#بنت_شيوخ_مو_بت_شوارع
الجزء 😌 3
،،،،،،،،،،،،،،
#قصص_ود
ماما- صفنت بيني وبين نفسي لازم اروح لاهلي اصالحهم تعبت من الفقر والعازه وهمه كيفهم بعد يصالحوني ميصالحوني يبقون متبرايين مني الموضوع صار سنين ويمكن من يعرفون خلف مات يقبلون يصالحوني ميندري شون صارت امي اني اعرف كل اخبارهم عن طريق بيت جيراننا صديقتي كلش واخابرها بشكل اسبوعي اسال عنهم بس متكوللهم اهلي ساكنين اليرموك وقبل 25سنه حبيت خلف ومقبلو ينطوني اله لان عدهم مشاكل وي عشيرتهم المدامغه والسالفه جبيره بس حبنا اكبر مكدر طلبني عشر مرات اخر شي اخوتي ضربو وطردو من البيت واخوته هم ضربو وكلوله نتبره منك اذا خطبتها واهلي نفس الحجي كالولي بقينا سوه متفرقنا حاولو كل المحاولات اخر شي دزوني لخالتي بالحله واجه عليه خلف هناك واخذني ويا وتزوجنا وسكننا المنصور وعفنا اهلي واهله وكننا عائله تخبل بس اخر 3سنين للاسف تعذبنا حيل اني تعبت وبناتي تعلمو عالماكو بس قنوعات بس بهالحاله التعبانه افكر برزان بعد شهرين يبدي دوامها شون حتقره لازم ارجع علاقتي بيهم اذا صار بيه شي منو الهم وهمه بنات
رزان- ثاني يوم رحت المعمل وعادي كعدت اشتغل دخل المدير شسمه اا نسيت والله هو بي ر وهم بقه يدور بعينه
رئيس القسم ابو رضا - اهلا استاذ العمل ممتاز
اركان- اي زين بقيت ادور عليها هناك لمحتها وره المكينه صارت عيني بعينها ابتسمت كتله لرئيس القسم خل تجيني رزان للمكتب ابو رضا-رزان تفضلي للمكتب المدير يريدج رزان- من صاحني تخربطت احوالي شيريد مني يجوز علمود البارحه ابو مهند عباله صدك بنته اي اكيد دكيت الباب
اركان- تعاي فاتت ابتسمت شونج رزان
رزان- اخاف احجي نصيت همست الحمد لله
اركان- ورثت جكاره باوعتله مبتسم واخيرا شفتج تفضلي كعدي نفضت دخان الجكاره ليفوك مبتسم براحه باوعت لملامحها واخيرا كتلت الفضول وشفتها
رزان- شنو قصدك نصيت هذا عرفني وجهي صار دم وحسيت روحي صخنت
اركان- ههه عبالج مااعرف انتي الجنتي بالسيطره همست رفعت حاجبي صارت حمره كلش
رزان- شكرا لان شغلتتي
اركان- يعني لو مداز عليج متشكريني هاي شبيج صخنتي ماسويلج شي
رزان- لا والله بس خجلانه منك مااعرف
اركان- اووف هاهي لعد شنو تكولين ابو مهند ابويه هاي الكذبه منين طلعتو بيها
رزان/ لا والله معليه هو اني هيج كلتها لان شفتك ترزل بي
اركان- ممم درفعي عينج خل اشوفج
رزان- ميحتاج تريد شي ثاني ارجع لشغلي
اركان- تنهدت لا ماريد شي تفضلي روحي طلعت وبقيت اباوع عليها شون خدود صارت حمره من كشفتها ابتسمت
قررت اقوي علاقتي باختها حتى احصل عليها هي مااعرف شي شادني الها كبريائها يعجبني
روان- جنت طايره بعلاقتي اختي الصغيره حنان انتبهت عليه هي صف اول متوسط وشافتني اتصل واضحك واطلع وكت نومه امي بس اني مدايره الها بال اخذت التلفون وكعدت احاجي براحتي مو عالرصيد مشت الايام
اركان- روانه اريد اشوفج
روان- مااكدر اطلع والله
اركان- زين دزيلي صوره بس
روان- لا عفيه
