السلام عليكم
---------
اخرجيني من هذا الضلام
--------------------
ازل: مااااماااا
وسام : يله اني اترخص المفاتيح وسيم
وسيم : انتضر هسه نروح سوة
وسام: المفاااتتيح
سحب المفاتيح من اخو وطلع لحكه وسيم أخذ سيارة تكسي وطلع للبيت وصل ونزل ركض صعد لكه أمه وزوجته يدكون الباب وصوت تكسير بغرفة وسام
وسيم: شويه وخرو
ام وسام: شكو يمه شبي اخوك
وسيم: لخاطر الله يمه وخري
دفع الباب وكسرها ودخل
وسام: اطططططططلع برررررا
وسيم: بس اسمعني
وسام: شسممممع كلي شسمع
وسيم: ماجانت تقص..
وسام قاطعة بصياح: حقققققها تخاف على بتها مني وحق الكل يخاف مني وهيه ماجذبت بشي اني مريض نفسي تفتهم مرررررريض نف...
وسيم قاطعه : اشششش اسكت ماكو هيج شي
وسام: انته اسكت جذب على نفسك بس لتجذب عليه اني اعرف بنفسي مريض ومخبل وتصرفاتي مو موزونه بس مو بيدي حبيت ازل خلال ايّام حسّيت بالي ماحسيته بسنين وَيَا رنيم اني أحب ازل احبها احبها احبها احبها احبها تفتهمني احبها هي النفس مالي ادمنتها تفتهم احبببببببببها ياعالم ياناس اسمعوني اني أحب ازل مخبل عشك ملاك افتهمتووو
وسيم: ماشي بس اهدىء
وسام: تفتهمني مو احبها والله احبها
وسيم: والله افتهمك وادري بيك تحبها بس اهدىء
وسام: ماشي ماشي اني هادىء يله راح انام العصر كعدوني اروح اشوف ازل
وسيم: ماشي ارتاح هسه
وطلع من غرفة وسام
ام وسام: ها يمه خير شبي وسام
وسيم يفرك وجهة : اوووف يمه اوووف وسام مهووس
ام وسام: اسم الله مهووس شنو بشنو مهووس
وسيم : بازل
ام وسام: شنو مفهمت
وسيم: يايمه وسام مهووس بازل يحب ازل
ام وسام: شلون الف الحمد لله وين الكى أحسن من ازوله جنة الي ومرة لابني
وسيم: يمه أبوس ايدج كولي تتشاقين وياي
ام وسيم: ليش يمه شبيها ازل ناقصها شي
وسيم: مو هذا قصدي بلعكس ماكو أحسن من ازل بس متحسين راح تنضلم وَيَا وسام وبعدين انتي ماسمعتي الي كالته عمتي وفاء الْيَوْمَ
ام وسام :شكالت وبعدين صدكً ليش أيد اخوك ملفوفة
وسيم: الْيَوْمَ الصبح وسام راح اخذ ازل من كدام بيتهم وبلطريق فاقد أعصابه وسوة حادث
ام وسام: يمه اسم الله خوما صار شي بلبنيه وأخوك
وسيم: لا يمه الحمد لله عرضيه بس مرت عمي حقها وفقدت أعصابها وكالت على وسام مريض
ام وسام: شلون تحجي هيج على ابني
وسيم: يمه اعصابج وتصرفي بحكمة كلنه نعرف بحقيقة مرض وسام ماكو داعي نجذب على نفسنه وحقها تخاف على بتها
ام وسام: بس وسام مابي شي وإذا مريض
وسيم: يممممه الرحمة وحطي نفسج بمكانها هاي لو بنتج إيمان جان رضيتيها
ام وسام: ..... بدون رد
وسيم: جاوبي جان رضيتيها لا طبعاً ما ترضيها بس وعد مني ألج بس يصير وسام زين وحالتة تستقر اروح بنفسي واخطبها اله وميسموني رجال وعندي شارب اذا صارت لغيرة
ام وسام : الله يرضى عليك يمه
العصر
ازل كعدت العصر الساعة بل 4 نزلت للحديقة كعدت ع المرجوحة اهلي نايمين تمددت شوية وسمعت الباب يندك كمت فتحت الباب
وسام: السلام عليكم شلونج ازل
ازل : وعليكم السلام الحمد لله وانته
وسام: بخير اذا انتي بخير
ازل: اتفضل هسه اكعد اهلي
وسام : ماكو داعي تكعديهم اجيت اطمئن عليج واعتذر منج ، لزم أيدي سحبتها بقوة
ازل: ماكو داعي تعتذر مصار شي
وسام: لا لوما اني جان مصار بيج هيج
ازل: كتلك مصار شي وهسه طمئنيت عليه تفضل اطلع اهلي نايمين
وسام: ازل ليش تخافين مني اني اأذي العالم كلها وما اكدر أاذيج
ازل: مخايفة منك وليش حتى اخاف بس
وسام: بس امج متريدج تحجين وَيَا واحد مريض
ازل: لا والله مو هيج قصدي
وسام: فهمت قصدج ازل وحقج وحق اهلج يخافون عليج مني يله مع السلامة. وراح
ازل: اوووف الله وياك
ورجعت لغرفتي كعدت اقرة
وسام : السلام عليكم
ام وسام : وعليكم السلام والرحمة وين جنت يمة
وسام: رحت شفت ازل اخاف بيها شي
ام وسام: اي يمة خوما بيها شي
وسام: لا الحمد لله بخير صدكً يمه رايدج بموضوع
ام وسام : كول يمه عيوني ألك
وسام: سالمة عيونج يمه بس لازم تعزمين عمي مصطفى وعائلته اعتذر منهم على الي صار وَيَا ازل
ام وسام: اي والله يمه أحسن ان شاء الله هسه أكول لأبوك يخابرهم
وسام: ماشي يمه اني صاعد ارتاح بغرفتي
أنت تقرأ
أخرجيني من هذا الضلام
Romantikاصبح مريض نفسي بعد ان عايش قصة حب فاشلة ليقع فيمابعد بحب ابنتة عمه ويهددها لتتزوجه ُ ''' فكيف ستكون ردّة فعلها على هذا العاشق المجنون؟؟ وماذا سيكون ردها على تهديده لتتزوجه ؟؟ وِان وافقت كيف ستعيش معه وماذا سيكون مصيرها؟؟ تابعو القصة لتعرفوا نهاية هذ...
