شبابنا اتجمعو عند بيت جوجو ، عاصم يوسف وخالد وكلعادده دخل عاصم مع هيام ، يوسف مع هدى ، وخالد مع جوجو 
💔
اثناء ماخالد مع جوجو تلفونو رن
ترن ترن ترن 
📲 قام مخلوووع
خالد : ( وهو مرتبك زحه شويه من جوجو بقت ماسامعاهو ) اااا الوووو حبيبي كيفك مانمتي لسه 
😥
رهام : اشتقته ليك فجاءه وحابه اتونس معاك 
😍
خالد : ااا هه ( ضحكه مختصره ) لالا ي بيبي نومي الساعه ماشه ع 12 وبكره عندك جامعه
رهام : خالد مالو صوتك كدا وعلى غير العاده يعني زمان بتقول لي ساهري معاي الليله مالك انت وين ؟
خالد : هه يعني حاكون وين حاكون وين ف بيتنا حبي 
😰
رهام : اممممم تمام طيب تصبح ع خير
خالد : وانتي من اهلو ( وقفل الخط طووالي وقام على حيلو )
جوجو : زهجته مني ولا التلفون زهجك 
😉
خالد : انتي مابزهجو منك بس الوقت اتاخر يلا سلام
😘
طلع باقي الشباب ومشووو
*في الداخليه*
ورهام سرحاااااانه
غيداء : هووووي هااا سرحانه وين
😂
رهام : االليله خالد م طبيعي اختصرني عدييييييل لازم اعرف الحاصل شنو
غيداء : يعني حيكون في شنو مثلا عويره انتي
رهام : امكن قبيل لما حازم قال ليهو حاجه زعلو ، انا حسيت كانهم كانو مامرتاحين الاتنين ما لاحظتي انتي 
🤔
غيداء : مالاحظته والله لكن قبيل لما بتكلم مع حازم كان بسالني عنك وعن علاقتك انتي وخالد بقول لي مبسوطه مابتتشتكي من حاجه كدا 
🙁 ما اظن ف شى ي بت
رهام : لا في ي غيداء بلجد الليله خالد ما طبيعي ، عايني دايره منك طلب
غيداء : عيووووني ليك 
🙄اهااااا
( نشوووف الطلب شنو ياربي )
*بلصباح*
لبسو البنات واتجهزو للجامعه
رهام : غدوش زي ماقلت ليك امس طيب ماتنسي حاجه من القلتها ليك
غيداء : رهام انا حاسه مافي داعي للكلام دا اكيد مافي شى 
😕
رهام : برضو انا حابه اطمن لانو صوتو امس كان متغير وانا مابحب زعل خالد ( يحليلك حنينه
رهام : شوفي ي غدوش انتي بكره ف الجامعه لاقي حازم اتونسي معاهو وقولي ليهو امس رهام حست بصوت خالد ما طبيعي واختصره ف الكلام كانو مستعجل او كدا. انتو حصل بينكم حاجه او اتزاعلتو من بعض كدا ،، لو قال ليك لا معناها خالد كان نعسان بس عشان كدا اختصرني اما لو حصلت مشكله بينو وبين حازم يبقى ماعندو نفس كان يتكلم معاي فهمتي ( تفتش ف الاعزار يحليلا 💔)
غيداء : اووك طيب
وصلو الجامعه حضرو محاضراتهم ورهام اتجهت ع المكتبه تشتغل وبعدها قالت تدق ع خالد ، غدوش دقت ع حازم زي ما اتفقو
غيداء : حزومي كيفك
🙈
حازم : هههههه حلو حزومي منك هلا يا غاليه كيفك اليوم 
❤
غيداء : بخير بشوفتك
( وفضلو ساكتين ،بس غيداء واضح انو ف كلامه دايره تقولو 😂)
حازم : هههههههه حرقتي روحي اتكلمي شكلك ف كلام دايره تقولي 😂
غيداء : ههههههه طبيعي كاشفني
وحكت ليهو الكلام القالتو رهام ليها
حازم سسسكت مساااافه
حازم : دقيقه خليك معاي ( وقام منها وشال تلفونو )
الووووو عصووووم اخبارك ياخ
عاصم :حزومي وينك ياخ انا تمام الليله ماشفتك وينك
حازم : قاعد مع المدام 
😃
عاصم : اجيشششش ههههههههه
حازم : انت كيفك وامس داير الاقيكم كلكم طفشتو اككككيد مشيتو حته ماياها وقعد يضحك ( على غير العاده كان دايما بهيج فيهم ع البعملو بس حازم مفتح وبعرف يطلع الكلام من عاصم بلززززززات لانو ع قدر قله ادبو هو خفيف وبدقس 
🤣) اها وريني امس كنتو في اي شقه 🤣ولا كنتو محترمين
عاصم : انت عارف ي صحبي غيداء دي خلتك بقيت مفرفش والله كتر خيررررها مرقتك من القوقعه بتاعتك 😂😂كتر خيرها
حازم : هههههه مش كدا اها وين كنتو امس
عاصم : والله ي صحبي مشينا شقة المره الفاتت شى عجججيب والله 😍
حازم : انت ومنو ؟
عاصم : انا وخالد ويوسف كلعاده بس انت المافي ي جميل ، نويت تمشي معانا تاني 😍
حازم : انت متاكد امس مشيتو ؟
عاصم : اي والله 😂ليه متحسسسسر صح 😂
حازم : عمركم ما حتنفعو ولا تتصلحو ياخ ( وططق قفل الخط )
عاصم : يخوانا الولد دا مجنون 
😳
هههههههههههه
رجع لي غيداء حازم
غيداء : كنت بتتكلم مع منو
😒
حازم : عايني ي غيداء انا حاقول ليك الكلام دا عشان ابرر زمتي انا خالد اديتو فرصه بس خزلني
غيداء : خوفتني ف شنو 😳
( حكى ليها اي حاجه )
غيداء: لالالا ماقادره اصدق
😭 حازم انت عارف لو رهام عرفت بانو خالد بخونها حتموت عديل بتحبو شديد ي حازم
حازم : مافي زول بموت بسسبب زول وغيداء زوله واعيه ، امكن لو اتناقشت معاهو تقدر تصلحو خالد طايش
غيداء : ( سكتت ماقادره تكلم حازم انو بلجد رهام لو عرفت ممكن تموت لانو كدا حتكون اتصدمت للمره التانيه مره ف امها وهسي ف حبيبها وكل شى عندها وانو ماكان عندها غيرو ) 💔
حازم : غيداء ماتخليني اندم اني كلمتك مالك ساكته كدا
غيداء : بلجد ماعارفه اعمل شنو انا 💔
حازم : غيداء انتي ف حاجه تانيه ما مكلماني بيها ؟
غيداء : ... ( سكتت )
حازم : طيب انا حاتكلم مع خالد وحاهددو انو لو ما خلى البعملو بكلم رهام لو اتعظ وخاف خلاص
ما لو واصل نكلمها طوالي تمام
غيداء : ايوا كدا احسن والله وانا واثقه ماحيكررها لحظه ضعف منو بس 💔😭
حازم : ههههههه والله اتمنى ذالك ي غاليه
______________
يتبع ..
