بقايا امراءة

البارت الاول

ولج نور كعدي ساعة سبعةونص يلة حتى تلحكين للمدرسة
نور/ماما ماريد اروح اليوم احس بلاعيمى توجعنى
الام/اي طبعا بليل كتلج لاتسبحين سبحتى ونمتى وماجففتى شعرج وانتى بلاعيمج على اهون سبب تلتهب اروح اخذلج اجازة واجيبلج علاج من المستوصف
نور/فديتج ماما حياتى نبع الحنان
سلام متابعين هذا حوار بينى وبين ماما في يوم الي شفت به حسين لأول مرة الي كان اول حب بحياتى بعدين احجيلكم عنه هسة خلي اعرفكم بنفسي اسمي نور اني بيضة وطويلة ومربربة شوية وعيونى وسط لا اكبار ولا اصغار لونهن بني عندى غمازة وحدة وشامة على شفتى العلي شفايفي مليانة عايشة مع اهلى الي همة بابا الي هو موظف بشركة النفط وماما ربة بيت واخواني اكرم 20سنة طالب كلية سنة اولى ومحمد18 طالب سادس اعدادي وخواتى ريم 25متزوجة مفوض بالشرطة وعدها ولد اثنين واختى الثانية ريام 22مخطوبة لأبن عمتى واني اصغرهم اني عمرى اهنا 15سنة
هسة اتعرفتوا على اهلي خلي نروح لتاريخ هذا اليوم 7/4/1995 اليوم الي شفت بيها لأول مرة حسين.
اخذتنى ماما للمستوصف وبعد فحص الدكتورة كتبتلي علاج رحنا للصيدلية حتى اخذ علاجي جان اكو ازدحام كلت ماما انتى كعدى واني اوكف بالسرة وفجاءة واحد مد أيده قبلي لشباك الصيدلية ألتفت على صاحب الايد لكيته شاب صاك وحلو بس مع ذالك اسلوبه محلو كان لان ضرب السرة مع العلم كان دورى كتله هييي اشبيك أنت ماتشوف اني سراي وتمد ايدك وتاخذ السرة منى كال لي ورة مارفعلي تك حاجب اني كنت قبلج بالسرة بس الصيدلي رجعنى للختم ختمته واجيت وأمي تعبانة ماتكدرتنتظر اكثر رجعت وانتى اعتقد تكدرين تتحملين لانج مامبين عليج مريضة بهل خدود الوردية وغمزلي حقيقة خجلنى ونرفزنى بنفس الوقت سكتت وهو اخذ علاج وراح واني هم اخذت علاجي ورحت لماما كتلها يلة ماما بالطلعة شفنا نفس الشاب يصعد مرة كبيرة للسيارة وهو يصعد ويسوق انتبه إلي ابتسملي وأنى خازرته لأن شفته مليق ههههههه
ورة يومين داومت للمدرسة ماكنت اصادق بنات هواية كانت عندي صديقة وحدة كلش قريبة منى اسمها سوزان من كنا نرجع من المدرسة ودنيا تمطر مطر شهر نيسان فاتت سيارة سريعة وبللتنا كمت احجى وصديقتى هم اشو السيارةنفسها دارت من الاستدارة ورجعت إلنا وفتح شباك سيارته اتفاجات بنفس الشاب الي شفته بالمستوصف قبل يومين ..خلي اوصفلكم حسين شاب طويل ضعيف عنده لحية مرتبة ولبسه انيق حنطي اللون عيونه اكبار وعنده غمازتين من يضحك تظهر بشكل يسحر الواحد ولون عيونه عسلية
حسين/اسف بنات ماجان قصدى لكن كنت مستعجل لشغلة ضرورية
نور/انت 24ساعة مستعجل وضارب الناس بعرض الحائط وشايف نفسك
حسين/على كيفج لاتصيحين موكتلج آسف ماكان قصدى ابللكم وأي شئ تريدون أني حاظر تريدون اوصلكم
نور/لا شكرا روح الحك لشغلتك لاتتاخر
حسين/براحتكم
وراح حسين وسوزان مصدومة وفاكة حلكها
نور/سوزان شبيج امشي
سوزان/ولج دوخنى الولد اشكد وسيم وصاك هنيالها الي يحبها
نور/دا امشي امشي صدك بطرانة شوفي هدومنا وبعدين انعجبي به هذا فد واحد مليق
سوزان/يعنى شنو مليق؟؟؟
نور/هههههههه ولج شمدرينى هى كلمة قريتها بكتاب وعجبتنى ومااعرف معناه
سوزان/عااا واجمالا تكوليها على الولد ههههههه
وصلنا للبيت وراحت سوزان لبيتهم
دخلت وشفت بيت خالتى عدنا...تتبع

اذا اشوف تفاعل اكمل الكتابة فديتكم احبكم اتمنى تصوتون وتشجعونى