السمراء🌸:
بقلم :ميساء محمد
الحلقه الثانيه:
انا نهاي ما ارتحت ليهو وقلت الله وحدو يجيرنا من الوراهو ويعين امي دي بس والله ،يااخ انا خايفه عليها بعد اسافر يحصل فيك شنو ي امي والرااجل الصعب ده ، المهم امي رضت بقسمتها وده كلؤ عشان خاطري ، عم سيد ده في الاول طبعا كان زي العسسل معانا بس هههه اسبوووع بس وجيت لقيتو ضارب امي ما استحملت وانفعلت فيهو وضربني كف وقال قليله ادب وانا اتحرقت وطلبت من امي نطلع ونمشي امي رفضت لا واصرت لازم بكره اسااافر الجامعه واصلا سنه انتهت كان وبدت الجديده ولازم الفرصه ما تضيع كان كل يووم يضربنا انا وامي ويزلنا قلبي ما طاوعني اخلي امي بس هي اصرت علي اسافر ووسافرت امي باعت بيتنا والكارو وادتني المصروف ،فكرت ي رب هسي الراجل ده لو جدع امي في الشارع يا رب تقبل وين شلت رقم تلفون البيت ووريتها اصل واتصل عليها واقرب فرصه بشيلها معااي
وصلت وقلت ي بت ي ولاء عشان امك لازم تقري شديد وتتخرجي مرت الايااام والسنه انتهت وانا اشتغلت في كافيه وكنت بتصل يوميا علي امي واطمن عليها وكنت واثقه انها بتكذب وهي ما كويسه نهاي، وقررت ازورها ومشيت زرتها وجيت وكانت نفسيتها تعبانه شديد من الراجل الزفت الوسخخ، ورجعت المدينه ومرت السنه التانيه والتالته وجات الرابعه ،انا كنت سااكنه في دااخليه وعندي صحبتي تسنيم صحبتي الانتيم ، وكانت في بت تانيه اسمها رنا كانت صعبه وكانت عدوتي وكان والدها مدير الجامعه وكارهاني كانت كره العمي
..
#يتبع
