فلوكستين

٢٢

💔شلته التوب عايزة أطلع كدة مسكني وجراني عليهو  قال لي ماشه وين؟قولته ليهو ماشه غرفتنا،قال لي بس دي غرفتنا صح ولا م صح ،ووووب انا الليله أعمل شنوو أتحلا كيف😨قولته ليهو اااي قصدي غرفه لجين عشان...قاطعني قال لي لجين مافي وم  مجبورة تمشي تنومي في غرفتها هاااا؟طبعا بقيت اعاين في الأرض،رفع لي راسي قال لي حاسه روحك متضايقهه وانتي معي؟هزيت ليهو راسي بمعنى(لا)قال لي انتي عارفه انو انا جاي من هناك عشانك؟قولته ليهو هناك وين😥قال لي من دبي ،قولته ليهو كيف يعني؟ختته يدو في خدي قال لي تعاملك معي باارد م بتردي لا على مكالماتي ولا على مسجاتي يعني بتتجاهليني وانا م عارف السبب شنوو وفووق دة كلوو بقيتي تنزلي صورك في الفيس يعني حابه توصلي لشنو بالظبط نفسي أفهم،طبعا إتصدمته بقيت اعاين ليهو يعني الموضوع طلع مؤثر عليهو بس هو م كان ببين وعامل الموضوع عادي،قال لي عاارفه احيانا لما اللقاك منزله صورة بحس اني عايزة اطلع ليك بشاشه الجوال واكسرو في راسكك دة ،م قدرته أمسك الضحكه قعدته اضحكك،قال لي م تضحكي جادي معاك انا بتعملي كدة لييه؟يعني لو انا زعلتك في حاجه واجهيني يمكن اكون م عارف او م منتبه ،قولته ليك يعني انت م عارف روحكك عملته شنوو؟قال لي لا ،قولته ليهو طيب انا م حاقول ليك طالما انت م عارف،جراني عليهو وقربني منو شديد قال وانا م حأخليك لو م إتكلمتي بالمناسبه انتي عنيدة صح بس انا أعند منكك 😅قولته ليهو يااااخي،قال لي تحبي نكون واقفين كدة؟قولته ليهو في البيت بتتعامل معي كدة وقدام الناس بتسفهني زي م عملته يوم كنا في المستشفى ،قال لي اسفهكك؟؟متين الكلام دة؟طبعا طوالي نزلته دموعي اصلا الدموع دي أقوى سلاح عند المره😌✊فضلته سااكته وهو بتكلم معي قال لي متين؟قولته ليهو مش قولته ليك م حتتزكر يلا فكني خليني أطلع😭😭قال لي اهاااا قصدك يوم عمليه امي؟سكتته،قال لي انتي كنتي زعلانه عشان وقفته مع سهاام صح؟بسس انا كنت متعمد أعمل كدة ع فكره،رفعته راسي عاينته ليهو،قال لي ااايوة متعمد عارفه ليه؟لأني م كنت عايز أعشمك فيني ولا عايز أعلقكك ،وانا حسيت من خلال مكالماتك معي انو انتي بديتي تهتمي بس م بتلقي مقابل مني وانا واثق انو الحاجه دي صعبهه عليك بس صعبه علي انا كمان لأني م بقدر ابادلك مشاعر مزيفهه  ولو عملته كدة حأكون صغيير قدام نفسي  فما كان بيدي شي غير انو أعمل كدة وأحاول اتجاهلك وأتجاوزك عشان تفهمي انو انتي بعيدة كل البعد عن تفكيري،واااي يااااخ كلامو دة نزل زي النار على قلبي😭😭😭😭😭💔طوالي مسحته دموعي وقولته ليهو طيب بما انك خلصته كلامك خليني اطلع وانا الدموع ماليه عيني،قال لي بس انا م خلصتهه لسسه،قولته ليهو عايز مني شنو انت  العايز توصلو لي انا وصلني وفهمته خلاص م تخاف م حأحبكك  ولا حأتعلق بيك ولا عشمانه فيك اساسا كدة تمام ؟