بقايا امراءة

البارت الثاني والعشرين

ثاني يوم طلعنا من غرفتنا وخالتى فرحت بصلحنا أني وأمير اتريكنا وكام أمير يصعد بهدومه وغراضه ويرجعهن لغرفتنا وأني أعدل واصفط...
كعد أمير يقنعني برهف ولازم اسانده بزواجه منها واقنع أهله وياه حتى يرحون يخطبوها إله .كال ابوهايملك اكبرمستشفى اهلي ببغداد وهي واختها بس الورثةالوحيدين إله ماعنده ولد وأني اصيرالكل بالكل من اتزوج رهف وابدي احقق طموحاتي وانتى وياي مااعوفكم ...طبعا هوجان يحجى واني صافنة به وكل شريط ايامنا الماضية تمر كدام عيوني وعرفت بيومها مات أمير زوجي حبيبي...وهذا إلي كدامي إنسان مااعرفه ....رديت عليه كتله شتسوي سوي وأني راح اقنع خالتي وعمي خلي نشوف تاليها ...هوفرح وكام حظنى وباسنى من كصتى وطلع.
من طلع حسيت كرهته وكرهت حتى ريحته رحت سبحت وظليت بالحمام ابجي وافرك بجسمي اريد ريحته تروح مني😭😭.

ومرت أيام وكمت اقنع وياه بأهله حتى يزوجوه من رهف اتاري هي شارطة عليه أهله واني نروح نخطبها إله ..
وبعدشهر من نقاشات الحادة أحمد وكف ويانا وخله امه وأبوه يوافقون لأن أحمد جان مكلمني قبلها وكتله اريده يتزوج حتى اشوف مدى صدقه وياي وطلبت مساعدته وقبل يساعدنا...
ورحنا خطبنا وكانوا عيالك بانتظارنا وتمت الخطبة وورة اسبوع اتفقوا على العقد والمهر طبعا كلشي من عدهم عبالك مشترين أمير بفلوسهم هههه طبعا مشتريه لعدالمن كاتل روحه ...
وقررو زواجهم ورة شهر...طبعا بهل فترة كام أمير ولاعبالك يشوفنى لا أني ولا بنته ويشوف شمحتاجين مامحتاجين آلله يخلي عمي وأحمد متكفلين بينا.
وتم زواجهم كانت بقاعةراقية وفخمة وكله من ابوها علمود مستواهم الارستقراطي مايقبل بالادنى.واحنا كنا مثل الضيوف بالحفلة رحت باركتلهم وهو سلم علية وعلى أهله لأن راح يسافر شهر عسل للبنان وبوكتها كان حصار على العراق وما كان احد يكدر على هيج مصاريف غير الاغنياء جدا وراح أمير وماشفته بعد لشهركامل ورة شهر أجي سلم علينا وجايب هداية للكل ولزهورة بس أني ماجايبلي شئ وكعد لساعتين يمنا بس وطلع فلوس حتى ينطيني مااخذته حطهن ع الميز وطلع وسلم ع أهله و راح خالتي كامت تحجي كالت حتى سكنه صارببيت أهلها يعنى ماتريد أحد يروح يشوفه اويتقرب منه همة بالحفلة محد عبرنا أحمد كال والمن محتاجينهم إحنا خلي يولون سدوا هذا الموضوع عرفت أحمد علمود لا انجرح ماقبل امه تكمل...
ومر شهر وفديوم اندك الباب كنت وحدى فتحت لكيت رجال من المحكمة يبلغني بطلاقي من امير😭😭
ايقنت بيوم الخطوبة مالته فرحته برهف كانت أدل على حب كبير بينهم ومستحيل يتخلى عنها اتاري طلعت أني الجسر إلي مشى علية حتى يوصل ل رهف وخلاني اقنع أهله بزواجه منها وهسة خلصت شغلته وياي وين راح كلامه إلي طلع كل كلامه جذب بجذب مافكر بية وين اروح وحتى اهلى اتخلوا عني بسببه ..وبنته إلي مافكر بيها ...وبهاى خلصت قصتى وية أمير وإلي كسرني بيها كسرة كبيرة..... آه.....آه.... طلعت صرخة مني كاتمتها بقلبي لشهور وكمت الطم وابجي وزهراء تصرخ وتبجي مفزوعة مني وبهل لحظة دخل أحمد وكام يسأل شكو احجي...شكو شبيج...؟؟؟...انطيته الورقة وقراها وعيونه كامت تجدح شرار وكال يا نذل سويتها ..وراه فقدت ماحسيت بنفسي اغمى علية...