(عاشقة دكتوري) 💕👑

🌸🌸🌸

رواية (عاشقة دكتوري) 💕👑

المقدمه :

اول شي نعرفكم عن نفسي اني اسمي (هيـام) انسانه مسالمه نقرا سنه اولى جامعه تخصص انجليزي مواليد 98 بشرتي حنطاويه شعري لونه بني غامق عيوني حجمهم وسط و بنيات طولي نص نص 😻
...............

الدكتور (أحـمد)
دكتور اسنان مواليد 92
طويل و بشرته حنطاويه وشعره اسود وعيونه بنيات وعنده غمازه على خده اليمين 😻
(طـبعاً القصه كلها بتدور على الشخصين هادو الاثنين )

...........

(خـالد)ابو هيام طبعا هوا مش كبير هلبا من مواليد 64 انسان ما شاء الله عليه الناس كلها تحبه وتحترمه و عنده شركه صغيره ماسكها هوا وخوه

(ابتـسام)ام هيام مواليد 68 استاذه جامعيه الناس تحبها وتقدرها

(هشـام)اخو هيام اكبر منها بي سنتين مواليد 96 يقرا سنه ثانيه جامعه تخصص طب اسنان

(هنـد)اخت هيام مواليد 2001 تقرا ثاني ثانوي

ــــــــــــــــــــــــــــــ

باقي الشخصيات تتعرفوا عليهم الحلقات الجايه

....البداية....

انا :- هنننند هنننند نوضي حي عليك وقت عليك مدرسه الساعه سبعه ونص نوضي بسسسرعه

هند 😴:- تي خيرك عطله اليوم حتى في العطله ما تبوش تخلوني نرقد 💦😒😴

انا:-عطللله 😳 بجديات تحكي عطلة شني

هند:- عيد العمال تي خليني نرقد 😒

انا:- به ارقدي اني الضالمه اصلا 😒

(نضت اني خشيت الحمام توضيت وصليت وخشيت الكوجينه شربت اميه درت فطور وقعدت نستنا فيهم امته ينوضوا )

(جت الساعه 8 ونص ناضوا وقعمزنا على صفرة الفطور نفطروا)

بابا :- خوكم هشام وين ؟!

انا :- راقد زي عادته يعني 😴💦

بابا:- هند بنتي بري نوضيه قوليله قالك بوك نوض عندي مشوار اني اليوم وامك تبي حوش خالتك نوض بش توصلها

هند :- حييي بنمشوا لي حوش خالتي 😻

بابا:- اي تي غير بري نوضيه الخميره هدا 😂

2 انا :- شن كملتوا فطور نحول الصفره

ماما :- حولي حبيبتي وبعد تكملي تعاليلي في الدار عندي ليك موضوع 😏

انا :- به تمام (الصراحه ما حسيتش بروحي واني نضم قعدت نفكر في الموضوع شن هوا 😂 )

...بعد كملت مشيت طقيت على ماما الباب ...

ماما:- تفضلي حبيبتي تعالي

انا:- به

(قعمزت على السرير جنب ماما)

انا:- ماما شن فيه ان شاء الله خير ✨

ماما:- كل خير يا بنتي بنقولك على موضوع صار امس لكن ما بيتش نفتحهولك قدام خوتك هيثم ولد خالتك امس كلمني قاللي (يا خالتي اني بنتك نبيها بالحلال وليا فتره واني نراقب فيها في الكليه من غير ما تعرف واني من زمان متعلق فيها هلبا ويا ريت تشوفيلي رايها هيا قبل ) واني اليوم بنمشي لي حوش خالتك وبنفتح لي خالتك الموضوع هااا شن قلتي يا بنتي

انا مرتبكه ومصدومه معاش عرفت شن نقول 😳:-اممممم مش عارفه يا ماما (وهربت نجري لي داري طوووول 😂)

ماما:- به تو نوريك مش عارفه صاااار 😂
..قعمزت على السرير وشديت التلفون ورنيت على فيروز صاحبتي طبعا اي موضوع يصير معاها تحكيلي عليه واني اي موضوع يصير معاي نحكيلها..

انا:- الوو شن الجو يا حنوانه 🐸

فيروز :- الووين الجو مليح يا درده 🐒 شن مكلمتني على الصبح فيه حاجه بتحكيها ومقدرتيش تشدي روحك معناها 😂

انا:- اي 😂(وحكيتلها ع الموضوع)

فيروز 😻:-هااا وانتي شن قلتي

انا :- ما قلت شي قعده وخيفه من جيهة اني قعده صغيره ومن جيهة ثانيه اني نعرفه ومن زمان مع بعض و نلعبوا مع بعض

فيروز:- تي شن صغيره هادي ندادك بصغارهم وثاني شي عادي يعني لو خديتي واحد يقربلك شن المشكله يعني انتي مش اول وحده تتزوج ولد خالتها هلبا غيرك

انا:-به تو نزيد ندرس الموضوع 😂 سلام ماما تنتدي اكيده بتقولي وتي روحك

فيروز:- وين بتمشي 😒

انا:-حوش خالتي 😂

فيروز:- ياا سلاام من اولها😂

.........

#يتبع