اركان- ماسوي شي بس اتفرج شصار
روان- ماشي دزيتله صوره بالحجاب
اركان- باوعت الصوره وخزنتها وكتلها مسحتها بقينا نحجي بليل حجي عادي خريط زعاطيط
رزان-استمريت بالدوام عادي عده شهر ثاني بقه شهر عالدوام هو اشوف نظراته الي واني هو اخر همي ماريد انطي مجال واشوف هند كلسا طابه للمكتب وره ساعه تطلع شغله عاديه يعني بس نظراته الي غير جان يوكف بباب المدخل مال معمل يشوفني من اشتغل ويظل يراقبني صافن بغير عالم نظراته تعلمت عليها وكمت احبها
اركان- مجرد اباوع عليها احس روحي كملت هذا الاريده هي مدايرتلي بال ودتعجبني اكثر من صدتني حاولت اتقرب منها بكلام بتلفون مقبلت تنتر بيه ومره هددت ماداوم بعد اذا طلبت مني رقمي
ديله عيني شمسوين ذوله البنات مطشرات اصغر واحله منج وسهلات
رزان- استاذ روح عليهم واني ورايه عائله
اركان- اني رايح بس يجي يوم تندمين وتكولين لو مصادقني اني ولا مصادقهم
رزان- اتندم لان ممسويه غلط مستحيل اترخص
اركان- هههه تفضلي هههه متدري شي بس اريد لشوف وجهها من تدري
رزان- وره اسبوع منهالحجي دخلت للبيت ماما جانت صافنه حايره بستها من راسها وفتت بدلت
حنان- زونه اريد احاجيج
رزان- ها حبيبي محتاجه شي تره عدي فلوس
حنان- لا بس ااختج تحجي وي ولد وتدز صورها اله
رزان- شنوووو خاف غلطانه منيت تخابر من ماما
حنان- اي من تلفون ماما عفيه دااسمع بلااوي بالمدرسه لحكيلها
رزان- دخلت للغرفه لكيتها نايمه دورت جوه المخده لكيت التلفون مال امي تخبلت كعدت وكامت تصيح عليه قفلت الباب وضربتها وطلعت كعدت اكلب بالتلفون شفت صورته وجعني كلبي تذكرت الحجي الحجاه من كللي تتمنين مصادقج ومن كلي احلى منج واصغر منج لطمت على وجهي من شفت دازه اله صوره الها تخبلت سمعت ماما صياحها وعرفت كلشي بس معرفت مديري تخربطت ماما وحرنا بيها بالمستشفى وروان ظلت تاكل بروحها وتبجي
ماما- رزان ماما جيبي تلفوني
رزان- اي ماما هاج
ماما- طلعو بره انتو كلكم خابرت صديقتي جيران اهلي وكتلها تروح لاهلي واخوتي تكلهم حالتي صعبه بالمستشفى بلكن يحن كلبهم عليه خابرت صديقتي اسمها رشا ام احمد وكتلها تكولهم لاهلي ولاخوتي يلحكولي بلكن
رزان- طلعت بالردهه صافنه على روان اريد املخها ونفس الوقت خايفه عليها تقربت منها روان حبيبتي
روان- وخري لتحاجيني كله من وراج
رزان- لا من وراج ماما هيج صار بيها ومتريد تشوفنا
روان- رزان لتضوجيني مبيها شي اذا حجيت وي ولد رزان- روان باعي خل احجيلج كلشي وذاك الوكت انتي اللي تعوفي هذا الولد العفو انتو بنات خلف التفتنا لكينا رجال اربعيني ومرتب وراقي ويا شاب مااعرف وين شابفته
رزان- تفضل عمو اي احنا بناته منين تعرف والدي الله يرحمه
الرجال- لعد امكم وين صفنت بقلق عليهم 3بنات حديثات شايلات حسن امهم وعيون ابوهم الوسيعه
