طبعا رجعت الداخليه مبسوووطه شديييد .. ونص الليل قمت قرمممت التويكس براااي.. بعد ديلك نااامو😆😆..
تاني يوم كان يوم الجمعه .. ومافي طريقه اطلع اشوف فهد فيها.. اها البطلعني شنوو 😒😒.. وناس نور ينقو وينقو وقالو نمشي ناكل بره سواا .. قلت ليهم ماادايره .. امشو براااكم ياخ وحاولت اتهرب عشان اقعد براااي.. في النهايه اقتنعو ومشو ..
وانا بس نزلو كده لبست فستاني الشفون الزهري بسييط وحزام بلأبيض وفكيت شعري الاسود 😆😆 .. ونزلت بسرررعه .. مشيت ولما وصلت للمخيم قعدت ابطء الخطوات واكشف👀 عشان اشوف فهد قاااعد ويين .. غايتو خيطت الشارع خمسه مرات عشان المحو😂😂 .. ربنا نصرني وجا طالع وهو ماسك ورق كده .. وطبعا ولا شااافني ومشى قعد في الكرسي جنب البحر وبكتب ..
انا اتسحبت براااحهه ومشيت وقفت وراهو .. اعاين واتاوق 👀.. طبعا نسيت قصه الضل بتاعي ده .. وفهد لمح الضل بتاعي 😂😂.. وبقى مركز مع حركتي .. وبقى يتحرك يمين وشمال وطبعا انا ماشه مع حركتو 😂😂😂.. وهو اتبسم وماقادر يكتم الضحكه 😂😂 💔💔
بعد شويه فجأههه الزوول قام على حيلو .. واتلفت علي ...
طبعا ماعرفت اعمل شنو 😳😳 موووقف بااايخ يااخ شديييد 😿.. امششي وييين في اللحظه دي بس 💦💦 .. ياخ انا بكرهك ياهيام ..
فهد: اووووو هيام .. صدفه جميله يارايقه ..
انا: فهد!! بالله انت كنت قاعد هنا؟
فهد:😂😂😂 انتي عااارفه انك عسسل ..
انا:☺☺☺☺
فهد: وبتاعت شمااارااات😂😂
انا: 😂😂 يلا بما انك نقشتني .. بس كنت دايره اعرف بتكتب في شنو 😂😂
فهد: يااازووله!!.. بس عشان كده😉
انا: اااي والله( حسيت بخجل كده )
فهد: وين وصيفاااتك ؟؟
انا:😂😂😂 الليله ماسمعوووك ... مشو يااكلو ياخ ..
فهد: يعني انتي براااك .. 😉
( طبعا السؤال ماطمني كيف😒😒)
انا: اااي برااي..
فهد: طيب .. عن اذنك .. انا مشغووول هسي
انا:😆 اتفضل ( اتغظت شديييد وقررربت اضربو من ثقالتو😒)
( فهد مشى طبعا وسفهني شديييد .. 😳😳 وقفت زي العويره براااي كده 😳😳)
ابيت امشي عشان مايقول جيت عشانو.. وقعدت في الارض واتربعت وبقيت بعاين للبحر .. وبقيت بتكلم مع روووحي برااي ..
اصلا هو واحد حيوان 😡 قااايل نفسووو منو 😡..مغرور .. مفتري. شايف روحو بس😏😏 فارغ وعديم موضوووع 😒.. قايلني فاالضيه ليهو مثلا ولي اشكالو دي😒😒... غبي ده 👊👊 ... غياااظ ياخ 👋.. ))(وصاااره وشي صررره كعععبه😡😡)) ...
ماعندو زوووق يااخ .. كرهتو وقلبي ابااهو😡😡
( وفجأة اسمع ليك صوت زول)
كرهتي منو وقلبك اباهو😂😂😂.. واتلفت القى فهد😳😳
طبعا بلعت ريقي وقررربت ابلع روووحي .. واللكعب من كده انو جايب بيبسي وسندوتشات وحاجات .. يعني سابني عشان يجيب فطور راقي لينا الاتنين . وانا ماخليت شي فيهو😔..
فهد قعد جنبي في الارض وهو بضحك فيني .. فتح الاكل والبيبسي واداني وقال لي .. انتي بتحبي تتكلمي براااك ؟؟
انا: لالا عندي جنيه بتظهر لي..👻👻 اوووووووو .. اوووو
فهد'؛:😂😂😂😂😂😂😂 ياااخ انتي عسسسل شدييد
انا: انا بخوف فيك ع فكره 😂😂😂 اوووو ..
