فلوكستين

٢

قولته ليهو ابووي كدة جيب تلفونك دة،قال لي مالك معاهو دايرة منو شنوو؟قولته ليهو ابوي مالك خايف تديني تلفونك  معرس في امي وهي م عارفه😱💔قال لي اسي انا  كان معرس في امك البخليني اجيكم تاني شنو؟والله وشي م تشوفو😂💔🐸قولته ليها ي اميي سااامعه ابوووووووي بقول في شنووو؟؟؟قالت لي مالو قال شنوو؟ابوي قال ليها بتك قالت لي عرس في امي دي مالك ومال العجايز شوف ليك بت صغيرة😂💔امي قالت ليهو اصلا هي قليله ادب كان داير يعرس خليهو اليعرس ساااي😂قولته ليهو امي والله دة كلامو هو 😨قالت لينا المهم م شغلتي انا😒👋طبعا هي متغاااظهه😂وابووي اصلا بطبيعتو كدة زول ضحكهه ،في الحقيقه احيانا بحس انو نحن محظوظين لأنو هو ابونا ،ولأنو هو صاحبنا ومصدر سعادتنا قبل م يكون ابونا😻مبادؤ بتتمثل في فكرة إنو تحترم تحترم(بضم التاء)ودايما بقول لينا كل شاة معلقه من عرقوبه والبعمل حاجه غلط دة بعملها لي روحو انا دة اصلا م بندم  على تربيتي ليكم  لأني عارف انو انا م قصرته في حقكم ولا في تربيتكم وعملته البطلع من يدي عشان اطلعكم ناس كويسين في المجتمع ،والبعمل شي غلط بعدين لما يدخلوهو القبر دة بتحاسب براهو م بتحاسب معاهو زول ،انا مسؤليتي اوريكم الطريق الصح بس كونو اجبرك على حاجه دي اصلا م بعملها ✋احيانا بحس انو نحن ماشين صح علشان هو ابونا ونحن اتربينا على يدو،علشان طريقه تربيتو ابدا م كانت مقيدة ولا فيها عصبيه،يعني أبسط شي الصلاة لما كنا صغار كان دايما بزكرنا بيها ،بس بعد م كبرنا لقينا نفسنا بنصلي تلقائيا علشان اتعودنا عليها والواحد بقى لو م صلى كأنو ناقصه ليهو حاجه بجد❤حبوبه ام ابوي وجدي ساكنين بحري،ونحن طبعا ساكنين في امدرمان الناس الحنان ياخ😌😌😌👋 كل جمعه كلنا بنتلمه في البيت الكبير نحن وعماتي وكدة،طبعا بحب أهل ابوي اكتر من اهل امي م عارفه حصل كدة كيف بس دي طفرة جينيه  بالجد😂خالاتي  م عندي بيهم شغله مع انو عندي خالتي ساكنه جنبنا وقريبه مننا بس علاقتي بيها م تمام واساسا هم م بطيقوني علشان انا م قاعدة اشتغل بيهم كتير زي شموخ هههه،والعكس عماتي بريدوني شديد ياخ انا لما امشي ليهم برجع غنيانهه عدييل😂💪في يوم جمعه مشينا واتلمينا اثناء م بنتونس كدة عندي عمتي اسمها بدريه ،عمتي بدريه قالت لي انتي ي شهد ي بتي اسي الحمدلله اتخرجتي ليك تلاته شهور ابدي قضي الخدمه طوالي م تتماطلي،قولته ليها والله ي عمتو انا  فيني تعب السنين دي كلها عايزة ارتاح لي سنه كدة قدام😂💔قالت لي ي بت الراجيك دة بس راجيك قضيها بدري بدري وريحي بالك بدل م تقعدي سااي في البيت والله قعاد البيت دة بلا بجيب ليك الفقر م بعمل ليك شي💔المهم طنشتها وم ركزته معاها كتيير ،بعد شهر من الكلام دة في يوم  بالعصر كدة طلعنا انا وسلمى ننضف الشارع وبنتونس سااي   ،جات  جارتنا اسمها عوضيه ماشه ،سلمت علينا وقالت لي  اسي كان عرستي ود اخوهو لبشير  زي الزمن دة كنتي في أمريكا بدل قاعدة تكنسي لي في الشوارع كدة ي البايرة وم نايرة 😂😊سلمى قالت ليها ليييه كدة ي خالتو عوضيه ي قاسيه ياخ بالنسبه لمشاعرها وبعدين ود  منوو😂💔قولته ليها كيف يعني م فهمتك ي خالتو عوضيه😂💔قالت لي ود حماي شافك في عرس ولدي عبدالرحيم وقال عجبتيهو ودايرك كلمته خالتك  إبتسام عشان تكلمك لكن قالت لي انتي م بتنفعي معاهو وانتي م زوله عرس وم مناسبه ليهو وم اظن توافقي،طبعا اتصدمته بقيت واقفه وبعاين ليها بس م عرفته اقول ليها شنو،بعد م مشت سلمى قالت لي شهد خالتك إبتسام دة حيوانه معقوله عريس من امريكا تطفشو منك؟