Kuch toh galat ho raha hai,
Dusro ki mazburiyo ko undekha karke,
Koi apne hi dukhde ro raha hai.
Kisi ko ek nivala tak naseeb nahi,
Koi dakare lete nahi thak raha hai,
Kuch toh galat ho raha hai
Paise kamane ka zariya dhundne main,
Khudko koi kho chuka hai,
Duniya ke bazaar main khudko bechne,
Koi apne aap ko savaar raha hai.
Kuch toh galat ho raha hai.
Jisne banaya usse bhool kar,
Kisi pathar ke paas ro raha hai.
Badla lene ke silsilo se,
Khudko hi koi jala raha hai.
Kuch toh galat ho raha hai.
Sab kuch jaan kar bhi,
Koi aankhen nahi khol raha hai.
Kabhi khatam na honewali daud main,
Jeet ki umeed se daud raha hai.
Kuch toh galat ho raha hai.
-ZahrahSakhib
आप पढ़ रहे हैं
Hindi Poems ( Dil ka haal )
PoetryBaatein kuch aisi dil main ghar kar gayi, Aansu aur hasi main jaise koi fark hi na ho, Jab sabne kaha tum chup raho, Humne apni baaton ko kaagazo par utaar diya... Read, Like and please do comment 😊
