الجزء الرابع💕
محمد...رجعت للبيت وصورتها مدتروح من بالي بس اصفن وابتسم واتخيل حياتي وياها اول مفتت للبيت كبل صعدت لغرفتي طلعت رقمها جان عندي من زمان بس ولا مرة اجرأت ادك دكيت عليها مردت رجعت دكيت مرة ثانية هم لحد مفصل ومردت عرفت مترد على رقم غريب دزيت رسالة اني محمد رجعت هي دكت شلته
اميرة... الو...
محمد... فديت هذا الصوت ليش مرديتي علية
اميرة... اسفة بس مارد على رقم غريب ومتوقعت انت لان ماخذت رقمي منين جبته
محمد... رقمج عندي من زماااان بس متجرأت ادك عليج ولا مرة
اميرة... وهسه ليش دكيت
محمد... شتاقيتلج
اميرة... بعد هسه جنت يمنا
محمد... اني ما اشبع منج
اميرة... انت شوكت حبيتني هيج
محمد... ما اعرف ولتسأليني لان ماعندي جواب اني احبج وبس
اميرة.... اممممممم
محمد... وانتي
اميرة... ما اعرف
محمد... لعد ليش قبلتي بيه
اميرة....اني معجبة بيك حيل وارتاح من اشوفك واسمع اسمك بس ياترى هذا حب ما اعرف
محمد... اكيد حتحبيني
اميرة... اووو مغرور
محمد... لا مو غرور ثقة.
اميرة.... ان شاء الله.. اليوم جان كلش حلو
محمد...اي والله وابوج وامج حيل حبيتهم
اميرة... اي همة هم كلش حبوك خاصة بعد مسال عليك بابا وشاف الناس كلها تحبك
محمد... اي وبعد شكلولة
اميرة... مدحوك هواية وكالوا صار بيك حادث من جنت صغير ووصلت للموت صدك
محمد... هي كالت هيج اني مدري شصار بية معرف شرد..... اكلج بس تلفوني ديدك من المستشفى شوية وادكلج
اميرة.... اوك براحتك
محمد... سديته واريد اجمع حجي ياربي دخيلك احجيلها اخاف لا ترفض ظليت افكر اخر شي قررت ما احجي خل تحبني وتتعلق بيه حتى متهتم لهاي الشغلة هذا احسن حل واحاول اخر الزواج حتى تتعلق بية
دكيت عليها ردت راسآ... هلو حبيبي
اميرة... هلو
محمد... اي سالتيني على الحادث ومجاوبتج
اميرة... اي عادي تريد تحجي او لا بكيفك
محمد... لا عادي هو جنت بالخامس اعدادي وترست الصوبة بانزين بدل النفط ونفجرت علية وربج ستر
اميرة... اوي لاعشتو اكيد كلش تاذيت همزين مترك اثر عليك
محمد... لا شوية اثار بسيطة
اميرة.... الحمد لله
محمد... ديلة حياتي تصبحين على خير
اميرة... وانت من اهلو... بس
محمد... شنو كولي ابد لتتقيدين بالحجي ويايه شيجي ع بالج سالي وكولي
اميرة.... شوكت نعقد بالمحكمة
محمد... اممم مستعجلة انتي
اميرة... هههه لا والله بس ترى بابا ميقبل نظل نحجي هيج ونطلع ونطب لازم عقد
محمد... ومنو كلج نطلع ونطب مظل شي ويجي الدوام هاي السنة انتي رابع يرادلج درس
اميرة... الشي الي متعرفة انو اني اكره شي عندي الدرس والطبية وكلشي ما افتهم
محمد... لعد شون وصلتي رابع واسطات مو
اميرة... ليش اجذب عليك صح عمي يحيى يمشيني وخطيتي بركبة بابا حظي وجبت معدل عالي بالسادس
محمد.... ليش شردتي طبين
اميرة... هندسة كتلت روحي على الهندسة بس بابا مقبل ومكدرت اكسر بخاطره
محمد... لا اني وياج وادرسج وان شاء الله تصيرين احسن طبيبة بالدنيا
اميرة... ماريد عفية اكره الطب اكره الدم كلبي ضعيف
محمد... ماكو متردين بعدين عليش شايله هم عمو يحيى ينجحج
اميرة..... هههههههه
محمد... شوفي عقد المحكمة ان شاء الله من باجر ابدي باجرائاته والزواج من تخلصين الرابع شتكولين
اميرة... هذا هو مثل متريد
محمد... ديله حياتي باي
اميرة... باي
سديت التلفون ونمت حيل مرتاح من سمعت صوتها
اميرة....مشت الايام وكطعنا مهر بالمحمة وشترينا الذهب وسوينه حفلة بسيطة بالبيت وبلش الدوام ودوخته واني صرت اموت على حمودي روحي من الدنيا صار وخطية لايص بين الجهاز والدوام والخفارات كلش انقهر عليه ديتعب هواية بس الي مضوجني صارلنا 3اشهر مخطوبين ولا مرة كعدنا وحدنا كله يا ويا اهله يا ويا اهلي طكت روحي ونحجي بس بالتلفون وكلش دضوجني هاي الحالة
محمد...كلش تعبت دوام وخفارات والجهاز خطية اهلي هم وياية بس الثكل علية والمصيبه الى هسة مكعدنا اني واميرتي كعدة وحدنا ودا احسها ضايجة من هاي الشغلة بس اني متعمد ودا اطلعلها حجج اخاف لا تشوف جسمي ماريد اكعد قريب يمها وبيوم دكت علية بليل
اميرة.... هلو حبيبي
محمد....اهلين باميرتي شونج حياتي
اميرة... زينة
محمد... شبيج شو شكلج ضايجة
اميرة... ما اعرف... باجر خفارتك مو
