تلگني النسوان بالهلاهل والركص والاغاني والنسوان الاكبار يغنن اغاني شعبيه قديمه ويدكن ويركصن طبعا كنت كلش فرحانه وسعيده جدا لكن هاي الفرحه ماتمت ابد اجاني شعور غريب فجاءه غير كل الاجواء كدامي
اجواء ضلمه وشعور جدا موحلو شكد صعب من تشوف الي تحبه صارت قسمتك وياه لكن هو رايد قسمته وي غيرك ...علي حبيبي صارت قسمتي يمه لكن هو مارايدني رايد رقيه اوووف ياربي ليش هيج
اني شنو سويت بحياتي حته هيج تعاقبني والله احبه وماريد غيره هو كل حياتي علي احبك ...شويه واجتي البنات يوزعن كيك وعصاير ع النسوان الكاعدات طبعا هنه بقن يتهامسن بيناتهن يكولن حلوه هنيال علي بهيج وحده حلوه مال وجمال واخلاق
اني خجلت كلش خدودي صارن طماطه بس ضجت من كلام وحده تحجي وي صديقتها تكلها شعجب ماسوو العرس بقاعه بس يله هو علي منيله فقير ع كد حاله ماعنده فلوس خطيه مرته راح تعيش بالضيم تطلب من الرايح والجاي ههههه
اني كلش ضجت وعيوني دمعن وحدهن بس خفت لايخرب المكياج سكتت وشويه اجتي بنيه وكفت كبالي متخصره
ساره. الكنس والمسح والطبخ عليج واني اراقبج وك
بلسم. عرفتها ساره ف ابتسمتلها كتلها خوش
ساره. هههههه داشاقه ولج
بلسم. ههههه خلستيني
ساره. احسن ههه... منا وجاي اعتبريني اختج واي شي تحتاجينه اني بالخدمه
بلسم. حياتي تسلميلي ياروحي
بقت ساره يمي تسولف وياي واني همين اخذ وانطيني وياها كلش حبابه حبيتها
بلسم. ساره
ساره. ها حبي
بلسم. اكو شي ضوجتني هنا بالحفله
ساره. ياا عززه شنو بسلا قصرنه وياكم بشي
بلسم. لا ماقصرتو والله بس هيج شغله ضوجتني
ساره. لاحبيبتي احجيلي شكو
بلسم. بعدين خل يخلص العرس واحجيلج
ساره. ماشي بكيفج من تخلص الحفله نحجي
بلسم. بقت النسوان يصفگن ويهزن وود وياهن هم ركصت ركص تكول كاوليه هههه وره شويه سكتن ونصن الديجي وكلهن طلعن للباب وام علي تهلهل والبنات وطشو جكليت عزززززه اكيد دخل علي
_________________________
ود.كنت لابسه فستان قصير لونه رماني فوگ الركبه وحذاء كعب نفس الون ومكياج كامل بناتي وشعري سويته تسريحه مفتوح يوصل جوه ضهري وصابغته اشكر من الاطراف وبارمته بحيث طلع فدشي كل النسوان بقن يباوعلي
اني خجلت كلش من عيونهن والامريه الي كانت هذاك اليوم وي ام علي من اجن يطلبن ايد سوسو هم بقت تحجي وياي وكلساع تباوعلي وتصلي ع النبي اخر شي كالت اريدج لابني كتلها خاله والله اريد اكمل دراسه كالت ايي ننتضرج كتلها الله كريم خاله ..
