السلام عليكم
--------------
اخرجيني من هذا الضلام
---------------------------
ازل : دخل للبيت وصعد لغرفته مبين على شكله التعب رحت كملت الغدا نزل ع الغدا وياكل بهدوء وميحجي اي شي كمل صبيت الجاي شربو وكل واحد طلع ل غرفته اني ومرت وسيم كملنه المواعين ونضفنه المطبخ ورحنه كل واحد لغرفته نمت ومحسيت الا صوت تكسير وصياح فزيت وكعدت طلعت لكيت الهوسة بغرفة وسام باوعت وسيم حاضن وسام ويهدي بي بس وسام يصيح وامه خطية بس تبجي سألت مرت وسيم شبي كالت شاف رنيم من الشباك دتطب لبيت اهلها هي ورجلها منتضر وساءت حالتة
بكوة هدئ ونام طلعنه وكعدنه جوة محد يحجي واحد يباوع بوجه الخ بدون ولاكلمه كمنه نضفنه وسوينه العشا ونزل وسام ع العشا تعشينه وطلع وسيم ويا اصدقائة ومرتة كعدت تقري ابنها بغرفتها ومرت عمي بغرفتها ووسام بغرفته اني كعدت بغرفتي وفتحت القرآن وكعدت اقرة وارتل واجود
باب غرفتي مفتوح شوية حسيت صوت شهكات رفعت راسي وباوعت وسام واكف يم الباب سديت القرآن كال
وسام: كملي قرايتج
ازل: لا شبيك وسام
وسام: بروح كل عزيز عندج كملي
ازل : تمام محتاج شي
وسام : اكدر ادخل يمج وانتي تقرين
ازل : اي بس اذا احد شافك بغرفتي شيكول
وسام: ميكولون شي
ازل : عفية وسام اطلع لتسويلي مشكلة
وسام: بس صوتج مريح اريد اسمعج وانتي ترتلين القرآن
ازل: ماشي راح اروح اكعد بالصالة اقرة
وسام: اي عادي
ازل طلعت وشلت القرآن وهوة يمشي وراي طبيت للصالة كعدت ع القنفة وهو كعد ع القنفه الي مقابيلي بديت ارتل وهو بس يباوع علية نزلت راسي وبعد مارفعت راسي وضليت ارتل وارتل وارتل اندمجت وماحسيت الا اجه وكعد بلكاع بصفي وخله راسة ع القنفه الي كاعدة عليها عفته محجيت شي واستمريت بالترتيل الى ان سمعت صوته يبجي صدقت وكتله
ازل: وسام شبيك تبجي كوم
وسام: كملي الترتيل
ازل : لا كوم
وسام : عليج الله كملي
ازل: اكمل وتضل انته تتعذب كوم
وسام : والله ماتعذب بلعكس دارتاح كملي اروحلج فدوة🙁
ازل: ماشي وكملت الترتيل هوة كام وخلة راسة على رجلي جفلت وصحت بي : وسام شبيك كوم
وسام : عوفيني
ازل: وسام احد يشوفك كوم
وسام: كملي ازل كملي
ازل استمريت تقريبآ نص ساعة حسّيت بي هدئ
ازل: وسام ---وسام شنو نمت
حاولت أبعده مكدرت دخل وسيم
وسيم: شبي وسام صايرله شي
ازل : مادري جنت أقره قرآن واجه نام هنا وكالي كملي وضل يبجي
وسيم: صدك بجى
ازل : اَي والله بجى
وسيم : تدرين هاي اول مرة يبجي صار 6 أشهر بس نريده ييجي حتى يرتاح ميبجي
ازل: أووف خطية عفيه وسيم شيلة رجلي تخدرت من الثكل
وسيم سحبه بكوة وحط جوه رأسه مخدة ومدده ع التخم ( الكنبة)
وطلعنه وعفنا نايم صعدت لغرفتي ونمت
الصبح
كعدت غسلت وبدلت وطلعت متاخرة ماتريكت وصلت للجامعه محاضرتين ورجعت بل11 ونص لبيت عمي
ازل : السلام عليكم
مرت العم: وعليكم السلام هلا بيج ازول شلونج
ازل: هلا بيج عمه الحمد لله وإنتي
مرت العم : الحمد لله شنو ماتريكتي الصبح بيش ساعة طلعتي
ازل: اَي والله كعدت متاخرة ومالحكت
مرت العم: يله ع السريع اصعدي بدلي وإني احضر الغدا
ازل : ماشي عمه . وصعدت سبحت وبدلت ونزلت ساعدتها ب صب الغدا
مرت العم : علاوي روح كعد عمك خلي يجي يتغدا
ازل: وسام هنا ليش مو بلدوام
مرت العم : اَي ضَل نايم وماراح ردت اكعده بس وسيم كال عوفي نايم خلي يرتاح
ازل : لعد اروح البس شالي واجي
مرت العم : ماشي حبيبتي
ازل صديقتي راسلتني داراسلها وإنلطخت بأحد رفعت راسي شفت وسام : السلا--
ازل ركضت لان ملابسه شال
وسام باستغراب: هاي شبيها
مرت العم : ملابسه حجاب راحت تلبس
وسام: وإذا ملابسة قابل أني غريب ابن عمها أني
مرت العم: حتى لو تبقى محرم عليها
وسام😏 صار الغدا لو بعد ميت جوع
مرت العم : اَي صار اكعد
ازل: اجيت يله نتغدا
وسام😠
وتغدو وصعد كل واحد لغرفته ازل ضلت تقره ونزلت العصر الولد ماكو مرت العم ع المرجوحه تقره قرآن ومرت وسيم ببيت اَهلها بليل ترجع وأزل نضفت البيت وكالت ل مرت عمها ماريد عشا لتكعديني تعبانه وأريد انا م مرت العم: ماشي عيوني ارتاحي إنتي
ازل. صعدت ونمت ماحسيت الا واحد قريب من وجهي فتحت عيني ووو
أنت تقرأ
أخرجيني من هذا الضلام
Romantizmاصبح مريض نفسي بعد ان عايش قصة حب فاشلة ليقع فيمابعد بحب ابنتة عمه ويهددها لتتزوجه ُ ''' فكيف ستكون ردّة فعلها على هذا العاشق المجنون؟؟ وماذا سيكون ردها على تهديده لتتزوجه ؟؟ وِان وافقت كيف ستعيش معه وماذا سيكون مصيرها؟؟ تابعو القصة لتعرفوا نهاية هذ...