سمعتهه العايز تسمعو ؟قال لي بسس انا بحبكك،"الراجل دة حيجنني😪"طبعا لما قال كدة انا جسمي بررد خلاص ،قال لي زي م سمعتي بحبك وشديد كمان انا إكتتشفتهه انو انا  كنت بتصرف كدة وبستغبى نفسي وبحاول أتجاهل مشاعري تجاهك يعني فجأة لقيتك داخله عقلي وطول اليوم بفكر فيكك من غير مبالغه حتى في الدوام بلقى نفسي سرحان وبفكر انتي بتعملي في شنو  في اللحظه دي  ،ولما أتكلم معاك م بتمنى مكالمتي معاك تخلص بس انتي بتستعجلي وبتنهيها،وحاولت أجرب معاك البروود لكن بقيت م قاادر مجرد م تقيفي قدامي وعيني تقع عليك م بقدر ارفعها منكك،يعني تصرفاتي كانت كاشفاني مع اني بحااول اداريها ،طبعا انا هنا خلاص يعني هو طلع بحبني بجد؟😱😨طبعا بقيت ببكي بس م عارفه اقول ليهو ااااي شي ،مسح لي دموعي قال لي فاكرة انو انا عاجباني معامله أهلي ليك ومبسوط بيها؟والله انا بتأثر  أكتر منك بس دي أمي عارفه يعني شنو امي؟يعني م بيدي شي أعملو ليها بس انتي حتفهميني وحتحاولي تتجاوزيها عشاني ولو إتضطر الأمر أبعدي م تواصليهم عشان م تسمعي كلام م حلو في حق نفسك،فهمتي؟قولته ليهو حاضر،ضمااني وباسني في راسي قال لي بحبكك ،والله يااخ ضميتو  ونسيت نفسي وانا بين ايديهو🙈يعني والله ياااخ جهجهني بجد 😻😥بعدها قربني منو وباسني وبقى يقرب مني شويه شويه لغايه م وصلنا السرير وبعدها  زي م قال طه سليمان حصل الحصل قلبت عسل ساقت معاي والحظ ضرب... 😻🙈💃 عن كميهه الحنيهه الفيهو ياااخي بس بختي بختي😻طبعا الصباح انا ي دووب وعيت على نفسي وصحيت من سفينهه الأحلام الكنت عايشهه فيها،قولته لنفسي ي شهد لييه عملتي كدة وسلمتيهو نفسك على طوول؟يمكن هو كان في لحظه ضعف شهوانيه منو،ويمكن هو شفقان عليك وحاسي بالذنب تجاهك لأنو معلقك في العلاقه دي علشان كدة عمل كدة لأنو دة واجبو تجاهك عملتي كدة كيف وانتي عارفه انو هو لسسسه عندو مشاعر تجاه مرتو وامس شوفتيهم مع بعض في العربيه؟😭💔 عايزة أقوم كدة جراني ورجع غطاني قال لي صباح  السرور حبيبي،قولته ليهو بصوت مبحوح صباح الخير،باسني في راسي قال لي الخير ابتدأ بي طلتك اليوم😘سكتتته سااي،قال لي في حاجه مضايقاك؟قولته ليهو ممكن سؤال تجاوبني عليهو بصراحه؟قال لي  اتفضلي،قولته ليهو انت بجد  بتبحبني ولا،خته يدو في خشمي قال لي انا لو م بالفعل بحبكك م  حاسمح لنفسي تقرب منك كدة ولو م واثق من مشاعري تجاهك م كنت لمحته ليك ولا حتى مجرد تلميح،قولته ليهو طيب أمس كنت بتعمل شنو مع مرتك في العربيهه😔ضحكك قال لي مش قولته ليك غيرتكك حلوة؟قولته ليهو يااخي جاوب؟