محمد... اي بس كليلي شبيج
اميرة..... متحملت كمت ابجي
محمد... ليش دتبجين احرك الدنيا هسه ومتنزل دمعة من عينج شكو
اميرة.... محمد مدا اشوفك ابد من تجي عدنا يستلمك بابا وتظل تسولف وياه ومن اجي عدكم يستلموني اهلك طكت روحي شنو بطلت تحبني لو شفت شي بيه معجبك صدكني اغيره واذا تريد احنا علي البر بعدنا ونفلش
محمد.... وضحين بية هيج بكل سهولة
اميرة.... مو شغلة اضحي بيك بس ما احب اظل ويا واحد مرايدني
محمد.... لج اني مرايدج ولج انتي روحي ونفسي الي اتنفسه بس والله دشوفيني شون مشغول واخاف لا الهيج عن درسج وهي دترهم هشكل
اميرة... ماعلية اني المفروض مرتبة اولى بحياتك لعد صارلنا 3 اشهر مخطوبين ولهسه مطالعين وحدنا ولا كاعدين سوا ولا مرة
محمد.... حبيبي بس اهدي الي ترديه يصير امسحي ادموعج والله حقج
اميرة... اني حيل دا اشتاقلك والتلفون مو كافي
محمد... اي بعد
اميرة... شنو بعد... اني محروك دمي وانت دصنف
محمد... فديت العصبي والمشتاقلي اموت عليج
اميرة... محمد اني تعبانة واريد اروح انام ميخالف باجر نحجي
محمد.... ساعة واخابرج اطمئن عليج وحتى انام على نفسج
اميرة.... لا ما اكدر اليوم اعذرني اني تعبانه ودنام هسه
محمد... عفتها براحتها ... اوك تصبحين على خير
اميرة.... وانت من اهلو
محمد... سدت التلفون وجنيت اميرتي تنقهر واني الي اقهرها وحقها بالي حجته... اجه الصبح ورحت للمستشفى دوامت شوية واخذت زمنية وطلعت رحت لبيتهم دكيت الجرس طلعتلي امها اعرف ابوها مموجود... هلو خالة شونج
ام اميرة.... هلا يمة شونك انت تفظل
محمد... لعد اميرة وين
ام اميرة.... جوا حبيبي بصالة فوت عليها اني اعذرني الاكل على النار انت مو غريب
محمد... اي خالة اخذي راحتج... فتت عليها جانت كاعدة وظهرها على الباب مشافتني وخالة السماعات باذنها تقربت منها بستها من خدها فزت راسا وبس شافتني دمعت عينها كامت وحظنتني اوووف على حظنها ظليت حاظنها قوي واشمشم بيها
اميرة.... جنت كاعده بالصالة وطاكة روحي وخالة السماعات باذني ماشوف اله واحد باسني باوعت شفته حمودي جنيت دمعت عيني كمت عليه وحضنته ردت بس اشبع منه رجع رفع راسي بايده
محمد... اموتج تبجين بعد حبيبتي اميرتي
اميرة.... اموت عليك لتخليني اشتاقلك هواية
محمد... تدللين حبيبتي.... تجرات وبستها انتهيت رجعت وخرت وباوعت بعينها... اعشقج
اميرة.... واني اموت عليك... رجع باسني
محمد... جنا ثنينه بغير عالم وشوية وحسيت ايدها دتمشيها من جوا القميص كبل حسيت على روحي خفت لتشوف جسمي وخرت راسا
اميرة.... شبيك حبيبي...
محمد... ماكو شي بس دغدغت
اميرة... ههههه صدك والله لعد تعال... ظليت اجر بقميصه اتشاقه وياه اريد ادغدغه وماشوف اله وخر ايدي حيل وصاح علية
محمد... كامت تلح بالشقه واني متت خوف لتشوفني صحت عليها.... كافي دا اكلج ماريد هيج شقه شبيج متفتهمين
اميرة.... انصدمت من ردت فعله واني بحياتي محد مصيح علية... شبيك جنت دا اشاقه
محمد... دا احجي وفات ابوها
ابو اميرة.... السلام عليكم شونك دكتورنا
محمد.... هلو عمو شونك
ابو اميرة... الحمد لله اتفضل ليش واكف
محمد... اي عمي هسه
ابو اميرة.... تعاي بابا كعدي
اميرة.... هسه اجي بابا.... طلعت وتلكتني ماما
ام اميرة... ميمي تعاي ساعديني دصب الغدا
اميرة.... اي ماما هسه اجي... فتت للحمام مردت ابجي ابد غسلت وجهي بمي بارد هديت اعصابي شوية وطلعت شفته ديروح
ابو اميرة... بنتي تعاي احجي وياه ديريد يروح وميتغدى يصير
ام اميرة... وين رايح ماكو طلعه
محمد... والله ياجماعة اني ماخذ زمنية وخابروني هسه لازم اروح اجيكم غير مرة
اميرة... خلوه براحته
محمد... صفنت عليها مدتريدني اظل حقها فشلتها وهي مسوت شي وبلا شي هي مدللة وهذا اكبر عيب بيها واعرف حتعذبني بهاي السالفة
ابو اميرة... بكيفك بعد اني ماريد اظغط عليك وصليه ميمي للباب
محمد....سلمت وطلعت وهي دتمشي وراية من ورا خشمها.... حتظلين زعلانة
اميرة.... عليش ازعل لازعلانة ولا شي
محمد... جيت يمها لزمت وجها بايدي حبيبي اسف والله منايم صار يومين حيل تعبان لاتزعلين مني
اميرة.... هاهية مزعلانه
محمد... بوسيني حتى اصدك
اميرة.... بسته من خده بس من ورا خشمي مردته يطلع واحنا زعلانين سلم علية وراح