قولته ليها ارح ندخل البيت ياخ اساسا خلصنا نضافه،بعد م دخلنا مشيت حكيت الموضوع لأمي،امي قالت لي تكون شايفاهو م تمام عشان كدة رفضت اصلا كان نافع كان جابتو ليك 😂💔اليوم التاني صحيت الصباح على صوت امي بتتونس مع خالتو ابتسام  ،كانت بتقول ليها:والله ي سوسن النصيحه انتي اختي م بدس منك اسي لو كان قال شموخ كان وريتها ووصلتو البيت عشان شموخ زوله شخصيتها حلوة وتتحبة ومظهرها الخارجي ماشاءالله توقف حلهه كامله وراها م زول واحد بس،لكن شهد بتك دي متخلفه عديل يقع بيها وين؟وعلى العليها سجمانه ورمدانه م فيها رشاقه الشباب دي نهائي يعني م زي بنات الناس ،مبهدله والله ي سوسن م ست بيت ولا اي شي،،ياخي في نفسها م بتنطاق بكره كان عرسها م بتنفع معاهو تحرجو ساي و بجيبها ليك راجعه حللها بيضاء عشان كدة انا م كلمتك ولا كلمتها،امي قالت ليها قسمة بس ي زوله م مشكله الله كريم ❤طبعا كأني م سمعته شي اصلا كلامها دة انا حافظاهو حفظ عشان كدة م اشتغلته بيها كتير وبعدين  انا اساسا م عندي شغله بي حاجه اسمها رجال وعلاقات وحركات البنات دي والله يوم ولا بالغلط قلبي م طاوعني اعمل علاقه مع ولد  ولا بعرف اتعامل معاهم في الجامعه علاقتي بيهم كانت سطحيه وبتعامل معاهم لما تغلبني مادة وم اقدر افهمها بس يعني صحبه مصلحهه وكدة 😂😂😂😂فعلا متخلفهه والله بشهادة كمان 😂✊بعد كم يووم إتصلت علي عمتو بدريه قالت لي في مدرسه  خاصه جنبنا بدل م تقعدي سااي تعالي اقعدي معاي  وانزلي  درسي فيها انشاءالله أملي زمنك سااي مش افضل ليك؟حتى لو م دايرة تدرسي تعالي اقعدي معاي ساي اساسا بيتي فااضي وم معاي زول وعمك ايوب مساافر ،م حبيت اقول ليها لا لأنو هي اساسا قاعدة براها وراجلها مافي ومتزوجه ليها 15سنه  وربنا م رزقها طفل  ، ابووي كان دافع ليها اسراء اختي بس اسراء كانت متعلقه بي امي شديد  فرجعتها ليها💔قولته ليها طيب بحاول والله ي عمتو 😘قالت لي لا م تحاولي شيلي شنطتك وتعالي وانا اتصلته على ابوك  وكلمتو هو قال م عندو مشكله❤قولته ليها طيب❤طبعا هي ساكنه الطايف ،شموخ قالت لي امشي شمي هوا الخرطوم دي سااي مالك ومال امدر😂👋امي قالت لي والله م دايرة مشيتك دي نهاائي اسي تاني البحرس لي البيت لما اطلع بالنهار ويغسل لي العدة ويساعدني في نضافه البيت منوو؟قولته ليها اهااااا ي امي انا ماشه عشان كلامك دة عاملني ملطشه وحبشيتكم في البيت دة والله تاني في الحلم م تشوفوني اصبرو بس😒💔قالت لي سمح امشي الله يعدلها عليك 😒وبالفعل جهزته حجاتي ومشيت ليها،عمتو بدريه دي عسسسل ينقط تقعد معاها تموتك بالضحكك،زوله فرفشه وونسه وشبابيه كدة طالعه لأبوي اصلا اهل ابوي كلهم عندهم روح الفكااهه ههههه😻❤مشكلتي كانت انو انا م بعرف انوم في بيت غير بيتنا بحس نفسي م مرتاحه ومخنوقه عدييل بس مجبورة أحاول اتأقلم 😭💔بعد اسبووع مشينا المدرسه،وعلى حسب تعاملها معاهم ومعرفتها بالمديرة وافقو انو أنزل أدرس  في مدرستهم واساعد الأساتذة  