واخيرا وصلت البيت ياربي شون ازدحامات ميت جوع ايي هسه اكيد الوالده مسويه احلا جدر دولمه طبيت البيت البيت بارد و مضلم صيحت يووم يماا ماما حجيه ياا وين راحت اكيد رايحه تسوك
دك تلفوني هذا سجاد شيريد ياربي موقبل شويه جنت ويا
الوو نعم
سجاد :تعال تغدى بيتنا
شكراا ماجوعان
سجاد قزل قرة من البارحه ماماكل شي دي تعال يلا امي و بويه ينتضروك
وسده بوجهي قبل لااحجي شي ركبت سيارتي ورحت البيتهم طبيت سلمت على ابو سجاد و الحجيه وكعدنا بألهول وجا وجه الطاوه سجاد اهووو هم جيت استاذ بطيخ (يقصد سجاد ) ايي جيت راس الدولكه ابو سجاد عيب عليك هذا ضيف ابني
سجاد:ضيف😞😞
مو هذا دايما ابيتنا متكلي ياضيف ☺
و الحجيه جابت غدى وتغديت سمج ولا اروع رجعت البيت ميت برد طبيت كعدت بألهول وادخن و اجر حسرات
اني كرار من بغداد عمري 26 وحيد بدنيا ايي وحيد بكل معنى الكلمه منتسب بألفرقه الذهبيه
بقيت على كعدتي الى ساعه 9 اليل فزيت ع صوت الباب انفتح قوي طبو اصدقائي
محمد : خاب وين جنت يول خفنا عليك
دريد : حبيبي بيك شي من العصر وحنا نتصل وماترد
عدي : انتا زين (اشوف الدمعه بعينهم )
اني: ايي زين بس جنت صافن و مانتبهت التلفوني
عمار : ايا نعال خفنا عليك والله روح ماضل بينا
اني:هيه اتصورتو اسوي شي بنفسي
مهند : ابني ليش كاعد الوحدك ليش ماتجي عدنا ع الاقل لاتبقى وحد
بكري : من البارحه اكلك تعال البيتنا ليش ماجيت
محمد : اتركونا من هل خبل وكولو اشنتعشى
عمر: خرب ونتا بس تفكر بكرشك
محمد : لعاد تريد افكر بشنو
سجاد : خلص امشو نتعشى بره و الحساب عليه 😮
سيف : هههههههههه غريب سجاد صاير كريم وكمنا طلعنا حتى نتعشى
هذوله اصدقائي لا لا هذوله اخوتي والله هذول عايلتي الي ماحصلت عليها ؟؟
........................... .............................
سمر ابن عمج هذا رايدج و اولى بيج من الغريب
سمر: يا اختي مااريده اخاف منه شون ازوج اريد ادرس
لمياء : ماكو دراسه هذا ابن عمج لاتفضحينا بألولايه ابويه طول عمره راسه مرفوع هسه انتي تنزلين راسه اكسر راسج و علي
ندى : سمر صيري عاقله انتي مو زغيره فكري بمستقل العايله ابن عمج تردين الحلا يطشر
سمر بصراخ ماازوج بعدني زغره زوجو غير وحده من خواتي اكره
طرااخ
دقايق صمت اول مره لمياء تضرب احد بينا شون تضرب وهاي ربتنا وجانت احن من امنا
لمياء: سمر حبيبتي ارضي بقسمتج صدكيني مع الايام راح تحبي وتكولين لمياء كالت
سمر : ماما (تقصد لمياء) والله اريد ادرس مااريد ازوج
لمياء بعصبيه : انجبي باجر يلبسوج الحلقه ويا ويلج اشوفج تبجين اطيح حضج وكول الاحمد يموتج والله هذا النقص تتأمر علينا و شالت ابنها و راحت
ونهارت سمر تبجي و هيه وجها مورم من ضرب ابوها وخوانها الها بسبب رفض الزواج
.................... ........................
كرار:-
بعد العشا رحنا على بيت مشترك مشتري اني و صدقائي لان اكثر الوقت نكون هناك طبعا كلنا نتسبين بجيش عدا عدي الي يشتغل بمحل تصليح السيارات
و محمد بدى يغني بصوتو الرنان الي لو يسمعه الحمار ينطرش😂
اعرفك على اصدقائي
محمد:- من النجف عمره32 شخص فوضوي و لسانه مايكف دقيقه (وهوه قائد المجموعه)
مهند:-من ديالى عمره 32 هادئ الى اخر درجه قليل الكلام بس كلش حنون
بكري:- من سليمانيه عمره31 شخص مسكين وعلى نياته ودائما
يكع بمشاكل محمد
عمر:- من النجف هوه صديق طفولة محمد محبوب و هادئ عكس اطباع محمد بس دائما يتستر الجرايم محمد
عدي:-من البصره محد يخلص من لسانه بس اتركه لتعليقات ع الناس عمره26
عمار :- من بغداد وهوه تلميذ عدي بكلشي يعني نفس الاطباع بحذافيره ونفس العمر هم
سيف:- من الانبار نفس اطباع عدي و عمار بس شويه اخف منهم عمره 28
دريد:- من بغداد عمره 31 بس ذو شخصيه متميزه تحسه اب حنون و مرات تحسه صارم بكلشي
سجاد :-هذا اول صديق تعرفة عليه نفس عمري هوه كردي من بغداد واقرب صديق اليه
رجعنا البيت ساعه 12 اليل دريد و سجاد كل واحد راح البيته وكعدنا نسولف
عمر : محمد ماترجع البيتكم باجر اني راجع
محمد :لا لا لا لللاااا ايي راح انزل اني هم اشوف اهلي
سيف: اني هم باجر رايح الاهلي
مهند: اني هم راح انزل الديالى
بكري: وني رايح الخوالي بسليمانيه
عمار: وني معزوم عد كرايبنا
عدي: وني اروح النجف
عمار النجف ليش نقلتو بيتكم شنو
عدي لاء يول معزومين عد عمامنا
محمد شباب شبيكم كلنا ننزل وكرار شوون
اني: لا انتو روحو تونسو و شوفو اهاليكم اني كلش زين عدي حط ايده على كتفي كرار تعال ويايه الوالده تفرح بشوفتك ووو
اني قاطعته: عدي روح شوف اهلك اني زين وضعي كلش زين
...............................................................