حسن- جنت وي والدي واتصلت بيبيتي وكالت لابويه عمتي الوحيده المختفيه من20سنه ظهرت وهي بالمستشفى حالتها خطره والدي ولاول مره شفته يبجي وكلي اطلع لمستشفى اليرموك بسع دخلنا للمستشفى سال على رياحين مصطاف هذا اسم عمتي ودلو عالردهه وركض عليها من وصلنا لكينا بنات ديحجن ووحده منهم صغيره جانت تبجي والدي وكف جامد بعدين استجمع القوه بابتسامه الم وسالهم
عن امهم ودلو عالردهه دخل والدي ودخلو البنات وراه
رزان- منظر مشايفته قبل شهكه امي من شافت الرجال والرجال كعد على ركبه يبجي ولازم ايدها ونام على ايدها هو وترتيبه وقاطه وكشخته وكعد يبجي باوعت لامي
ماما منو هذا امي جانت تشهك وتبجي
ماما- هذا خالكم علي باوعت عالشاب انت ابن علي
حسن- همست اي عمه اني حسن اشرت على صدري
رزان- والكعبه شايفته بس وين وين بداخلي
روان- باوعت عالشاب دموعه كامت تجري واني هم بجيت لبجاهم
رزان- تقربت من ماما ليش محجيتيلي على خوالي
امي- صار لازم تعرفين كلشي عنهم اني مادوملكم اذا قبلو اهلي ترحون يمهم
ابو حسن- باوع لرزان تقرب منها تعاي خالي تعاي حضنتها قوي ابجي باوعت بعينها رياحين هاي تشبهج بستها من راسها وحضنت روان وحنان
رياحين اليوم ترجعين ويايه ابوج وامج حيموتون ويشوفوج
رياحين- اذا كدرت اطلع من المستشفى واذا مطلعت بناتي امانه بركبتكم الله يخليك خليني اموت مرتاحه
رزان- ماما وين عايفتنه وين ابويه وراح وين تعوفينه
امي- رزان لتعذبيني ماما الله يخليج اخذي خوااتج وروحي لبيت جدج
رزان- لا ماما خواتي اجمعهم وارجع بيت ابويه مااكدر اروح لبيت مستغربه منه بجيت
علي ابو حسن- خالو اني مثابه ابوج
رزان- لعد وينكم وينكم صار2من راح ابويه وحياتي كلها مااعرفكم هسه تذكرتوني
علي- امج حرمتنا منكم امشي احجيلج كلشي كعدي بابا حجيتلها كلشي الها ولخواتها بس عيونهم تبجي
حسن- قهروني كلش وابويه مرد كلبي بقينا وياها لليل وبعدين صرحو تطلع عمتي وكالو ضغطها ديصعط ووجع راسها كله من الضغط
رزان- رجعنا للبيت بفرحه صار عدي بيت جد كعدت يم روانه حبيبتي عوفي لهالولد حجيتلها كلشي
روان- اي اعوفه هذا حقير تدرين شكد اخذ معلومات عنج مني الحقير شيريد مني الله يطيح حظه
رزان- حضنتها الحمد لله روان لتسويها بعد فدوه تره اني مااتحمل وحده من عدكم يصير بيها شي لو تجيها حجايه نمنا وثاني يوم رحت للدوام هذا اخر سبوع وابطل وصلت ودخلت المعمل
اركان- اخيرا جتي دخلت للمعمل باوعتلها اشرتلها تجي للمكتب بخزره جنت متاكد عرفت او انلكفت اختها لان الليل كله اخابرها ومترد
رزان- راسن جيت جنت انتظر يصيحني داروح انهي عملي واذب استقالتي
اركان- دخلت للمكتب ورايه باوعتلها باستهزاء وتكبر ها شونج رفعت حاجبي
رزان- كلش زينه استاذ لتقرب مني بعد ولا من خواتي
اركان- ممممم جنت متاكد عرفتي ههه شنو شعورج مو كتلج تندمين
رزان- الحمد لله عرفت حقيقتك اني راح ابطل من الشغل مبقه شي عالدوام
اركان- بس اني اريد ابقى احجي وي روان
رزان- مستحيل خليت ايدي عالميز مستحيل اخليها تحجي وي ههيج واحد استغل ضعفي
اركان- يله عيني موزين شغلتج بمعمل محترم بعدماجنتي بالشارع ياهو اليجي يتحرش ويلعب بيج
