بقايا امراءة

البارت السابع

نور/ظليت اتسال وية نفسي ليش ماكو خبر عن حسين وأهله مااشوف إلا كبت العيطة جوة بالبيت أسمع أمي تصرخ على محمد شبيك منو مسوي بيك هيج كاللها معليج وخرى عني وصعد ودفر باب غرفتى ودخل لزمنى من شعرى كال خوش مستغفلينى جنتو انتى وحسين اليوم جنزته تجنز وهددته اموته اذا يقترب من يم بيتنا وانتى خلاص شئ اسمه حسين تنسيه للأبد افتهمتى وضرب راسي للحائط وراح كمت حطيت ايدي على حلكى وبجيت بسكتة وخليت رأسي بين رجليه وشهكاتي تطلع واكتمها كوة.
مرت الأيام وكمت اشتغل بالبيت مثل الخدامة ومحمد بكتله يكومنى وبكتله يكعدنى حرمنى حتى من الحديقة واخوية أكرم جان اهون منه اشوية بس جان مايحب العنف فجان مخلي العنف ل محمد مااحجيلكم عن الايام السودة الي شفتها خلال اسبوعين .
واختى ريام جانت تجى وتلوم بية وتروح وريم نفس الشئ خواتي ماجانن قريبات منى أبدا بس صديقتى سوزان هي جانت منفسي الوحيد والي تسمعنى وتصبرني بس شفتها دوم تبرر لمحمد تصرفاته وتكول حقه اخوج ويخاف عليج وتهون علية اتاري جانت معجبة به .
فديوم اجي محمد متأخر وصاحنى حتى اسويله عشا حظرت وسويت وحطيته كدامه ردت اروح لغرفتى كلي تعاي كعدى احاجيج كعدت واني خايفة كلي سوزان عدها شئ ويه احد كلت شلون يعنى كال تحب احد معجبة باحد كتله لا أبد بس مرات تمدح بيك فتح عيونه بفرحة علية كال صدك كتله وآلله عاد طلب منى اصارح سوزان بحبه واعجابه بيها كلت بقلبي اي حلال الك ولغيرك حرام😒😏
كتله أن شاءالله من تجي اكوللها وفعلا من اجت سوزان فرحت وكالت اني هم احبه ومعجبةبه بشدة .وبدت قصة حبهم وصرت المرسال بينهم وسوزان كالت راح اخليه يخف عنج ومايضوجج بعد وفعلا تغير محمد شوية وياي.
مرت الأيام واجت أيام الدوام محمد وبابا مايقبلون ارجع اداوم محمد قنعته سوزان حتى اصير وياه ونداوم سوة بس للآسف بابا ماقبل نهائيا وكالوا سدوا الموضوع.
ورة شهر ماما راحت خطبت بنت عمتى لاخوية أكرم وكمنا نحظر لزواج أكرم من نيشان ومهر وعقد وحددو يوم الجمعة الجاي عقد أكرم ببيت عمتى يعنى نروح .
واجي يوم الجمعه وعزمت سوزان وامها هم طبعا بعد ملحة من محمد . وردت ارؤح للصالون بالبداية رفضوا اهلي بس بعدين بنت عمتى خابرت رادتنى وياها وأكرم كال روحي وياه وبابا من فرحته ب أكرم وافق ورحت للصالون😍😍
طبعا شعري اتهلس من ورة محمد كصيته لنص ظهرى صار طوله سشورته وحطيت طوق حلو وسويت مكياج ناعم بس طلعت واو 😍😍 كلش حلوة حتى احلى من العروس ولبست فستان احمر اللون مجسم على جسمى وقصير للركب وربع ردن والعروس لبست فستان مدنفش وردى فاتح بدون ردن وطلعت حلوة وهي ناعمة وقصيرة اجي محمد واخذنا لبيت اهل العروس يعنى بيت عمتى وراح رجع للبيت حتى يجى وية اهلي .
ورة ربع ساعة اجو كعدوا الزلم وحد والنسوان كعدن وحد وتم عقد السيد وراه دخل اخوية حتى يلبس عروسته النيشان كالت ماما روحي رتبي العصير والكيك وجيبو قدموا للمعازيم رحت للمطبخ وكمت احظر الكيك .
أمير...جنت برة صاحنى رجل خالتى أبو أكرم وكلي دخل العصير للبيت استحيت بالبداية لأن نسوان بالهول بعدين كلي روح دخله من المطبخ اهناك البنات يرتبوها دخلت ودخل قلبي قبلي جانت اكو ابنية واكفة ومنطيتنى ظهرها شكلها من ورة تموت ولابسة كعب وهي طويلة عبالك عارضة ازياء يعنى طول وجسم والشعر أسود يموت لنص الظهر بس مااعرف قلبي ليش فز عليها ذبيت العصير ورحت اجيب السيت الثاني والبنية مامنتبهة رحت باوعت عليها برةمن شباك المطبخ شفت وجهها 😳😳 اويلي هاى طلعت نور مستحيل طالعة تشك شك بالمكياج هي بدون مكياج مدوختنى انوب بمكياج هاي بنت قلبي احبها من احنا اصغار وكبرت كدامي لحد ماصارت مرة كدامي وعمرها هسة16 بس اشتعلوا شطالعة اليوم رحت اركض للمطبخ ذبيت باقي العصير .
أمير/هلو نور
نور/ أمير 😳😳
أمير/أي أمير ليش هيج مسوية بنفسج تريدين تموتينى
نور/اتلعثمت بالكلام مااعرف شاحجي احس قلبي يوجعنى وحرارتى فول وجسمى يبرد ويحر بنفس الوقت مشاعر مخربطة .
أمير/ظلينا صافنيين واحد بالثاني لحد ماانتبهت على نفسي وحسيت الغيرة اشتعلت عندي بعد مااكدر اتحمل هاى شلابسة 😠😡
نور/شنو😳😳

