فلوكستين

٦

اخد نفس طوييييل وقال لي  م حأخد من وقتك كتيير صراحه انا قعدته مع نفسي وفكرته م عارف حتوافقي ولا لأ من الأخر كدة تتزوجيني ي بت الناس؟....طبعا انا بقيت اعاين ليهو مخلوعه  اجي ي عمو😨قال لي عااارف انو دة قرار صعب عليك وم عارف إذا حتوافقي ولا لا وعارف انو دي حاجه شبه مستحيله بالنسبه للفروقات اللي بينا بس بتمنى توافقي واكون معاك واضح أكتر انا والله م عايز اتزوجك علشان مصالحي الشخصيه او كدة لا والله،بس انا بفكر في اولادي لأنهم محتاجين لواحدة تكون أمهم بجد،طبعا بقيت اعاين ليهو بخلعهه وانا مصدومهه طبعا ومن جوااي بقول اجييييش،قال لي عارفك حتقولي علي أناني و...بس بقولو الغايه تبرر الوسيله صح؟وانا والله انشاءالله من كل النواحي م بقصر معاك وانتي باين عليك بت حلال لأنو انا م عايز اجيب ليهم واحدة تعيشهم عقد نفسيه وتسيئ معاملتهم وكدة ابدا وي ستي أخدي وقتك فكري على أقل من مهملتك وانا حأتصل عليك مرة تانيه وأشوف ردك النهائي تمام؟قولته ليهو مبدئيا كدة لا تمام وبعدين م علشان أنا إتجاوبته وإتعاطفته مع بتك علشان وضعها معناها خلاص انت تاخد الأريحيه وتطلب طلب زي دة ؟قال لي وانا منتظر قرارك النهائي، نزلته من باب العربيه وقفلته الباب ، مشيت لا م مشيت شلته نعلاتي في يدي وجريت جري البيت وانا راسي دة بضرب اخماس في اسداس معقوله في ناس مصلحجين وبحاولو يستغلوك بالصورة دي علشان مصالحهم الشخصيه؟طبعا كلامو شدة م زعلني لمن بقيت ارجف معقوله ي عمو،اليوم التاني امي ضربت لي كنت في المدرسه قالت لي ابوك تعب وديناهو المستشفى،طلعته مشيت المستشفى ابوي السكر بتاعو كان مرتفع فجأة جاهو سكري ،المهم فضلنا اسبووع في المستشفى بعدها خرجوهو وعلشان ابوي وكدة تاني م رجعته مع عمتو بيتها قعدته في بيتنا ،عدت اسبوعين في يوم قاعدة أكنس في البيت وامي قاعدة في المطبخ بتجهز في الغداء،فجاة تلفوني ضرب وانا كنت خالاهو في البنبر جنبها شالت التلفون وردت،المتصل قال ليها السلام عليكم مساء السرور،امي قالت ليهو وعليكم السلام  مساء النور ،قال ليها معي شهد؟قالت ليهو لالا شهد دي بغادي بتكنس في الحوش انا امها منو معاي؟قال ليها اهلا بالست بالوالدة  حبابك كيفك انشاءالله تمام؟قالت ليهو والله تمام الحمدلله ماف عوجه  دقيقه أديك ليها قالت ليهو كدة بإستغراب طبعا ،قال ليها لالا م تديها الجوال كويس انو  لقيتك انا زاتي حابب أتكلم معاك،قالت ليهو إتفضل خييير إنشاءالله،قال ليها خيير انا والله إتقدمته لبتكم دي قبل فترة وقبل م تاخد قرارها انا حابب اعرف رايكم شنو انتو في الموضوع يمكن تكون حكت ليكم،قالت ليهو والله ي ولدي م حكت لينا ولا عندنا علم بالموضوع دة  انت منو م عرفتك؟قال ليها  انا همام السعيد، انا خلصته كنس وجيت  قولته ليها امي وين الخرطوش لقيت التلفون في يدها،قولته ليها بتتكلمي مع عمتو؟قالت لي لالا دة واحد اسمو همام قال،قولته ليها بخلعه شنووو؟😨 قولته ليها رديتي؟