بقايا امراءة

البارت التاسع عشر

كلنا نستطيع ان نحب ونقول ونشعر لكن الصادقون منا فقط من يستمرون حتى النهايه

من سألته على أحمر الشفاه الموجودة على ياخة بلوزه منين إجت؟
ارتبك وكام يمسح بيده بوجهه وشعره ويتلعثم وماكدر يحجي.
نور/باوعتله بحسرة كتله شوف أني راح اريحك من الاجابة واكولك أنت تخونى؟.
أمير/😨😨
نور..أي أعرف تخونى لان  سمعتك تكلم وحدة قبل أيام وتكوللها احبج...موبس أني لا زنوبة هم سامعتك لاتنكر 😭😭
أكيد هي صاحبة أحمر الشفاه مو؟😭
أمير/نور اسمعينى حبيبتى
نور/😭😭لاتكول حبيبتى...لاتكول
امير/اقتربت لزمتها وهي منهارة وتبجي وتشهك كتلها اسمعينى ترى فاهمة غلط أنتى السالفة ومابيها كاعد استغل الابنية لأن ابوها عميد كليتنا وكاعد تساعدنى بهواية امور وتسهل علية دراستى هم و...
نور/كتله لاتكمل وقاطعته كتله موجنت تكولي انتى نجمة بعيدة جنتى ماصدكت حصلتج وين راح كلامك😭 ها  وووووين 😭 وصل بيك الأمر تخوني أمير بس بس كولي بشنو قصرت وياك كووول😭😭 بشنو؟؟
كمت اقترب منه واضرب على صدره واكوله كووول قصرت وياك اشو شايلة البيت على رأسي كله بشهادة من خالتى  بنتك اتعبني بس من تدخل للبيت البس واتكشخ واتعطر ويوم مامنعتك عن نفسي يمتى ماتريدنى تلكاني جاهزة وانتظرك ليش😭😭 طبعا جنت منهارة اني احجي وابجي واشهك.
امير/نور والله مجرد جسر اعبر عليها لحد مااكمل كلية بدون عوائق وآلله ماجان قصدي اتورط وياها بالمرحلة الاولى جان حبج مشعش بقلبي مااتحملت الا من اتزوجتك ماجنت اشوف كدامي غيرج بالمرحلة الاولى مااهتميتلها بس بالمرحلة الثانية ورة سالفة حسين كمت اقترب منها حتى انتقم منج...ورهف هي تحبنى صح بس أني مااحبها بس اعبر عليها
نور/انصدمت بكلامه رررررهف المايعة كنت تقصدمو؟؟!!!!كتله شتحجي أنت معقولة أنت أمير زوجي شنو جسر شنو تنتقم منى أني علاقتى بحسين كانت قبل لا اتزوجك موبذمتك كنت كمت افقد واعيط ولك اني شرفك وعرضك مرتك شلون تحجي هيج علية  سمعونى أهله واجت خالتي كالت شكو؟؟شبيكم ؟؟؟
نور/خالة ابنج يخوني 😭😭
أم امير/شنو هلحجي 😱
نور/كدامج اساليه😭😭
أم أمير/احجييي أمير صدك حجي نور
بهل اثناء اجي عمي واحمد وزينب
زينب/اي صحيح كلام نور يخونها سمعته فديوم بليل  يحاجي وحدة .
نور/سمعتوا شفتوا 😭😭
امير/بنت الكلب سكتى وهجمت عليها ردت اخنكها بس أحمد ادخل وسحبها مني وكام يوكف بوجهي وابوية كام يحجي علية اتعصبت كتلهم لحد يدخل بينا أني وزوجتى واني اعرف مصلحتنا وين😡😡
نور/وين مصلحتنا لو مصلحتك انت وية رهف  هااا بعياط
أمير/شفتها تعيط علية مااتحملت يعلي صوتها علية دفعت أحمد وهجمت عليها ولزمت شعرها وكمت اسحل بيها من فوك الدرج لجوة اريد انزلها اذبها برة  وابوي وامي يعيطون علية واحمد بينى وبينها ماكدر ودفعتها من جنت  ادافع وية احمد وكعت من فوك ماكدرت الزمها ولا أحمد لحك وكعت وانظرب راسها بزاوية الدرج الجوة وفقدت وكام يطلع دم من شعرها ينكط وامي تعيط وتلطم وتضرب بية موتتها الابنية  يانذل اني جمدت بمكاني ومصدوم وشفت شلون أحمد شالها ودم ينكط وأمي وزينب يبجن وابوية راح للسيارة صعدوها واخذوها وأني ولاحركة الا صحيت على صوت زهورة الي كامت تبجي وزينب بقت بالبيت وأمي راحت وياهم صعدت زينب وهي تروح لزهورة وتكول حسبي ألله ونعم الوكيل ....
نور/مااذكر شلون وكعت شلون اجيت للمستشفى منو جابني منو دفعنى ع الدرج  لكيت راسي مخيط وعليه شاش وعمي وخالتى وأحمد فوك رأسي من شفتهم كمت ابجي كتلهم اريد زهراء اريدها جيبولي إياه اخذوني لأهلي 😭😭
خالتي تسكتنى وتحضن بية كالت هسة نرجع للبيت بس ناخذ اشعة الدكتور كال  وفعلا اجت الممرصةشافتنى كعدت اخذوني للأشعة حمدالله طلع مابية شي وطلعت من مستشفى حلفتهم عمي وخالتي ياخذوني لاهلي دخلنا للبيت وأمير فتحلنا الباب وعمي بس شافه ضربه راجدي وكله كتلت نفسك على نور وتالي تخونها أني ماباوعت عليه دخلت صعدت كمت ألم هدومي وحاجات زهورة وخالتى وزنوبة يتؤسلون وعمي جوة يعيط على أمير كملت كتله أحمد عفية وصلني لأهلي وخالتي كالت ميخالف روحي ارتاحي جم يوم وتعالي أني هم جاية وياج كتلها ماارجعله أبدا كالت خالتي يمة لاتخربين بيتج وتخليه يروحلها يمة لاتشمتين احد بيكم 😭😭سكتت وطلعنا لبيت أهلي
وصلنا لبيت أهلي نزلنا وانصدموا أهلي بحالتي وكامت خالتي تسولف وتعتذر  وأني ابجي لان هضمنى حيل انصدمت ب أمير ولاعبالك أمير إلي أعرفه .
لليل وراحت خالتي هي طلعت منه واهلي استلموني منا ابوية يكول رجال وحقه يتزوج اربعة شرع محلله انتى صيري حبابة وسايريه وكسبيه يعوفهن ويرجعلج وتكدرين تخليه مايباوع لغيرج (كلت بقلبي اذا أنتو الزلم عيونكم فارغة شساير😏😒)
وأمي تكولي انتي مقصرة يجوز ماتعرفين اكوللها وآلله مابية قصور اسألي خالتي😭😭

اخواني يكولون انجبي وسكتى باجر ترجعين لبيتج وكافي رعونة😡😡
أختى ريم جانت يم اهلي تكول انتي ماتعرفين تتصرفيين فاهية دومج
ووووووو.....
صرخت عليهم كتلهم محد عايش حياتي ويعرف أمير شنو جان إلي وبقلبي شنو جان حقكم هو كسرني بخيانته وفوكها صدمنى بيه بكلامه وضربه الي ومستحيل ارجعله اندار علية ابوية وفتح عيونه وكال شتقصدين ؟؟؟؟؟
غمضت عيوني وكلت يعني اطلك......

تتبع......
توقعاتكم...واسفة على التأخير
احبكم...نور