السمراء🌸:
بقلم:ميساء محمد
الحلقه الرابعه:
ولاء كل شي بهون والشده والمحنه دي بتنتهي يا صحبتي ، والكانو السبب نالو جزااهم ، طبعا تسنيم اخر وحده شاافتني مع رنا وبعد التحقيق اعترفت ، انها خططت ونفذت وحكمو عليها بالسجن اربع سنين مبدائيا لحدي ما انا اذا شفيت ولا لا ..وده كلو ما هماني هماني امي بس للاسف ما بقدر اتكلم ولا اتحرك حتي علي الحاله دي بس بصلي وبدعي وطبعا ده كلو بي قلبي ، وادعي امي تكون بخير واي شي خسرتو ما بهم مروا ست شهوور وبقيت كويسه ، الحمد لله بس متشووهه عديل وشي كلو مخرووب ، جربت اتصل علي امي بس ما بيخش معاي نهاي وقلت احسن شي اساافر لعند امي واشوف الحصل ليها مع الرااجل الجزار داااك شنوو، وسافرت وانا في الطريق شلت هم امي يا رب لمن تشووفني في الحااله دي ح تقوول شنو ،لا ح تنصدم كيف وبنتها الزي الملاك بقت تخجل تمشي في الشاارع بسبب الفي جسمها ويارب امي ما يكوون الرااجل داااك ازاها او سبب ليها شي ما كوويس وصلت الحله ونزلت ومشيت قريب البيت وبقيت بدق الباب وماف زوول بفتح وانا كده زي نص سااعه وااحده من الجيران نادتني يا بتي ما تعزبي رووحك ماف زول في البيت ، وانا كيف ي خالتو ووين ناس البيت قالت لي القصه طويله اتفضلي بالبيت واتفضلت انا وطبعا الدنيا لفت بي ياربي امي وين والحصل والمخاااوف بدت تخش دمااغي وفي نفس الوقت بدعي تكوون بخير ..
#يتبع
