الببسي ضلت واكفه مثل الشمر ها شكو تاخذيلج فره ويانا ههه
رزان- ااا تره بعد 500كلتها صوت ناصي وضوجني باسلوبه بس شارع كلشي اشوف بي
اركان- رفعت راسي شنوو قطبت حاجبي شنو بعد 500هو ب1000باوعتها مبوشه ولازمه بيدها الالف ايدها ترجف
رزان- لا ب1500
اركان- بابا شنو قفاصه لو شفتي السياره كمت تجوتين
رزان- لا موقفاصه بس هو هيج سعره احجي صوت ناصي خايفه وخجلانه نزع المناضر خزرني
اركان- بيش مشتريته وشكد تربحين عليه صحت بيها ازدحام وواكفين شعدنا بداخلي
رزان- اااشتريته ب1000وابيعه 1500
اركان- شلت الجيس ماركتنا مال شركتنا ومعملنا باوعتلها ليش تكذبين هذا ينباع ب500جمله وتبيعي انتي ب1000تربخين 500صحت بيها
رزان- اني مااكذب شمرت الالف عليه وعفته ورحت
اركان- يطبج هرشي بت النعال صيحت
حسن- لالالالا اركان ليش تسوي هيج كدرت عالفقير خرب فتحت الباب ونزلت صحتها يبنيه يبنيه تعاي وكفت يمها اعتذر هذا صديقي مدري شبي اليوم هاج هاي 2000ماعدي صرف
رزان- رجفني ابن الاودام ماريدها روح اخذها وروح
حسن- اليوم ماروح اذا متاخذيها
رزان- وداعت ابويه اذا اخذتها اذبها بالشارع شنو مشايفين فلوس
اركان- دااباوع عليه من الجامه الجانبيه مقبلت تاخذ الفلوس وحسن خلاها بجيس الكلينس وشمرتها رجع حسن للسياره واني انقبضت روحي شدعواها هالخشم اليابس شكلتلك
حسن- كالت ابن الاوادم رجفني
اركان- هههه اول مره اشوف وحده تكولي ابن اوادم شمدريها اهلي اوادم انداريت على ليث لك زمال بعد كولي ابن الاوادم
ليث- بس انت زمال ابن زمال شجابك عالاوادم
اركان- هههه ضلت ببالي اباوعها من الجامه تبيع وترجع تكعد وذنه البنات يتلوكن وحارن شسوون متحملت هالشي
يتبع،،،،،
اذا حبيتو القصه انطونه رايكم حته اكمل💋💋