قالت لي وكان م رديت كان عرفته اسمو كيف ،قالت ليهو سمح  ولدي مع السلامه وقالت لي هااك ي بت وبتعاين لي ساااي بي تحميرة طبعا😁😥💔شلته التلفون قولته ليهو الوو؟قال لي أسف لو سببته ليك مشكله او كدة،قولته ليهو لا عادي ،قال لي إتصلته عشان أعرف ردك على الموضوع شنوو؟قولته ليهو والله زي م قولته ليك المرة الفاتت والفكرة انا شايلاها من بالي خالص ونسيتها حتى اضافه لي كدة ي ريت م تحاول تفتح معي الموضوع دة تاني  تمام؟،قال لي طيب وانا محترم قرارك جدا❤قولته ليهو تسلم وعلى كدة قفل الخط،امي طبعا بقت تمشي وتجي وهي ساكته ساااي بس بتتقاطع  فيني،دخلته الغرفه رقدته ،جات فتحت الدولاب وقفلتو تاني وفتحت الضلفه التانيه وقفلتها،قولته ليها امي عليك الله لو عندك حاجه قوليها م تتقاطعي وتعملي فيها بتفتشي سااي،قامت طالعه وصلت عتبة الباب جات راجعه قالت لي دة منو دة؟قولته ليها منووو؟قالت لي الإتصل اسي دة؟؟قولته ليها دة واحد اسمو همام،أبو طالبه ممتحنه شهادة معانا في المدرسه ومطلق مرتو قبل شهر وعندو أربعه أطفال ،وإتقدم لي  في حاجه تانيه عايزة تعرفيها؟؟،؟ختت لي يدها في نصها قالت لي شنوووو؟؟بري بري كمان معرس  ومطلق وعندو شفع عاد شوف الخايب دة مرتو م تمت شهر من طلاقها وهو داير يعرس عاااد اعوذو بالله من دة نوووع،قولته ليها شوفتي كيف؟😂💔العصر حوالي الساعه 4 أمي صحتني من النوم قالت لي عمتك بدريه دي قالت في الشارع قومي فرشي البيت دة كويس،قولته ليها امي شموخ وين؟قالت لي شموخ قاعدة تعمل في القهوة لي ابوك وأصحابو قومي ي بت،قعدته اطنطن واتكلم براي😂💔طلعته لقيت اسراء ناايمه اديتها ليك في ضهرها طااااخ قولته ليها تنومي السهر نايمه ليها شنو كمان،قعدت تصرخ اميييييي،قولته ليها اسكتي هسسس يلا اتخمدي😒💔👋مسكته المقشاشه نضفته البيت تمااام مؤتمن جا داخل ،قولته ليهو مؤتمن بس ايااااك ترمي لي ملابسك في السرير كلمتك😭😭😭قال لي برميهم انتي قاعدة تعملي في شنو 😂👊💔قولته ليهو ياخ😭شويه كدة  خلصته قولته ليهم انا  راجعه انوم  وزول فيكم يصحيني ماف لأني بشلتكم واحد ورا التاني والله😡رجعته سريري وإتغطيت وديك النومه،شويه كدة صحيت على صوت اسراء بتصحيني رفعته راسي ،قالت لي امي قالت ليك تعالي😃،شلته النعال وجدعتها بيها ،قولته  ليها ابقي مرة تاني تعالي صحيني😡رقدته شويه كدة جات امي قالت لي ي بت شهد،،،قولته ليها ي أمي والله فترته ،فترته والله مالكم ي ناس في شنو عايزة انوم زي زي الخلق،فجأة اسمع ليك عمتو بدريه بتقول لي:قومي يختي تنومي وين هو انتي المفروض تاني النوم بعينك م تنوميهو،قعدته في نص السرير قولته ليها عمتو وربي فترااااانهه،قالت لي كدة قومي وصحصحي معي كدة انا جايه اتكلم معاك في موضوع ،قولته ليها في شنووو؟قالت لي انتي ي بت لمن الراجل الاسمو همام دة خطبك م كلمتيني ليييه؟قولته ليها اكيييد امي كلمتك صحح😒؟قالت لي لالا كلمني هو ،قولته ليها كلمك هو لاقاك وين😳😳😳😳قالت لي م بتشاورينا مالك؟