فلوكستين

٣

ومن يومها تاني بقيت أعمل حسابي من أي شي شوفتو قدامي عاد امشي اتشالق وفي النهايه يطلع شي عادي عندهم بري والله افضل ألم خشمي عندي 😂🐸وحنكشتهم ومياعه البنات دي شدة م كانت غايظاني م كنت بلقى زول اقطع معاهو فيهم،كل مرة بقول ي ريت لو سلمى كانت معاي كانت كملت معي القطيعه ياني ي فرستي  😂😥💔بس شويه شويه حاولته ادخل فيهم ولما أدخل الفصل أدرس حصه بحاول استظرف مع اني لما أدخل الفصل من سماحه البنات ونضافتهم بتعقد من نفسي ،طبعا معظم حصصي كانت مع تالته  بدرسهم احياء 😻❤في يوم كانت عندي حصه مع تالته   كان عندي معاهم مراجعه وراثه دخلته الفصل طبعا اتظارفته معاهم كويس بعدها بديت اراجع ليهم ،لاحظته لي واحدة نايمه ورا ومرقدة راسها في الدرج،قولته ليها ارفعي راسك من الدرج ي طالبه،،،م ردت علي ,كررته كلامي معاها مرتين وبرضو م ردت ،نزلته مشيت دقيت ليها الدرج قولته ليها ارفعي راسك،صحبتها ضربتها في كتفها رفعت راسها مخلوعه،كانت بتبكى وشكلها بتبكى من فترة طوييله لأنو عيونها لمن اتدفنت من البكى ،قولته ليها خييير في شنو انتي عيانه؟سكتت م ردت لي،قولته ليها بتكلم معاك انا ي طالبه؟قالت لي ماف شي وأخدت بعضها وطلعت بره الحصه وانا بنادي ليها ولا اشتغلت بي،سألته صحباتها قولته ليهم واحدة فيكم عارفه مالها؟قالو لي لأ،على كدة  خليتها بس تصرفها مستفز شديد ادتني احساس انو انا باعوضه واقفه في راسها 😥،بعد اسبووع من الكلام دة في يوم قاعدين في مكتب المعلمين  جات المشرفه متنرفزة وبتتكلم براها وبتقول:والله غلبني أعمل ليها شنو البت دي ي ناس ،استاذة ابتسام قالت ليها خيير في شنو ي سميه ؟قالت ليها لميس دي والله حيرتني معاها عدييل كدة قدر م اتكلمته معاها البت زي البكماء؟قالت ليها دي قله ادب منها سااي انتي لسه معاها ي زوله خليها  دي قلهه ادب ودلع بنات سااي انتي م عارفه حركات البنات يعني؟قالت ليها والله البعملو ليهم  دة مع عيالي م بعملو فتروني والله بنات بتاعات دراما خلاص والواحدة  مشاكلها عاطفيه ومراهقهه بحتهه،،،فجأة باب المكتب دق ،استاذة سميه قالت :إتفضل،جات بت داخله وقالت سلام عليكم❤استاذة سميه قالت ليها تعالي ي لميس ،تعالي اقعدي كدة ،جات قعدت قالت ليها انتي مالك ي بتي في شنو  دي ااخر مرة اسألك فيها خلي بالك ،قالت ليها ماف شي والله ي أستاذة،بقت تعاين ليها بعين قويه نظام عايزة تخوفها وكدة قالت ليها لميييس؟قالت ليها ي استاذة قولته ليك ماف حاجه انا بس م عايزة امتحن شهادة السنه دي وخلاص،دقت ليها الدرج وقالت ليها  كيف يعني م عايزة تمتحني م على كيفكك طبعا وبعدين الدنيا  بدايه سنه اووعى اسمع كلامك دة تاني،قالت ليها م جاهزة للسنه دي انا ولا جاهزة  للإمتحانات حتى،قالت ليها الأساتذة كلهم بشتكو منك لا بتحضري حصص لا مركزة فيهم حتكوني جاهزة كيف يعني؟