صحيت تاني يووم .. ومن الصباح بتذكر في ملامح فهد 😍😍.. الزول سمممح ياخ سمااااحه جد 😍😍..
رشا ونور كانو شغالين .. وانا وهدى قاعدين في الداخليه .. جات الساعه واحده كده وهدى قالت طالعه عندها مشوار.. قعدت براي طبعا ومافي موضوع .. قلت انزل اتمشى .. شارع النيل جنبنا بعد شارع واحد بس من الداخليه .. لبست بنطلون جينز وبلوزه لونها لحمي كده وختيت سماعاتي ورافعه شعري كعكعه ..
نزلت والشارع كلو بشاغل فيني .. وانا ماشه كده لمحت فهد😍.. كان واقف وصاري وشو وبتكلم في التلفون .. بقيت فاتحه خشمي مترييين وبعاااين ومقهيه في السمااااحه يااخ 😍😍 ... وقفت متنحه بس .. وهو يشيل ويكوورك .. قلت في جواي الراجل ده عصبي شكلو ..
واتذكرت نهرت امبارح 😡😡 وبدون ما اشعر جريت عليهو وقفت وراهو .. اتلفت وهو شايل تلفونو .. وعاين لي مستغرب .. 😳
وانا صااااره وشي .. قلت ليهو .. انت قااايل نفسك منو 😡 تكورك فيني امبارح .. وتنهرني .. بعدين ما شغلتك بي ان شاء الله احوم الساعه تلاته بالليل .. اصلوووو مابخصك فهمت .. 😡😡
( طبعا استجمعت الشجاعه ساااي .. لكن جوااي كنت برجف 😂😂)
فهد: عفوا .. انتي منو؟؟
انا: طبعا .. اكيد متعود تنهر الناس بدون اسباب ..
فهد: يابت الزمي ادبك 😡😡 .. بنهره قووويه كده ..
انا: هووووي ... قايلني بت شوارع ولا شااايفني شنو قدامك 😡
فهد: لا والله .. بت ناس انتي .. انا مابعرفك عشان اقول انتي بت ماكويسه .. بس ماتعلي صوتك على راجل 😋..
( قال لي كده بصوت هاااديء لاول مره يتكلم براحه 😳😳)
( ماعرفت اتفااااصح تاني ولميت لساني علي وبلعتو بس)
فهد: انا امبارح اتكلمت معاك كده .. لانو طبيعتي كده .. وبعدين انتي كنتي حايمه براك .. فالنفرض حصلت ليك حاجه بالليل ..
ما اتكلمت معاك كده الا بس عشان ماتكرري الحركه دي..
انا: نعم نعم .. وانت دخلك شنووو فيني بالله .😒😒
فهد: نحنا جينا عسكرنا هنا جنب الداخليه عشان .. في حوادث حصلت كتيييره اخر فتره .. يمكن شكلك جديده ؟
انا: اي انا برلومه 😋
فهد: طيب ياا.. ؟؟
انا: هيام 😃
فهد: طيب ياهيام .. في السنتين الفاتو حصلت مشاكل كتيييره .. في داخلية المها .. اغتصاب منها وزنا وقضايا كتيييره .. فنحنا جينا هنا عشان نحل القضايا دي.. مش فرضو عليكم الوقت الجديد؟؟
انا: ااي .. قالو لحدي الساعه سبعه تاني وحتنقفل .. 😳😳 .. بس دقييقه في حاجات زي دي بتحصل في السودان😳😳
فهد: هههههه انتي كنت بره ؟
انا: اااي من الامارات .. اول مره انزل ..
فهد: ظاااهر فييك من طريقه ملابسك
انا: قصدك شنو يا..
فهد: فهد 😃
انا: عارفه اي .. سمعت اسمك امبارح .. انت كابتن ولا ضابط ولاشنو ..
فهد: ماشغلتك 😋 .. واحسن ليييك تبعدي مني 😋
انا: نعم😳 ومنو القال اني جاريه وراك ..
( فهد ضحك كده باستهتار وقرب لي شويه وقال .. لو ما دايراني اتكلم معاك ما كنتي جيتي من هناك 😉 .. ومشى)
انا وقفت مصدومه فيهو ومتغااايظه من حركتو تاااني .. ليييه هو مفتري كده ياخ😡😡 .. ليهو حق لكن .. عشان سمممح 😍😍..
........
طبعا عشان كلامو ده .. وانا زااااتي مفتريه وعااجباااني روحي .. ليييه يفتري فيني😒😒.. قمممت بالليل طلعت تاااني من الداخليه بالدس 😆😆 .. قلت ادب بس .. وماااشه واتمحرك في الشارع واكشف ليهو 👀 الزوول مااافي نهااائي ياربي مشا وين .. اشتريت بيبسي وجيت راااجعه .. وعشان عنادي ده .. قابلوني تلاااته اولاد كبار كانو مخيفيين بجد وشكلهم سكرااانين .. انا من الخوف وقعت البيبسي وقلب وقف ولي اول مره اخاااف قدر ده 💔💔 .. ماعرفت اعمل شنو .. غير أرجع لي ورا .. واحد منهم قال ليهو جسمها سمممح ياخ 😍..
انا لما قال كده قربت ادوخ اقع بس😿..
والتاني قال لي .. تعالي ياحلوووة .. ورا الشجر هنا 😉 نبسطططك شووويه كده😘.. والتالت بعاين لي بعيون مخييييفه شدييييد .. ولي شعري .. وقال ليهم شعرها حريييري😍😍..
انا شلت رجليني وجرييييييت 😔😔 .. وهم ساكيني ولما وصلت اللفه .. بس زول مسك يدي وجراني .. وسكت خشمي بي يدو ..
وقال لي .. هسسسس ...
انا هنا الغرق اتمطر مني وماشااايفه زووول .. الضلااام شديييد ..
التلاته اولاد وصلو وبقو بفتشو فينو وبنادو .. ياعسل ويضحكووو .. يا ام شعر طويل 😂😂..
وانا الزول مسكتني وماعارفاهو منو.. لحدي ما الاولاد مشو ..
واتأكدت انهم مشو ... طلعني وهو مسكتني للنور والشارع فااااضي .. وفك خشمي .. قبلت عليهو لقيتو فهد ..
هنا قلبي برررد .. وحسيت باطمناااان شديييييييد وامااان غريييب .. حالتي مابعرف فهد زاااتو .. بس حسيت اني في امان ..
عاين لقى شعري فاااكي ... وانا كلي بتراجف من الهواء والخوف ..
وبس قال لي .. هيام ...
انا وقعت من طولي ... ودخت .. 😔
وثبتني بي يدو وبقى بقول لي .. هيام .. هيااام 👋 ..
لحدي ما كورك .. لي محمد وقال ليهو جيب كرسي سريييع .. جاب محمد الكرسي ... وشالوني للمخيم ..
ومحمد نادا مرت سيد الدكان سريييع .. ورقدتني في فرشه فهد 😍😍.. وطلعو وخلوني براي ..
وفهد كان كل دقيقه بجي يعاين لي .. اذا صحيت .. وانا زي جاتني صحيه بس لما لقيت نفسي جوا .. غمضت عيوني . وتاني جا داخل فهد .. وانا نايمه .. قال لي.. الأميره هيام ..
سبحاااان الله الخااالقك 😍😍... يمكن كانت اول مره .. يعاين لي ملامحي وشعري .. لأنو كل مره كان بتكلم معاي بدون تركيز..
عملت فيها ناايمه .. وهو كان بطلع بره المخيم .. ويجي. .. بس 😍
ونتقابل تاني باذن الله