رزان- احترم نفسك دااطلع
اركان- بله بربج شايفه هيج خلقه اذا نزلتها عالنت شيصير بالشباب
رزان- التفتت باوعت عالشاشه المخليها بالغرفه صوره روان عارضها بالبلازما تخبلت ركضت طفيت الجهاز عوفها الله يخليك كلتها بتوسل عوفها بعدها صغيره والله متفهم
اركان- تقربت منها خليت ايدي بجيب البنطرون بس اختها جبيره تنهدت وعاجبتني
رزان- فتحت عيني كلها
اركان- لتباعيلي هيج تسوين نفسج عفيفه اني لميتج من الشارع
رزان- لتكول لميتج من الشارع نترت بهدوء اني بت اشرف ناس بس العازه وكبريائي اللي ميخليني امد ايدي للناس خلاني هيج اشتغل وشي ثاني مو عيب
اركان- ممم هسه انشر صوره اختج لوو
رزان- شتريد احجي
اركان- ليله وحده
رزان- شنو عزه بعينك عزه بعينك شون تريد هيج مااكدر دمعت عيني انت ماعدك عرض
رزان- مستحيل نصيت راسي وكعدت عالكرسي الجان موجود خليت ايدي على راسي
اركان- مدااتحمل انهيارها هسه شدعوه نسهلها بعد بوسه وهاي هي وتمسحين الصوره بيدج همست صرت قريب منها
رزان- رفعت راسي انت واحد متستحي عفته وطلعت
اركان- القرار بيدج كلتها بصوت عاليّ طلعت وسدت الباب وره ساعه طلعت اباوع عليها من تشتغل بعصبيه تكبس رفعت راسها شافتني ابتسمت بلؤم وعفتها ليش هيج داسوي دتعجبني ومااعرف شسوي وجهه ميفارق خيالي حتى باحلامي اشوفها عاجبتني كلش اصفن واتذكر كل كلمه وكل موقف واكضي اليوم بباب المعمل اراقب شغلها دخلت للمكتب
رزان- افوت وامسح الصوره خل يبوسني واطلع من حياته ومن كلشي هذا حقير يسويها وينشر لا زم ارتاح من التفكير وره شوي رحت للمكتب جان مبي احد تلفونه عالمكتب ركضت بي رمز تخبلت شون اخذ الجهاز كله توني دااشيله دخل للمكتب
اركان- شدتسوين هناا تخبلت من شفتها بيدها التلفون تلفوني عوفي ابتسمت ممم جيتي تنفذين الانفاق
رزان- اي همست باوعتله بشموخ اخذ التريده وخلصني
اركان-ممم تنطيني بوسه همست واحس كلبي راد يوكف
رزان- وراها تنطيني التلفون امسح الصوره
اركان- اي تقربت منها ممصدك روحي اتقدم وهي ترجع ليوره وصلت للباب جانت منصيه عينها مديت ايدي قفلت الباب باوعتلي بقلق ونصت عينها
روحي ترفرف ممصدك حبوسها تقربت منها ايدي عالباب بقت منصيه
رزان- جسمي يرجف وبطني كامت توجعني خوف والم وكره اله ولروان ولحظي تقرب اكثر رفع وجهي ولزم حنكي تقرب اكثر غمضت عيني نزلت دمعه عيوني
اركان- تقربت منها ونزلت دمعه عينها وكفت كرهت روحي رجعت ليوره اخذت التلفون من عالميز هي بعدها مغمضه عينها وره شوي فتحته وفركت ايدها بوجهه ممصدكه فتحت التلفون دخلت هالفايبر وطلعت صورة اختها اخذي مسحيها
رزان- تفاجات من عافني روحي كلها راحت رغم خوفي وكرهي اله من عافني وطاني الجهاز وكلي مسحيها اخذت التلفون بسرعه ومسحتها اباوعله ممصدكه جان كاعد عالمكتب ومنصي راسه عالميز
شكرا على كلشي طلعت ركض ممصدكه روحي خلصت وخلصت اختي طلعت خفيفه مريت عالمحاسب كتله بعد ماداوم انطيني راتبي نطاني الراتب وركضت لبيتنا حضنت روان وكتلها مسحت صورتج لتخافين وبعد لتسويها