قال لي شهد عايز أقول ليك حاجه ي ريت تفهميها سهام ماف حاجه بتجمعني بيها غير الأولاد إتأكدي من النقطهه دي ،،،قولته ليهو طيب،شال تلفونو من الدرج لقى مكالمات كتييييرة من امو قال لي الحاجه شكلها قلقت عليكك ههه،قولته ليهو ماما فاااايزة وااااي انا نسييييت😱الساعه كم اسي؟قال لي الساعه ماشه لعشرة،قولته ليهو 10انت جادي😱😱😱الليله حتعمل لي برنااامج وااي ياااخ،دة كلوو بسببك انا قولته ليها حتوصلني وحترجعني بالكتير ساعه اسي حقول ليها شنوو؟ضحك قال لي وانا مالي زي م كزبتي ليها وجيتي كزبي ليها لما ترجعي😂💔قولته ليهو شنوو اقول ليها شنوو مثلا؟قال لي أمس قولته ليها شنو وانتي طالعه؟قولته ليهو قولته ليها الكلام القولتو لي انت😥قعد يضحكك "غيااااظ ياخ"قولته ليهو يلا انا نازلهه زاتي،حاولته اقوم من السرير م قدرته حسيت بجسمي واجعني قولته ليهو انا ليييه جسمي واجعني ؟😥قعد يضحك ،قولته ليهو عاين انا حأمشي العرس كيف😥؟قال لي مع اني م بحب الكزب لكن حأكزب عشانك يلا 8ههه شالت تلفونو واتصل لماما فايزة وقال ليها:ي امي صباح الخير كيف اصبحتي تمام؟الحمدلله والله ،اي لقيت مكالماتك كنت نايم ،شهد معاي والله امس قضيت الليل كلوو مسااهر معاها لأنها وقعت في السلم  عشان الكهربه كانت قاطعه ورجلها زي الإترضخت كدة ولا م عارف الحاصل عليها شنو،لالا اسي كويسه نايمه زاتها وقعد يعاين لي وخته يدو في خدي،طيب تسسسلمي ي والدة انا زاتي بجي عليكم بعد شويه كدة ،طيب تمام في امان الله وقفل،قولته ليهو ماف زول بلحقكك في الكزب😒قال لي كزبته عشانكك  يعني انتي السبب😒😂قولته ليهو  عايزة أنزل أستحمه بسسس،مع قوله بس دي لقيتو شايلني 🙈قولته ليهو انت م جاادي نزلني ،وصلني جاب باب الحمام ونزلني قال تحبي ادخل معاك؟😅قولته ليهو لا م بحتاج ودخلته وقفلته الباب ياااخي معقوله انا بحصل معي كدة؟همام بعاملني كدة وكمان ببادلني نفس الإحساس ياااخي دي شنو النعم الربنا برميها علي دي🙈استحميت ونسيت انو انا م جبته معي غياار قولته ليهو ناولني اااي حاجهه أطلع بيها من الحمام،قال لي في بشكيير في الحمام ،قولته ليهو لا م عايزة أطلع بالبشكيير،قال لي طيب هاك،ناولني حاجه،قولته ليهو دي شنوو؟قال لي مش قولتي عايزة حاجه تطلعي بيها،قولته ليهو بس دي فنيلتكك،قال لي دولابك دة انا م فاهمو،الفنيله كانت يديها طويله لبستها ومن تحت قصيرة الحمدلله مغطيه لي ركبي،طلعته لقيتو غيير المفرش وظبط الغرفه  لمن اتخلعتهه ههه قولته ليهو الدولاب جنبك على فكرة ،قال لي ههههههههههه لو فتحتو حأبشكو ليك وم حأفهم فيهو شي وبعدين م انتي حلوة بالفنيلهه عايز يقرب مني قولته ليهو أدخل ادخل استحمه وتعال أجهز عشان تمشي😁قال لي طيب جهزي لي ملابس اطلع بيهم،قولته ليهو حتلبس شنوو عندك حاجه معينه؟