تاني يوم من الصباح .. ضرب لي مجتبى .. وبتونس معاي ويتظارف وانا اخلاقي فوووق منو واي كلمه ورد غطاها .. ماحاولت اضحك زاتو 😒وانا متاكده انو حسى اني ما طايقاااهو بس ماعارفه ليه كان مصر علي شديييد كده.. قعد يتونس ويتونس ولحدي ماقفل انا ماحاولت ارد عليهو بحاجه او اقول ليهو حاجه 😏 ..
هناك كان فهد بجمع في معلومات عنو .. ومراقبو .. والقدر جاب فهد قرييب مني تاني😖.. وانا ما كنت عارفاهو .. وفي الداخليه هناك هدى ونور كانو قاعدين .. وهدى كانت زعلااانه شديد من الحصل معاي ولانهم مافهمين حصل كده لييه ولي اخوي ساقني بالغصب كانت هدى ونور بيتناقشو ..
نور: هدى انا ماقااادره افهم ليه اخوها عمل كده .. هيام عملت شنو لحدي مايفصلها من الجامعه
هدى: واالله انا زيك ماقادره احدد .. ليه اشرف جا فجاة كده .. اكيييد في حاجه في الموضوع ده مفقووده 😞
( وجات رشا داخله الغرفه .. ختت تلفونها في الشاحن .. ودخلت تستحما .. تلفونها ضرب .. هدى: يارشا يارشا تلفووونك ..ضرب ..رشا: خليهو لما اطلع ..
هدى: طييب تمام ..
نور: ياهدى .. تلفون رشا فيهو رصيد ؟
هدى: ماعارفاهو دقيقه اشوفو ليك ..
وفتحت تشوف الرصيد .. جات رساله وتساب فوق ..
" براااافو يامزة ... كده فهد ممكن يكون من قسمتك ..😊😉"
هدى: نور نور(بصوت وااطي .. تعالي شوفي)
نور: في شنو.. 😕 وجات شافت الرساله بي فوق .. هدى ده شنو😳😳ده فهد اكيييد
.هدى: وطي صوووتك ياغبيه .. اوع تسمعنا😡
نور: افتحي الواتس سرييع نقرا المحادثه ..
هدى: لكن مقفول بي رمز ..
نور: ياخي انا بعرفو .. ٩٩٨@٣٢ .. يلا سريييع قبل ماتدخل
وفتحو الواتس .. بس الصدمه ليهم ماكانت رسايل رشا مع صحبتها هند الصدمه كانت لما شافو دردشه اشرف .. وفتحوها وشافو صورنا انا وفهد 😱😱 ..
هدى:😱😱😱 نووور ..
نور:😱😱هدى .. انا فهمممت الحصل كلووو بعد الشفتو ده
هدى: 😡😡😡الليله تصبر لي السافله ..
ومشت ضربت ليها باب الحمام .. رشااااا اطلعي سريييييع .. 😡😡😡
رشا:تلفوني ضرب؟؟
نور: اطلعي وبعداك بتعرفي ..
وتول ماطلعت هدى مسكتها ورمتها في السريير .. ومسكتها نور من يدها عوجتها ليها .. وطاااااخ ياهدى كف في وش رشا👋
هدى: ياحقيره ياسافله يامنحطه .. دي عشرتك يارخييييصه 👋👊 .. تمشي تشوهي صورة البت لي اهلها ..
نور: تفوو عليك يا كلبه ياعفنه ..
هدى: فهد ده ماااااف ليك .. مابتحصلي ومااابشوفك
نور: احلمممي بي حلم يا رخيييصه .. تفوو على وشك😡😡
( وضربوها ودقوها .. وطلعو بره الغرفه)
نور: هدى .. معناها هيام يحليلها .. حيكون قتلها عديييل اخوها الصعب ده ..
هدى: نور اسكتي خلاااص براي مقللقله ..😨 .. اعممل شنو انا هسسي 😨😭المشكله ماعندنا رقم ليها هناك .. بس عندي عنونا واديتو لي فهد ..
نور: ياغبيه .. فههههد 😍😍
هدى:فهد ساافر الامارات لي شغل ياهبله
نور:سااافر ياعبييطه كمان،😍😍
هدى:هييي صحححي .. ارسل ليهو واتس الحصل .. هو عارف عنوانه كمان 😍😍
نور:سرييييع هسسسي ترسلي ..
هدى: يحليلك هيامنا حبيبتنا😔
( رسلو لي فهد .. بتسجيل الحاصل كلووو معاي .. ويادوووب فهد فهم الحصل معاي وليه اختفيت ..)
نهايه الاسبوع يوم الخميس ..
طبعا خطيبي قال لي عايز اوديك لي امي .. لانها ماكان قدرت تجي وقال مره كبيره ومابتقدر وكده😖 .. ابوي قال لي البسي وامشي معاهو بعد ما اخد اذن من اهلي طبعا..
انا لبست وقعدت .. جاني ايهم اخوي الصغير وصاحبي ❤
قعد جنبي وحضني كده على كتفو .. وقال لي هيام .. انتي مبسوطه؟
( طبعا هو واخوي ماجد الكبير كانو مسافرين المانيا ورجعو لقوني مخطوبه .. 💔)
انا: اي يا ايهم .. مبسوطه حبييبي ماتخاف علي😋
ايهم: هيام .. فهد ده منو احكي لي ..
( وجانا اشرف طاير من اخر البيت .. دخل الغرفه)
اشرف:هياام جهزتي ؟؟
انا: ااي جاهزة .. ولابسه عبايتي
اشرف: يلامجتبى قرررب .. عشان ماتاخريهو
ايهم: اشرف ماتتكلم معاها بالاسلوب ده .. بتنهر فيها لي😡😡
اشرف: انت تسكت وماتتدخل .. دي امور مابتخصك😡😡
ايهم: ماتقول لي مابتخصك .. انا لحدي ماجيت مابتكلم معاك ولا سألتك عن الحركات البتعملها لي هيام دي😡😡.. ما تغصبها على شي
اشرف: هيااام انتي قلتي غاصبنك😡😡
انا: خلاااااص ياخ ماتكوركو لي في راسي😢😢
( جا ابوي وامي وماجد جاريين لانهم سمعو الكواريك )
ماجد: في شنو.. الكواريك في شنو ؟؟
اشرف: اخوك الصغير حضرتو .. عايز يوريني اتعاامل مع اختك كييف
اخر الزمن كمان 😡😡
ايهم: ماصغير انا عشان تكورك على كيفك فيني وفيها😡😡
ماجد: اشرف .. خلاص .. اخو وبتكلم مع اختو ماتتحشر ..
هيام بتبكي مالك انتي كمان؟؟
انا: ياخ تعبت تعبت😭😭( وانهررت من البكا)
ايهم: اطلعو كلكم وخلوونا براااانا
اشرف: مافي زول ضيعها الا انت بس😡😡
( وكان عايز يضرب ايهم .. بس الاتنين ثبتهم ابوي وقال ليهم .. اولااااد خلاااص .. انا واقف هنا 😡😡
احترام ماف 😡😡.. ماجد.. 😡😡😡 ده شنو البتعملو فيهو ده )
اشرف: اخوك الحيوان ده .. 😡😡 عايز يعلمها قله الادب