ماما- يله بنات خالكم حيجي علينا لازم نروح لبيت اهلي
رزان- ماما نعوف ذكرياتنا هنا
ماما- يمه اني تعبت ودوامكم حيبدي الله يخليكم لتتعبوني
روان-ماما من ورايه مو والله بعد ماسويها والتهي بدراستي
حنان- ماما هناك منعرف احد شون تردينا نعيش
امي- كافي عادددد كلمن تحضر غراضها وتمشي كدامي دااكولكم لتتعبوني
رزان- سكتنا وكمنا نلم غراضنا بهدوء وره ساعه اجه ابن خالي اللي مدري وين شايفته صعدنا بالسياره
روان- طلعت من البيت ودموعي تجري كعدت بالسياره
حسن- كعدت ورايه هاي الحلوه ظلت تبجي وتمسح دموعها مردت كلبي صعدت عمتي نزلت من السياره سديت الباب وصعدت الجنط بست عمتي من راسها باوعت لبناتها سلمت ردو بثكل طلعت واسمعهم يبجون وصلنا لبيت جدي ونزلو
رزان- انصدمت من شفت بيت جدي قصر مو بيت دخلنا وخواتي صافنات عالحديقه وعالسيارات اللي بالبيت طلعو كومه ناس تلكونا بحراره وبجي احنا منعرفهم وطلع حجي يطلع بال70من عمرها حضن امي يبجي
رياحين- مكدرت احجي شي بس ابجي وبناتي ورايه صافنين عليه والدتي تعاتب بيه ووالدي واخوتي عفتينا وبعتينا ليش هيج ليش مفكرتي بينا
ام علي الجده- هسه رديتي من راح خلف ارتاحيتي ويا ارتاحيتي لو اذاج
رياحين- يوم عيشني ملكه احجي وابجي بحركه بس بقيت اشتاقلكم جتي صديقتي رشا وحضنتها واخوتي عباس وحسين اني الوحيده لاهلي بس عدي 3اخوه اباوعلهم يبجون ويحضنون بيه ويعاتبوني ليش عفتينا كعدنا نرتاح
ام علي- تعاي بسيمه الخدامه
بسيمه- نعم
ام علي- اخذي البنات لغرفهم وديهم
رزان- رحنا وي الخدامه جانت مره جبيره بالعمر وتعبانه دخلنا للغرفه جانت مو غرفه قلعه طبينا ورتبنا غراضنا نوعا ما ارتاحينا
حنان- رزان عادي اطلع للحديقه العب لو عيب
رزان- روحي حبيبي العبي اخذي راحتج راحت ركض حبيبتي مشافت شي من طفولتها
حنان- طلعت للحديقه انظار الجهال عليه يتبسمون اكو اكبر مني واكو اصغر ولد وبنات
لكيت بايسكل تخبلت اريد اجرب العب بي واني اخويه قبل ليموت علمني عليه صعدت وكمت العب الطرمه جبيره افتر بيها والجهال يباعولي مصدومين شون تعرف هاي سمعت صوت صيح عليه تعاااي نزلي جيبي هاي دراجتي منًو كلج تلعبين بيها ومنو انتي نزلي نزلي يله ولي
حنان- العفو هاك
حيدر - انتي منو
حنان- اااني بت رياحين برطمت
حيدر- عزه بعيني جدي حيكتلني تعاي هاج الدراجه يمعوده والله مااعرف بيج اني ابن خالج
حيدر اذا تردين لعبي ياصف انتي عزه حتبجي
حنان- صف ثاني متوسط
حيدر- شبيج حتبجين اهلا وسهلا بيج اني ابن خالج حسين واني صف سادس علمي وهاي البنيه اختي قرنفل وذيج ورده بت خالي عباس صف رابع ابتدائي اي شي تحتاجين كوليلي اني مثل اخوج باوعتلها تخبل من الحسن وشعرها مي اسود طويل مسويته عالي
يله تعاي صعدي عالدراجه منو علمج عليها
حنان- رفعت راسي دمعت عيني اخويه الله يرحمه
--------------------------------
يتبع،،،،
