ماما:- ان شاء الله
(ركبنا في السياره و روحنا للحوش )
ماما :- هيام غيري حوايجك وانزليلي بنكلمك
انا :- به حاضر
غيرت حوايجي لبست بيجامه ونزلت
ماما :- خيرك ما خليتينيش نقول لي خالتك بكري علاش ما تبيش توافقي على الاقل ولد خالتك خير من براني
انا ما بيتش نحكي لي ماما على صار في الكوجينه لانه لو قلتلها بتولع بينهم 💦 :- خلاص يا ماما اني قتلك قبل هكي نعتبر فيه زي خوي كيف تبيني نتزوجه ومعاش تلحوا عليا لانه بنزيد نكرهه وركبت وسيبتها
(ركبت خشيت للدار سكرتها بالمفتاح وقعمزت على السرير ورنيت على فيروز )
انا:- الوو
فيروز :- اهلين
(انا حكيت لي فيروز الي صار كللله )
فيروز :- حي الحقير كيف يدير هكي
انا :- مش عارفه اني بروحي تفاجأت من تصرفه
فيروز :- لكن شكلك كبدتي في الدكتور 🌝😂
انا :- سكفمك حيوانه 😒 نتحشم اني 🙈🙊
فيروز :- اي صح تتحشمي هلبا 😂...به شن بتمشي للكليه غدوه
انا :- لالا مرات ما نمشيش
فيروز :- اكيده على خاطر هيثم
انا:- اهااا اكي عرفتي ...هيا تشاو بنسكر توه
فيروز :- تمام تشاو
(سكرت من فيروز وشديت الكرت الي عطاهولي الدكتور احمد خاطري نكلمه وفي نفس الوقت ما نقدرش لانه بياخد عليا فكره وبيقول هادي ما صدقت فجأه يتصل بيا رقم قعدت نشوف للكرت لقيته نفس الرقم 😳خليته يرن شويه وبعدها رديت )
انا :- الوو من معاي
الدكتور :- اهلين هيام صح !!
انا درت روحي ما نعرفاش 😂:- اهاا تفضل من معاي
الدكتور :- معاك الدكتور احمد بكري طاح منك خاتمك ذهب هني لحقتك برا ملقيتكش مشيت للاستعلامات خديت رقمك منهم
انا شفت لي ايدي طول ملقيتش الخاتم 😳:- دكتور شكرا بارك الله فيك دكتور غدوه نمر عليكم في العياده ناخده
الدكتور:- تمام ولا يهمك تعالي في اي وقت تلقيه عند الاستعلامات
انا:- اوكي
الدكتور:-كيف حال سنك توه
انا:- تمام كويسه
الدكتور احمد:-مكليتيش عليها قعده صح !!
انا:- اهااا محافضه اني ما كليتش عليها ☺
الدكتور احمد :- اهاا كويس وشن جوك انتي وشن امورك
