السمراء🌸:
بقلم:ميساء محمد
الحلقه الثالثه:
رنا كانت بضايقني دايما علي الطالعه وعلى النازله، وكانت بتغير مني غيره شديده ، وفي يووم انا وتسنيم ماشين ع السكن ، رنا نادتني ولاء ..التفتت قالت لي عاايزاك في موضووع قلبي نهاي ما اطمن ليها حسيت ورااها شي ، مشيت معاها وفي زقاق كده لاقانا واحد واتاريهو من اصحابها التافهين كشح فيني مويه نار وحرق لي وشي كلو وهربوا وانا بقيت بصرخ وابكي والناس اتلمت فيني ، وودوني المستشفي بعد شهر قدرت افتح عيوني ، ما عارفه انا وين والحصل علي واذا انا علي سرير وجسمي كلو مغطي بقماش ابيض وما قادره احرك غير عينيا ، جا الطبيب وسمعتو بيقول للممرضه ، البت مسكيينه ياااخ لاهل ولا قريب غير صحبتها البتزورها كل يوومين دي، وردت ليهو فعلا البت مسكينه يااااخ ان شاء الله تتعافي ، قااطعها الدكتور والله صعب لانو حالتها ما مستقره للان وده غير الحرووق الفي جسمها دي البت دي محتاجه معجزه عشان تشفي وحتي لو ده حصل معقول البت دي تقدر تتقبل تعيش بالتشوهااات دي ...وانا بجواي ما مصدقه وقلت يا ولاء الحصل ليك شنو وياا رب ده شنو انا مصدوومه ليه كده ..وامي ياااا رب حصل عليها شنوو وفجاه تدخل تسنيم ..وانتبهت اني صااحيه وبقت باعلي صوت تقول ولاء ولاء حبيبتي ولاء حمد الله علي سلامتك...
#يتبع
