الانحراف نحو المستحيل

البارت الخامس

#الانحراف_نحو_المستحيل

البارت 5
💋💋قصص ويوميات من واقعنا💋💋

ماعرف ليش هيجً يجرالي شسوي بمصيبتي اي لازم انتحر واخلص ...اذا عرف احمد

ميرحمني والله يخلص عليه يموتني ... هاي اختي نوب خطيه شكول الها شسولف خاف احجي وينكسر كلبها هيهً هم وراها .. بيت وزواج ...

دمرت حياتي وحياة اختي مريم بس لازم ابقه ساكته مااحجي ....
مريم :: كعدت صبح مثل كل يوم سويت ريوك صحت عله زهراء مقبلت تنزل من غرفتها ...
احمد كعد تريكنه اني ويا .. وصعدت لزهراء
اتوسلت بيها تحجي ماقبلت وبقت نفس لبارحه من اسالها زيد بالبجي ماعرف شجرالها وشنو لمزعلها...

زهراء ::: اجتني مريم خطيه تكسر بكلبي بس شريد احجيلها اتمنه مابقيها هيج حايره صارلها يومين مقهوره عليه واني لااكدر احجي ولااكدر اسكت ...

بقيت عله هذا الحال شهر كاعده وحدي بلغرفه
شويه ودك تليفون رقم بدون اسم ...
بقه يدك ومااجاوب ...
دك اكثر من 10 مرات يمكن ... هنوب
دز رساله اذا حابه اساعدج علمود شغله حسين ردي

... كلت هذا منو ليعرف بشغله حسين وديخابر
#قصص_ود

فتحت خط كتله منو تره اني البيه كافيني
ماعوزني مشاكل رحمه الاهلك روح
بس نطيني رقم حسين اريد اكله اني حامل

ليش هيج سوه بيه الحقير
كال شنو ... انتي حامل
ومن حسين جذابه شو ويامن لعبتي وتردين
تبلين حسين بس اذا حابه اساعدج
تعاي يمي اكعدي بشقه
لان اهلج اذا درو بيج يذبحوج
..... ماقبلت اروح لشقه وسد لخط بس طلبت منه يخلي حسين يخابرني بلكت اقنعه يزوجني ويستر عليه ...مرت الايام واني يوميه اتخربط ...
ومريم حايره بيه وماقبل اروح لدكتور خاف ... تعرف اني حامل .... واحمد عصبي والله يذبحني

غير ....

بيني وبين نفسي فكرت انهزم وشيصير خلي يصير احسن مااموت اهنا ...

من يعرف احمد اول وتالي راح يكتلني...

بقيت يومين افكر بلموضوع ...
ومالكيت حل غيره ...
لميت غراضي بليل حضرتهن .... والفجر ...
طلعت من البيت .... بقيت امشي حته فلوس ماعندي اصعد سياره .... وادك عله حسين تليفونه مقفول

عمل عملته بيه وراح الله لاينطي ....
بقيت امشي ومااندل اني وين رايحه للعصر واني امشي
لحدما وصلت مكان بي محلات وجسر ... بقيت امشي وبدت دنيا ضلم ... فاتن من يمي بنات
سافرات ومخليات مكياج اهواي ...

شافني كاعده بشارع ... تقريت وحده مني كلتلي
ليش كاعده اهنا شعندج تبجين ... كلتلها ماعندي شي ... كالت مبين عليج احد كاتلج لومهزومه ...

اذا ماعندج مكان ترحيله تعاي باتي يمنه اليوم ... كلتلها لالا ماروح هسه ارجع لبيتنه ...

باوعت عليه كلتلي شبيج انتي خبله ...
عافتني ومشت بتعدت مسافه وصحت عليها ....

اوكفي اجي وياج ... صراحه ماكان لي غير حل ... لان صارت دنيا ليل واخاف ابقه وحدي بشارع ...

وصلنه لفرع بيوته كلها قديمه ...
مشينه قليل وطبينه بيت كان بابه مفتوح بس موهواي

.... بس تبين لي انو همه عدهم حفله عائليه ...
لان نسوان وزلم وكلهم يركصون ....
ولابسات لبنات فساتين .... بس شلون هيج كدام زلم مايستحن اكيد مو كلهم اخوانهن ...
طبيت بقيت فاكه حلكي .... كلت للبنيه اسمها ورده
كلتلها عفيه اريد انام طببتني لغرفه وكالت نامي اهنا... بس صراحه ماخذت عيني نوم منا هوستهم ومنا افكر بمريم شصار بيها بغيابي وشجرالها

.... بس لاماتت وراي ...

بقيت كاعده لل4 لفجر صوت الاغاني يرن براسي ...

عطشت ردت مي اشرب ... كمت اروح للمطبخ الغرفه الي كاعدين بيها يطل عليها باب لمطبخ يعني شباكها صاير كبال لباب ....

ويه مجاي اشرب مي طلعت صارو بوجهي لبرده جانت تول خفيف ... شفت شي استغفر الله لااكيد مامتاكده ...

تقريت يم شباك باوعت من وره تول ....

كلمن كاعده يم واحد ويسكرون وناس استغفر الله مدري شسوي ...

ركضت لغرفتي وطبكت لباب ...

للحكايه بقيه ......
بنات دانشرها بلبيج هم اذا تحبون تابعوها

اسمه قصص ويوميات من واقعنا

بنات صوتو للقصه❤️