السلام عليكم
--------------
اخرجيني من هذا الضلام
---------------------------
وسام :الو هلو حبيبتي شلونج
رنيم: هلا بيك الحمد لله انته شلونك
وسام : بخير اذا انتي بخير شعجب دكيتي علية اشتاقيتيلي مو؟
رنيم : وسام اريد منك طلب
وسام: كولي حبيبي عيوني الج
رنيم: وسام خلي ننهي كلشي بينه
وسام : ههههههه جديدة هاي العبة
رنيم: مو لعبة داكلك ننهي كلشي بينه
وسام : وتحاولين تقنعيني بلعبتج ماشي يابة كملي السيناريو دنشوف
رنيم: وسام اني مدشاقة وياك خلاص ماريدك بعد
وسام : رنيم كافي لتضوجيني افتهمت تريدين تختبرين حبي يابة يعني متعرفين بية احبج لوما احبج ما اتقدملج 11مرة بس انتضري خلي اشوف امج ليش متنطيج الي
رنيم : بس اني ما احبك ولاحبيتك يوم
وسام : رنيم كافي حركتي اعصابي شنو ماحبيتيني يوم صار ٨سنوات احنه سوة يعني لوما امج متقبل بية جان هسه داوصل ابني للمدرسة
رنيم: وسام شنو الي مدتفهمة داكلك ما احبك ولا اريدك جنت مجرد نزوة بحياتي وسديت الفراغ الي جنت احسه لان منتضر رفضني بس هسه راح انخطب ل منتضر عوفني وبعد لتتصل بية
وسام: اشششش انلصمي لتجذبين علية
رنيم: يله وسام باي واتمنى بحياتك بعد اذا تشوفني بشارع تفوت من شارع اخر .وسدت الموبايل
وسام: اااااااااا رنيم حبيبتي رنيم وينج جاوووبي ااااا
وكمت فتحت باب الشارع وطلعت لجوارينه ( بيت ابو رنيم) ودكيت الباب كسرتها طلعت ام رنيم
ام رنيم : ها وسام خير ابني محتاج شي
وسام :صيحيلي رنيم شلون تجبريها على الزواج من ابن اخوج
رنيم طلعت من ورا امها: محد جبرني انته من بداية علاقتنه تدري بية احب منتضر
وسام: مو كلتي نسيته
رنيم: ماكلت ولابيوم نسيته
وسام : واني اني الي حبيتج وانطيتج مي كلبي هيج تسوين بيه
وندار على امها : خالة اني اريد اخطب رنيم وشتريدين انطيج بس انطيني رنيم
رنيم: انته شنو متفهم داكلك مااااااااا احبك كافي تضوجني واطلع من بيتنه
وسام : رنيم باوعيلي رنيم لتديرين وجهج
رنيم وهية تدفع وسام: اطلع من حياتي ابتعد وخليني اشوف نفسي اكرهك اطلع انته ليش متفهم ما احبك برررا
وطردته وسدت الباب بوجهة ضل واكف بلباب وصافن يباوع على باب بيتهم والجوارين كلها تباوع علية وطلعو لان سمعو الصياح بينهم وطبعآ كل المنطقه تعرف بقصة حبهم وسام كام يصيح ويعيط بهستريا مثل المخبل ووكع بلكاع وفقد وعيه الجوارين شالو ودخلو لبيت اهله وامه ضلت تلطم لان هيج صارت حالة ابنها وهو عاد لوعية وضل ساكت دقايق ورجع يعيط جابولة مضمد وانطاه ابرة مهدئة ونام كعد ورا ٦ ساعات تعبان وبدت حالته النفسية تتعب لان هاي حب حياته صار ٨ سنين يحبها وتقدملها هواي وامها ترفض صعد فوك السطح وضل يباوع على بيتهم اليل كله ومر اسبوع على هاي الحالة وهو يراسل ويخابر رنيم لكن بدون جواب وبدلت حساباتها ورقمها وهو تراجعت حالتة الصحية وتمرض وضعف لاياكل ولايشرب سمع صوت زفة بلشارع فتح البردة وشاف سيارات بلشارع جايين ياخذون رنيم العروس ضل مصدوم طلعت رنيم وهو شافها تحركت سيارتها هو طلع يركض اخو سحبه وحضنه هو دفع اخو وطلع ورا الزفه يركض ويصيح بس بدون داعي لان رنيم راحت وانتهى كلشي وكع بلشارع فاقد الوعي وماحس على نفسة الا بعد ساعة بلبيت اخو مصطفى رجعه للبيت هم كعد يصرخ ويضرب بلحايط ويكسر كلشي كدامة ضربو ابرة مهدئة وغفى ومن هنا تبدأ معاناة وسام مع مرضة حالتة تدهورت كلش واهله تعبو على كد ما ياخذو للاطباء و بدون اي فائدة سفرو ل لبنان لمدة ٦ اشهر الى ان يتعالج وتعالج بصعوبة كبيرة بس مو بالشكل الكامل ضل يعاني من نوبات تصيبه
ازل: بعد ما ابن عمي تعرض لمرض نفسي واهله سفرو ل لبنان علمود علاجه مرت اخو جانت حامل رحت سكنت ويا بيت عمي لان مرت عمي وعمي تعبانين ويحتاجون احد يساعدهم رحت كعدت ببيت عمتي لخمسة شهور
عمتي: وج يمه ازل باركيلي ابني راح يرجع وسام راجع باجر يوصل
ازل : مبروك خالة الف مبروك
عمتي: كومي يمه نسويلة الاكل الي يحبه مشتاقتلة بكد رحمة الله
ازل: ان شاء الله خاله
وكمنه وحضرنه الاكل والعصائر الي يشتهي ويطيب خاطرة وصدك صار ثاني يوم واني بلمطبخ صارت هلاهل بلباب طلعت وكفت بباب المطبخ وشفت وسام دخل للبيت وامه خطيه الدنيا ماواسعتها من الفرحة
وسام: هلو ازل شلونج
ازل : هلا بيك وسام حمد لله على سلامتك
وسام: الله يسلمج
أنت تقرأ
أخرجيني من هذا الضلام
Roman d'amourاصبح مريض نفسي بعد ان عايش قصة حب فاشلة ليقع فيمابعد بحب ابنتة عمه ويهددها لتتزوجه ُ ''' فكيف ستكون ردّة فعلها على هذا العاشق المجنون؟؟ وماذا سيكون ردها على تهديده لتتزوجه ؟؟ وِان وافقت كيف ستعيش معه وماذا سيكون مصيرها؟؟ تابعو القصة لتعرفوا نهاية هذ...
