الانحراف نحو المستحيل

البارت الاول

#الانحراف_نحو_المستحيل

البارت1
💋💋بيج قصص ويوميات من واقعنا💋💋

#قصص_ود

مرحبا بنات
اريد اليوم اسولفلكم قصتي واترك القلم الست ود
تكتب عني
وعن ماساة هذه الحياة
واتمنه متنتقدون قصتي بيها عبره الكم واتمنه تستفادون منها ومن اغلاطها
اني مريم عمري 24 سنه
طبعا اني مو الكبيره بلبيت اخويه اكبر مني
مراح انطيكم مواصفاتي بس
اكولكم اني حلوه بس حلاتي عادي موذيج الحلاه
عندي اخت وحده مواليد 1997
واخ واحد مواليد 1988
نسكن بغداد وحالتنه الحمدلله متوسطه ومعيشين حالنه وامي وابويه طيبين وناس فقره ع نياتهم

فديوم كاعدين اني وامي واخويه واختي
بالحديقه مال بيتنه دنتغده ونسولف ونضحك
اندكت الباب حيل.
ياستار منو ...اجانه شنو هذا ..صوت
الولد يصيح فتحو فتحو الباب.... #قصص_ود

طلعنه نركض صاح عله اخويه ....
وك احمد الحك يمعود
بسرعه ...احنه كولنه جافلين هاي شكو دحجي شبيك
....الولد وجها اصفر
ومبين جاي يركض يحجي ويلهث
... شبيك ياعيني دسولف شكو شصاير

كاله احمد..بسرعه احمد ... لبس
وطلع يركض راحو....
ننتضر ب احمد ... هسه يجي ...

احمد تاخر ماما تتصل وميجاوب

ياربي شكو شديصير احد يفهمنه ..... شويه وجاوب احمد
الو ....

هايمه ...يحجي وصوته يرجف ...
وك شبيك حمودي ياروح امك احجي شبيك
شصاير مو وكعته لكلبي ...
لتخليني بحيره ...اهناك ونقطع الخط

امي دكت ع احمد مره لخ دك ومغلق ...
نهارت اعصابنه

نوب تليفون احمد مغلق يربي شهل حيره

ماما كالت قفلن الباب رايحه الاهل صديق احمد

الولد الي اجانه .يبعد عن بيتنه 3 افرع
#قصص_ويوميات_من_واقعنا

....راحت امي واحنه منتضرين اني واختي

اجت امي تبجي ...وتلطم والدموع ماليه عيونها

مخرمشه اخدودها وكعدت بنص الطرمه وتصرخ وتبجي

يمه فدوه ... احجي يمه شبيك يمه ليصير بيج شي..
بس كولي شاكو يمه فدوه احجي
.....موكطعتي كلبي عليج

احمد وين .....يمه

ولج يمه شحجيلج وج ابوج يمه... ابوج

محترك محله وحالته خطره بلمستشفئ

....يمه تاليتها ابوج هيج يصير بي يمه يحترك ليش ياربي شمسوي...

كل عمرنه عايشين عله نياتنه مااذينه احد ...
امي بقت كاعده وتلطم

لشويه وكالت يلا بسرعه... بدلن خلي نروح للمستشفئ

رحنه وصلنه للمستشفئ ندور شفنه احمد
هااحمد....طمنه وين ابويه وينه

طلع دكتوره ولزمته امًي عفيه دكتور مالنه غيره لاتخلي يموت ... كلها عيني موبيدي حالته خطره
ماعليكم بس تدعوله وان شاء الله يتعده مرحله الخطر
لان جسمه كله محترك والحرق مالته من درجه الاولئ...
بقينه كاعدين واحد حاضن لاخ ونبحي

انتضرنه ساعات ونفس شي وماخلونه ندخل نشوف ابويه .. ولاحالته تحسنت

لحدما احمد كال يمه ..اخذي لبنات وروحو للبيت

اذا صار شي اني اطمنكم بقه يتصايح هوه وامي امي
متقبل تروح للبيت كلبها عله ابويه

..ايست وكالت يلا اخذنه امي كوه حالتها تعبانه هلكد مابجت عله ابويه ... اجرنه تكسي ابو تكسي كال وين
كلتله عيني وصلنه لسيديه ...

كال صعدو صعدنه
اني وامي واختي زهراء

بس احنه بيا حال وهذا ابو تكسي بيا حال بس يباوع وكلساع يسال
...
سال اختي زهراء كللها شبيها لوالده كلتله ابويه بلمستشفئ... حالته
خطره كال الله يشافي ان شاء الله وشتحتاجون
انطيكم رقمي وخابروني اني اوصلكم باي وقت كلتله مشكور

خويه ...
بهاي الاثناء وصلنه ونزلنه من سياره
نزلت اني وامي واخر شي نزلت زهراء ....

طبينه للبيت
البيت حزين مابي روح يخنك
وامي تنوح وكلساع نتصل عله احمد ..
وابويه نفس حالته

اهناك ودك تليفوني ...
رقم ماعرفه

الووو...
الو....
منو حضرتك

...
كال اني ابو تكسي
الوصلتكم
....؟
كتله شنو ومنين جبت رقمي

.....

للحكايه بقيه

اذا حبيو نكمل رجاءآ تفاعلو وقدرو تعبنه

ملاحضه لقصه جديده ومكامله انزل يوميه بارتين كل مااكمل كتابه بارت واذا منزلت بليوم بارتين حقكم عليه #ود
لتنسون تصويت