البت فضلت ساكته سااي ودموعها جات جاريه بقت تبكي،قولته ليها خليها تطلع ي استاذة إبتسام لأنو كدة م حتتفاهم معاك،قالت ليها اطلعي،بعد م طلعت قالت لينا والله حيرتني عديييل والغريبه البت دي لحدي تانيه م كانت كدة مستواها كان كويس ،م عارفه بس لفتت إنتباهي شديد لأنو بكاها م كان بكى زول موجوع جد،طلعته وراها كانت ماشه بإتجاه الكولر لحقتها  وقفتها قولته ليها قدام المشرفه م حبيت أتكلم معاك لكن أسي انا حأتكلم معاك مالك في شنو ،م تتكلمي معاي على أساس اني مشرفه ابدا تمام؟قالت لي كلامي العندي قولتو للمشرفه تاني م عندي شي أقولو تمام؟يلا عن إزنك ومشت،،،وووبعلي انا من قلهه أدب المراهقات بجد يجيبو المغص غلطانه انا البتشالق وعامله حنينه😒👋💔رجعته المكتب قعدته قولته لنفسي أقعدي بي أدبك افضل ولقيت استاذة ابتسام بتتكلم في نفس الموضوع لايوقهه خلاص كمان هي😒قولته ليها طيب إتكلمي مع ولي امرها وخلاص علشان يكون عندو علم بالموضوع،قالت لي والله اتكلمته لمن حلقي وجعني كل مرة بتصل بتكلم مع امها لكن كأني م اتكلمته ،قولته ليها يبقى كدة عداك العيب والله❤رجعته المساء البيت أثناء م بنتغداء قولته ليها عارفه ي عمتو بيبو في بت في المدرسه حصل منها كذا وكذا وكذا،قالت لي غريبه صغيرة ولا كبيرة؟قولته ليها ممتحنه شهادة سودانيه والشي الحيرني انها قالت م عايزة تمتحن تخيلي؟قالت لي ي بت هااا البنات ديل اصلا بتاعات درامات بكره تلقيها عاديه  المهم ارتاحي شويه كدة وارح نجيب لينا عشاء من بره ❤قولته ليها عشاء لشنو ياخ؟قالت لي ي بت هيي مالنا بنوم من غير عشاء وبكره دايرة اعمل كرسبي في البيت 😌قولته ليها احساس انو حتظبطيهو وكدة😂😂😂قالت لي اصبري بس😂💪بالليل كل م أغمض عيوني افتحهم وأفكر في البت واقول ي ربي مالها؟تاني اقول لنفسي ياخ يوم الفضول دة يوم بقتلك مالك ومالها روحك الشماريه دي أقتليها😒الصباح صحيت متأخرة من كترة التفكير مشيت المدرسه قعدته أتونس مع استاذة إبتسام كداا بعدها قولته ليها اها موضوع الطالبه عملتي فيهو شنو؟قالت لي اي طالبه؟قولته ليها القالت م عايزة تمتحن شهادة ،،،قالت لي والله ماف جديد ،قولته ليها بالمناسبه هي اسمها منوو؟قالت لي اسمها لميس همام السعيد❤قولته ليها اهااااااا،مشيت غرفه شعبه الحاسوب  دقيت الباب قولته ليهو معتصم لو سمحته ممكن استخدم كمبيوتر معلومات طلبه المدرسه؟قال لي اتفضلي في حاجه؟قولته ليهو ايوة عايزة أخد معلومات عن طالبه وكدة،قال لي اتفضلي ياهو الكمبيوتر لكن كل طالب عندو كوود خاص بيهو اديني اسمها عشان اديك الكود حقها❤بجد مدرسه تحيير كود شنو وبطيخ شنوو كمان عشنا وشفنا والله 😏😕قولته ليهو اممممم اسمها لميس همام حاجه كدة م عارفه،قال لي بتقرا في كم؟قولته ليهو في تالته علمي،قال لي طيب فتح الكمبيوتر قال لي امممم لميس همام همام همام السعيد صح؟قولته ليهو ايوااا بس ياها قال لي الكود ....، قعدته في الكمبيوتر،طبعا معتصم دة واحد مزززز كدة مزازة عجيبه  ماسك غرفه شعبه الحاسوب،كل يوم بدخل المدرسه بي قشرة جديدة وسمح سماحه وانيق اناقه تقطع القلب والبنات بجن يتراشقن ويسلمن ليهو ويتونسو  وهو زاتو ااااخر إستظراف ورشاقهه  😒فتحته ملف البت وقعدته اراجع فيهو ،الشي اللفت انتباهي انو هي مستواها ممتاز شديد ونسبتها في الامتحانات النهائيه لسنه تانيه كانت 91%بقيت اسأل نفسي  طيب لييه مستواها إتدهور في تالته؟