(جي هشام وهيثم واني طبعا من الخوف على سني نسيت موضوع هيثم 😂..رفعني هشام للعياده وخشيت اني وهوا قعد في السياره مشيت لي الريسبشن سألت على دكتوري لو موجود قالولي لا اليوم مش مداوم لكن فيه دكتور احمد كويس لو تبي تخشيله )
انا:- به تمام في اي غرفه
الدكتوره :- الغرفه رقم 5
انا :- به تمام (مشيت للغرفه واول ما نخش ننخبط في الدكتور وهوا طالع )
الدكتور :- بالله عليك سامحيني يا اختي ما شفتكش
انا تحشمت ما قدرتش نقيم راسي ونشوفله:- لالا عادي دكتر ولا يهمك (وخشيت للغرفه لقيت ممرضه سألتها قلتلها الدكتور احمد موجود قالتلي اي هدا الي خبطي فيه قبل شويه 😂)
اني 😱:- ما تقوليهاش
الممرضه :- اي والله هوا 😂
(وعلى خشت الدكتور احمد اني ما بيتش نشوفله بكككل 😂)
الدكتور :- شن جوك تمام
انا نشوف لوطه ونجاوب 😂:- به تمام الحمد لله
انا قعمزت على الكرسي متع الاسنان وهوا جي قعمز على الكرسي الي جنبي وهدا كله اني قعده نشوف لوطه 😂 رقدت على الكرسي وغمضت عيوني 😂)
دكتور احمد :- اما سن الي انكسرت
انا :- اهي ال جنب الناب
دكتور :- ااااه اي صح اهي
(الدكتور جاب الادوات وبدي يديرلي فيها )
(انا قلت في خاطري والله لما نفتح عيوني ونشوف شكله اول ما فتحت عيوني جت عيني في عينه اني معاش قدرت نسكر عيوني وقعدت نتأمل في وجهه 😍😂😍)
الدكتور :- فيه شي 😂
انا استوعبت لي روحي:- ااااه لالا دكتر ما فيه شي 😅
دكتور :- خلاص كملنا مع اني تمنيتها ما اتمش 😅
انا :- نعم 😳
دكتور :- المباره المباره تمنيتها ما تمتش 🐸 🌝
انا :- اهاا تمام
(الدكتور مدلي كرت فيه رقمه )
الدكتور :- هدا رقمي لو استحقيتي اي شي مره تانيه كلميني
انا :- تمام دكتور (وطلعت نجري عيوني قلوب 😍)
ركبت في السياره🐊
هشام :- خيرك فرحانه شن الي مفرحك لي الدرجه هذه 😒
انا:- لالا غير فرحانه بي سني 🌝
هشام :- اممم به 😏
(وروحنا لي حوش خالتي نزلت وكلهم قعدوا يسألوا فيا على سني وبعدها خشيت للكوجينه بنمضمض فمي خش هيثم )
انا:- هيييي خلعتني
هيثم قرب مني :- قالتلك خالتي على الموضوع ؟
انا 😳:- هيثم ابعد شن الحركات هدي (اني تفاجئت من حركته لانه مش من عوايده الحركات هذه)
هيثم :- متخافيش مهناك حد
انا :- حتى لو ما هناك حد ابعد لو سمحت
هيثم بعد شويه :- به حاضر على خاطر عيونك الحلوين اني بعدت
هيثم :- به سألتك جاوبيني قالتلك خالتي على الموضوع صح !
انا معاش عرفت شنقول:- اي قالتلي
هيثم :-به وانتي شن كان ردك
انا :- الصراحه اني قاعده صغيره وما نبيش نتزوج توه
هيثم :- تي اني نستناك لي اخر العمر امته ما يخطرلك تبي تتزوجي تلقيني قدامك
انا :- مش عارفه
هيثم :- شن مشعارفه انتي ما تبينيش ؟
انا :- قعده مش عارفه اني نعتبر فيك زي خوي ومش متقبله فكره الزواج منك (سمعت صوت ماما تنادي) ماما تنادي بنمشيلها
هيثم :- به تمام نتفاهموا بعدين
........
ماما:- بنتي نبيك تجيبيلي طاست اميه
انا :- به حاضر
(جبتلها اميه وجيت قعمزت جنبها)
انا همست لي ماما بصوت واطي:- ماما قلتيلها خالتي على الموضوع
ماما :- لالا مزال كيف بنقوللها توه
انا :- به ما تقوليلهاش احسن لانه اني هكي ولا هكي مش حـنوافق
ماما 😳:- علاااش
انا :- خلاص قلت مش حنوافق واكيده ما تبوش تغصبوا عليا حاجه ما نبيهاش
ماما ارتبكت :- به به على راحتك
هشام:- شن مزال يا امي مش مروحين
ماما :- هيا هيا اني نايضين
خالتي :- اقعدوا والله مزال الوقت حتى العصر ما ادن قعد
ماما :- مره تانيه والله خالد قريب يروح توه
خالتي:- اااه به على راحتكم عاودها بالله عليكم
.
.
.
#يتبع
توقعـاتكـم للحلقـه الجايه في تعليـق ✨🌸