يعني ملي فراغ م أكتر😂😂😂❤وبالفعل نزلته عاااااد لكن مدرسه زي المدرسه 😻👋طلبه  زي قطع المارشميلو😻رقي وزووق وأدب وووبعلي بس غااايتو زكرووني بالماضي حقي الأليم حسيت نفسي نهااائي م قريت في مدارس بقيت اقول لنفسي الله يرحم زمن كنت بدفع قروش السبت غصبا عني،واشيلها موزة من بيتنا للمدرسه كدااري ،الله يرحم زمن  الطعميه من الخالات بره ولا البمبي بالشطه والقونقليز ولعب الحجله في حوش المدرسه المدرسه ونرجع البيت غببببببش وحالنا بالبلا ،ديل عاملين ليهم شطرنج كبيير في حوش المدرسه وصاله بلياردو وبلستيشن،😂😂😂💔 انا غايتو غير نفسيتي تعبت  م استفدته شي😂💔انا بدخل المدرسه بتلفت زي المروحه المتحركه حسبي الله بس،والعجب لما اللقى شله منهم بتكلمو انجليزي بقعد ألوي في خشمي قلبي بعمل شححح  بقول اسي لو قاامو كدة وجو يتونسو معاي اقول شنو عاااد؟😂😂👋موقفي حيكون يبييش غايتو 😥طبعا المدرسه كانت مدرسه ثانوي مختلطه بنات واولاد، بس مفصولين،في يوم  قالو لي عندك حصه احياء مع الأولاد ،طبعا مشيت وكلي نشاط وحيويه احساس اني استاذة متسلطه وكدة💪مشيت دخلته الفصل لقيتهم اي واحد فيهم مطلع تلفونو وشغالين فيهم،طبعا انا اتخلعته  ،وهم اولى يعني صغار على التلفونات والكلام دة  حسب فهمي وكدة،دقيت ليهم الدرج طااخ دة شنوو😳؟جايبين التلفونات دي من وييين؟ومنو السمح ليكم تستعملوها؟طبعا كلهم قعدو يعاينو لي مخلوعين😂💔قولته ليهم م تعاينو لي دة موضوع  م بتسكت عليهو انا  اسي حأكلم المديييرة ،،واحد منهم استفزاني ولا كأني بتكلم مدخل سماعاتو وشغال في تلفونو،مشيت دقيت ليهو الدرج طااااخ  قولته ليهو انت انت م سامعني انا بتكلم بقول في شنو يعني؟طلع سماعتو قال لي اكسيكيوزمي؟قولته ليهو م سامعني انا بقول في شنو؟ قال لي لأ،قولته ليهو فوق م انت جايب معاك تلفون وكمان عينك قويه؟قال لي ليه انتي منو شكلك داخله غلط ؟ واااي ياخ يعني معقوله شكلي م بقول علي استاذة؟قولته ليهو كدة اقيف على حيلك عشان تعرف انا منو😡وقف على حيلو وي ريتو م وقف عاد ماشاءالله الولد عمود كهربه شدة م طوييييل😂💔  وانا بالنسبه ليهو صفر بقيت رافعه راسي وبعاين ليهو خلعني طولو  وخوفني  عدييييل 😥قولته ليهم دقيقه😡😥 ،طلعته مشيت جبته المديرة وجيت راجعه اول م جينا داخلين لقينا الأستاذ واقف وبقول ليهم:ملاحظين معاي حركه الإلكترونات ماشه كيف؟طبعا انا بقيت فاتحه خشمي وبعاين ليهم كدة😨😨 وكلهم شايلين تلفوناتهم 😨الأستاذ قال ليها وعليكم السلام ي استاذة في حاجه؟ طبعا انا خشمي بقى ملح ملح غايتو😂😥قالت ليهو استاذة شهد دي جابتني من هناك قالت في حاجه مهمه في شنو ي استاذة؟م بتقدرو تتخيلو موقفي كان بيييش كيف في اللحظه ديك،عاد اقول ليها شنوو؟😥بقيت اقول ليهو يعني دي حصه إللكترونيات؟طيب بالنسبه للتلفونات يعني عادي يستخدموها في المدرسه؟😨الأستاذ قال لي اايوة عااادي وفي حصه الكيمياء بالزات لأنو عندنا حجات علميه بتطلب انو نستخدم الجوالات انتي عندك مشكله؟قولته ليهو لا ابدا ابدا والله ماف مشكله،من وين حتجي المشكله يعني 😥💔طبعا منظري كان اووڤر اااخر حاجه قدام الطلبه لمن قعدو يضحكو علي😪😭 بقولو المابتشوفو في بيت ابوك بخلعك لكن برضو الما بتشوفو في مدرستك بخلعك والله😥💔....

#نتلاقى☺