السلام عليكم
----------
اخرجيني من هذا الضلام
--------------------
ازل: وساااام وساام نزلة
وسام: لا لا مانزله
ازل : اوك تمام موافقه
وسام🙁: والله
ازل: والله العضيم بس نزله
نزل وسام السلاح تقربت عليه وحضنته
ضَل تقريباً عشر دقايق
وسيم: نام؟
ازل: اي
وسيم: ليش هيج سويتي مو كلتي ماصير دوا
ازل: يجي يوم وتفهمون يله امشي أكول لاهلي
وسيم: ماشي يله
ازل : صدك وسيم لتكوللهم وسام حط المسدس براسة
وسيم : ليش
ازل : بس هيج لتكوللهم
وسيم: اوك ع راحتج
ام وسام: ها نام
وسيم: اي نام بس لازم تبدون تحضرون
ام وسام : شنحضر
ازل: تحضيرات الخطوبة
ام ازل: شنوووو
ازل : اي ماما اني قبلت
ابو ازل : متاكدة
ازل : اي بابا
ابو وسام: ازل انتي بمثابة إيمان بنتي اذا على الي سوا وسام ماعليج بي بس ماريدج ت..
قاطعته ازل: لا عمو اني موافقه
إبو وسام : براحتج بعد شريد اني اكثر من هلشي صار عندي بنيه وردة
ابو ازل: بلخير ازل
ام ازل: يا خير تريد تزوج بنتك وحيدتك لواحد مر..
ازل قاطعتها: ماما اني قابله
ام ازل: بس
ابو ازل: بدون بس كافي يله احنه نترخص
ابو وسام: مبروك الكم والنه
ابو ازل حضن اخو : الله يبارك بيك
وطلعو بيت ابو ازل لبيتهم
ام ازل: شلون تقبلين بواحد مريض
ازل: ماما كافي قبلت وانتهى
ام ازل: راح اتخبل والله اتخبل شلون تقبلين
ازل: كافي كافي تعبت
ابو ازل: وفاء شبيج على كيفج وَيَا البنية
بعد الاتفاق أتفقو خلال أسبوع يكملون الخطوبة ويعقدون ويجهزون والأسبوع الورا الحنه والعرس
بعد مرور أسبوع
ازل نايمة وحسيت على صوت الباب تندك
ازل: ادخل
إيمان : يله جنتنه هاي طلعتي بس نوم
ازل: ههههه صباح الخير
إيمان : صباح الأنوار على عروستنا
ازل: ههههه هله هله على كيفج بعدني
إيمان: باجر تصيرين عروستنا بعد شكو يله كومي نروح للصالون
ازل: ماشي هسه انزل
إيمان: تمام انتضرج
بعد عشر دقايق نزلت ازل فتحت باب الثلاجة شربت مي وصاحت : صباح الخير
وسام من ورآها : صباح الورد
ازل اختنكت وندارت وهي تكح : اح اح انته شتسوي هنا
وسام: جيت اشوف عروستي
ازل😓 انتبهت على نفسها: عزززة . ورادت تركض لزمها وسام من أيدها
وسام: وين رايحة
ازل: البس شال واجي
وسام: لا عوفي هيج اشوف كفشتج حتى ورا العرس ما انصدم
ازل: وسام عفيه عوفني ميصير
وسام: ليش ميصير انتي حلالي لو نسيتي احنه عاقدين
إيمان: احم احم
وسام: اهوووووو وندار خيرررج
إيمان: اكطع سالفتكم بلخير بس لازم نروح للصالون واجيت انبهكم عمتي وفاء كملت صلاة
وسام: لعد انتضركم بلسيارة . وطلع
إيمان : ههههههه بس امج دوا يله تحضري لنتاخر
بعد مرور 4 ساعات
رجعو العروس لبيت اَهلها علمود الحنه
ازل( كعدوني وإني اباوع للكل شلون فرحاانين ويركصون بس اني أفكار تجيبني وتوديني فعلاً وسام يحبني لو اني بالنسبة اله علاج حتى ينسى رنيم وشلون راح اكدر أعيش وَيَا وهو نوباته يوم عن يوم تزيد يمكن امي حقها تخاف عليه وترفض زواجي بس ..) طلعني من افكاري صوت عمتي : اجو أهل العريس يحنون العروس
ماعرف شصار بيه مشاعري تخربطت مارفعت راسي سمعت الهلاهل وصوت عماتي من بين كل هل أصوات سمعت صوت بنية وهيه تكول: خطية الله يساعدها شلون راح تتحمل واحد مريض وممتوازن بأفعاله نزلت دمعتي بدون ارادتي احس نفسي بغير عالم انتبهت على نفسي بكعدة وسام بصفي مارفعت راسي
وسام: ازوله ارفعي راسج
ازل😭
وسام: ازل ارفعي راسج ولتخليني اكلب الحفل عززا
ازل رفعت راسي وباوعت بوجهة هو شاف دموعي صارت عيونه حمر ورادن يطلعن من مكانهن
وسام😠: ازل ليش تبجين
ازل😣: مابيه
وسام😠بصوت حاد: شبيج احجي
سمعت صوت البنية : خطية مسكينه بحنتها تبجي من ورا
هنا وسام فقد أعصابي وزاد يكّوم سحبت أيده وكتله : وسام اشش اهدىء
أنت تقرأ
أخرجيني من هذا الضلام
Romanceاصبح مريض نفسي بعد ان عايش قصة حب فاشلة ليقع فيمابعد بحب ابنتة عمه ويهددها لتتزوجه ُ ''' فكيف ستكون ردّة فعلها على هذا العاشق المجنون؟؟ وماذا سيكون ردها على تهديده لتتزوجه ؟؟ وِان وافقت كيف ستعيش معه وماذا سيكون مصيرها؟؟ تابعو القصة لتعرفوا نهاية هذ...
