امقت اعرافهم لكنها حيتني

١٨

دخلت عمتي وأول وحده بيدها طلعتني وعلي نازل بالباب والولد هم نزلوو
احس روحي بعالم ثاني وايديه گامت ترجف
فتحليب الباب صعدت وريم عدلت بدلتي بارطتلنه وراحت تساعد البنات الموسيقى والهوسه اسمع بس صوت بدون تركيز الحد منطبگ باب السياره اندار علي من يمي وگعد هوه يسوق انتبهت محد ويانه
ركزت علي من صعد ايده طالعه من يم عباته بشت ابيض مأطر بذهبي ودشداشه بيضه جماغ ابيض واسود وسبحه لون اصفر نهايتها سناسل فضه الساعه ذهبي والعطر مله سيارته اني اشوفه ون ميحس لأن مبرگه والبرنص نازل بس ار استرق النظر
حاچاني
..مبروك ياروح علي وعمره انتي
..همست بصوت يرجف الله يباركلك
..يبعد الروح شنهي هالرجفه بصوتچ بردانه انتي
..هزيت راسي لا
..چا دايخه
..لا بس
..شبس ياعمري هدي هسه نوصل وارتاحي البيت فارغ اخذي راحتچ مااضايقج انه عمتي تروح يم عماتي بيت عمي ابو احمد وي عماتي
..من گلي هيچ زت رجفتي حسيت حته رجليه ترجف
..مد ايده عليه وضغط على ايدي قوي ليش احسچ مو مرتاحه بيچ شي تحسين بشي
..لا هزيتله راسي بدون ماانطق
..اهدي حبيبه ..ضلت افكار ابالي وضجت منها الله اليعلم اشايفه بزواجها الأول واتذكرته هسه يجوز خايفه من شي بس مااعتقد مأذيها چانت رايدته هنوب اني شفتحت موضزع ابالي احس نار بيه وشبت توترت حيل وكل مااشوف رجفتها يزيد الي بگلبي
همستلها
..كافي وصلنه كافي رجيف
..لمزت اديه حته اثبتهم بس ماكو فايده حته شفافي ترجف همزين ميشوف شي
نزلني بيده والهلاهل ورانه وعماتي بس يوصلنه ويطلعن وره مايعشون الزلم لأن العشه واحد وهنا اباب البيت بانين مضايف گعدني وبدون لايرفع البرگع عني ولا البرنص صاح العمتي وطلع
عمتي گالت روحي للغرفه ارتاحي علي يگول شكلج تعبانه گتلها اي اروح
اجت ريم تساعدني بالغرفه فتحت البرگع والبرنص
..ولچ شبيچ وجهج اصفر شجاج ترجفين جوعانه انتي مااكلتي شي
..هزيت راسي ودمعت لا مااريد
..چا شبيچ خايبه شجاچ
..ريم فدوه مالي غيرچ تره اني
..اي شبيچ انتي احچي
..اني بچيت ترددت احچي
..ولچ احچي خوفتيني شبيچ ماتردين علي شني
..لا والله شلون مااريده
..چا شبيچ
..اني بعدني بنيه والله علاء ماتقربلي چانت عليه الشهريه بذاك عرسي
..احلفي گلتها بفرحه
..وروح بابا ممجذبه عليچ شلون شگول
..ولچ هاي بعد احسن شلون ماتحچين علي يدري
..لا ماگايله شلون اگله
..ولچ اكو اكثر من هيچ سالفه تفرح زين تعرفين شيصير غير
..هزيت راسي لا محد معلمني
..فلك طرج وين چنتي تعشوو الزلم هسه يزفونه علي لازم يعرف
..منو يگله
..راح اصيح امي أكلها وافهمچ ع السريع
راحت ريم صاحت عمتي وعكاتي من الفضول دخلن وراها بس شو كلهن فرحن على شنوو اني الخوف البيه خلاني مثل السعفه ارجف
گالت عمتي طلعن خلني وحدي وياها حاجتني وانطتني وصله بيضه فهمتني هيه وريم وزاد خوفي اكثر
شويه وصاحوهن گالوو راح يزفون العريس
والهوسه صارت قريبه زفوه ودخل عليه بس حسيته يراقبني وعمتي بقت داخل الغرفه وهوه ضل بالباب متردد يمكن منتظرها تطلع
گالتله علي يمه انتظرك احاچيك مو تتعطل بس يرحون
..صار يمه خير اشرلها وباوعلي
..كل الخير بعد امك
..طلعت وسدت الباب وراها هوه تقدملي رفع حنچي بيده وانه واگفه منتظرته بس الخوف مسيطر عليه
..يابويه عليه وين اروح انه وهالحسن يمي ولچ انتي شطالعه ناويه تننقمين مني وليش هاي الرجفه يابعد علي وعشيرته شنهي الي ابالچ يمنعج من السعاده وياي
..بقيت مدنگه
..اليوم نگضيها هيچ خل اشوف امي واجي افهم منچ صاير شي
..هوه طلع واني احس خوفي قضه عليه وحراره بوجهي تطلع حته من اذني وجسمي مثلج يارب شبيه اني مو تزوجت اول مره ليش ماخفت هيج بس اني مو خايفه من العرس اني خايفه من البيه ليش ضميت كل هذي الفتره