علي. گعدت الصبح الساعه ب8 ع صوت امي تدگ الباب تصيحنه ع الريوگ اني كمت كتلها ايييي يمممممه كاعدين رحت للسرير شفت بلسم نايمه يالله شلون اكعدها هاي اول مره بنيه نايمه بغرفتي وع سريري واني وياها نايمين سوه
شلون اكعدها هسه ياربي ماعرف ياااا علي شجاك تخبلت شسالفه كللها كعدت وه متنها شمالك خررب هوبل هاي اني تخبلت كمت اجي وي روحي شسالفه علي يله كعدها شبيك.... رحت من الجهة الثانيه مالتها همستلها بلسم بلسم گعدي بلسومه
بلسم. فزيت ع صوت همس فتحت عيني شفت علي گبالي ااخترعت رجعت لوره
علي. هاي شبيج شايفتلج جني شني
بلسم. هااا لا مو هيج بس خفت مامتعوده انام يم رجال وهو يكعدني
علي ابتسمتلها. منا وجاي تعودي لن ح اكعدج اني وياي كليوم
بلسم بادلته ابتسامته وگلبي يدگ دگ. هااا ايي انشاء الله
علي. اااا ترا ديصيحونه ع الريوك
بلسم. هاا اااي ايي
كمت من السرير واني اجرجر بالدشداشه قصيره واني خجلانه من علي ورجليه كلها طالعه اوووف حموت خجل شلون بيه، ،،، رحت للكنتور اطلع ثوب البسه وميته خجل من عيون الي وراي
علي. هي تمشي واني عيوني طلعت من مكانهن من شفت زنودها ورجليها خررب بيضه شحم شنو هاي من بنيه والله ماانلام من اكول عنها ملاك صح اني شايف رجلينات رقيه من تلبس تنوره قصيره بس ماحسيت بهيج شي من قبل
مع العلم انو رقيه بشرتها حنطاويه، ،،، هزيت راسي ارجع لوعيك ولك عليوي شجاك شفتها اخذت فستان مال بيت ابيض وبي نقشه ورديه وطلعت للحمام تبدل واني رحت طلعت بنطروني الاسود وبديي الاحمر لبستهن وسويت شعر كفخ لفوك
خررب هاي شصاير بوجهي زالغينه زلغ بالحلاق هههه يله نعمه عندي لحيه وشوارب جان هلسوني مثل الديج ههههه شويه واجتي بلسم لابسه الفستان يخبل ع جسمها ضليت فاك حلكي عليها جسمها يخبل منحوت نحت والله لو ماصديقتي جان دخلت عليها
اجتي يمي تمشط شعرها كلش طويل بحيث خذت وقت هواي حته يله كملت شسوار وتسريحه وخرت عنها شويه كعدت ع السرير اللعب بالفون وهي د تحط مكياج من خلصت باوعتلي وتحجي بذرابه وهي من اصلها مايعه بحجيها
بلسم. يله علي ننزل
علي. لا تعالي شويه اريد احجي وياج شويه
بلسم. ايي احجي اسمعك
رحت كعدت يمه وهو بده يحجي وياي ويطمني يكلي انو احنه اصدقاء وحنكون سوه بالحلوه والمره ونساعد بعض بس تعذريني ماكدر ادخل عليج لن انتي تدرين اني رقيه شاغله بالي واحبها ماكدر اخونها ... اني اسمع وحابسه دموعي كتله انشاء الله كلي ماريدج تضوجين