بعد م خلصته قولته ليهو معتصم شكرا ليك ياخ❤قال لي خلصتي؟قولته ليهو اايوة ❤قال لي طيب ممكن اتونس معاك شويه قبل م تطلعي؟طبعا استغربته معتصم عايز يتونس معااي😳؟قولته ليهو اممممم طيب م عندي مشكله بس بعد ص ساعه كدة عندي حصه مع أولى ،قال لي طيب ،قعدته اتونس معاهو المشكله انو هو كان بحاول يخلق ليهو موضوع وكدة،قال لي ساكنه وين انتي؟قولته ليهو أحن مكان في البلد دي وين؟قال لي امدر ياااخ😻قولته ليهو بالظااابط 😂❤قال لي وبتجي يوومي من امدرمان للطايف هههه؟قولته ليهو ااي عندي هليكوبتر بتوصلني يومي وبترجعني😒💔ضحك قال لي لا بجد😂💔قولته ليهو اكييد انت بتهظر طبعا لو قاعدة في امدرمان ماف سبب يخليني اقطع الفيافي دي كلها عشان أجي ادرس هنا😒قال لي طيب طيب فهمته انتو ناس امدرمان دايما جادين كدة😂قولته ليهو هههه نحن اساس الجديه والحنيه في نفس الوقت😌قال لي انا ساكن في الرياض ،قولته ليهو يااخي 😃قال لي والله عندي شقهه هناك❤قولته ليهو طيب حلوو😊قال لي عايني لو حتطلعي بدري أنا كمان بطلع حوالي الساعه 2 ونص كدة خليني اوصلك،قولته ليهو  انا اتجاهي عكس اتجاهك لكن هههه خليك  اصلا انا بمشي براي😻قال لي لالا ي زوله م مشكله بوصلك❤قولته ليهو وكمان حأطلع متأخرة للساعه 4  كدة ،قال لي عايني انتي بتحاولي تتهربي مني يعني ولا شنوو؟قولته ليهو لا والله 😂ياخي لصقه ولتيخ مع انو هو فاهم بس لايوق،قال لي طيب حأنتظرك❤قولته ليهو طيب تمام يلا انا طالعه علشان زمن الحصه وكدة،قال لي دقيقه ممكن رقمك عشان لما اطلع اتصل عليك؟حولته ليهو عيوني يمين شمال عشان القى لي كذبه م لقيت قولته ليهو طيب سجلته ليهو الرقم وطلعته ، ،في نص الحصه تلفوني ضرب الرقم كان غريب عملتو صامت ورجعته واصلته حصتي،بعد م خلصته  طلعته مشيت مكتب المعلمات لقيت معتصم قاعد وفاتح اللابتوب شغال فيهو،قولته ليهو انت قاعد الساعه ماشه لي 4نص؟قال لي منتظركك،قولته ليهو انت م جادي طبعا😂💔قال لي  والله،قولته ليهو دي هباله منك على فكرة؟قال لي نعم؟قولته ليهو هباله من أهبل م فهمته؟قال لي الله يسامحكك المهم انقلعي اطلعي أوصلك😂😒💔قولته ليهو إنقلعي دي لمنو دقيقه؟قال لي وأهبل دي لمنوو؟قولته ليهو سمح ارح طلعنا اثناء م نحن ماشين قولته ليهو بالمناسبه من وين انت اساسا؟قال لي أهلي من مدني❤قولته ليهو ي سلام ،قال لي شايفه نحن كمان عندنا مكانا البنفتخر بيهو❤فضلنا نتونس ونضحك كدااا لغايه م وصلني البيت ورجع،طبعا انا م عندي حاجه بدسها اول م وصلته حكيت لي عمتو بيبو بالحصل(اسمها بدريه بدلعها بيبو)😂💔بالليل  اثناء م انا فاتحه الواتساب كدة جاتني رساله بتقول:مسا مسا!!!الرقم كان غريب طبعا رديت ليهو بعلامه استفهام؟رسل تاني قال لي  معقوله م عرفتيني؟قولته ليهو وأعرفك من وين؟قال لي طيب انا واحد من الناس😂قولته ليهو قصدك واحد من العولاق المتطفلين صح؟فجأة جاتني منو مكالمه فصلته في وشو ،رسل لي في ااواتساب قال لي ردي وحتعرفي ،،،قولته ليهو طيب دقيقه أبلكك😊قبل م أعمل بلوك رجع إتصل ،زهجني فتحته الخط قولته ليهو انت متخلف ولا حاجه؟قال لي وانتي هبله ولا حاجه؟