.
.
.
.
سكرت المكالمه من فيروز ونزلت لي ماما
انا:- نعم ماما
ماما:-اسمعيني حبييتي تبيه قولي نبيه ما تبيشي قولي ما نبيشي اني ما نبيش نغصب عليك شي وللعلم حتى بوك قلتله على الموضوع ووافق وانتي خلي معاك اسبوع فكري فيه واعطيني رايك
انا :- يا ماما اني والله ماني عارفه خايفه وفي نفس الوقت متحشمه يعني ولد خالتي هدا زي خوي
ماما :- حبيبتي الحياة قسم ونصيب ومسألة زي خوك هدا كله ينحل بعد الزواج
انا:- تو نزيد نفكر تمام
ماما:- توه بري جهزي روحك انتي واختك خوك قريب يقول هياا
انا:- تمام
(ركبت جهزت روحي وكلمت هند اني لبست قونه ليكرا سوده وعليها بلوزه اخضر غامق ووشاح اسود وسبيدرو نايك ابيض ودرت مكياج ع الخفيف وحطيت بارفان ونزلت لقيتهم يستنوا فيا )
ماما:- هيا بنتي خوك يستنا
هشام يعيط من السياره 😹:- دقيقه تانيه بس وبننزل من السياره اني ودوروا من يرفعكم
انا :- تي غير خف علينا 😹
هشام :- والله كان ما تسكتيش لما نجيك 😒😂
انا:- به خلاص سكتت
(وركبنا في السياره وطول الطريق ماما وهشام وهند يهدرزوا واني في عالم اخر وما نندريش عليهم شن يقولوا 😂ونفكر كيف بنحط عيني في عين هيثم 😢 )
(وصلنا لي حوش خالتي ونزلنا وسلمنا طبعا خلي نعرفكم عليهم...
(بسمه)يكون اسم خالتي (ريم 😻) هاذي تكون بنت خالتي وصاحبتي في نفس الوقت هيا اصغر مني بسنه (هيثم 😒) ولد خالتي يقرا معاي في الكليه اخر سنه
وبوهم متوفي ليه سنتين 😢 هادي عائلة خالتي بسيطه جدا وحلوه وتوه نرجعوا لي روايتنا )
ريم :- هيا هيومتي نركبوا لي داري فوق فيه هلبا كلام بنقولهولك 😜
انا حطيت فبالي طول انها بتكلمني على خوها :- به تمام هيا
(وركبنا وقعمزنا اني درت روحي ما نندريش على الموضوع )
انا :- شن فيه ان شاء الله خير
ريم :- اخخ شن بنحكيلك 😍 كان تشوفي شن صار معاي
انا:- صااار معااك كنت نسحابك بتحيلي على خوك
ريم :- خووي !! خيره خوي
انا في اللحضه هادي تمنيت روحي مزهريه 😂و عرفت انه هيثم مش فاتحلهم الموضوع :- اااااا لالا غير تحمست زياده عن اللزوم 😅 بديت نخترف هيا احكي شن صار معاك
ريم :- اامممم به ان شاء الله خير وخلاص 😏😂 المهم اسمعي عرفتيه الولد هداكا الي وريتهولك في المحل الاسبوع الفات الي قلتلك انه مكلمني قبل هكي
انا:- اي الطرفوش هداكا خيره 😍 متقوليش تزوج 😂ولا خطب زعمه 😏 امممم لالا اكيده ارتبط 😳🙊
ريم :- ممكن تخليني نكمل كلامي لو سمحتي 😒
انا :- كملي حبيبتي كملي 😂
ريم :- كلم هيثم الجمعه 😻 الفاتت جا صلى في الجامع الي بحدانا وبعد طلعوا من الجامع كلم هيثم قاله اني اختك معجب بيها ونبيها بالحلال
انا:- يا حليلي 😻 به وانتي شن قلتي ؟
ريم :- شن بنقول اكيده بنقول لا لاني قاعده صغيره 😒 لكن والله خساره بيضيع من بين يديا 😂
انا:- وانتي مش ضروري تتزوجي توه قوليله يستنى حتى سنه ولا اثنين قدام
ريم :- ممكن يستنى سنه لكن سنتين هه مستحيل
انا:- انتي قوليله وشوفي رده
ريم :- به تو نزيد نكلم هيثم
(نسمع في صوت ماما وخالتي ينادوا علينا نزلنا لقيناهم موتيين الغدي )
خالتي:-ريم بنتي اتصلي بي خوك شوفيه وين يجي يتغدا
هند:- لالا ما تتصليش توه كلمت هشام قاللي اني جاي اني وهيثم
ماما:- اكيده كانوا طالعين مع بعض
خالتي :-به هيا تعالوا نتغدوا حني اونه حولتلهم غداهم هما
(تغدينا وبعد كملنا ريم جابت فواكه اني شديت تفاحه ننتش فيها اول ما غرست فيها سنوني تنكسر التلبيسه متع سني ومن هني بيبدا الاكشن 😂😂....)
انا :- ااااااي حي عليا حي انكسرت التلبيسه ياماما 😱
ماما:- حييي به خليها معاش تحركيها خلي جي خوك تو يرفعك للعياده
#يتبع ....
توقعاتكم الحلقه الجايه في تعليق ☺
