بعد اخدت بكيتي كوويس مع فهد .. واستمريت انا في البكا .. لما هو بقى بحنس فيني اسكت😂😂.. سكت شووويه كده ... وجاتني هدى طاايره من السما .. نادتني واستاذنت من فهد ومشيت معاها الداخليه عشان نغسل ونجهز للجامعه ..
تاني يوم كنت شغاله .. طبعا فهد حسى باليوم غريب غريب .. ما شاف وشي .. وماعندو رقمي .. وكل دقيقه يتاوق للداخليه ويلقاني ماافي .. استغرب ! البت دي وين الليله 💔😿.... وانا رجعت الساعه سته متأخررره دخلت نممممت وصحيت اخدت حمام ظريف وغسلت شعري وعملت نسكافيه .. ووقفت في بلكونتنا اشرب .. جا فهد ماري وانا لمحتو 😍 كوركت ليهو.. ياااا ولد الرئيس .. اتلفت لي فوق واول ماشاف دي انا قعد يضحك 😂😂 .. اشر لي بيدو 👋وسألني كيفك .. قلت ليهو كوويسه .. انت كيفك ؟!
فهد: كوووويس انا .. كنتي وين انتي الليله. ..
انا: شغاله جااامعه .. انت بتسأل لييه😆😆
فهد: انزلي عشااان اوريك بسأل ليييه..
انا:ابيييييت يازول ... ( طبعا بشرب في النسكافيه وبمد في لساني👅 وبكاوي فيهو .. وهو بضحك ...)
فهد: انتي شااافعه والله ..
انا: آدري ياشيخ .. بعد ده ماااا حانزل ..( وقعدت فوق البلكونه )
فهد صرخ .... هياااااام ..
طبعا انا من الخلعه نزلت 😳 .. قلت ليهو في شنو !!
فهد: هسي لو وقعتي يا بت😡 ... انتبهي ياااخ .. وماتقعدي فوق
انا: انت خااايف علي ولا شنو😆!!!!
فهد:😒😒 ... انزلي عشان اوريك خايف ولا لا😆😆
انا: ابييييت برضو.. 👅👅👅..
فهد: يابت يالايوووووقه بطلي حركات العولاق البتسوي فيها دي 😂😂
انا: برضو ماحنزل الاتقول سبب مقنع .. 😆😆..اصلا النسكافيه خلص وهسي حادخل جوووه واخليك واقف براك 😆😆
فهد : عشان اشتقت اشوووفك هيامي ...
(طبعا قالها بصوت داااافيء كده وحنين 😍😍 حسيت بحنيتو دخلت جووووه قلبي بكلمتو دي😍😍😍.. وجريت نزلت ليهو طوااالي)
انا: 👋 ازيك .. سلم علي ..
فهد:😄 كيفك انتي!
انا: تماام والله .. بس يافهد المواعيد قربت وانا لازم اكون جوووه ..
( فهد قرب مني وقال لي .. انتي حلوووة كده حتى بدون اي مكياج .. طبعا انا خجلت لاني. كنت طالعه من الحمام 😂😂 ومغسله شعري بس كنت لابسه فستان طويل ومحتشم لاول مره وماضيق😂😂.. )
فهد: حاسوقك مشوار صغير وارجعك سريييع ممكن؟؟
انا: وييين طيب؟؟
فهد: قريييب هنا .. ( ركبنا سوا ووصلنا لي مول .. دخل جوه جاب لي طرحه اشتراها لي وطلع جانب جوه العربيه قال لي اتفضلي)
انا: ده شنو؟؟... انت قايل نفسك حتمشيني بمزاجك يعني؟ .. انا لو عايزة البس طرحه كان لبستها براااي😒😒.. بعدين انا ما منحرفه عشان تجيب لي طرحه انت .. ومابت شوارع .. وابوي رباني .. تمام؟
طبعا زعلت وكنت نازله .. بس هو وقفني وقال لي:
انا ماقلت الكلام ده كلوووو ... براك ظنيتي سوء فيني .. قربي لي
انا: ابيييت .. 😒😒 ورجعني سرييييع مكان جبتني .
فهد قرب مني وبدا يلف في شعري كعكعه ... طبعا انا لما قرب لياني اتربط وحسيت انو جسمي تلج وماقادره اتحرك او اقول ليهو ابعد ... فجاه كده القوه الجواي ضعفت واختفت .. ونفسي زاتو اتقطع .. لحدي ما كمل الكعكعه وهو ساااكت .. ولفى لي الطرحه شويه شويه حجاب حلوووو شديييد .. والاحلى انو زوقو حلو وعزلو حلو وجابها مع الفستان ظااابطه .. وبعد كمل لفه الطرحه .. قال لي ..