من الصباح واقعه فيني شتيمه م عندك حاجه اسمها تفاهم؟😂الصوت اصلا م كان غريب علي قولته ليهو منو معاي؟قال لي معتصم معاك،قولته ليهو معتصم😕اهااا معتصم اتزكرتك طيب في داعي للتاخه من قبيل م تقول كدة😒ضحك قال لي هو انتي بتدي الزول فرصه 😂م انا من قبيل بحااول أفهمك😂👊💔قولته ليهو م عرفتك والرقم كان غريب ،قال لي اسي عرفتي😃قولته ليهو وبعدين تعال هنا انا عايزة أتخمد انت متصل علي لشنوو؟قال لي والله م عارف إتصلته بس😂قولته ليهو عايز تمسك بي زمن وكدة صح؟وين وين الأنتيم حقتك بتبرمج بي أنا😒👊قال لي ياااخ أنتيم شنو م عندي أنتيم ولا شي😂💔قولته ليهو وااااو دقيقه أصدقكك ننننن😒👋قال لي جادي معاك والله انا سنقل والحمدلله عندي سنه تقريبا 😂😒💔قولته ليهو حداد ولا حاجه؟🐸قال لي م حداد والله بس انتي عارفه في مرحله كدة الواحد بصل ليها بتكون العلاقات والبنات دي أاااخر إهتماماتو،قولته ليهو دي من كترة العلاقات ومباراة الجكس الواحد بكون وصل مرحله الإكتفاء الذاتي ويجي يتفلسف😒ضحكك قال لي انتي نهائي م بترحمي ؟😂👊💔قولته ليهو كلامي صح ولا م غلط😌قال لي هو نوعا ما كدة صح  غايتو انتي بتعصري الزول في زاويه ضيقه خلاص😁😂قولته ليهو ااي علشان الواحد م يشطح في الكذب😂😒👋قال لي وانتي سنقل براك ولا الجكس اباك ؟قولته ليهو وشي متكفل بالموضوع😌😒✋ضحكك بصوت عالي قال لي اقسم بالله انا بت م طبيعيه زيك م لاقتني في حياتي😂💔قولته ليهو اكذب مثلا ولا أغش على نفسي؟قال لي بالمناسبه الجمال جمال الروح 😂💔قولته ليهو روح فراوله ولا موز نننن😒قال لي ياخ😂💔قولته ليهو خليك واقعي واتكلم حسب عقليه وتفكير مجتمعنا وجيلنا الحالي دة 😒👋قال لي هو نوعا ما المجتمع بقى بفكر بطريقه سطحيه وبهمو المظهر الخارجي بس م كل الناس لأنو حتى التعميم في اللغه العربيه بدل على الجهل فاهماني انتي؟قولته ليهو زي منو كدة ؟انت مثلا🐸قال لي بس انا م عايز احنكك عشان اهتم بشكلك لأهو صراحه انتي م بتتحنكي بس حسيتك ظريفه وبتتعاملي بعفويه كدة وقولته البت دي الا اصاحبها بس صحبه م حاجه تانيه فهمتي؟😂😁💔قولته ليهو نظام عايز تقصف جبهتي وكدة؟قال لي لا بجد 😂😂😂💔قولته ليهو أهو قصفتها وإنتهيت مبروك يلا🐸💔قال لي م تبكي خلاص😂💔قولته ليهو وابكي لييه يلا مع السلامه عايزة أنوم بكره عندي حصص كتيرة وانا م بصاحب اولاد على فكرة😕قال لي لا اسي بقينا اصحاب خلاص الموضوع دة اتحسم ههههه  طيب ي جنو مع السلامه تصبحي على خيير وقفل الخط،قبل م أنوم إتزكرته إني عايزة أتصل على أهل  البت الاسمها لميس دي شلته التلفون ودخلته الرقم،طبعا الرقم شلتو من ملفها بتاع المدرسه،الزمن كان متأخر بس كان لازم أتصل عليها،إتصلته لقيت الرقم مشغول،قعدته شويه كدة تاني إتصلته الرقم دخل اول م فتحت الخط قالت :حبيبي رصيدك قطع ولا شنو؟طبعا انا سكتته سااي بقت تقول الوو؟؟قولته ليها السلام عليكم !!!قالت لي وعليكم السلام منو معاي،قولته ليها  معي والدة لميس؟سكتت مساافه وقالت لي ايوة إنتي منو؟قولته ليها أنا بدرس في مدرسه بتك وعايزة أتكلم معاك ضروري ممكن تجي المدرسه؟قالت لي اهااا كويس طيب انشاءالله  وقفلت على كدة....

#نتلاقى💜