قولته ليها عمتو اوافق على راجل متزو،قاطعتني قالت لي ومالو المتزوج عرسو حرام؟عاد ي يمه راجل وملوي هدومو خلقه واخلاق وادب وزوق تاني دايرة شنو اكتر من كدة؟امي قالت لي وبعدين هو زاتو شكلو زول عااااقل ورزين ماشاءالله عليهو،قولته ليها يمه انتي شوفتيهو وين لمن عرفتي اخلاقو وشكلو لو م اتكلم معاك مكالمه بس 😕جات شموخ داخله قالت لينا وبعلي وبعلي زحو لي اتدردق اسي دة عمرو 34سنه ومتزوج ومطلق كمان؟ي يمه شياكه ونضافه وحرافه اووول مرة يعجبني الشيب في راجل انشاءالله ي يمه عاااد شيب السرور،قولته ليهم دي ماله كمان  ي جماعه في شنووو؟؟😳عمتو بدريه قالت لي همام جا معي وقاعد برة،قولته ليها بصووت عاالي شنوووو؟جااا وييين قولتي لي😳😳😳امي قالت  ي بت انطمي بتعيطي مالك؟شموخ قالت لي شهد دة لميتي فيهو وين جبتيهو من وين ؟قولته ليهم انتو جادين هو قاعد بره؟امي قالت لي قومي اتلحلحي وغسلي وشك دة وخلي اختك تعمل ليك من النصيب البتعملو في وشها وبلمعو ليها دة وحبه روج واطلعي سلمي على الراجل،قولته ليها  ن شنووو؟امي انتي قبيييل كنتي بتقولي في شنو متزكرة صح غيرتي موقفك طوااالي كدة😳؟قالت لي م كان عندي خلفيه عنو،قولته ليها والخلفيه الأسي اخدتيها عنو دي اساسها شنو؟بتعرفوهو من وين؟شايفاكم مبسوطين كأنو انتو موافقين وكدة؟سكتو وبقو بعاينو لي كلهم،قولته ليهم دقيقه دقيقه انتو م موافقين صح؟امي كدة جاوبيني؟قالت لي ي بتي الزمن دة بقى زمن صعب والواحدة لما تلقى راجل زي دة م بتفكو بتمسك فيهو بي يديها وكرعيها عشان م يطير ،عمتو بدريه قالت لي انتي مشكلتك شنو؟عشان متزوج وعندو عيال يعني؟ويعني شنو عندو عيال؟م تبقي غبيه وفكري في مصلحتك راجل زي دة م بتعوض دي ضربه حظ ي بت هييي،شمووخ قالت لي ي يمه عايش حياتو بين قطر ودبي عاااد تشمي هوا الطيارات دة ساااي اقسم بالله لو مكانك ي شهد من غير م أفكر بوافق،بقيت ساكته وبعاين ليهم سااي،امي قالت لي م تتنحي فينا مالك؟قولته ليهم مستغربه في الطريقه الماديه البتتكلمو بيها دة م زواج وأكل وشراب وخلاص ،والبطلق مرة حيطلق اتنين وتلاته ولو م فيهو عيب م كان مرتو خلت ليهو شافع عمرو سنتين ومشت  انتو فاهمني؟القروش م كل شي،شموووخ قالت لي ي بت هاا بي عيوبو دي لو دايرة تغيريهو بتغيريهو على كيف كيفك خليك مفتحهه بس ،وبعدين يختي م تكفي نعمتك بيدك والله نحن بنعيش عمرنا دة كلو وبنحلم بالبسيط  وود الحلال البسترنا بس كان ربنا كتب لينا الكتير م بنكفيهو أبدا❤💪قولته ليهم هو اسي جا لشنو. نفسي أفهم؟عمتو بدريه قاالت لي قال م كان عندو علم انو ابوك عيان وفي المستشغى عرف من مديرة المدرسه وشال  منها الرقم حقي واتصل علي قال عايز يجي يتطمن عليهو وكدة ،شموخ قالت لي زوووق السرور ي يمه انشاءالله ي يمه زوق راجلي بعد الحال 😻👋امي قالت لي قومي سلمي عليهو شينه يجي وم تسلمي عليهو،نزلته غسلته وشي ولبسته توبي وطلعته لقيتو بتونس مع ابوووي  ومؤتمن ،اول م شافني وقف سلم علي،قال لي الوالد عوافيهو كمان،قولته ليهو الله يعافيك تسلم😊طبعا مؤتمن يعاين لي ساااي لمن صاري لي وشو😥💔بعد م طلع مشى شموخ قالت لي النصيحه م قصر عاد جاب لينا فواكه اشكال وألوان،قولته ليها اها ي البقرة😒💔باليوم داك اصلا ابووي م سألني ولا مؤتمن اخووي ،قولته لنفسي يمكن مشو الموضوع عادي❤بعد اسبووع من الكلام دة ابوي ناداني بالليل قال لي تعالي أقعدي هنا،قعدته قولته ليهو نعم؟