قال لي والله ياااخ اليوم الجمعه حألبس جلابيه بس،قولته ليهو طيب حأجهزها ليك،طلعته ليهو الجلابيه والطاقيه والعمه والشال وعندو جزمه نمريه كدة طلعتها ليهو ومعاهم العطر ،بعد م طلع قولته ليهو جهزتهم ليك، قال لي عايني تعالي ساقني رقدني قال لي إرتاحي وم تتحركي تمام؟قولته ليهو طيب انت أجهز وامشي عشان م يقولو إتأخرته عليهم،قال لي انا حأمشي بس بعد م أجهز ليك الفطور،قولته ليهو لالا م تجهزو انا بجهزو برااي لو جوعته،قال لي مشيتي للعرس م أهم منك فهمتي ؟حأجهز الفطور نفطر مع بعض بعدها حأطلع،طبعا كلو تصرف بطلع منو بهبلني زياادة🙈نزل مشى المطبخ قعدته مساافه لما م جى نزلته ليهو لقيتو جهز الشاي والفطور ،قولته ليهو اممم شيف شااطر ،قال لي في البلد ديك عايش عزابي كيف م حأكون شيف😂💔يلا تعالي أقعدي نفطر وبعدين انتي النزلك شنوو انا كنت حأطلع ليك الفطور على فكره،قولته ليهو لا خلاص ماف داعي مسكني قعدني في الكرسي وقعد قال لي م عايز خجل وحركات فاهمهه؟😂قولته ليهو بس انا م بخجل♀‍🙆قال لي واضح واضح ههه😅بعد م خلصنا أكل الساعه كانت 12تقريبا،طلع قعد يلبس،جيت داخله لقيتو م مزرر زراير الجلابيه،وم لافي العمه كويس،قولته ليهو الزراير والعمه م ظابطات،قال لي كيف؟أشرته ليهو قولته ليهو الزراير،قال لي مالهم م فيهم شي ههه،جيت قولته ليهو معقوله م منتبه ليهم وقعدته أصلع ليهو في الزراير،جراني عليهو قال لي انا عارفهم م ظابطات بس متعمد عايزك انتي تظبطيهم،قولته ليهو همام ياااخ،قال لي كدة قولي همام دي تاني؟انتي عارفه انو دي أول مرة تقولي إسمي فيها؟😂قولته ليهو بجد؟قال لي والله أول مره ،قولته ليهو طيب إستعجل الناس دي حتعقد بعد الضهر مباشرة على فكرة،قال لي يعني أسي في زول مرتو قدامو كدة وقريبه منو كل القرب دة  وبتظبط فيهو  حتجيهو نفس يستعجل ويطلع؟قولته ليهو عاين بطل بكشش خلاص هههه،شلته الشال ختيتو ليهو في كتفو وبقيت اعاين ليهو   وبببببببعلي منوو بس ياااخ شلا افكاري بجد يعني م ممكن تكون فيهو سماحهه واناقهه وزوووق  ورقهه في التعامل يعني كدة م كويس والله يااخ😻♀‍🙆🙈💔،قال لي نسيتي حاجه،قولته ليهو شنو؟قال لي الساعه والعطر،شلته الساعه لبستها ليهو ورشيت فيهو العطر قولته ليهو كدة خلاص؟قال لي لسسه في حاحه،قولته ليهو تاني شنوو يااااخ، باسني قال لي دي ااهم من الحجات دي كلها🙈طبعا انا كل مره راسي بشطب وبتلخبط قولته ليهو طيب يلا أطلع خلاص،قال لي إرتاحي انا حأتصل عليك عشان أتطمن عليك تمام؟قولته ليهو ماشي يلا،بعد م طلع ياخ انا عايزة ارقص من الفرح معقوله في كدة؟وانا عايشه القصه دي ؟