اسفه على التأخير والله ماهو بي يدي عندي ضرف وتوه كتبتها الحلقه غير على خاطركم وعارفه انه بتقولوا قصيره لكن هدا الي قدرت عليه توه
ــــــــــــــــــــــــــــــــــــــــــ
.
.
.
.
.
الحلقة 5
انا نشوف لهشام ونأشر بايدي بمعنى علاش قلتلي ما تمشيش
هشام:- قوليلها مش مشيا توه وتو بعدين نقوللك
انا:- والله هشام قاللي ما تمشيش
*هشام خبط ايده علي راسه * :- غبيه
فيروز:- شن فيه موضوع ولا يبيك تمشي تخطبيله ولا شن 😂
انا :- اي شكله ههههههههههه
فيروز :- به تمام هيا تشاو
انا:- تشاو *وسكرت*
خيرك قلتلي لا شن فيه
هشام:-نبيك تمشي معاي بنشري هديه لـقدر
انا:- اشييه نخدم تحتك
هشام: غير هيا بلا تسهويك
انا: قرايتي اهم يا بابا 😏
هشام: هيا بش نشريلك حتى انتي هديه
انا: صح كلامك مزبوط القرايه ما ليهاش فايده 🐸حاضر خوي تو نمشي معاك
هشام: سلمها المؤدبه ههههههههههه
انا: سلمني يا حنه 🐸
(خشت هند)
هند: وين ماشيين نسمع فيكم رهو
هشام: مكان
هند: ارفعوني معاكم
هشام: مش للصغار
هند: خزيه اني صغيره توه
هشام: حتى لو انك مش صغيره لكن تلعبي في دور البنت الصغيره اخر العنقود شن بنديرلك ههههههههه 😂
هند: اجعلنا من الصابرات (وناضت وسيبتهم)
هشام: هههههههههههه
انا: اسمع حقاا نبيك تفوتني على العياده
هشام: شن عندك فيها مش مشيتي امس
انا: خاتمي طاح غادي وبنمشي ناخده
هشام: ووين بتلقيه اكيده قاموه الصحاح
انا: لالا كلمني الدكتور وقاللي انه لقاه
هشام: منيي؟؟؟!!
انا: الدكتور
هشام: والدكتور رقمك شن يدير عنده
انا: شن فيها يعني لقى الخاتم ومشي للاستعلامات خدا رقمي منهم وقاللي عليه فيه الخير هوا والله لو واحد غيره راهو قامه ولا من يدري ولا من يحس
