الجزء الخامس💕
محمد... رحت للمستشفى اليوم خفر خلص الدوام مالتي ورجعت الصبح للبيت محجيت ويا كل احد فتت لغرفتي وكفت كدام المراية نزعت هدومي تشوه فضيع صدري زندي بطني رجلي سبحانك ربي لو ميت مو جان احسن صافن ودموعي تجري فاتت امي علية كبل فزت هاي امي الي تعرف بية وعالجتني بيدها كل متشوفني تفز ودير وجها لعد هي شحسوي
ام محمد... ها يمة شو جيت ومحجيت ويانه مو عوايدك ظل بالي
محمد... ماكو شي يمة تعبان... احجي والبس بهدومي... يوم فدوة جوعان نوم اريد بس هدوء
ام محمد... اي حبيبي ارتاح زين متاكل شي
محمد... لايمة بس اريد انام عود بعدين.... طلعت امي وخليت راسي ع المخدة دورت بتلفوني مدازتلي اي شي يلة يجوز بدوام بعدها عفتها ونمت
اميرة.... كلش ضجت منه حتى لو تعبان ميصير يسوي هيج كلش خفت هاي احنا مخطوبين وهيج شون اذا تزوجته فكرت افلش بس ما اكدر اني احبه حيل يجوز هو الي سواه عادي بس لان اني ممتعودة شفت نسرين حجيتلها كامت تضحك
نسرين.... لج خبلة تفلشين علمود صيح عليج بابا اني وحيدر بالكتل صير بينه نزعل يومين وبعدين عادي هاي اذا واحد يحب الاخ بس اذا انتي محابته فهذا غير موضوع
اميرة... لاشون ماحبه ولج اموت عليه بس تعرفيني اني نحسه شوية
نسرين.... لامونحسه بس اهلج دللوج زايد عن اللزوم ومعملو حساب يجي يوم وتزوجين من رجال وممكن كلشي يصير وياج
اميرة.... هيج تكلين
نسرين.... لج بابا هذا يموت عليج وواضحة الشغله جان تعبان لتكبرين السالفة
اميرة... اقتنعت بكلامها رجعت للبيت بدلت واكلت وصعدت لغرفتي دكيتله مرتين ومرد خابرت على امه كالت جا ونام استغربت ليش مدكلي اني هم عفته ونمت
محمد... كعدت من النوم المغرب شفت تلفوني داكة علية مرتين ومن التعب محاس رجعت دكيتلها
اميرة... نمت وكعدت وهو مدك علية وصارت الدنيا مغرب كلش ضجت هيج ممهتم بية جان يدك تلفوني هو رديت عليه وصوته تعبان مبين هسه كاعد من النوم
محمد... هلو حبيبي دكيتيلي وجنت نايم والله محسيت
اميرة.... امممم وليش مدكيتلي قبل متنام
محمد... كلت هسه انتي بالمحاظرة واليوم رجعت شوية من وكت الصبح... اخبارج
اميرة... زينه
محمد... حبيبي بعده زعلان
اميرة....لا
محمد...لعد كوليلي احبك حتى اتاكد
اميرة... احبك
محمد.... الله واني اموت على اميرتي....
مرت الايام بسرعة واميرتي خلصت الرابع ونجحت بالكوة كالعاده لا وتتوسل بية بس نزوج نسوي طفل حتى تبطل واني ما اقبل... قرب موعد العرس واحس تقرب نهايتي وياه ما اعرف ليش خايف من ردت فعلها بس عندي امل تفهمني وتفهم عقدتي وانو اني مردت اخسرها...
اميرة... جا يوم عرسنا اني وحمودي جنت كلش فرحانة طايرة بيه حبيبي حعيش وياه ممصدكة طلعت اخبل بدله العرس بابا حجزلنا قاعه لان هو مجان عنده هاي الامكانية ومقبل بالبدايه بس بابا لح عليه وكله عود دين ووفيه احسن متداين من الغريب وقبل بالكوة
محمد.... صار العرس وجان كلش حلو بالقاعة اني شكد ثكيل بس من فرحتي بيها ضليت اركص وحسون اخوية ماقصر واهلي وجماعتي واهلها كلش تونسنا وتمنيت ميخلص العرس حتى لا اواجها...زفونا للفندق فتنا للغرفة واني جان التوتر واضح علية جيت يمها بستها من راسها.... مبروك علينا اميرتي
اميرة... الله يبارك بيك عمري شبيك
محمد... مبيه شي
اميرة... حبيبي لتخاف هي جكة دنبوس
محمد.... ولج تنصبين علية
اميرة.... ههههههههههه
محمد.... والله لموتج.... انهزمت مني واني اركض وراها ولزمتها من ايدها حيل وحصرتها بالحايط... يعني انتي مخايفة
اميرة.... لا ليش اخاف انت حبيبي وروحي وحياتي واعرف محتأذيني بالعكس هذا احلى يوم بحياتي لان انجمعت وياك جوا سكف واحد
محمد.... ياروحي انتي بستها وذابت بين ايدي شوية ووخرت
اميرة.... حبيبي اريد افوت اسبح حباب التسريحة موتتني وماريد اصير كفشة كدامك
محمد.... كيفت من كالت هيج ع الاقل ابدل ومتشوفني... اوك عمري بس لتااخرين علية
اميرة... ماشي
محمد... فاتت للحمام واني لبست بجامه نص ردن وطفيت الضوا ظل بس ضوا الحمام شوية وطلعت وحضنتها راسا من ورا حتى لتشوفني
اميرة.... شو طفيت الضوا حبيبي
محمد... خليها ظلمة احلى.... كملت شغلتنا وعشنا احلى ليلة نمنا واحد بحظن الاخ كعدت الصبح قبلها وفتت اسبح ومن كثر مادماغي مشغول وشون حفتح وياها الموضوع نسيت اقفل باب الحمام
اميرة... كعدت وشفته مو يمي عرفته بالحمام ديسبح كلت خل افوت يمه دكيت الباب مرد فتحتها انفتحت مقافلها وشفته كدامي وياريت مشفته تخبلت شفت واحد مشوه بمعنى الكلمة متت خوف على صدمة تمنيت اني بحلم عفته ورجعت للغرفة احاول استوعب الي شفته
محمد... فاتت علية وشافتني وتخبلت مردتها تعرف هيج اتمنيت اني اكلها لبست وطلعت وراها... حبيبي بس خل افهمج
اميرة.... شتفهمني انت واحد جذاب هاي شنو جسمك شنو هذا التشوه كتلي شي بسيط هذا شي بسيط.... احجي وارجف
محمد... حياتي بس سمعيني... حاولت اجي يمها احظنها
اميرة.... وخر عني لتلزمني انت واحد مشوه
محمد.... خلف الله عليج
اميرة... ليش ليش هيج كلت خل اعلقها بية حتى متكدر تحجي بعد مو
محمد... اي صح ردتج تحبيني حتى تشوفين محمد الحقيقي تشوفين الي بداخلي مو شكل بس مردت اخسرج
اميرة.... بس انت خسرتني وكعت من عيني
محمد... لتكولين هيج بس اهدي خل نتفاهم
اميرة... شنتفاهم اني لو ما العالم جان هسة رجعت لاهلي وماطل وياك لحظة
محمد... وتعوفيني اني احبج اميرتي انتي الي رجعتيلي الامل بهاي الدنيا
اميرة... عوفني محمد لتحجي وياية حرف مدا اكدر اسمع صوتك بعد روح من كدامي
محمد... لبست هدومي وطلعت من الغرفة كلت خل ترتاح واحجي وياها حقها انصدمت