لا بجد انا م مصدقه م مصدقههياااخ 😻♀‍🙆رقدتهه وانا حاضنه المخدة وبفكر في طريقهه تعاملو معاي كانت كيف وحنيتو وطريقه إحتوائو لي ونمممممتتتته م صحيت الا الساعه3،وصحيت على صوت التلفون بضرب لقيتو همام،قال لي حبيبي كيف امسيتي؟قولته ليهو تمام انت كيف وجو العرس وكدة،قال لي تمام إنتي كويسه؟قولته ليهو كنت نايمه لقيت مكالماتك واسي صحيت على صوت التلفون بضرب،قال نوم العوافي طيب أخليك تكملي باقي نومك،قولته ليهو لا خلاص صحيت تاني م حأقدر انوم،قال لي طيب أقفلي الأبواب كويس عشان يمكن نرجع متأخرين ماشي؟قولته ليهو حااضر❤،حوالي الساعه 6كدة جرس الباب ضرب نزلته مشيت فتحته لقيتها لميس ومعاها بنات اهلها اتنين سلمو علي،لميس قالت لي مالك م جيتي،قولته ليها اممممم والله ي لميس امس وقعته في السلم هنا ورجلي واجعاني،قالت لي لا ياخ طيب اسي بقيتي كيف؟قولته ليها تمام اسي الوجع خفه،قالت لي وااااي يعني م حتمشي الحفله بعد تخطيطنا ليها دة كلوو؟😱قولته ليها والله م عارفه م اظن اقدر امشي،قالت لي عايني ارح نمشي ياخ نسيتي نحن مطقمين مع بعض ولو م بتقدري تلبسي شبشب عالي أللبسي ليك شبشب وااطي بس ،قولته ليها والله ي لميس م عارفه غاايتو لحدي الأن ،قالت لي كدة اضرب لي هديل دي عشان تجي تمكيجنا،إتصلو على هديل،هديل قالت ليهم انا بره البيت لكن بجي بعد ساااعه كدة،وبالفعل جاتهم بعد ساعه،قالت لي انتي عويرة م ماشه؟شهد انتي نسيتي انو انتي عايزة تطفي الخلق ديل الليله؟اسي يقولو م جات العرس عشان خجلانه من نقسها انتي عويرة م تديهم فرصه امشي ي بت بي وجع رجلك دة أمشي،طبعا كلامها حمسني مشيت طلعته ملابسي،طبعا كنت عايزة أللبس توووب اسود ساااادة ،ومطقماهو بالكبدي،حتى الإكسسورات أسود بالكبدي ياااخ خراافي 😻مشيت ليهم في غرفه لميس قولته ليهم انا ماشه لو خلصتو خلوها تمكيجني😭لميس قالت لي اخييرا وافقتي،هديل قالت لي نفسياتك مشكلهه😂😂💔قعدته لي هديل مكيجتني وظبطت لي شعري طبعا هو مقصوص وملوناهو بالكبدي ،بعد خلصته مكياج مشيت لبسته وانا اصلا لا عندي وجع رجل لا شي ولبسته ليك الكعب العالي دة وعندي حجل كدة رفيع لبستو ،فجأة هديل جات داخله الغرفه وصرخت قالت لي وااااي😳طبعا انا زاتي إتخلعته قولته ليها مالك😳قالت لي لا ماشاءالله ماشاءالله بجد عايني الليله حتطق عيني وقعدت تنادي في لميس ،لميس جات جاريه ومعاها البنات،لميس قالت لي غاايتو انتي الدنيا كانت داقاك بس ولا انتي الداقه روحك م عارفهه ي الله الثبات الليله انا خايفه على بابا قلبو م يقيف😻😻😻😻البنات المعاها قالو لي لا بجد طالعهه خرافيه ماشاءالله عليك،قولته ليهم عاينو خجلتوني كفايه😂لميس قالت لي بس ناقصكك الزمام لكن دقيقه عندي واحد بتلصق طلعت جري مشت جابت لي واحد وجات لصقتو لي قالت لي ماف كلام تاني حاجه فخمهه😻لميس قالت لينا حتمشو مع منوو على فكره الساعه 9إلا عشرين دقيقهه،لميس قالت ليها دقيقه اتصل على خالد ،اتصلت عليهو قالت ليهو:خالد م جاينا؟