أمير/مااعتقد احجي هندي شلابسة وشلون طلعتى هيج وشنو هاى الزنود طالعة والبدلة مفصلة تفاصل على جسمج كأن دتكولين تعالوا اتفرجوا وتغرين الولد😠😡
نور/احترم نفسك أمير شنو هذا الحجي وثانيا منو انت حيالله ابن خالتي مالك حكم علية حتى تحاسبنى ها😠
فجأة صار نار ويمشي باتجاهي وأني ارجع لورة لحد ما انطخيت بالسنك وهو لزك بية اول مرة اشوفه هيج الصراحة خفت منه كلش وبنفس الوقت خائفة ليجي احد ويشوفنا واضافة بأن جسمه طاخ جسمى واني كزبرت وكمت ارجف وصوتى كوة كام يطلع.
أمير/شكلتي 😠😡 اني منو😠😡 وفوكاه تعيطين لزكت جسمى بجسمها واني ميت شوق مشتاقلها لأن صار 3أشهر ماشايفها كل مانروح الهم مانشوفها ماكدرت الزم نفسي عنها وقربت وجهى منها وهي ترجف
نور/بهمس أمير وخر ليجي أحد عفية وخر.
أمير/اششش اوكفي شميت نفسها أوف منج نور اشكد مشتاقلج ومشتاق لعيونج😍
نور/انتبهت وهو يحجي رايح بغير عالم وأني بعد مااحس برجلية صدك حسيت أحبه لا مااحبه وظل صافن على عيوني ولمس خصري وذبت بأيده راد يبوسنى وسمعنا صوت رأساوخر عنى أجي أحمد اخوه كله أمير أنت اهنا وأحنا ندور عليك وانتبه علية أحمد وسلم كال شطالعة اليوم كيكة وغمزلي وأمير كام وجهه ينطي الوان وتعصب عليه كله أمشي يلة نطلع نروح يم الزلم.
أمير/رجعت كعدت يم الزلم وبقلبي اكول نعللا على ابليسك أحمد هاي دكة اقلها خلينى ابوسها دومك غثيث وماوراك إلا الاذية مو حضن يسوى العشيرة كلها اووووف اشكد مشتاقلها وفوكاها طالعة كيك ولوز يموووووت.
رجعت بليل للبيت وظلت صورة بنت قلبي ببالي اذكر عيونها إلي اموت عليهن والمكياج والبدلة إلي مفصله على جسمها المربرب وطالع مغري رهيب لو شعرها ظليت اتحسر لحد مانمت وصورتها بعينى.....يتبع