انا ماقصدي اهينك وماقصدت شي كعب .. بس انتي جوهره ومالازم اي زول عادي يشوف محتواها شنو .. 😄وانا لو كنت ابوكي .. كنت حبست في خزنه من الناس وماخليت زول يشوف جمالك ده 😋..
طبعا طريقه كلامو واسلوبو بتخلي الزول يحب الحاجه سرييع ويقتنع بيها...بيعرف كيف يعامل البت ويدخل قلبها وكيف يحافظ عليها .. انا بعد سمعتو قربت ادمع .. لانو بخاف علي وبحترمني بطريقه غرييبه والأحلى انو بعاملني برحمه وكاني بتو .. وكاني طفله عندو ..براحه براحه وبي سييياسه .. واحححلى سياسه كانت من فهد😍😍.. .
فهد: بعدين نحنا مش اصحاب ؟ ومامفروض نزعل من بعض؟
انا:اااي😍😍
فهد:طيب .. نرجع الطرحه ولا كيييف؟؟
اهم شيء رضاااك طبعا هيام .. مافي شي بدون رضاك
انا:😍😍فهد
فهد:عيووونووو
انا: انت بتعاملني كده ليييهه؟؟
فهد: عشان انتي مازي باااقي البنات . انتي برااك كده ... نكهه خاااصه وحاجه فريييده ... وزوله بتفاصيل كتيييره😍..
انا:😋😋😋😋😋... يعني انا شنو بالنسبه ليك؟؟
فهد عاين جووووه عيوني وقال لي .. اقول ليك .. بصراحه؟
انا: اي قول 😍( ومنتظره جوابو على احر من الجمر😍)
فهد: انتي بالنسبه لي .. صحبتي الماعندي رقمها 😂😂😂😂
انا:😒😒😒.. انت عارف انك ثقييييييييل 😒😒😒
وما حأديك ليهو زاتو عشان حركاتك دي يلا😒😒...
فهد شال تلفوني براهو .. وكتب رقمو ودق براهو ... وسجل اسمو فهد .. بس انا سجلني هيامي ❤ ...
طبعا عجبني الاسم وكنت بتبسم واول ما انتهى واتلفت لي صريت ليهو 😒.. عامله فيها متغااايظه وانا من جواي ما مصدقه ..
فهد: نمشي بعد ده عشان ماتتأخري؟
انا: طيب..._
ممكن نمشي 😄
ووصلنا الداخليه واول مانزلت .. قال لي هيامي .. ( طبعا بقولها بطريقه واحساس غريب ومختلف عن باقي البشر .. اتلفت ليهو)
فهد: البشوفك بمنظرك ده بدون مكياج ولافه حجابك ولابسه طويل .. بحس انو عايز يبحلق فيك اليوم كلووو من جمالك ...
انا خجللللت شدييييد😋😋😋
وفي جواي احساس بقول لي فهد عايز يحببك في الحجاب .. لانو بالجد خااايف عليك ياهيام .. ولانو بحترمك شديييد وخاتيك في عيونو ..
قلت ليهو...
شكرا ليك كتيييير يافهد 😋 ..
فهد: طيب امشي نووومي وماتساااهري .. ورقمك عندي 😉 اوووعك اشوفك ساهرتي لانو بكره عندك جامعه .. يلا تصبحي ع خير
انا: وانت بخييير ياربي😃
( عدينا زي شهر كده تاني ونحنا بنتكلم ونتونس كل يوم .. واتعذب معاي شديييد في حكايه الحجاب .. مره افكو مره الفو ... ولحدي ماقفلنا شهرين نحنا بنتكلم كأننا اصحاب بس😋 لكن غيرني من ناحية لبس وحجاب وتفكير... بالمختصر .. حببني في الحياه والناس .. وخلاني اشوف الدنيا بطعم ولون جديييد 😍😍.. بقى قريييب مني شديييد .. وكل يوم مكانتو كانت بتكبر جواااي ❤❤ .. انا بصراحه حبيتو وريدتو بدون ما اعرف ولا اتاكد اذا كان ببادلني نفس الشعور ولا لا .. .. بس يوم الاربعاء اللي هو كان اححححلى يوم في حياتي دي .. عرفت فيهو انو فهد ....)
نتقاااابل باذن الله