كيف يعني؟طيب نحن حنمشي مع منوو؟ي زول تمام يلا،فصلت وقالت لينا الليله خالد موسرنا قال م فاضي لينا م فاضي من نقل الجكس التافه😒هديل قالت ليها فكره شهد إتصلي على همام خلي يجي يوصلكم،قولته ليها بس هو عارف انو انا م ماشه،قالت لي دي الزبدة هنا خلي يتفاجأ،لميس قالت ليها المفاجأة حتكون أحلى  لما يتفاجأ بيها في وشو بس دقيقهه شالت  تلفونها  وإتصلت عليهو قالت ليهو الوو بابا كيف تمام؟نحن خالد متفقين معاهو على اساس انو يوصلنا الصاله بس م جا ممكن تجي توصلنا انت لو م مشيت؟طيب تمام ماشي يلا سلام،بعد قفلت كرفست لينا وشها قالت لينا قال م جاي😔قولته ليها بجد،قالت لينا بهظر هو زاتو في الطريق جاي على البيت😻طبعا لميس فستانها اسوود ساادة سندريلا كدة وفاكه شعرها ولابسه معاهو جزمه كبديه واكسسوارات كبديه ياااخ سكككر بس،ونحن واقفين همام إتصل علي قال لي حبيبي انا جنب البيت جهزي لي ملابسي امشي بيهم الحفله،قولته ليهو طيب،قال لي م كنت عايز امشي لانو انتي براك  لكن لميس قالت ماف زول يوصلها،قولته ليهو م مشكله 😥وانا اصلا جااهزة ومنتظراهو😂💃طلعته ليهو ملابسو طبعا انا مشيت غرفه لميس لما جا لميس فتحت ليهو دخل الغرفه م لقاني لبس ملابسو ،ونحن على طول نزلنا ركبنا العربيه وهو م شافني لسسه وانا شايله تلفوني جاتني منو مكالمات كتيرة ابيت أرد،جا طالع من البيت طبعا رافعين كزاز العربيه والعربيه مظلله فتح باب العربيه لقاني قاعدة وقدام كمان😂🙈،عاين لي وهو مخلوع قال لي انتي ماشهه😳سكتته ساااي وبقيت اضحك،لميس قالت ليهو أقنعتها بعد تعب طبعا شوفته كيف ي بابا حاجهه طبيهه صح😻😻😻❤😂💔طبعا بقى يعاين لي بس،طوول الطريق وهو يعاين لي لغاايه م وصلنا الصاله ،لميس والبنات نزلو،مسكني قال لي خليك دقيقه ليه م كلمتيني انو انتي جايه؟طيب يعني انتي كويسه اسي؟قولته ليهو كويسه الحمدلله،عايزة انل قال لي انتظري دقيقه ،قولته ليهو همام في شنوو؟قال لي كل دة وفي شنوو عايزاني أخليك تنزلي كدة طيب لنفترض صابتك عين وروحتي فيها مثلا انا اقول ي منوو،قولته ليهو قول ي رب وبعدين وانت معي اكييد م حتحصل لي حاجهه ههه،باسني في راسي قال لي طيب خلينا نتفق انو دي اخر تطلعي فيها كدة انا م عايز الخلق كلها تشوفك حلوة كفايه جدا انو انا شايفك حلوة😘قولته ليهو حاااضر بعد كدة ممكن ننزل؟باسني في راسي قال لي يلا ،نزلنا وأول م جينا داخلين الصاله مسكتو من يدو...

.....

#نتلاقى😌