فهد عاين لي بنظره حب كده .. وقال لي ... ماااف ملاك بخوف زول ..
انا الخجل اكلني طبعا وبالجد خجلت☺☺..
قال لي .. يلا اكلي .. ونحنا بناكل .. بدينا نتونس .. عرفتو على روحي وعلى اسرتي وكده وقلت ليهو يلا دورك 😆😆
فهد: انا اسمي .. فهد عبد الملك سليم .. ضابط ومتحري وكابتن ..
انا:_😳😳 ده كلو مااافهمت .. كيف كيف ده كلو
فهد: ضابط جرائم .. وعمليات وكابتن طيران ومتحري سري لأمن الدوله .. وهيام ماحتقدري تفهمي شغلي طبيعتو شنو
انا:انت قاري المجالات دي كلها ؟؟
فهد: المجالات الجات لحدي عندي 😄
انا: برضو مافهمتك ؟؟
فهد: ابوي رئيس الوزراء ... وامي في وزاره العدل هناء .... واخوي .. العقيد امير.. واختي جيهان .. وزيره التغذيه ..
انا:،😳😳😳
فهد: مالك؟
انا:ممكن امشي الداخليه .. )طبعا خفت منو بعد القالو ده 😳😳)
فهد: لا .. اقعدي اسمعيني
من عمري ١٦ اهلي انفصلو .. وانا سافرت وقريت في ماليزيا وجيت راجع قريت قانون ... الشغل الأنا فيهو ده اهلي ماراضين بيهو ... كانو عايزين امسك منصب كبير .. بس انا اتبعت عقلي بس .. ولا يوم عشت كاني ولد رئيس الوزراء ..
انا:_ فهد خليني امشي .. ممكن
فهد: براحتك ماحاضغط عليك ..
( طبعا جريت زي الهبله .. وقعدت في الغرفه .. لكن لحدي العصر كده .. حسيت انو مفروض اسمعو .. شكلو وراهو قصه حزينه 😿😿.. المهم نزلت تاااني ولقيتو قاعد في نفس مكانو بكتب .. جيت بكل عفويه قعدت في الارض قدامو وهو في الكرسي .. وقلت ليهو انا مستعده اسمعك .. احكي لي)
فهد ابتسم لي براااحه وقال لي .. حتثقي فيني بدون ماتعرفيني شديد ؟
انا: اااي .. 😃
فهد: قبل سته سنييين .. كنت بحب وحده هنا في الداخليه اسمها رهف .. طبعا انتي الوقت داك بتكوني في الاساس
انا:😂😂 ظررريف😒😒 .. اها تم ...
فهد: رهف كانت بتحكي لي عن الداخليه والبنات .. وانا ماكنت بعرف الداخليه وين كنت يادوب بديت اشتغل ..
جات ايام .. اختفت فيها وبقيت بفتش فيها .. وناس الداخليه اتصلو على اهلها وهم اتصلو علي.. لانو كانت علاقتنا وااااضحه للعلن ..
انا: اها قووول ؟؟
فهد: بدينا نفتش وماخلينا بلاغ .. بس برضو مالقيناها .. وخفت عليها شديييد .. وفي يوم جاتني رساله من واحد .. ابوي كان قتل ابوهو في حادث ودفع الديه والمشكله اتحلت بس الولد حلف ينتقم ..
انا:اها😳😳..
فهد: الولد اتصل وسمعني صوت رهف وهي بتصرخ ..
( وهو بتكلم انا حسيت بيهو عايز يبكي بس ماقااادر 😞)
وقال لي.. لو ماحرقت قلبك زي ما ابوك حرق قلبي .
انا طبعا ياهيام بقيت بكورك فيهو عشان يوريني مكانو.. بس قال لي .. بعد اخلص بوريك ..
انا: اها يافهد؟؟ ( طبعا ... قلبي وقف😳)
فهد: اغتصب رهف الحيوان .. ورسل لي المكان ولما وصلت .. لقيتها ميته ... اغتصبها بطريقه وحشيه شديييد ..
انا:😳😳😳😳...
فهد: وانا كنت عاااجز وماقدرت انقذها ولا احافظ عليها .. وطبعا دموعو نزلت مطررر بدون مايحس 😢😢..
انا ماقدرت امسك روحي وبكيت معااااهو.. ومسكت يدو وبقيت ابكي بحرقه من جواي ... 😭😭
نتقابل باذن الله 💔💔