قال لي طبعا الزول الجا الخميس الفات دة انا لا بعرفو لا شي جا مع عمتك وحكى لي بعرفك من وين،المهم هو جا عشان يسلم علي وبالمرة يتعرف علي وفاتحني في موضوع كدة انا م عارف رايك فيهو شنوو لكن ي بتي العمر م مضمون وانا والله بعد م قريتكم ووصلتكم المراحل دي م دااير منكم ااي شي غير انو اشوفكم في بيوتكم مستورات داير لمن يدخلوني القبر دا اكون في ود اللحد  دة مطمن عشان انا سترته بناتي في بيوتهم  ،اسي شوفي المرة دي وقعته وقعه السكري دي بكرة يمكن تاني اقع وم أقوم منها،عشان كدة ي بتي فكري كويس انا والله م بضغط عليك عشان توافقي ولا بجبرك على حاجه م دايراها ابدا،قولته ليهو ي ابوي انا م بقدر على المعافرة دي دة زوول متزوج وعندو عيال ومطلق كمان يعني دة زول المستقبل م مضمون معاهو،قال لي انتي عرفتي كيف العيب فيهو هو؟قولته ليهو لو كويس بجد مرتو م بتمشي  وتخلي وراها اربعه اطفال ،قال لي في حاجه اسمها قسمه بتنتهي ويمكن انتي تكوني من نصيبو ولا شنوو؟فجاة جا مؤتمن قال ليهو ابووي هووي م تجبروها على حاجه م عايزاها نهائي الزواج دة قرار م جبر ابدا،ابوي قال ليهو م جابرها انا بس بفهمها الحاصل ،،،قال لي المهم ي بتي اصلا م تقولي ابوي دة بجبرني على شي دي حياتك انتي وانتي البتعيشي مع الراجل دة  الله يسهل ي بتي قومي امشي نومي،بعد كدة تاني النوم غلبني رقدته في السرير وأتقلب بفكر في كلام ابووي،وانو هو شايل همنا عشان كدة كل شويه بطلع ليهو مرض جديد، وتاني اقول لنفسي لكن ي شهد دي مسؤليه صعبه هم م عارفين حاجه سااي ،اذا انتي مسؤليه نفسك م قادرة تتحمليها حتقدري تتحملي مسؤليه اربعه اطفال م اطفالك كيف؟فجأة تلفوني ضرب كان  المتصل همام رديت عليهو ،قال لي م كنت عارف انو ابوك كان في المستشفى والله،قولته ليهو فرصه وجاتك لحدي عندك قولته م تفوتها صحح؟😊قال لي  الله يسامحك م كدة والله،قولته ليهو بس الحقيقه كدة،قال لي انا متفهم موقفك و...،قاطعتو قولته ليهو وانا موافقه ،قال لي نعم؟قولته ليهو مش دي الحاجه العايزها انت؟طيب انا موافقه😊قال لي شهد انتي متأكدة من الحاجه دي؟لأنو الزواج دة م حاجه وخلاص الموضوع محتاج قناعه انتي مقتنعه ؟قولته ليهو فعلا محتاج قناعه وانا مقتنعه 😊قال لي شهد انا عندي اطفال وفارق العمر بينا يمكن كبير ويمكن انتي م تقدري تتأقلمي معاي يعني لو اهلك ضغطو عليك ..قاطعتو قولته ليهو عارفه دة كلو وم عندي مشكلهه واهلي م ضغطو علي ابدا والله ولا انت غيرته رايك؟😊قال لي ابدا والله بالعكس ربنا يسعدك زي م اسعدتيني بالخبر دة...❤

#نتلاقى😌