السمراء🌸:
الحلقه الساابعه
بقلم:ميساء محمد
قلت ليهو خير ان شاء الله يا دكتوور
قال لي ولاء ازييييك؟
قلت ليهو تمام وضحكت ضحكت استفاهم كده
قال لي ولاء انا متاااابع حالتك وهسي خمس شهور وماشيه في تحسن عااابز اسألك انتي ما عندك اهل؟سوؤري ع سؤالي بس انا مستغرب ما زول بسال منك ليييه؟؟
قصتك شنو ي ولاء؟
احكي لي ، ممكن!
قلت ليهو طيب وبديت قصتي من لحظه ابوي اتوفي وكملتها ليهو كلها لمن جيت للعمليه والحصل هو بعرفو
ايمن اتاثر بكلاااااامي شديييييد، لدرجه حسيتو دمع من قصتي واني للان بفتش علي امي وكده قال فجاه قال لي ولاء شوفي انا عشت نفس وجعك ده بس بطريقه مختلفه انتي امك ما لاقيها ويمكن ربك مقدر يجمعكم بس انا امي الاوان فاات وما عندي شي ..قلت ليهو ليه امك مالها وانت وجعك شنو يا ايمن ؟قال لي ولاء، انا ابووي اتوفي قبل ما انا اولد ، وامي ربتني وعلمتني ودخلتني المدارس وما قصرت معاي نهاي ، لقت لي مثابة اب وام سوا بس وانا في الثانوويه ، امي ادتك عمرها اتوفت بجلطه ، ومن لحظتها حسيت لااازم اكون دكتور وبقدر الممكن اسااعد الناس عشان زول زي امي ما يتوفي بعدم العلاااااج ولانو حالنا ما كان بسمح بالعلاااج لامي المرض كتر عليها واتوفت وانا ي ولاء ما وصلت هنا بالسااهل انا ياا ولاء صارعت الحياه دي عشان تشووفني هسي في المكانه دي دكتور وعايش في لندن وعندو مستشفي..
#يتبع
